2 Anịtẹsaronika 3:1 - IWE ỌNỊNỊ

¹ Ẹwụ nịnị ẹyịnyara amị, dị ma va za ịrẹyị amị ẹtẹ, waa mẹ̀ aduwaa yị nịnị ka ịrẹyị Ohomorihi ọ̀ wụsẹẹ garaa hi ẹtẹ, dị ọ̀ọ nyị ụbanyị, anka ọ mẹ̀ yà ịdị awụ nịnị!

2 Anịtẹsaronika 3:1 ပူးပေါင်းရင်းမြစ်များ

Ahẹ Ụgama 138:2

Wa raà sị ụbanyị yị ẹngụ awụ ọnịrị ịrẹyị awụ huna avaba ịsa ana vọ, avọọ mị vaa vá eyii kà irehi awụ, dị maa kụ́ wụ avọ. Mị vavọọ rẹ vaa kụ́ wụ agụvị ka uū sì ịrẹyị ọza dị ụ rẹẹ̄ mẹ ịzẹyịza nị.

Imatiwu 9:38

Waa dá ịpẹẹ yị ọza ana nyị aarẹ nịnị ka ọ̀ tụ́ aza dị ẹ̀ na mẹ̀ ịsa ịnị aarẹ!”

Iruuku 10:2

Dị ọ kà a yị wa ka, “Ịsa ịnị aarẹ ọ sị hụrẹ tụ́ ịnị aarẹ, ộ rụrụ; ama ẹ yị nyị ọnụkọrọ yà. Waa dá ịpẹẹ yị ọza ana nyị aarẹ nịnị ka ọ̀ tụ́ aza, dị ẹ̀ na mẹ̀ ịsa ịnị aarẹ.

Odeyi 12:24

Dị ịrẹyị Ohomorihi ọnị aa yịị ganaa hu avọọ, dị aa banyị nị.

Odeyi 19:20

Avọọ ị́rẹyị Ohomorihi màa yaraa hu avọọ, dị aa nyị ụkata nị.

Odeyi 6:7

Dị ịrẹyị Ohomorihi aa yịị garaa zị nị. Ezirẹma ene hi Ijerusarẹmị aa rụrụụ hu avọọ ẹtẹẹtẹrẹ; di ohirẹsụ irehi Ohomorihi ọrụrụ-ọrụrụ ẹnị raa dọ ọ wụ́ nị.

Aniroomi 15:30

Ẹwụ nịnị ẹyịnyara amị, aarịhịnị maa dá ịpẹẹ wụ nịnị. Hụ agụvị Ijeesu Ikirisiti Ananyị yị ọnịrị ịrẹyị ọza oyisì ọnị Ụhwẹ Ọnịnị sị yị, wee pe mịị mẹ̀ aduwa ẹtẹẹtẹrẹ hi Ohomorihi nịnị,

1 Anịkọrịntị 16:9

Oze ộ tụ́ mị ọ̀yị mẹ̀ ụkọrọ obooro ịzẹnị booro aanị, ọ̀ọ daka vị ka akwootwọza nịnị vị ana gwẹtẹ

2 Anịkọrịntị 1:11

Ẹwụ nịnị ọ̀ rẹẹ sị aduwaa gụ yị ụvọ, dị Ohomorihi ọ̀ dọ aduwa ọnị aza ọrụrụ-ọrụrụ mẹ, dị aza ọrụrụ-ọrụrụ ẹ̀ zụụ ga Ohomorihi agụvị ayị ini oze ịsa ọnị ọ mẹ yị.

2 Anịkọrịntị 13:11

Ẹwụ nịnị ẹyịnyara amị, maa za ịrẹyị amị ẹtẹ ọgọnị. Adịhyọsa nịnị o. Tenyi oze awụ nịnị! Saasa ịrẹyị ọnị mị kà wụ nị aanị o! Sị ayị yị ẹngụ nịnị, asị ụ zyaazị nịnị oo! Ohomorihi eneē sì ịrẹyị ọza dị ọ rẹẹ̄ sị ẹngwọọrọ yị ọza, vaa yàa pe wu nịnị.

