2 Ịjọọnụ 1:3 - IWE ỌNỊNỊ

³ Ohomorihi Ada ayị ọnịrị Ozi anị Ijeesu Ikirisiti ẹ̀ mẹ ọyịza yị yị, dị ẹ̀ rẹ sị ẹngwọọrọ yị yị. Ọ vaa sịị yị ị màa saasa ịzẹyịza anị, di i ree sì ịrẹyị ẹngụ.

2 Ịjọọnụ 1:3 ပူးပေါင်းရင်းမြစ်များ

Ịzakaraya 8:19

Ộ kà: Awẹ ụhwẹ ẹẹna, ụhwẹ ẹẹhị, ụhwẹ ịhịmba, ụhwẹ ẹẹwụ ọnị ẹ za vaa vara ụmẹ eche ịrajẹ ọnịrị ụmẹ ayohine yị aza ene hi Ijuda; avọọ e sì ịrẹyị ịzẹyịza ọnịrị ẹngwọọrọ.

Aniroomi 1:7

Mâ kụ́ avaba awụ nịnị ene hi Iroomi oni Ohomorihi sì ịrẹyị anị, dị ọ hị́ wụ nịnị ka wa vị aza anị. Ohomorihi Ada ayị ọnịrị Ijeesu Ananyị yị ọnị ọ nyị ka ọ̀ dọ yị há ẹ̀ mẹ ọyịza wụ nịnị, dị ẹ̀ rẹ sị ẹngwọọrọ yị wụ nịnị!

Anigaratiya 5:6

Ọza ọnịrị Ijeesu ọ̀ọ vị ọnya, ọ̀ọ jị ụvẹvẹnẹ oo, ọ̀yị jị ụvẹvẹnẹ oo, ẹ yị nyị ọ mẹ̀ kà; avaba ẹnịnị vị ọnya. Ama ịsị ẹ vị ịrẹyị ẹtẹẹtẹrẹ ọ vị ka ya sị ayị tụra Ijeesu, di ye re sì ịrẹyị ẹngụ, ana sị zụ̀ ka yáa sị ayị tụraa.

1 Itimoti 1:14

Ananyị yị ọ va vayị amị ẹnẹmẹhị; ộ mẹ̀ ka ma zụ sị ayị tụra ọnị, di me ree sì ịrẹyị ọza. Ọza ọnị ọnịrị Ijeesu Ikirisiti sị vị ọnya, ọọ̄ vavọọ mẹẹ yị nị.

1 Itimoti 1:2

Maa chẹrẹ iwe ọnọnịị tụ́ụ hi wu Itimoti, ana vị ozi emi ini oze ka ẹma sị ọọ vẹ ka ọ̀ va sị ayị tụra Ohomorihi nị. Ohomorihi Ada ayị ọnịrị Ijeesu Ikirisiti Ananyị yị ẹ̀ mẹ ọyịza wụ, ọ vayị awụ, dị ẹ̀ rẹ mẹ ẹngwọọrọ yị wụ.

2 Itimoti 1:13

Ịrẹyị ịzẹyịza ọnị mị raà sị zụ̀ wụ, sị ụvọ zaa; ọ̀ vị ịrẹyị ọnị ụ waa saasa. Wa vavọọ mẹ ini oze ọ́yị sị ayị tụra Ijeesu Ikirisiti ọnịrị ịrẹyị anị oyisì.

1 Ịjọọnụ 4:10

Ịsị aā hị́ ịrẹyị ọza oyisì yị: Ẹ́ yị vị ka vị ẹyị sì ịrẹyị Ohomorihi nị, ama Ohomorihi o sì ịrẹyị ayị nị, dị ọ tụ́ Ozi anị vẹ ẹhẹ ka ọ̀ va sị ẹngụ anị mẹ̀ ịsọvọ, dị à zụ vagu yị ịnị ịvị ayị nị.

2 Ịjọọnụ 1:1

Ẹmị ana vị ọzọkụ ịragụ Ohomorihi aa chẹrẹ iwe ọnọnịị tụ́ụ hi wu, onyeyiza ayị ọnị Ohomorihi nyị ọnịrị ezi anị. Mée sì ịrẹyị awụ nịnị ẹtẹẹtẹrẹ. Ẹ yị vị ẹmị ịnya kẹnẹ o sì ịrẹyị awụ nịnị, ama avaba aza ana sị ịzẹyịza dọ.