2 Anịtẹsaronika 2:8 - IWE ỌNỊNỊ

⁸ Ịjọnọọ ọgọnị dị ọza odivi ọnọọ sị ẹngụ anị zụ̀. Dị Ijeesu Ananyị yị sị ụhwẹ ana aa tụ́ụ hụụnị irenu anịị vẹ, dị ọ sị wụ ọọ. Dị ọ rẹ sị ẹtohweyi ọnị ọ za vẹ, di o si vú ọ ẹtẹ.

2 Anịtẹsaronika 2:8 ပူးပေါင်းရင်းမြစ်များ

2 Ịsamụwẹrị 23:7

Wèe si ka wa kanyị aza ẹnẹẹ, enyusẹ ụ waa sị nị. Ẹ̀ yị, vị avọọ ahịka ọpa ụ sị nị; ịra a va sị rị wa nị, ịzị e hi ẹtẹ hi avọọ.

Ijoovu 4:9

Ohomorihi ọọ ha iduma kẹnẹ dị aza edivi nịnị ee vú ẹtẹ nị. Ọ tụ ahị kẹnẹ dị ẹ ta hi ẹtẹ.

Ahẹ Ụgama 18:15

Ẹnẹyịmavara, ịjị ụ kụ́ ayị dị ụ kara eyi hi ọnịvị awụ òkū vị ana maanị tịnọ yaara dị aza ee re iruvo enyi Ẹtẹ vi ana ha hi, dị aza ee re iruvo ẹtẹ nị.

Ayịsaya 11:4

Ịzẹyịza kẹnẹ ọnị vaa sị mẹ̀ ọkarẹyị nị. Ọ yị vaa rara ọkarẹyị ọza agụvị ka ộ mẹhị vi onosiye. Ịrẹyị ọnị ọ ka vi inori ana vaa sị ụyaa rị anẹhẹ. Irenu aa sịị tụ́ ụhwẹẹ kú aza edivi, di e sú va ha nị.

Ayịsaya 30:28

Ụhwẹ ana aa tụ́ vị ana sị mẹẹ ọhaara enyi ana kụ́ avaba ịsa ne hu. Enyi ọnọọ ô tù ọza ọrọkọ, ọ mẹ̀ nyịnẹ. Ộ za anẹkụra dị ọ banyị wa va ha nị. Dị ọ jị ọgọ chire wa irenu, dị ọ sị kụ́ wa hụrẹ oze nị.

Ịdanịyẹrị 11:36

Ohinọyị Isiriya ọnọnị vaa mẹ o me zee eyi ụmẹ ọnọọ. Dị eè wo oto ka ọnị o huna ori nịnị ọnịrị Ohomorihi ene hu kere-kere nị. Avọọ ọ mẹ vaa mẹ pooro ne tu ụmẹ ọnị Ohomorihi vaa sị sị ụya rị ọ anka ọ mẹ vịdị mẹ eto anị tịtẹ nị.

Ịdanịyẹrị 7:25

Ohinọyị ọnọnị vaa kà kẹnẹ-kẹnẹ hi Ohomorihi ene hu keekere, dị ọọ raa sị ụyaa rị aza Ohomorihi. O vee si ka ọnị ọ̀ vara ọda ana aza Ohomorihi a sị mẹ ahẹkẹ ọnịrị eche ẹnẹ ẹ rị. Avọọ ọ mẹ̀ vaa mẹ ịjọvaa tụra wa ịrẹsụ pooro dị ọ mẹ ịrayị ẹẹta rị ẹjịjị nị.

Ịdanịyẹrị 7:26

Ama ọmọkarẹyị nịnị ene hi ẹbẹẹba vaa yaatụ dị ẹ mẹ̀ ọkarẹyị yọ. A vaa dọ ohinọyị ọnọọ ụkata anaa sịị mẹ ịjọva dị e vú ẹtẹ saka-saka.

Ịdanịyẹrị 8:25

Ọ kà agụvị ka ộ yẹ ọbọ, aza vị oni o vee vene kẹnẹ o me ze e eyi, dị ọ kụkụ ee wùu zị. Aza ẹnyị ẹ yị vaa kà rohi-rohi dị ò vu wa ẹtẹ. Ohinọyị ene huna avaba ohinọyị nịnị vị ọnị ọ hyakụ vaa kụ̀ụ hịrẹ. Ama ọza ẹ yị vaa bẹ ụvọọ tụ ọ ịrẹyị dị Ohomorihi o vu ọnị nyẹmba ẹtẹ.

