2 Anịtẹsaronika 3:2 - IWE ỌNỊNỊ

² Rẹ mẹ̀ aduwa ka Ohomorihi ọ̀ dọ yị tụ́ ịnị ụvọ aza edivi ẹnẹ ẹ̀ yị mẹ ịzẹyịza! Ẹ yị vị avaba aza e sì ka ẹnị ẹ̀ sị ayị tụra Ijeesu.

2 Anịtẹsaronika 3:2 ပူးပေါင်းရင်းမြစ်များ

Imatiwu 17:17

Dị Ijeesu tụ́ ohi, dị ọ ka, “Sị ẹ vẹ dị ẹwụ nịnị anụmẹ ọnọnị ẹ̀ yị dọ wụ́, dị ụ maanị nyeeyi nịnị aanị? Ịzị mị vaa yàa pe wu nịnị nee tù? Ịzị mị vaa sị ẹngụụ dọ ịrẹyị awụ nịnị nee tù? Sị ọọ ve tù mi ịzẹnị!”

Imatiwu 23:23

Wa sị dà nịnị. Ẹwụ nịnị ọzwọzọda ọnịrị Anihwarisi nịnị. Ẹwụ nịnị ọmọzakụyẹ! Ụ hyakụ aa tụ́ agẹẹwụ avị ịsẹpẹ eweyi-eweyi irenyi-renyi; ama ịsa obooro ọnị ọda kà, wa raà sị eyi jịnẹẹ nịnị, ẹhụụ ọkarẹyị ana vọrọ ọnịrị ayamva beri ẹdọwụ. Â vọrọ ka waa mẹ ẹsẹnị nịnị, dị asị u hí ayị ana vọ nịnị.

Iruuku 18:8

Dị ma kà a wụ nịnị ka o vee jintuu mẹ̀ ịsa ana vọrọọ yị wa. Mị ka ee, ịhị ẹmị Ozi ọza onigirima ọ̀ọ vavẹ, méé kuku vee tù ka aza ẹ sị sị ayị tụra mị ịnị ẹhẹ?”

Odeyi 13:45

Ịjị Aniju nịnị maanị re ọkọnị aza ẹnẹẹ, ẹyaa kụ̀ ụhị dị ẹ ka, ịrẹyị Ịpọọrụ vị ireche, dị ẹya kụ̀ ọọ ụhụ nị.

Odeyi 13:50

Dị Aniju nịnị tụ́ ohirẹsụ ẹkụra ọnọọ ịrẹyị nị, ne beri anyẹnẹẹ ẹnẹ ẹ̀ yị vị Aniju, ana aa hẹkẹ Ohomorihi dị ẹ nyị udi ẹtẹẹtẹrẹ tụ́ ịnị ẹkụra. Di e nyima dị ẹyaa sị ụyaa rị Ịpọọrụ ọnịrị Ịbanabasị nị. Dị ẹ dụ wa hụụnị ẹkụra ẹnịnị nị.

Odeyi 14:2

Ama Aniju nịnị ẹnẹ ẹ̀ yị zẹẹ ka ẹnị ẹ̀ dọ wụ́, ẹ rẹ tụ́ Anigiriki nịnị ịrẹyị, dị ẹ sị ayị vara tù ọdọwụ nịnị nị.

Odeyi 17:5

Ama Aniju nịnị aa kụ̀ ụhị. Dị ẹ na tọ̀ọ́ aza kẹnẹ-kẹnẹ hụrẹ oze vẹ, dị ẹ kụ́ ẹngụ gụ nị. Dị ẹ za ẹkụra, dị ẹ vàa zí nị. Dị ẹ hara nọ ini eehi Ijasoni, di eyee sì ka ẹnị ẹ̀ sị Ịpọọrụ ọnịrị Isira tụ́ ẹhẹ yị aza nị.

Odeyi 25:27

Me yi ro ka â nyị ịrẹyọyẹ ịnị anị, màa sị ọza anaa za tụ́ ịnị ẹngwa tụ́ nọ Iroomi, dị mẹ̀ yị chẹrẹ ịsa anaa ka ộ mẹ̀ saasaa nị.”

Odeyi 28:24

Aza ẹnyị ệ dọ ịrẹyị Ịpọọrụ wụ́, ama aza ẹnyị ẹyị dọ ọ wụ́.

Aniroomi 10:16

Ama ayị vị avaba ẹnịnị ẹ dọ enube ọyịza ọnọọ. Ayịsaya ộ vịdị kà a ka, “Ananyị yị, aza ẹ yị dọ enube ọyịza ọnị yaa kà, ọ!”

Aniroomi 15:31

ka ò jị oku kú mi hụụnị ụvọ Anijudiya ẹnẹ ẹ̀ yị dọ wụ́. Rẹ mẹ̀ aduwa ka aza Ohomorihi ene hi Ijerusarẹmị, ẹ̀ dọ ụkọrọ ọnị maa naa mẹ ịzọọ!

1 Anịkọrịntị 15:32

M mẹ̀ yà Ẹhwẹsọsị, à kà a ka ẹmịrị uye ịnị avị obooro aa vụ̀ ịrẹvụ nị. Àa vị ka oku nịnị ẹ yị mā yaanị ha kwẹẹtẹ, ọgụ ịsị ọnọọ vị yị mị? Vị ị yaanị aa kà a kẹnẹ ka à vẹ yaa rị, di yee hú, dị yaa mẹrị ka, ọ yị jẹẹ di ye sú ni.

Iwe Ọhụhị Imosiisi ana aa hị́ Ọyịvatụrọda 32:20

Agụvị akamawụ awụ nịnị ọnịrị arịmanyị ịzẹyịza awụ nịnị Ẹnẹyịmavara sị yi wu nịnị tịtẹ, di e re ịsa ene vee tu wu nịnị nị.

1 Anịtẹsaronika 2:18

Ị yaanị sì ka ye ve hee wu nịnị. Ẹmị Ịpọọrụ ộ hyakụ sì ka ma vẹ huni ụpẹ ọnya, ama Echu ọ sị mị dọ oro.

2 Itimoti 4:17

Ama Ananyị yị ộ jẹẹ pe mi, dị ọ sị ụkata mị ka ma zụ kà enube ọyịza ẹtẹẹtẹrẹ, dị avaba aza ẹnẹ ẹ̀ yị vị Aniju ẹ̀ zụ wụ́ nị. Ohomorihi ộ dọ mị hụrị irenu idu.