2 Ịsamụwẹrị 10:12 - IWE ỌNỊNỊ

¹² Dị ọ rẹ ka, “Asị u hí angwa, vẹ ya sị ọtụtụrụma kụ̀ ịrẹkụ agụvị ẹkụra ayị ọnịrị agụvị ẹkụra Ohomorihi ayị. Ẹnẹyịmavara vaa mẹ̀ ịsa ene zee e eyi.”

2 Ịsamụwẹrị 10:12 ပူးပေါင်းရင်းမြစ်များ

2 Ịsamụwẹrị 10:11

Di Ijowabi ka, “Anarami ẹ̀ẹ sị kata huna mị, dị ụ va dọ mị ha. Àa vị Anamọnị sị kata huna wụ nị, dị ẹmị rẹ va dọ wụ̀ ha.”

2 Ịsamụwẹrị 15:26

Ọ kà àa vị Ẹnẹyịmavara kà o yi zee ọnị eyi ka ọnị ọ̀ vavọọ nyị oni iyi nị, ọnị ộ dọ. Ọ kà ịsị èe zee e eyi kẹnẹ ọ mẹ̀ ọnị.

1 Ịtọpa 19:13

Ijowabi ka Abisayi ọ̀ sị tụ ayọvị, dị ọ̀ vẹ ẹnị ẹ̀ sị ọtụtụrụma kụ̀ ịrẹkụ ọnọnị agụvị anda ẹnịnị ọnịrị agụvị ẹkụra Ohomorihi ẹnịnị Ẹnẹyịmavara òo me yi sì ọ kẹnẹ, ọ̀ vavọọ mẹ̀ ẹ.

2 Ịtọpa 32:7

Dị ọ kà, ẹnịnị ẹ̀ vị ayị, asị ẹ̀ hí angwa ohinọyị Anasiriya a vị isoja ẹnịnị vụrụ-vụrụ agụvị ka ẹnị ẹ nyị ụkata huna wa nị.

Inehemaya 4:14

Ịjị ọnị re ka angwa ee hí aza, dị ọnị hị́ ọdọvịdị nịnị ọnịrị aza ana vọ gụ, dị ọnị tụ wa ọtụtụrụma ka asị e hí angwa ọnịvị ẹnịnị. Ẹ tama ayị Ẹnẹyịmavara mẹmẹ banyị ọnịrị ẹpazizi anị. Ẹ kwẹẹtẹ ẹ vụ ịrẹvụ agụvị anda ẹnịnị, ezi ẹnịnị ẹnịrị ese ẹnịnị ne beri ovwoovu ẹnịnị.

Inehemaya 4:8

Dị avaba ẹnịnị gẹ eyi ka ẹnị aa kụ ịrẹkụ vee tu Anijerusarẹmị nịnị, dị ẹnị ẹ va yị zi nị.

Ẹsịta 4:16

ọ̀ kụ́ avaba Aniju ọnị òo re gụ ẹkụra Isusa. Dị à kà yị wa ka asị ẹ rị ịsa, dị asị e hú enyi pooro na ngụ ẹkụhị ẹẹta. Ọ kà avọọ gẹdẹ-gẹdẹ ọnịrị ezi ahụ anị mẹ̀ rẹ vaa mẹ nị. Ịrẹma ẹsẹnị ọnị ve nee tù ohinọyị. Ọ kà ọnị ọ daka yẹ ka ọda ọ yi vavọọ zẹẹ; ọnị ọ̀ọ daka hụvị avọọ su, ọnị ọọ dọ.

Ijoovu 1:21

Dị Ijoovu ka, ahwaahụ a ma ọnị nị. Ahwaahụ ọnị rẹ sị su nị. Ẹnẹyịmavara ana sị ịsa ẹnẹnị yị ọnị, ọ rẹ sị ịsa anị nị. Ọnị ọ kụ ọ avọ

Ịrịka 13:20

Ịzọọ óó zoza ẹtẹ ịrụkụ? Ịzọọ óó nyị ochị a vị ẹ yị nyị ọchị? Imosiisi kà ọnụtụ ẹnẹẹ ẹ sị vụrị ẹ jị ẹtụtụ ịsa ẹtẹ ịzọọ va zụ ọnị. Ụmẹ ịsa ọyịna ọ vị nị.

1 Anịkọrịntị 16:13

Wee zi nịnị, jẹẹ geri-geri ịnị ẹdọwụ awụ nịnị, nyị ọtụtụrụma, dị ụ wa nyị ụkata nịnị!

Iwe Ọhụhị Imosiisi ana aa hị́ Ọyịvatụrọda 31:6

Ọ kà ẹ̀ nyị ọtụtụrụma, dị ẹ̀ sị ayị ẹnịnị vị ọnya ẹtẹẹtẹrẹ. Asị e hí angwa ọnịvị ẹnịnị agụvị ka ọnị ana vị Ohomorihi ẹnịnị vaa ya pe wa. Ọnị ẹ yị vaa hụrẹ wa ụvọ

Iwe Ọhụhị Imosiisi ana aa hị́ Ọyịvatụrọda 31:7

Ịjọnọọ, dị Imosiisi hị́ Ijosuwa eyi avaba Anisirẹrị nịnị, dị ọ̀ kà yọ ka ọ̀ nyị ọtụtụrụma, dị ọ̀ sị ayị vị ọnya ẹtẹẹtẹrẹ; ka ọnị ọ vaa kụ Anisirẹrị nịnị na dọ ẹtẹ ọnị Ẹnẹyịmavara hị́ eku anị yị ohiku ẹnịnị nị.

