2 Ịsamụwẹrị 1:2 - IWE ỌNỊNỊ

² dị ahịka eyinẹhẹ oni Idevidi vavọọ vẹ ọ́za ịnya zwe hụrẹ ịnị isoja Ịsọọrụ di o ve tù Idevidi nị. Ọ màa vẹ, awuru anị vị ọnị ọ na, dị ọ ká ezi và hi ịrẹsụ ana si zụ̀ ka ayị anị vị ana nyayịnẹ du nị. O mè ve tù Idevidi dị ọ tana tụra ẹtẹ dị ọ kụ́ ọ nị.

2 Ịsamụwẹrị 1:2 ပူးပေါင်းရင်းမြစ်များ

Oyinyima 22:4

Ịhyẹgwẹta eni e nyima ụsẹ, di Abụrahamị kana eyi, di ee re ịzọọ ẹ́nẹẹnẹ nị.

Oyinyima 37:29

Ịjị Irubẹnị ọnị varẹma nọ ịnị ịkangga ọnọọ ka oni ò ne hee Ijosẹẹhụ, o yi kuku re e ịzọọ. Dị ọza awuru anị, dị ọ na a.

Oyinyima 37:34

Di Ijekọvụ za awuru anị dị ọ na a, dị ọ chire ịta orere, di o jị òrèrè Ijosẹẹhụ mẹ ẹkụhị ọrụrụ-ọrụrụ nị.

Oyinyima 43:28

Dị ẹ ka, “Ada ẹnịnị yị yà ịzọọ, ộ da hi.” Dị ẹ rẹ ka ịrẹsụ hi, dị ẹ kụ́ ọ nị.

2 Ịsamụwẹrị 1:3

Di Idevidi va họ̀ ọ ka ịzị ọ hụrẹ vẹ? Dị ọza ọnọọ ka ini isoja Anisirẹrị ọnị zwe hụrẹ vẹ nị.

2 Ịsamụwẹrị 13:19

Di Ịtama ka ezi hi ịrẹsụ ana sị zụ̀ ka ayị anị ô du, dị ọ na awuru ọgọdọ anị ọnọọ oni o chire, dị ọ tụ̀ ụvọ kú ịrẹsụ dị aa tụ́ oreree na nị.

2 Ịsamụwẹrị 14:4

Ịjị ọnẹẹ Anitekowa ọnọọ tù ịda ohinọyị, dị ọ tana tụra ẹtẹ kụ́ ohinọyị nị. Dị ọ ka, “Taarụ, navọ wa dọ mi tụ́.”

2 Ịsamụwẹrị 15:32

Idevidi ọ na sị ngụ ịrẹsụ ataba ịzị aza yàa hẹkẹ Ohomorihi. Di o ne tù ka Ihusayi Anaakị yà ịzọọ ka ọnị ọ̀ va gẹrị ọ nị. Awuru Ihusayi vị ana na, dị ịrẹsụ anị vị ezi-ezi.

2 Ịsamụwẹrị 24:20

Arawuna ộ kana eyi, di o re ka ohinọyị ọnịrị ezi ahụ anị aa vẹ ịda anị nị. Dị Arawuna jịnẹ ne tù ohinọyị, dị ọ tana tụra ẹtẹ kụ́ ọ nị.

2 Ịsamụwẹrị 4:10

 nyị ẹkụhị ọnya ọnị ọza ịnya va kà a mị Izikiragi ka Ịsọọrụ ô wusu. Vi o ro ka enube ọyịza ọnị va kà a mị nị. Ọza ọnọọ vị ẹnị mị za dị mị wụ̀ ọ ịzọọ. Ọgụ ọnị ọ dọ ini enube ọnị ọ va kà ọ vị ọnọọ nị.

Ẹsịta 4:16

ọ̀ kụ́ avaba Aniju ọnị òo re gụ ẹkụra Isusa. Dị à kà yị wa ka asị ẹ rị ịsa, dị asị e hú enyi pooro na ngụ ẹkụhị ẹẹta. Ọ kà avọọ gẹdẹ-gẹdẹ ọnịrị ezi ahụ anị mẹ̀ rẹ vaa mẹ nị. Ịrẹma ẹsẹnị ọnị ve nee tù ohinọyị. Ọ kà ọnị ọ daka yẹ ka ọda ọ yi vavọọ zẹẹ; ọnị ọ̀ọ daka hụvị avọọ su, ọnị ọọ dọ.

Ẹsịta 5:1

Ịhyẹgwẹta ọnị Ẹsịta vavọọ tụ́ ụtụ hi Imodekaya, dị ọ kụ́ ẹnya ose ohinọyị, dị ọ ngụ ohweje ohinọyị ana ya ịnị ịnẹ na jẹẹ ọvịdị ode ohinọyị nị. Ohinọyị vi ana yaatẹ và eyi kà oze ana aā zịị ngụ ini ohweje ọnọọ.

