2 Anịtẹsaronika 3:5 - IWE ỌNỊNỊ

⁵ Ananyị yị ọ̀ mẹ ayị awụ nịnị ka wa yẹ, Óhomorihi meme sì ịrẹyị ọza, dụ wa rẹẹ sị ẹngụụ dọ ịrẹyị nịnị, anka Íkirisiti mẹ̀ẹ mẹ ka ọza ọ̀ sị ẹngụ dọ ịrẹyị.

2 Anịtẹsaronika 3:5 ပူးပေါင်းရင်းမြစ်များ

1 Ohinọyị 8:58

Ọ maa navọ ya zụ sị ayị ayị yọ, di yee hu ahụ oni o sị̀. Ọ maa navọ ya zụ sị eyi pè ọda anị irenyi-irenyi ọnịrị ọ mẹ mẹẹ mẹ̀ ọkarẹyị anka ọ mẹ mẹẹ ọda yị ohiku ayị.

1 Ịtọpa 29:18

Ẹwụ Ẹnẹyịmavara Ohomorihi Abụrahamị, Ayiziiki ọnịrị Ijekọvụ ohiku ayị nịnị. Navọ wa sị tụ́ ịnị ayị aza awụ vẹchị-vẹchị, dị ẹnịnị ẹ̀ maanị yịị kụ́ ẹngụụ hi ịrẹyị awụ pooro. Mẹ ka ẹnịnị ẹ̀ vaa sị ayịị tụra wụ pooro.

Ahẹ Ụgama 119:36

Navọ ahịka ịrẹyị m mẹmẹ vaa mẹ dị ma nyị ẹkẹhị kẹnẹ mị sị tụ́ ịnị ayị nị.

Ahẹ Ụgama 119:5

Ọ maa navọ kwogwo ma nyẹngụụ sị ayị ọnya saasa ọda awụ.

Ahẹ Ụgama 40:1

Mâ tangwa jẹẹ ee zi Ẹnẹyịmavara kà ọ̀ va gụ mị ụvọ Ộ wụ́ ka mee nowu, dị ọ ba mị owu nị.

Ụhịrẹyị 3:6

Tamayị Ẹnẹyịmavara ịnị ịsa tụra ịsa ọnị waa mẹ̀, ọ vaa sị oze zụ wụ.

Ijeremaya 10:23

Ijeremaya ka, Ẹnẹyịmavara ọnị oo yẹ ka ẹ yị nyị ọza ana zụ sị ụvọ nya ịrachị ọnị ọ nyị ẹhẹ anị nị. Ẹ yị nyị ọza ana nyị ụkata ka a ka aanị ọnị mẹ vaa mẹ ẹhẹ anị nị.

Ijeremaya 31:33

Ẹnẹyịmavara kà, aanị ọnị mẹ vaa zẹẹ oto ọwọọwa yị wa nị: Ọnị vaa chẹrẹ ọda anị tụ ịnị ayị ẹnịnị; ọnị vaa vị Ohomorihi ẹnịnị, dị ẹnịnị vị aza anị.

Arụwẹ 3:26

Óo zoza ka yaa sị ayọnẹtẹ jẹẹ zi Ẹnẹyịmavara kà ọ̀ va dọ yị ha.

Aniroomi 5:5

Yàa nyị ọyịtureyi, ụhị ọ yị vaa nyị yị, agụvị ka Ohomorihi ộ mẹ̀ ka ya yẹ, o meme sì ịrẹyị ayị ini oze Ụhwẹ Ohomorihi ọnị ọ sị tụ ịnị ayị ayị.

Aniroomi 8:25

Ama àa vị ịsị yè yi re, ị yaa tụra eyi anị nị, vị ị tangwa aa sị isuuruu jẹẹ zí ọọ nị.

Aniroomi 8:28

Yâ yẹ ka avaba ịsa ana àa mẹ, vị oni Ohomorihiī mẹ ka ọ̀ vị ọyịza yị aza ene sì ịrẹyị anị; ọnọọ vị ka aza ọnị ọ sị hị́, anka ọ mẹ̀ mẹ eto anị.

1 Anịkọrịntị 8:3

Ama ọza ene èe sì ịrẹyị Ohomorihi, ọnị Óhomorihi yẹ nị

Anigaratiya 5:22

Ama Ụhwẹ Ọnịnị ọọ̄ mẹ̀ ka ọza ọ̀ọ vịra ịnị ịsa ẹnẹnị nị: ịrẹyị ọza oyisì ọnịrị inohine beri ẹngwọọrọ ọnịrị isuuru beri ebira hẹẹ ọyịmẹ̀ ọnịrị ebira ozoza ne beri ịzẹyịza ọyịmẹ̀ ọnịrị

Iwe Ọhụhị Imosiisi ana aa hị́ Ọyịvatụrọda 30:6

Ẹnẹyịmavara ana vị Ohomorihi ẹnịnị vaa sị ayị yị ẹnịrị ụnanka ẹ nịnị dị ẹ wụ́ chire e, dị ẹ sị avaba ayị ẹnịnị sị ịrẹyị anị agụvị dị ẹ ra ịnị ẹtẹ ọnọọ.