Anihiburu 11:33

Ẹnịnị ệ sị ayị tụra Ohomorihi, dị ọ mẹ ka ẹ̀ zụ nyị ehuna ẹkụra irenyi-irenyi nị, ệ mẹ̀ ịsa ana vọrọ, ệ dọ ịsa oni Ohomorihi zẹẹ wa ịzẹzẹ anị. Aza ẹnyị ẹnịnị ệ mẹ ka idu nịnị è kú irenu ẹnịnị kú oku.

Anihiburu 13:6

Agụvị avọọ ayị ayị ọ zụ vị́, dị yaa kà a ka, “Ananyị yị ọ vị ọnọgụvọ amị nị, me yi vee hí angwa. Sị ọza nyẹngụ mẹ mị?”

Ijosuwa 1:18

Ẹ rẹ ka àa nyị ọza ọnyọọnyị ana kụ̀ hịrẹ Ijosuwa, dị ọ̀ yị saasa avaba ịrẹyị ọnị ọ kà yị ẹnị nị, vị a vaa wụ́ ọza ọnọọ nị. Ẹ ka ọ nyị nyị ọtụtụrụma kẹnẹ, dị ọ sị ayị vị ọnya.

Ijosuwa 1:9

Dị Ẹnẹyịmavara rẹ ka ọnị ọ kà a yọ nọ! ọnị ka ọ̀ nyị ọtụtụrụma dị ọ sị ayị vị ọnya. Ọ kà asị o hí angwa, asị ayị hụrẹ ẹ ịnẹ ka ọnị Ẹnẹyịmavara ana vi Ohomorihi anị vaa yàa pè e oze tụra oze ọnị ọ̀ọ vaa zị.

Ọdọvịdị 10:15

Ama dị Anisirẹrị da ịpẹ yị Ẹnẹyịmavara, dị ẹ ka ẹnẹ ẹ sị ịvị mẹ nị. Dị ẹ ka Ẹnẹyịmavara ọ sị ụya rị ẹnị ọ mẹ za eyi, ama ọ dọ ẹnị tụ nị.

1 Ịsamụwẹrị 14:12

Di isoja ene hi udi Anihwirisiti nowu, dị ẹ ka, “Hịrẹ ve tù yị nịnị, dị wa yẹ ịsị ịra mẹ anchị nịnị!” Di Ijonatani hị́ ọza anaā za ẹnya ịrẹkụ anịị gụ ọ dị ọ ka, “Wa hịrẹẹ dụ mịị vẹ, ka Ẹnẹyịmavara ọ raà sị aza ẹnịnị chire Anisirẹrị ụvọ.”

1 Ịsamụwẹrị 14:6

Di Ijonatani hị́ ozi ọnọrụ anaā za ẹnya ịrẹkụ anịị gụ ọ dị ọ ka, “vẹ ya nọ akẹnẹ ne tù ẹẹmẹ ẹnẹẹ ẹnẹ ẹ̀ yị mā jị ụvẹvẹnẹ avọọ údi ẹnịnị. Àa ka ọnị mẹ Ẹnẹyịmavara vaa gụ yị ụvọ. Mâ yẹ ka ẹ yị nyị ịsị ẹ zụ za Ẹnẹyịmavara kà asị ọ dọ ọza tụ́, òo zee e eyi ịsa ọnọọ ọ banyị, òo zee eyi oweyi.”

1 Ịsamụwẹrị 17:32

Idevidi mè tù ịda Ịsọọrụ dị ọ kà a yị Ịsọọrụ dị ọ ka asị a nyị ọza ana ayị hụrẹ ịnẹ agụvị Anihwirisiti ọnọọ. Ọ kà ọnị Idevidi ozida Ịsọọrụ ve nee pe Anihwirisiti ọnọọ kụ̀ ịrẹkụ.

1 Ịsamụwẹrị 3:18

Ịzẹyịza dị Ịsamụwẹrị kà avaba ịrẹyịị yọ nị. Ẹ yị nyị ọnị ọ sị tẹ vụrụ-vụrụ. Ịjị Eri sị avaba ịrẹyị wụ́ dị ọ ka ọnị ộ dọ, Ohomorihi ọ vị Ẹnẹyịmavara nị, ịsị òo ro ka ô zoza kẹnẹ, ọ̀ mẹ̀ ẹ.

1 Ịsamụwẹrị 4:9

Dị ọdọvịdị Anihwirisiti ka, “Ẹwụ nịnị anda ayị, asị u rè hí angwa nịnị. Waā kụ́ ịrẹkụ awụ nịnị anka ọnọrụ. Wẹ̀ yị nyị ọtụtụrụma nịnị, vi Anihiburu aa za wụ nịnị ọrịhị anka ị mẹ̀ vịdị za wa ọrịhị nị. Asị u hí angwa, wa kụ̀ ịrẹkụ awụ nịnị!”