2 Ịsamụwẹrị 1:11 - IWE ỌNỊNỊ

¹¹ Di Idevidi ọnịrị aza ene hi ịzọọ pè e za awuru ẹnịnị dị ẹ na a, áyị màa kụ́ wa nị.

2 Ịsamụwẹrị 1:11 ပူးပေါင်းရင်းမြစ်များ

Oyinyima 37:29

Ịjị Irubẹnị ọnị varẹma nọ ịnị ịkangga ọnọọ ka oni ò ne hee Ijosẹẹhụ, o yi kuku re e ịzọọ. Dị ọza awuru anị, dị ọ na a.

Oyinyima 37:34

Di Ijekọvụ za awuru anị dị ọ na a, dị ọ chire ịta orere, di o jị òrèrè Ijosẹẹhụ mẹ ẹkụhị ọrụrụ-ọrụrụ nị.

Oyinyima 44:13

Ayị ẹnịnị e si du, dị ẹ za ịta ẹnịnị dị ẹ na a nị. Dị ọzọza varẹma kune ẹnya anị tụra ịkẹrịkẹtẹ anị, dị ẹ varẹma aa nọ ịnị ẹkụra nị.

2 Ịsamụwẹrị 13:19

Di Ịtama ka ezi hi ịrẹsụ ana sị zụ̀ ka ayị anị ô du, dị ọ na awuru ọgọdọ anị ọnọọ oni o chire, dị ọ tụ̀ ụvọ kú ịrẹsụ dị aa tụ́ oreree na nị.

2 Ịsamụwẹrị 13:31

Di ohinọyị kwẹẹtẹ dị ọ za awuru anị dị ọ na a ana sị zụ̀ ka ayị aa kụ́ ọ, dị ọ hụtụ ini eteesu nị. Dị avaba ezi ahụ anị vavọọ jẹẹ pè e, dị ẹnị rẹ za awuru ẹnịnị dị ẹ na a nị.

2 Ịsamụwẹrị 3:31

Di Idevidi kà a yi Ijowabi ọnịrị aza ọnị ọnịrịị jẹẹ dị ọ ka, “Na awuru awụ nịnị, dị wa si awuru orere chire nịnị, dị wa yà ọvịdị oku Abịna dị waa jị oreree na nịnị!” Idevidi ohinọyị ọnị ụvọta vị ana yà ịrẹma iposi dị aa dụ ọ ịrẹma.

2 Ohinọyị 5:7

Óhinọyị Anisirẹrị mẹ̀ kà ịrẹta ọnọnị kẹnẹ, dị ayị anị du, dị ọ na awuru anị hi ẹngụ. Ọ kà, vị ọnị wáá vị Ohomorihi ana zụ dọ ọza ụhwẹ, dị ọ́ rẹ zụ mẹ ka ọza ọ̀ yara nị? Sị ẹ vẹ dị aa tụ ọza vee tu ọnị ka ọnị ọ̀ mẹ̀ ẹ ụkụ ọbanyị anị? Ọ kà, è re ka, vị ohinọyị Isiriya ee sì ọnị ịrazị kẹnẹ aanị nị.

2 Ịtọpa 34:27

Ô ro ịnẹ, dị ọ va ẹngụ nẹtẹ ọvịdị anị, dị ọ na awuru anị hi ẹngụ, di e sụ ùnè agụvị ka ộ wụ́ ka oni o chire wa angwa ka ọnị aa sị ụya rị Ijerusarẹmị ọnịrị aza ene hi ịzọọ. Ẹnẹyịmavara kà ọnị ọ raà wụ́ aduwa anị.

Ẹzịra 9:3

Enube ọnọnị ộ mẹ̀ ka ayị ọ̀ kụ mị ẹtẹẹtẹrẹ. Dị mị na awuru amị hi ẹngụ, dị mị kụ ịrẹsụ amị ọnịrị ịrẹwa amị nị. Ịrẹyị ọnọọ vị ana nyayịnẹ va mị ẹngụ hi, dị mị yaayịtẹ

Ẹsịta 4:1

Imodekaya ọ sị yẹ avaba ịsa ana a mẹ. Ịrẹyị ọnọọ ọ zị ọ ẹngụ pooro, dị ọ za awuru anị dị ọ na a, dị ọ kụ́ atịtọ kú ịrẹsụ nị, di a tụ́ orere booro-booro ngụ ịnị ẹkụra zịịzị nị.

Ijeremaya 36:24

Angwa e yi re ve hí ohinọyị ọnịrị ezi ahụ anị ana wụ́ ịrẹyị ọnọnị. Ẹnịnị ẹ́ yị daba mẹ̀ ebira ana sị zụ ka ẹnị ee du ayị vụrụ-vụrụ.

Ijowẹrị 2:13

Ẹnịnị ẹ̀ sị ịzẹyịza zị ẹngụ, ọnị ọ mẹ huu ka e na achị ẹnịnị hi ẹngụ ka ẹnị aa ba arụwẹ nị. Ẹnẹyịmavara kà ẹ varẹma vẹ ịda anị ana vị Ohomorihi ẹnịnị. Ọnịị̄ vayị ọza ẹtẹẹtẹrẹ, dị ọnịị̄ ngwayịi ọza nị. Ọnịị̄ sị ẹngụ dọ ịrẹyị, dị ọnịị̄ sị ụvọ za oto anị nị; dị ọnịị̄ vagu ọza ana aa mẹ̀ ebira odivi, dị ọnị ẹ yi sị ụya rị ọ.

Odeyi 14:14

Ịjị Ịbanabasị ọnịrị Ịpọọrụ wụ́ ịsị aza ẹnẹẹ ee sì ka ẹnị ẹ̀ mẹ, dị ẹ na awuru ẹnịnị, ẹ màa kụ́ ayị, di e zwe na ngụ ịnị akakana aza ẹnẹẹ, di e nowu zẹtẹ ka,

Aniroomi 12:15

Aza ana àaa jẹ, wee pe waa jẹ nịnị! Aza ana àaa raa jị òrèrè, we ree pe waa jị òrèrè nịnị.

Ijosuwa 7:6

Ịjị Ijosuwa wu enube ọnọọ, dị ọ ha awuru anị hi ẹngụ, dị ọ ne ẹngụ anị nya ẹtẹ ọvịdị apoti oto pooro na ngụ oruva anị nị. Dị ọdọvịdị Anisirẹrị ẹnịnị ẹnị ra zị ẹngụ beri ọ, dị ẹ kụ́ edudu ku ịrẹsụ ẹnịnị nị.