1 Anịtẹsaronika 1:10

Dị ụ rẹ jẹẹ ee zí Ozi Ohomorihi nịnị ka ọ̀ và hụrị ẹbẹẹba vẹ nị. Ozi anị ọnọọ ọ ha hụụnị isu nị. Ọnị ọ vị Ijeesu ana dọ yị há hụụnị ọyịkụ Ohomorihi ana aa vẹ nị.

1 Anịtẹsaronika 1:3

Ịị̄ tamayị awụ nịnị pooro ọ́vịdị Ohomorihi Ada ayị, anka ụ mẹmẹ aa sịị zụ̀ ka wáa sị ayị tụraa ini oze ụkọrọ awụ nịnị nị. Ịrẹyị ọza oni u sì raa mẹ ka waa mẹ̀ ụkọrọ nịnị ẹtẹẹtẹrẹ, vị ụ rẹ nyayịnẹ ee zí Ijeesu Ikirisiti Ananyị yị eyi nịnị.

1 Anịtẹsaronika 3:11

Ohomorihi Ada ayị ọnị ụvọta beri Ijeesu Ananyị yị ọ̀ navọ ọ̀ mẹ oze yị, di ye zụ ve hee wu nịnị!

2 Itimoti 4:8

Máa yẹ ka ẹyịza ọbanyị oni Ohomorihiī sịị yị ọza ana mẹ̀ ebira ana vọrọ, ọ raà sị tẹ mị. Ananyị yị anaā sịị ịzẹyịzaa mẹ̀ ọkarẹyị vaa sị ọọ mị ịnị ẹkụhị ọnọọ. Ayị vị ẹmị ịnya kẹnẹ ọ vaa sịị yị; ọ rẹ vaa sịị yị avaba aza ene ee sì ọọ ka ọ̀ vavẹ.

Ịtayịtọsị 2:13

Yáa jẹẹ ee zí ụmẹ ọnọọ ọnị ị vaa sị nyị ayohine ẹtẹẹtẹrẹ. Ụmẹ ọnọọ avaba aza ve sii re igirima Ohomorihi ana nyị ụbanyị, ana vị Ijeesu Ikirisiti Ọdọzaha ayị nị.

Anihiburu 9:28

Avọọ Íkirisiti ọnị mẹ̀ rẹ sị ẹngụ anị mẹ̀ ịsọvọ ụpẹ ọnya gene-gene nị, ka ọnị ọ̀ kụ́ ịvị aza ọrụrụ-ọrụrụ kwooze. Ọ rẹ vanaa vaa vẹ ịnị ẹhẹ ọnọnị, ama ayị vị agụvị ịvị. Aza ene ee zí ọọ eyi, aa vaa dọ ọ há nị.

Ijemiisi 2:5

Ẹwụ nịnị ẹyịnyara amị oni mi sì, batọ nịnị oo! Wáá yẹ ka onosiye ene hi ịnị ẹhẹ ọnọnị Óhomorihi nyị ka ẹ̀ sị ayị tụraa, dị ẹ̀ nyị ụbanyị obooro nị, dị ẹ̀ rẹ nyị tụ́ ịnị ịjọva anị? Ohomorihi ộ kà a ka ẹ́ yị zụ nyị ka ọnị ọ yị vaa sịị yị aza ene sì ịrẹyị anị.

1Ipita 4:1

Wáa yẹ nịnị ka Ikirisiti ọnị nyẹmba ọ́ọ rị ụya ịnị ọchẹngụ anị. Agụvị avọọ ẹwụ nịnị ò re tenyi ẹngụ, dị ụ wa vavọọ nyị ariro nịnị! Ọza ana àa vavọọ rị ụya, ọ sị hụụnị ịvị ọyịmẹ̀.

2Ipita 3:12

Wee zi ẹkụhị ana Ananyị yị vaa sị vaa vẹ nịnị! Sị vụrị dị u we ré ka ẹkụhị ọnọọ óo jintu vẹ nịnị! Ịhị ọnọọ, ẹbẹẹba vaa rị ịraa vàa ha, avaba ịsa ene hi ẹbẹẹba ọnịrị ẹhẹ vị ana vaa rị ịraa ha bemi-bemi.

1 Ịjọọnụ 4:19

Yée sì ịrẹyị Ohomorihi agụvị ka ọnị ọ vịdị sì ịrẹyị ayị nị.

Ẹtore 1:9

Ẹma vị Ịjọọnụ ọyịnyara awụ nịnị nị. Ẹmịrị Ikirisiti ọ sị vị ọnya anka ẹwụ nịnị: vi i dudu aa rị ụya nị. Yâ nyị tụ́ ịnị ịjọva Ikirisiti, dị ị raa sị ẹngụụ dọ ụya anị nị. Â za mị na tụ́ ịnị ẹtẹ ana yà ịnị akakana òkū ana aā hị́ Ịpatịmọsị, agụvị ka maa kà ịrẹyị Ohomorihi oni Ijeesu dọ ivenu tụ́.

Ẹtore 13:10

Aza ana àa sị kà ka vaa vaa za nị, vị a vaa za wa nị. Aza ana àa sị ụ̀hwọ̀ wụ̀ ọza, ụhwọ a rẹ vaa sị wụ ọnị nị. Ọsọnị ọ́ọ dọ ka aza Ohomorihi ẹ̀ sị ẹngụ dọ ọ, dị ẹ̀ yị sị ayị tụra Ohomorihi.