Ihoseya 6:5

Ẹnẹyịmavara kà ọnị ộ tụ́ ọnịsẹ anị ka ẹ sẹ wa rugurugu. Avọọ ọnị mẹ rẹẹ̀ sị ịrẹyị anị wụ́ wa nị. Dị ọnị sị usu chire wa angwa nị. Ọkarẹyị ọnị ọnị vaa mẹ̀ yị wa vaa vẹ anka ịnyanya mẹẹ rị vee avọọ nị.

Imatiwu 13:19

Ọza ọ̀ọ wụ́ ịrẹyị ịjọva Ohomorihi dị ọ̀ yị yẹ ịsị ọ wụ́ nị, di Echu vẹ, dị ọ va sị ịsa enee mi tụ́ ịnị ayị hụụ ịzọọ. Ọza ọnọọ vị ana yà anka ihu enee mi tụ́ ụtọ oze avọọ.

Imatiwu 13:38

Ẹhẹ ọ vị aarẹ ọnọọ nị. Ihu ozoza ọ vị ezi oni Ohomorihi aa mẹ ịjọva tụra nị. Ebe ẹnẹẹ ẹnị vị ezi Echu nị.

Imatiwu 16:27

Agụvị ka Ozi ọza onigirima vaa vẹ beri anggẹẹrị nịnị ini igirima Ada anị; ịjọnọọ dị ọ sị ọgụ ụkọrọ ọzọza yọ anka ụkọrọ ọzọza.

Imatiwu 16:28

Ịzẹyịza m maa kà a wụ nịnị nị, â nyị aza ẹnyị ana jẹẹ ịzẹnị, ana ahịka e yi vee sú pooro, di è re, Ózi ọza onigirima màa vẹ vaa mẹ ịjọva.”

1 Anịkọrịntị 1:28

Ohomorihi ọ́ọ nyị ịsị anẹhẹ ro ka ịsa kẹnẹ-kẹnẹ ọ vị, dị aza aa sị eyii wụ ọọ ọnịrị ịsị aza ro ka ẹ yị nyị ịsị ẹ vị ka ọnị ò si du ịsị aza ro ka ọ́ọ vị ịsa obooro ha.

2 Anịtẹsaronika 2:3

Asị ụ zẹẹ ka à nyị ọza ene vene wu nịnị ini oze ọnyọọnyị o. Ẹkụhị ọnọọ ọ́ yị vaa vẹ ne tù ụmẹ ana aza ọrụrụ-ọrụrụ vaa và ịrẹma Ohomorihi, dị ọza ọnọọ anaā jịnẹ avaba ọda ọ̀ sị ẹngụ anị tụ́ ẹhẹ. Ọnị ọ vị ọza ene vee vú ẹtẹẹ tụ́ ini ẹkụra nị.

1 Itimoti 6:14

Ọda ọnị mị mẹ wụ aanị, sị eyi pee, oo! Asị u du ọọ pẹrẹ, asị ụ zẹẹ ka wa nyị ohuvọ pooro dị Ijeesu Ikirisiti Ananyị yị ọ̀ vavẹ!

2 Itimoti 1:10

Ijeesu Ikirisiti Ọdọzaha ayị mẹ̀ vavẹ ẹhẹ aanị, Ohomorihi ọ raà mẹ ka aza è ree. Ijeesu ọ va raà kụ́ ụkata isu kwooze; ọ raà mẹ ka aza ẹ̀ kụkụ yára pooro dị asị e kuku sú. Ini oze enube ọyịza ị ya yẹ ọsọnị nị.

2 Itimoti 4:1

Wáa yẹ ka ẹkụhị ọnya Ijeesu Ikirisiti vaa vaa vẹ, dị ọ mẹ ka aza ẹ̀ yẹ ka ọnị aa mẹ ịjọva nị. Ọnị ọ rẹ vaa mẹ̀ ọkarẹyị aza ene sú ọnịrị aza ana yára nị. Máa sị Ijeesu ọnọọ ọnịrị Ohomorihi hú wu ụvọ

2 Itimoti 4:8

Máa yẹ ka ẹyịza ọbanyị oni Ohomorihiī sịị yị ọza ana mẹ̀ ebira ana vọrọ, ọ raà sị tẹ mị. Ananyị yị anaā sịị ịzẹyịzaa mẹ̀ ọkarẹyị vaa sị ọọ mị ịnị ẹkụhị ọnọọ. Ayị vị ẹmị ịnya kẹnẹ ọ vaa sịị yị; ọ rẹ vaa sịị yị avaba aza ene ee sì ọọ ka ọ̀ vavẹ.

