2 Anịtẹsaronika 2:9 - IWE ỌNỊNỊ

⁹ Ọza odivi ọnọọ vịdị vaa sị ụkata Echuu vẹ, dị aa sịị mẹ̀ ụkọrọ ịvọpa ọnịrị ohyozirenu ireche.

2 Anịtẹsaronika 2:9 ပူးပေါင်းရင်းမြစ်များ

2 Ịtọpa 18:20

Dị ụhwẹ ọnya va jịnẹ vẹ dị ọ va jẹẹ ọvịdị Ẹnẹyịmavara, dị ọ ka ọnị ve ne vene Ahabị nị. Dị Ẹnẹyịmavara va họ̀ ọ ka ọ mẹ mẹ vaa mẹ̀ ẹ?

Ọyịkụra 7:22

Dị ọnịvọpa ene hi Ijipiti ẹnị rẹ vavọọ mẹ ịvọpa nị. Ayị Ihwarawo ọ sị sị kà geri-geri. Anka Ẹnẹyịmavara mẹ̀ vịdị kà a, Ihwarawo ọ yị zẹẹ ka ọnị ọ̀ dọ ịrẹyị Imosiisi ọnịrị Eerọnị tụ́ ịzọọ.

Ọyịkụra 8:18

Dị ọnịvọpa nịnị ẹnị rẹ sị vụrị ka ẹnị ẹpa ịva dị ịhyama ọ̀ vẹ nị. Ama ẹnịnị ẹ yị zụ mẹ̀ ẹ. Dị ịhyama hi ịnị ẹngụ aza ọnịrị ịsụpa nị.

Ọyịkụra 8:7

Dị ọnịvọpa Ihwarawo ẹnị rẹ mẹ ịvọpa dị ẹ sị kụ́ ọnyọ hi ẹtẹ ịnị ẹtẹ Ijipiti nị.

Ayịsaya 29:10

Ẹnẹyịmavara ọ raà mẹ ka waa sụ ara ụtọ nịnị. O reè gù ẹwụ nịnị ọnịsẹ eyi ka asị u kuku re ẹtẹ nịnị.

Ezikẹẹrị 14:5

Avaba ori ẹnẹẹ ẹ sị Anisirẹrị nịnị tụra hụrị ọnị ẹngụ, ama ọnị ee sì ka ọnị ọ̀ sị ohi yị wa, dị ọnị ò si tura wa va ka ẹngụ anị vẹ.

Imatiwu 12:22

Dị aza ẹnyị aanị sị ọza ịnya aanị vẹ ịdị Ijeesu nị. Ọza ọnọọ vị ana nyị ụhwẹ echu ene gu ọ eyi ọnịrị irenu. Ijeesu ộ mẹ̀ ọnọrụ ọnọọ ụkụ, dị ọ kụkụ aa kà ịrẹyị, di o ree re ẹtẹ nị.

Imatiwu 24:24

Agụvị ka onireche nịnị ana ka ẹnị vị ikirisiti, ọnịrị ọnịsẹ ireche nịnị vaa kwẹẹtẹ, dị ẹyaa mẹ̀ ụkọrọ ohyozirenu ẹbanyị-ẹbanyị, agụvị ẹ̀ nyẹngụ si vene aza oni Ohomorihi sị nyị, ẹ̀ẹ zụ mẹ̀ ẹ.

Imatiwu 4:10

Ịjọnọọ dị Ijeesu kà a yọ ka, “Và ị́rẹma amị, ẹwụ Isitani, agụvị ka â chẹrẹẹ ka: ‘Waa va ku ẹtẹẹ yị Ohomorihi Ananyị yị; ọnị ịnyara kẹnẹ ụ rẹ vaa hẹkẹ nị!’ ”

Ịmaakị 13:22

agụvị ka onireche nịnị ana ka ẹnị vị Ikirisiti, ọnịrị ọnịsẹ ireche nịnị vaa kwẹẹtẹ, dị ẹyaa mẹ̀ ụkọrọ ohyozirenu ẹbanyị-ẹbanyị, agụvị di è si vene aza. Ẹ hyakụ vaa sịị vụrị ka eni è vene aza oni Ohomorihi sị nyị bẹẹ.