Ahẹ Ụgama 66:3

Waā kà a yị Ohomorihi nịnị ka ụkọrọ amị vi ene eē hí ọza angwa. Kà a ka ụkata anị ọ banyị pooro ana ahịka ọnịvị anị mè re e, vị angwa ee hi wa dị ẹ yaa vaa kú ẹtẹ nị.

Ezikẹẹrị 27:30

Avaba ẹnịnị vaa jị òrèrè ọngwọọngụ agụvị awụ nịnị, dị ẹ kụ ezi ku ịrẹsụ, dị eyee muna ẹtẹ ẹ maa jị òrèrè.

Ihoseya 6:2

O yi vee ku dị Ẹnẹyịmavara ọ va ẹnị nọ udi ẹnịnị agụvị dị ẹnị ẹ ra di oo re wa.

Ijowẹrị 2:13

Ẹnịnị ẹ̀ sị ịzẹyịza zị ẹngụ, ọnị ọ mẹ huu ka e na achị ẹnịnị hi ẹngụ ka ẹnị aa ba arụwẹ nị. Ẹnẹyịmavara kà ẹ varẹma vẹ ịda anị ana vị Ohomorihi ẹnịnị. Ọnịị̄ vayị ọza ẹtẹẹtẹrẹ, dị ọnịị̄ ngwayịi ọza nị. Ọnịị̄ sị ẹngụ dọ ịrẹyị, dị ọnịị̄ sị ụvọ za oto anị nị; dị ọnịị̄ vagu ọza ana aa mẹ̀ ebira odivi, dị ọnị ẹ yi sị ụya rị ọ.

Imatiwu 12:40

Íjona mẹ̀ yà ịnịnẹ ivovo ọbanyị ọnọọ mẹ ọọdụ ẹẹta ọnịrị ịrahụ ẹẹta, avọọ Ózi ọza onigirima mẹ̀ rẹ vaa mẹ ọọ dụ ẹẹta ọnịrị ịrahụ ẹẹta ịnịnẹ ẹtẹ nị.

Imatiwu 16:21

Hụrẹ ụmẹ ọnọọ, dị Ijeesu aa kà a yị ezirẹma anị ka â nyị ka ọnị ọ̀ nọ Ijerusarẹmị, dị azọkụ nịnị beri ohirẹsụ ẹbanyị irehi Ohomorihi ọnịrị ọzwọzọda nịnị ẹ̀ sị ụya rị ọnị ẹtẹẹtẹrẹ, dị ẹ̀ wụ ọnị, ịhyẹgwẹta anị, dị Ohomorihi ọ̀ rẹ ha ọnị hụụnị isu.

Ijosuwa 7:6

Ịjị Ijosuwa wu enube ọnọọ, dị ọ ha awuru anị hi ẹngụ, dị ọ ne ẹngụ anị nya ẹtẹ ọvịdị apoti oto pooro na ngụ oruva anị nị. Dị ọdọvịdị Anisirẹrị ẹnịnị ẹnị ra zị ẹngụ beri ọ, dị ẹ kụ́ edudu ku ịrẹsụ ẹnịnị nị.

Ẹtore 3:9

Re, aza ana vị ezirẹma Echu ene ee cheeche ka Aniju ẹ́nị vị nị, dị ẹ̀yị vị Aniju avọọ, mị vaa mẹ ka è ve ku ẹtẹ ọ́vịdị awụ, dị ẹ̀ yẹ ka mée sì ịrẹyị awụ.

1 Ịsamụwẹrị 20:41

Ozi ọnọọ mẹ̀ si hu, di Idevidi kwẹẹtẹ hụrẹ akaha ịrẹta ịzị ọ tẹ tụ́ nị. Dị ọ tana tụra ẹtẹ kụ́ Ijonatani ụpẹ ẹẹta nị. Di e kú ẹngụ irenu di eyee sụ ùnè nị. Di ahịka Idevidi ee sụ ùnè hu nị.

1 Ịsamụwẹrị 25:23

Abigẹrị mé re Idevidi kẹnẹ, dị ọ wụsẹ chi hụụnị ịkẹrịkẹtẹ anị hị́ ẹtẹ, dị ọ tana tụra ẹtẹ ọvịdị Idevidi dị ọ kụ́ ọ nị.

1 Ịsamụwẹrị 4:12

 nyị Anịbẹnjamịnị ọnya aanị ene zwe hụrẹ eyi ịrẹkụ dị ọ va ngụ Isiro ịhị ọnọọ ịhị ọnọọ. Ó mèe vẹ, awuru anị vị ọnị ọ na, dị ọ ká ezi và hi ịrẹsụ áyị anị mè du pooro.

1 Ịsamụwẹrị 4:16

Dị ọza ene zwe hụrẹ eyi ịrẹkụ vẹ aanị wụsẹ ne tù Eri dị ọ kà a yọ ka éyi ịrẹkụ ọnị hụrẹ vẹ nọ. Ọ kà ajịnị ọnị zwe vẹ nị. Di Eri họ̀ ọza ene zwe vẹ aanị dị ọ ka, “Ozi emi, ịrẹkụ mẹmẹ yà kẹ?”