Ịtayịtọsị 2:13

Yáa jẹẹ ee zí ụmẹ ọnọọ ọnị ị vaa sị nyị ayohine ẹtẹẹtẹrẹ. Ụmẹ ọnọọ avaba aza ve sii re igirima Ohomorihi ana nyị ụbanyị, ana vị Ijeesu Ikirisiti Ọdọzaha ayị nị.

Anihiburu 10:27

Ọza ana àa vavọọ aa mẹ, ò hí angwa, agụvị ka Ohomorihi vaa mẹ̀ ọkarẹyị yọ. Ịra gogogo vaa rị aza ana vị ọnịvị Ohomorihi ịra.

1 Ịjọọnụ 2:13

Ẹwụ nịnị Ada, maa chẹrẹ iwe ọnọnịị tụ́ụ hi wu nịnị agụvị ka wa sị yẹ ọza ọnọọ ana yà ịzọọ dị a va yẹ ka aa mẹ ẹhẹ. Mị raa chẹrẹ iwee tụ́ụ hi ẹwụ nịnị ezwọọmụha agụvị ka wa sị echu huna nịnị.

1 Ịjọọnụ 3:12

Asị ị mẹ̀ ebira anka ọza ana aā hị́ Ikeeni. Ikeeni vị ozi Echu, dị ọ za ọyịnyara anị dị ọ wụ̀ ọ nị. Sị ẹ vẹ dị ọ wụ̀ ọ? Agụvị ka avaba ịsa ọnị Ikeeni aa mẹ, vị ịsa edivi; ama ọyịnyara anị vị anaā mẹ ịzẹyịza.

1 Ịjọọnụ 5:18

Yáa yẹ ka ezi Ohomorihi ọ mā kụkụ aa yịị mẹ ịvị, ama oō sere ẹngụ anị, dị Echu ọ́ yị nyẹngụ kanyị ọ.

Ẹtore 1:16

Dị ọ sị ụzọmị ịhịmba tụ́ ịnị ụvọrị anị nị. Dị ụhwọ onyeyẹva jịnẹ hụụnị irenu anị vẹ nị. Eyirẹsụ anị vị ana aa za anka ọyị ana aa há gaa-gaa ụmẹ ọọdụ avọọ.

Ẹtore 13:5

Dị a sị irenu yị uye ịnị avị ọnọọ ka ọ̀ọ kà ịrẹyị ẹbanyị-ẹbanyị, dị ọ̀ rẹẹ kà ịrẹyị edivi nị. Áa sị ụkata yọ ka ọ̀ vavọọ mẹ pooro mẹ ụhwẹ ẹbẹẹva tụra ẹẹva.

Ẹtore 19:15

Dị ụhwọ ọnya aanị ana rẹ ẹtẹẹtẹrẹ hụụnị irenu anị vẹ nị. Ọnị ọ vaa sị nyị ehuna anẹhẹ nịnị nị. Okutẹ enyusẹ-enyusẹ ọ vaa sị mẹ ịjọvaa tụra wa nị. Ọ vaa sị ahụụ kwọrọ aza ẹhịmịị há anka a mẹ̀ẹ kwọrọ asẹ ịnị ụkọ avọọ. Ọnọọ vị ana jẹẹ yị ọyịkụ Ohomorihi Ochẹtẹngụ.

Ẹtore 2:16

Ro ịnẹ varẹma nịnị, ka à yị vị avọọ, ọ yị jẹẹ dị ma vẹ ịdị awụ nịnị, dị ma sị ụhwọ ana yà amị irenu beri aza ẹnẹẹ kụ́ ịrẹkụ.

Ẹtore 20:10

Dị a za Echu ene vene wa, di e ne e ngụ ini adagu ịra ana a sị ohuru tụ́ ịnị anị nị. Ịzọọ uye ịnị avị ọnọọ ọnịrị ọnịsẹ ireche hi nị. Dị aa sị ụyaa rị wa ọọdụ ọnịrị ịrahụ pooro zịna-zịna.