Iruuku 11:25

Ịjị ọ vẹ, di o ve tù ka a si oo hì, a sị avaba anị tenyi nị.

Ịjọọnụ 4:48

Dị Ijeesu kà a yọ ka, “Ẹ̀ yị vị u re apọtẹrẹwa ọnịrị ụkọrọ ohyozirenu nịnị, wẹ mā dọ wụ́ nịnị.”

Ịjọọnụ 8:41

Ịsị ada awụ nịnịị̄ mẹ, ụ waa mẹ nịnị nị.” Dị ẹnịnị rẹ ka, “Yẹ yị vị ozi ọta, Ohomorihi ọnịnya ọ vị Ada ọnị ị nyị nị.”

Ịjọọnụ 8:44

Ezi ada awụ nịnị ụ vị nịnị nị; ada awụ nịnị ọnọọ ọ vị Echu nị. Ịsa ana ada awụ nịnịị̄ sì kẹnẹ, ụ waa mẹ nịnị nị. Ọwọza ọ vị hụrẹ ụmọrụmọ nị. Ọ mā rẹ saasa ịzẹyịza, agụvị ka ẹ yị nyị ịzẹyịza ikonya ịnịnẹ anị. Èe cheeche, ebira anị aa mẹ avọọ nị, agụvị ka onireche ọ vị nị. Ọnị nyẹmba ọ vị ada ireche nị.

Odeyi 13:10

Dị ọ ka, “Ẹwụ ozi Echu, ẹwụ ana sị avaba ẹngụ vị ireche-ireche ọnịrị irikichi, uū sì ka we du avaba ịsa ene zoza. Aanị ka aanị ụ mẹ̀ vaa vara ịzẹyịza Ohomorihii tụ́ ini ireche pooro nị?

2 Anịkọrịntị 11:14

O yi hi ọza irenu, agụvị ka Echu ụvọta ộ hyakụ nyẹngụ vara ẹngụ anị anggẹẹrị ẹtohweyi.

2 Anịkọrịntị 11:3

Angwa ee hí mi ka, asị a na vara wụ nịnị ayị, anka ẹwụ ọnọọ mẹ̀ sị ọbọ vene Iivi ịyẹẹyẹ avọọ. Dị ụ kụkụ sị va, dị ụ wẹ yị kụkụ sị avaba ayị yị Ikirisiti, ọnị ụ vịdị aa sị ịzẹyịzaa saasa nịnị.

2 Anịkọrịntị 4:4

Ẹnịnị ẹ yị dọ wụ, agụvị ka Echu ana anẹhẹ nịnị aa hẹkẹ, ọ sị wa ayị gu. Ọ yị zẹẹ ka è re ẹtohweyi ene ee hweyii tụra wa. Etohweyi ọnọọ vị ana hụụnị enube ọyịza Ijeesu oni Ohomorihi nyị mẹ ohinọyị ka ọ̀ dọ há, ana nyị igirima vẹ. Ọza oni Ohomorihi nyị ọdọzaha aanị vị uhwoto Ohomorihi.

Anẹhwẹsọsị 2:2

Ịnị ụmẹ ọnọọ, ebira odivi anẹhẹ ụ waa saasa nịnị nị. Waa mẹ̀ ịsa ọnị ọga ụhwẹ echu nịnị ana nyị ụkata hi ẹbẹẹba ẹ̀ẹ kà ka wa mẹ nịnị. Ụhwẹ echu ọnọọ aa yịị mẹ ọda tụra aza ẹnẹ ẹ̀ yị mā wụ́ ịrẹyị Ohomorihi ịrẹsụ nị.

