2 Anịtẹsaronika 3:4 - IWE ỌNỊNỊ

⁴ Ananyị yị ộ mẹ̀ ka ya yẹ kaakara ini oze awụ nịnị ka waa mẹ̀ ịsa ọnị ị kà wụ nịnị. Yáa yẹ ka avọọ ụ mẹ̀ vaa yịị mẹ nịnị nị.

2 Anịtẹsaronika 3:4 ပူးပေါင်းရင်းမြစ်များ

Imatiwu 28:20

Sị zụ̀ wa nịnị ka ẹ̀ẹ saasa avaba ịsa ọnị mị mẹ ọda anịị wụ nịnị! Tamayị, mị vaa yàa pe wu nịnị ịnị avaba ụmẹ pooro ne tù ọdịrẹma ẹhẹ.”

Aniroomi 15:14

Ẹwụ nịnị ẹyịnyara amị, ẹmị ụvọta ộ yẹ ịnị ayị amị ka wâ nyị ebira ozoza nịnị ẹtẹẹtẹrẹ. Ma rẹ yẹ ka wa yẹ ịrẹyị nịnị ẹtẹẹtẹrẹ; we re zụ beri ẹngụ juwe nịnị.

Aniroomi 15:18

Mẹ yị vaa nyayịnẹ ẹ kà ịsa oni Ikirisiti ọ̀ yị zị oze ịnị ụvọ amị mẹ. Ộ mẹ ka ma kụ́ Anigiriki ka ẹ̀ va dọ ịrẹyị Ohomorihi wụ́ ini oze ịrẹyị amị ọnịrị ịsa ọnị mị mẹ

Aniroomi 2:7

Aza ẹnyị aa mẹ̀ ebira ozoza. Eyee sì ka Ohomorihi ọ̀ sị ụbanyị yị ẹnị, dị ọ̀ rẹ mẹ ka ẹnị ẹ̀ yàra pooro zịna-zịna. Ẹngụ aza ẹnẹẹ, Ohomorihi vaa mẹ ka ẹ̀ yàra ị́da anị pooro zịna-zịna.

1 Anịkọrịntị 14:37

Ọza ene èe ro ka ọnịsẹ ọ́nị vị nị, à vị ka Ụhwẹ Ohomorihi ộ sị ụkata yị ọnị, â nyị ka ọ̀ dọ ka ịsị maa chẹrẹẹ tụ́ụ hi wu nịnị aanị ka ọda Ananyị yị ọ vị nị.

1 Anịkọrịntị 7:19

Ọza ọ̀ọ jị ụvẹvẹnẹ, ọ̀ yị jị ụvẹvẹnẹ, ẹ yị nyị ọ mẹ̀ kà. Ịsị ẹ vị ịrẹyị obooro ọ vị ka ọza ọ̀ sị ụvọ za ọda Ohomorihi nị.

2 Anịkọrịntị 2:3

Ịsị mị vịdị rẹ chẹrẹ tụ́ hi wu nịnị yị. Me yi sì ka ma vẹ ịda awụ nịnị ịnị ụmẹ ọnọọ, di u we ne du mi ayị nịnị, ẹwụ nịnị anaa vọrọ ka ọ̀ kụ́ mị ẹngụ nịya. Mâ yẹ kaakara ka ịnẹ amị òo hine, ịnẹ avaba awụ nịnị re vee hine bẹẹ.

2 Anịkọrịntị 2:9

Agụvị avọọ mị chẹrẹ iwe ọnọọ tụ́ hi wu nịnị nị, ka ma sị zama wụ nịnị re, wàa wụ́ ịrẹyị amị nịnị ịnị avaba ịsa ọnị mị kà.

2 Anịkọrịntị 8:22

Ị raa tụ́ ẹnẹbẹnị ayị ọsaa saasa wa. Ya raà sị ịrẹyị ọrụrụ-ọrụrụ zama a re, ye si oo re ụmẹ tụra ụmẹ ka oō sì ẹtẹẹtẹrẹ ka ọnị ọ̀ gụ aza ụvọ. Ộ yẹ ka aza ana a zụ sị ayị tụra ụ vị nịnị nị. Ọnọọ ọ rẹ mẹ ka ọ̀ hyakụ sì ka ọnị ọ̀ mẹ ọgụvọ hu avọọ.

Anigaratiya 5:10

Agụvị ka ẹmịrị Ikirisiti ọ sị vị ọnya, máa sị ayị tụra wụ nịnị ka wẹ yị vaa nyị ariro nịnị ana jị áamị nyee. Ọza ana àaa và ayị awụ nịnịị zí, Ohomorihi vaa mẹ̀ ọkarẹyị yọ, ọza tụra ọza ọnị ọọ vị.

Anihwiripi 1:6

Máa yẹ kaakara ka Ohomorihi ana maanị nyima aa mẹ̀ ịsa ozoza ọnọnị nịnị ayị awụ nịnị vaa mẹẹ nee tù ịrẹsụ pooro ne tù ẹkụhị ọnị Ijeesu Ikirisiti vaa sị vaa vẹ.

Anihwiripi 2:12

Ẹwụ nịnị anda ayị, anka ụ mẹ̀ yịị wụ́ ịrẹyị amị, m mẹ̀ yà ịdị awụ nịnị, wa vavọọ yịị wụ́ ịrẹyị amịị hu avọọ nịnị, m mẹ̀ yị mẹ daka kụkụ yà ịdị awụ nịnị aanị. Sị angwahi Ohomorihi beri ẹgahị, wa sịị mẹ̀ ụkọrọ ana vaa mẹ ka wa há nịnị;

1 Anịtẹsaronika 4:10

Ịzẹyịza, avọọ ụ màa mẹẹ hi anda ayị ene hi Imasedoniya nị. Ẹwụ nịnị ẹyịnyara amị, yaa dá ịpẹẹ wụ nịnị ka waa sịị vụrịị hu avọọ nịnị.

2 Anịtẹsaronika 3:12

Yáa sị ịrẹha Ijeesu Ikirisiti Ananyị yị mẹ ọda yị ẹngụ aza ana vavọọ aa mẹ, ya rẹ hú wa ụvọ ka ẹ̀ẹ mẹ̀ ụkọrọ ẹnịnị hẹẹ, dị ẹ̀ rẹẹ mẹ̀ ụkọrọ ẹnẹ ẹ vaa rị ịnị anị.

2 Anịtẹsaronika 3:6

Ẹwụ nịnị ẹyịnyara amị, yáa sị ịrẹha Ijeesu Ikirisiti Ananyị yị mẹ ọdaa wụ nịnị ka: ọdọwụ ana àa nyị uworo dị ọ̀ yị dọ ịrẹyị ọnị ị kà yọ nị, asị ẹwụrị ọọ rẹ̀ zị ògù nịnị!

Ihwirimọnị 1:21

M màa chẹrẹ iwe ọnọnị aanị, maa yẹ kaakara ka ụ vaa mẹ ịsị maa dá ịpẹ anịị yị wụ. Máa yẹ ka ụ vaa mẹẹ huna m mẹ kà a.