2 Anịtẹsaronika 3:6 - IWE ỌNỊNỊ

⁶ Ẹwụ nịnị ẹyịnyara amị, yáa sị ịrẹha Ijeesu Ikirisiti Ananyị yị mẹ ọdaa wụ nịnị ka: ọdọwụ ana àa nyị uworo dị ọ̀ yị dọ ịrẹyị ọnị ị kà yọ nị, asị ẹwụrị ọọ rẹ̀ zị ògù nịnị!

2 Anịtẹsaronika 3:6 ပူးပေါင်းရင်းမြစ်များ

2 Anịtẹsaronika 3:7

Ẹwụ nịnị ụvọta ọ́ọ yẹ, a mẹ̀ vọrọ ka waa hama yị nịnị. Yẹ yị nyị uworo, ị mẹ̀ yà ịdị awụ nịnị.

Aniroomi 16:17

Ẹwụ nịnị ẹyịnyara amị, sị ụtọ pe ẹtẹ nịnị, oo! Sị ụvọ za ẹngụ awụ nịnị agụvị aza anaā há azaa hi, di ẹyaa kụ́ azaa nyeeyi, ọnọọ vị ka ẹyaa kà ịrẹyị ana jị ịsị a vịdị sị zụ̀ wụ nịnị nyee. Asị ụ zị ògù ẹngụ aza ẹnẹẹ!

1 Anịtẹsaronika 5:14

Ẹwụ nịnị ẹyịnyara amị, aarịhịnị, aza ana aa mẹ̀ ebira jugu-jugu, re ka waa tụ́ wa ọhụva nịnị. Aza ana angwa ee hí, waa tụ́ wa ọtụtụrụma. Wa rẹẹ gụ ọkụmị nịnị ụvọ. Re ka waa nyị isuuru hi avaba aza.

2 Anịtẹsaronika 2:15

Agụvị avọọ, anda ayị nịnị, jẹẹ geri-geri, dị ụ wa sị ụvọ za enube ọnị ị sị zụ̀ wụ nịnị ịnị ịrẹyị ọnị ị kà ọnịrị ini iwe ọnị ị chẹrẹ!

1 Anịtẹsaronika 4:1

Ẹwụ nịnị ẹyịnyara amị, jẹẹ maa kà ịsa ọnya, dị ma va za ịrẹyị amị ịrẹsụ: Ya raà sị zụ̀ wụ nịnị ẹngụ ebira ene zé Ohomorihi eyi ana a vọrọ ka waa mẹ nịnị. Avọọ ụ màa mẹ nịnị da nị. Aarịhịnị, yáa sị Ijeesu Ananyị yị dá ịpẹẹ wụ nịnị ka waa sịị vụrịị hu avọọ nịnị.

Anikorasi 3:17

Ịnị avaba ịsị ụ wàa mẹ ọnịrị ịnị avaba ịrẹyị ọnị ụ wàa kà, waa mẹẹ anka ọza Ijeesu Ananyị yị. Waa kụ́ Ohomorihi Ada ayị avọ ini oze Ijeesu.

2 Itimoti 3:5

Dị ẹ sị tụra eyi ka ẹnị aa mẹ̀ ebira ọnịnị, ama dị ẹyị zẹẹ ka Ohomorihi ọ̀ sị ụkata yị ẹnị. Asị ẹwụrị ẹngụ aza ẹnẹẹ zị ògù vụrụ-vụrụ!

1 Anịtẹsaronika 4:11

Re ka wáa nyị ebira hẹẹ nịnị, dị ọzọza ò sị eyi pe ụkọrọ anị. Ọzọza ọ̀ọ sị ụvọ anịị mẹ̀ ụkọrọ anka ị mẹ̀ vịdị kà a wụ nịnị.

1 Anịkọrịntị 11:2

Mâ yẹ ka waa tamayị amị nịnị ini oze tụra oze. Wâ mẹẹ ẹtẹẹrẹ nịnị. Waa yịị saasa ịsa ọnị mị raà sị zụ̀ wụ nịnị.

Anẹhwẹsọsị 4:17

Maa sị ịrẹha Ananyị yị kà wụ nịnị ọ̀nọ̀ ka asị ụ rẹ̀ kụkụ zị ụsẹ anka anarịmadọwụ nịnị, ana ahịka ịrẹyị kẹnẹ-kẹnẹ eē ro nị.

1 Anịkọrịntị 5:4

Kụ́ gụ nịnị ịnị ịrẹha Ijeesu Ananyị yị, ka ayị amị vaa yà ịdị awụ nịnị, dị ụ wa sị ụkata Ijeesu Ananyị yị,

Imatiwu 18:17

Òo yi, dị ọ̀ yị wụ́ ẹ́ẹnịnị nị, dị ụ kà a yị anịragụ Ohomorihi. Ama òo yi yi, dị ọ̀ yị wụ́ áanịragụ nị, dị ụ kụkụ za a anka anarịmadọwụ ọnịrị ọza odivi avọọ.

2 Itimoti 4:1

Wáa yẹ ka ẹkụhị ọnya Ijeesu Ikirisiti vaa vaa vẹ, dị ọ mẹ ka aza ẹ̀ yẹ ka ọnị aa mẹ ịjọva nị. Ọnị ọ rẹ vaa mẹ̀ ọkarẹyị aza ene sú ọnịrị aza ana yára nị. Máa sị Ijeesu ọnọọ ọnịrị Ohomorihi hú wu ụvọ

1 Itimoti 6:5

dị ẹyaa nyị ahankata pooro kẹnẹ. Ẹngụ aza ẹnẹẹ, eyi kuku zụ ro ịrẹyị ana vọrọ, ẹyị zụ kà ịzẹyịza. Ẹngụ aza ẹnẹẹ ee ro ka ahẹkẹ Ikirisiti vị oze ọnị ọza zụ hụra zị rị ọgụ.

2 Anịkọrịntị 2:10

Ọza ọnị ụ wàa vagu ịnị ịsa odivi ọnị ọ mẹ nịnị, ẹma rẹ sị vagu ọza ọnọọ. Àa nyị ka ma vagu ọza, dị mị vagu ọọ nị, agụvị awụ nịnị mị vavọọ sị mẹ ọ́vịdị Ikirisiti nị.

1 Itimoti 5:21

Ohomorihi ọnịrị Ijeesu Ikirisiti beri anggẹẹrị nịnị ọnị ọ nyị ee ree aanị; mee hú wu ụvọ ka wa sị ụvọ za ịrẹyị ẹnẹnị ẹtẹẹtẹrẹ! Asị ụ nyị ọza remeyi ịnị ịsa ọnyọọnyị ọnị ụ wàaa mẹ.

1 Anịkọrịntị 5:9

Ini iwe ọnị mị vịdị chẹrẹ tụ́ hi wu nịnị, mâ kà a tụ́ ọọ ka asị ẹwụrị ọsẹrẹka rẹ̀ zị ògù nịnị.

2 Ịjọọnụ 1:10

Àa nyị ọza ana vẹ ini eehi awụ nịnị, dị ẹ̀ yị vị ịrẹyị ọnị Ijeesu sị zụ̀ yị ọ za vẹ nị, asị ụ dọ ọ tụ́ ini eehi awụ nịnị, asị ụ hyakụ kụ́ ọ nịnị vụrụ-vụrụ.