2 Itimoti 3:8

Ịyẹẹyẹ, Ijanesi ọnịrị Ijambire ệ kụ̀ hịrẹ Imosiisi; avọọ gẹdẹ-gẹdẹ aza ẹnẹnị mẹ̀ẹ̄ kụ̀ụ hịrẹ ịzẹyịza nị. Ayị ẹnịnị eyi kuku zoza; Ohomorihi ọ sị wa yi tịtẹ, agụvị ka ẹyị nyị ịzẹyịza.

Ijemiisi 3:15

Ẹngụ ịrẹyọyẹ ẹnẹẹ ẹ́ yị vị ịdị Ohomorihi ẹ hụrẹ vẹ, ama ịnị ẹhẹ ọnọnị ẹ hụrẹ vẹ nị, Ụhwẹ Ọnịnị ẹ́ yị nyị ụvọ tụ́ ọọ, ụkọrọ ụhwẹ echu nịnị ị yọ nị.

Ẹtore 12:17

Dị ayị uye odivi ọnọọ aa dà ọva agụvị ọnẹẹ ọnọọ, dị ọ varẹma ka oni ee nee pe ezi ọnẹẹ ọnọọ kụ̀ ịrẹkụ nị, avaba ezi anị anaa saasa ọda Ohomorihi, dị ẹ rẹ sị ụvọ za ịrẹyị ịzẹyịza oni Ijeesu sị zụ wa.

Ẹtore 12:9

Dị a dụ uye odivi ọbanyị ọnọọ jịnẹ tụ́ ẹhẹ nị. Ọnị ọ vị ẹwụ ịyẹẹyẹ ọnọọ ana aā hị́ Echu ọnịrị Isitani nị. Oni o vene avaba anẹhẹ nị. Dị a dụ ọọ jịnẹ va ngụ ẹhẹ, dị a rẹ dụ anggẹẹrị anị jịnẹ saasa a nị.

Ẹtore 18:23

Ọza e mē vene re ẹtohweyi ozotupa ịnịnẹ anị paa; ọza ọ mā rẹ vana wụ́ ka ọnọrụ aa nyị ọnẹẹ ịnịnẹ anị paa. Ọ kà osohu Anibabironi nịnị ẹ vịdị vị azẹbanyị ẹhẹ nị. Ịbabịrọnị ọ raà sị ẹbẹ anị vene avaba anẹhẹ.

Ẹtore 19:20

Dị a za uye ịnị avị ọnọọ ọnịrị ọnịsẹ ireche anị ana vịdị aa mẹ̀ ụkọrọ ohyozirenu éyi anị nị. Ụkọrọ ohyozirenu ọnọọ ọ sị vene aza ana nyị apọtẹrẹwa uye ịnị avị ọnọọ, dị ẹ rẹ hẹkẹ ori anị nị. Dị a za uye ịnị avị ọnọọ ọnịrị ọnịsẹ ireche ọnọọ, dị a kụ́ wa va hi ịnị adagu ịra ana a sị ohuru tụ́ ịnị anị nị.

Ẹtore 20:10

Dị a za Echu ene vene wa, di e ne e ngụ ini adagu ịra ana a sị ohuru tụ́ ịnị anị nị. Ịzọọ uye ịnị avị ọnọọ ọnịrị ọnịsẹ ireche hi nị. Dị aa sị ụyaa rị wa ọọdụ ọnịrị ịrahụ pooro zịna-zịna.

Ẹtore 9:11

Ẹnịnị ệ nyị ohinọyị ọnya. Ohinọyị ọnọọ ọ vị anggẹẹrị ana sị eyi pe ọbọbọ ọnọọ nị. Ịrẹha anị ịnị ẹkụra Anihiburu ọ rị Abadoni nị. Anẹkụra Igiriki ẹnị vị anaā hị́ ọọ Aporiyọnị (ọnị ọ vị ka odusaha).