Anikorasi 4:3

Wa rẹẹ mẹ̀ aduwaa yị nịnị ka Ohomorihi ọ̀ mẹ oze yị, dị ya zụ kà enube ọyịza ini oze ịrẹyị Ikirisiti oni iruvo anị nyịnẹ. Waa yẹ ka agụvị ịrẹyị ọnọọ mị yà ịnị ẹngwa nịnị nị.

1 Anịtẹsaronika 1:5

Ị mẹ̀ vịdị va kà enube ọyịza wụ nịnị, ayị vị ịrẹka kẹnẹ ị za vẹ. Ohomorihi ộ sị ụkata anị zụ̀ ini oze enube ọnọọ. Enube ọnọọ vị ana hụụnị ụvọ Ụhwẹ Ọnịnị vẹ. Ộ sị zụ̀ ka enube ọnọọ vị ịzẹyịza. Wáa yẹ, ị mẹmẹ aa mẹ̀ ebira, ị mẹ̀ yà ịdị awụ nịnị ịzọọ. Agụvị awụ nịnị ị vavọọ aa sịị mẹ nị.

1 Anịtẹsaronika 1:8

Oze ịnị ụvọ awụ nịnị ị́rẹyị Ananyị yị sị zị gara na ngụ Imasedoniya ọnịrị Akaya nị. Ẹ yị hyakụ vị ịzọọ kẹnẹ, ọ sị ngụ ịrẹyị avaba aha ka waa sị ayị tụra Ohomorihi nịnị. Ịjọnọọ ẹ yị kụkụ nyị ịsị a vọrọ ka ẹ yà kà.

1 Anịtẹsaronika 2:1

Ẹwụ nịnị ẹyịnyara amị, wáa yẹ nịnị ka ịdị awụ nịnị ọnị ị vẹ, o yi vị osusu kẹnẹ.

1 Anịtẹsaronika 2:13

Iruvo ọsa ọnị ị raa sịị kụ́ Ohomorihi avọ pooro yị: Ị mẹ̀ va kà ịrẹyị Ohomorihii wụ nịnị, wâ wụ́ ọọ nịnị, dị ụ rẹ dọ ọ nịnị nị. Wẹ yị dọ ọ nịnị anka ịrẹyị ọza kẹnẹ, ama anka ịrẹyị Ohomorihi. Ịzẹyịza, ịrẹyị Ohomorihi yọ nị, agụvị ka Ohomorihi aa mẹ̀ ụkọrọ ịnị ayị ẹwụ nịnị ana sị ayị tụraa ẹtẹẹtẹrẹ.

1 Anịtẹsaronika 4:1

Ẹwụ nịnị ẹyịnyara amị, jẹẹ maa kà ịsa ọnya, dị ma va za ịrẹyị amị ịrẹsụ: Ya raà sị zụ̀ wụ nịnị ẹngụ ebira ene zé Ohomorihi eyi ana a vọrọ ka waa mẹ nịnị. Avọọ ụ màa mẹ nịnị da nị. Aarịhịnị, yáa sị Ijeesu Ananyị yị dá ịpẹẹ wụ nịnị ka waa sịị vụrịị hu avọọ nịnị.

1 Anịtẹsaronika 5:17

Waa mẹ̀ aduwa nịnị pooro.

1 Anịtẹsaronika 5:25

Ẹwụ nịnị ẹyịnyara amị, ẹwụ nịnị ọ̀ rẹẹ mẹ̀ aduwaa yị ẹyị.

2 Itimoti 2:9

Agụvị enube ọyịza ọnọọ, m maa sịị rị ụya aanị, dị a hyakụ sị ẹba tụ́ mị anka ọza ana na mẹ̀ ịsa odivi avọọ nị. Ama mâ yẹ ka ọza ọyị zụ sị ẹba tụ́ ịrẹyị Ohomorihi.