2 Anịtẹsaronika 3:3 - IWE ỌNỊNỊ

³ A zụ sị ayị tụra Ananyị yị. Ọ vaa sị ụkataa wụ nịnị, dị ọ dọ wụ nịnị tụ́ ịnị ụvọ Echu.

2 Anịtẹsaronika 3:3 ပူးပေါင်းရင်းမြစ်များ

Oyinyima 48:16

anggẹẹrị ọnọọ ana dọ ọnị ha hụụnị avaba ịsa odivi, ọ̀ navọ kwogwo ò zee yi ezi ẹnẹnị. Ọ̀ navọ kwogwo a vaa sị waa tamayị ịrẹha anị ọnịrị ohiku anị nịnị ana vị Abụrahamị ọnịrị Ayiziiki. Ọ kà ọ̀ navọ ẹ va ma ozi rụrụ, dị ahịka vị ẹ gwẹtẹ ịnị ẹhẹ kẹnẹ nị.”

1 Ịtọpa 4:10

Ama Ijabezi ộ mẹ̀ aduwa hi Ohomorihi Anisirẹrị, dị ọ ka, kwogwo, ọ̀ navọ ọ̀ mẹ ka ò zé yị ọnị, dị ọ̀ dà ẹtẹ gana yị ọnị de. Ọ kà Ohomorihi ọ̀ navọ ọ̀ yà ọnị ịrẹma, dị ò sere ọnị, asị ọ zẹ̀ẹ ka odivi ọnyọọnyị ọ kụ́ ẹngụkata tu ọnị. Ịzẹyịza dị Ohomorihi mẹ̀ ịsa o họ̀ use anịị yọ nị.

Ahẹ Ụgama 121:7

Ẹnẹyịmavara ọ yị vaa zẹẹ ka à nyị ịsị ẹ mẹ̀ wụ, vị o vee sere wu nị.

Ahẹ Ụgama 19:13

Ịsị mị yẹ ka ô divi, navọ asị mị nyayịnẹ mẹ̀ ọnị Ịsa ene divi navọ asị e zụ hú mị ẹtẹ Wàa vavọọ mẹ, ẹhẹ amị ọ yị vaa nyị akụvị Dị ụ sị dọ mị ha hụụnị ebira akụvị-akụvị.

Imatiwu 5:37

Wàa kà a ka ‘Hịịn’, ọ̀ vị hịịn; wàa kà a ka ‘Eyiye’, ọ̀ rẹ yị vị eyiye! Ịsị èe si huna ẹnẹẹ, ịdị Echu ọ hụrẹ vẹ nị.”

Imatiwu 6:13

Asị ụ sị yị tụ ịnị ọyịzamare, ama dọ yị ha hụụnị ụvọ Echu. (Agụvị ka ẹwa vị Ohinọyị, dị ụ nyị avaba ụkata ọnịrị igirima pooro zịna-zịna Aamị!)

Iruuku 11:4

Navọ wa vagu yi ịnị ịvị ayị; agụvị ka ẹ yị rẹẹ̄ vagu ọza ana àa rị ịvị ayị. Asị ụ zẹẹ ka à zama yị re!’ ”

Ịjọọnụ 17:15

Mẹ yị mẹ̀ aduwa ka wa kụ́ wa hụụnị ẹhẹ, ama mị ka wa sị wa tẹ hụụnị ụvọ Echu.

1 Anịkọrịntị 1:9

A zụ sị ayị tụra Ohomorihi. Ọnị ọ hị́ wụ nịnị ka ẹwụrị Ozi anị Ijeesu Ikirisiti Ananyị yị ọ̀ vabẹ nị.

1 Anịkọrịntị 10:13

Ẹ yị nyị ọyịzamare ene tù wu nịnị, ana ahịka ò yii tù aza da. Ohomorihi ộ nyị ịzẹyịza. Ọ yị vaa zẹẹ ka à zama wụ nịnị re huna ọpa ọnị ụ zụ sị ẹngụ dọ nịnị. Ọyịzamare ọ̀ọ vẹ, Ohomorihi vaa sị ụkataa wụ nịnị ka wa zụ sị ẹngụ dọ ọ, dị ọ rẹ mẹ oze ọnị ụ vaa zịị há hụụnị anị nịnị.

1 Anịtẹsaronika 5:24

Ohomorihi ọ nyị wụ nịnị nị. Ọ vavọọ vaa mẹẹ agụvị ka a zụ sị ayị tụraa.

2 Anịtẹsaronika 2:17

Ẹnịnị ẹ̀ navọ ẹ̀ sị ayị awụ nịnị hunẹnẹ, dị ẹ̀ mẹ ka wa nyị ọtụtụrụma, dị ụ wa zụụ mẹ̀ ebira ozoza, dị ụ wa rẹ zụụ kà ịrẹyị ene zoza nịnị pooro!

2 Itimoti 4:18

Ananyị yị rẹ vaa dọ mịị hụrẹ ụvọ avaba ịsa odivi, dị ọ sị mị hẹẹ na ngụ ịzị ọ yà aa mẹ ịjọva ẹ́bẹẹba. Ọnị ọ nyị ụbanyị pooro zịna-zịna nị. Aamị.

1Ipita 5:10

Ohomorihiī mẹ ọyịzaa yị aza ẹtẹẹtẹrẹ, ộ hị́ wụ nịnị ka wa vẹ, dị ẹwụrị Ijeesu ọ̀ vị ọnya nịnị ịnị ụbanyị ẹnẹ ẹ̀ yị ma sa pooro zịna-zịna. Wàa sị ụya rị chee nịnị, Ohomorihi ọnị ụvọta vee tenyi wu nịnị, dị ọ̀ mẹ ka wa gụ nịnị, dị ọ rẹ mẹ ka wa nyị ụkata jẹẹ geri-geri nịnị ịnị avaba ịsa.

2Ipita 2:9

Ịsa ẹnẹnị ệ sị zụ ka Ohomorihi ọ́ọ yẹ, ọ mẹmẹẹ̄ dọ aza anịị há hụụnị ẹzamare ẹnịnị. Ọ rẹ yẹ, o memeē tenyi aza edivi tịtẹ, pooro nee tù ẹkụhị ọkarẹyị, dị ọ sị ụya rị wa.

Ijudi 1:24

Ohomorihi ọ nyẹngụ sị eyi pe wu nịnị ka asị ụ hyẹdụ hụụnị oze anị; dị ọ sị́ wụ nịnị va tụ ịdị anị ịnị ụbanyị anị, wẹ́ yị vaa nyị ịvị vụrụ-vụrụ ịzọọ nịnị, dị ayị awụ nịnị ee hine ẹtẹẹtẹrẹ.