2 Anịtẹsaronika 2:2 - IWE ỌNỊNỊ

² asị ụ na zẹẹ ka ayị awụ nịnị ọ̀ wụsẹ vazi. Asị ụ rẹ zẹẹ ka angwa ò hí wu nịnị, agụvị ka aza aa kà a ka ẹkụhị Ananyị yị o si tu. Aza ẹnyị ẹ zụ kà a ka vị ẹnị vavọọ re ẹtẹ nị. Ọ zụ hwọọ a hị́ ka vị aza ẹnyị aa kà a ka Ohomorihi ọ vavọọ kà a yị ẹnị nị. Aza ẹnyị ẹ rẹ zụ kà a ka ẹyị hyakụ chẹrẹ ẹ tụ́ ini iwe vẹ nị.

2 Anịtẹsaronika 2:2 ပူးပေါင်းရင်းမြစ်များ

Ayịsaya 26:3

Ụ vaa sị ẹngwọọrọ yị aza ana ayị anị jẹẹ geri-geri dị ẹ sị ayị tụra wụ.

Ayịsaya 7:2

Dị a vana kà a yị anovwoovu Idevidi, dị a ka Aramị ọnịrị Ehwireemi ẹ sị vabẹ o. Ahazi ọnịrị aza anị mẹ̀ wụ́ ọ, ẹnịnị aa da ẹgahị angwa mèe hí wa, dị ẹ yaa banyị anka ahị mèe henyi ọchị ene hi ini iriku avọọ nị.

Imika 2:11

Mâ yẹ ka onireche ana aa kà ịsẹ ireche zị ka u vee re echee hú ẹtẹẹtẹrẹ u sì nịnị.

Imatiwu 24:24

Agụvị ka onireche nịnị ana ka ẹnị vị ikirisiti, ọnịrị ọnịsẹ ireche nịnị vaa kwẹẹtẹ, dị ẹyaa mẹ̀ ụkọrọ ohyozirenu ẹbanyị-ẹbanyị, agụvị ẹ̀ nyẹngụ si vene aza oni Ohomorihi sị nyị, ẹ̀ẹ zụ mẹ̀ ẹ.

Ịmaakị 13:7

Ịjị ụ wàa wụ́ ekuku ịrẹkụ nịnị ọnịrị ụha ịrẹkụ, asị ụ zẹẹ ka ayị awụ nịnị ọ̀ vazi. Ẹ yị zụ nyị ka ọyị vavọọ yà; ama ẹzẹtẹ ẹhẹ ọọ̀ yị vẹ.

Iruuku 21:19

Wàa jẹẹ geri-geri nịnị, ọnị ọ vaa mẹ ka wa zụ yara nịnị obooro nị.”

Iruuku 21:9

Ịjị ụ wàa wụ́ ekuku ịrẹkụ irenyi-irenyi nịnị, asị u hí angwa nịnị! Ẹ yị zụ nyị ka ọ yị vavọọ yà; ama ẹzẹtẹ ẹhẹ ọọ̀ yị vẹ.”

Ịjọọnụ 14:1

Ijeesu ộ kà a yị ezirẹma anị ka, “Asị ụ zẹẹ ka ayị awụ nịnị ò du! Sị ayị tụra Ohomorihi, dị ụ wa rẹ sị ayị tụra mị nịnị bẹẹ!

Ịjọọnụ 14:27

“Maa mẹ ka wa nyị ẹngwọọrọ nịnị; ẹngụ ẹngwọọrọ ọnị mị nyị m maa mẹ̀ ka wa nyị nịnị nị. Ẹ yị vị ẹngụ ẹngwọọrọ ọnị ẹhẹ sịị yị ọza m maa mẹ̀ ka wa nyị nịnị. Asị ụ zẹẹ ka ayị awụ nịnị ò du; asị u re hí angwa nịnị!

1 Anịkọrịntị 1:8

Ikirisiti vaa sị ụvọọ za wụ nịnị pooro ne tù ụmẹ ọdịrẹma, agụvị ịhị Ijeesu Ikirisiti Ananyị yị ọ̀ọ vavẹ, asị ụ na nyị ohuvọ nịnị vụrụ-vụrụ.

1 Anịkọrịntị 14:32

Ọza ana nyị ụkata ọyịkà ịrẹyị Ohomorihi, ọ̀ zụ sị ụvọ za ẹngụ anị!

1 Anịkọrịntị 7:26

Eme ro ka agụvị ẹngụkata ene si nyima booro aanị, ọzọza ọ̀ọ yà anka ọ̀ mẹ̀ yà booro aanị, óo zoza.

Anẹhwẹsọsị 5:6

Asị ụ zẹẹ ka ọza ọ̀ sị ịrẹyị kẹnẹ-kẹnẹ vene wu nịnị! Agụvị ịsa ẹnẹẹ Óhomorihi vaa sị sị ụyaa rị aza ẹnẹ ẹ̀ yị mā wụ́ ịrẹyị anị nị.

1 Anịtẹsaronika 3:3

agụvị asị ana nyị ọza ana vara ayị ịnị awụ nịnị agụvị ụya ọnị ụ waa rị nịnị aanị. Ẹwụ nịnị nyẹmba ọ́ọ yẹ ka ụyọrị yà ịnị ịsa oni Ohomorihi sì ka ò tù yi.

1 Anịtẹsaronika 4:15

Ịrẹyị ana Ananyị yị sị zụ̀ yị ọnị yaa kà a wụ nịnị yị: Ịhị Ananyị yị ọ̀ọ vavẹ, ẹyị ana yára yẹ yị vaa dọ ọvịdị aza ene wusu.

1 Anịtẹsaronika 5:2

Ẹwụ ụvọta ọ́ọ yẹ ẹtẹẹtẹrẹ ka ẹkụhị ana Ananyị yị vaa sị vaa vẹ vị ana sị mẹẹ anka ẹkụhị oni oyi sịị nọ aha ịrahụ avọọ.

2 Anịtẹsaronika 2:15

Agụvị avọọ, anda ayị nịnị, jẹẹ geri-geri, dị ụ wa sị ụvọ za enube ọnị ị sị zụ̀ wụ nịnị ịnị ịrẹyị ọnị ị kà ọnịrị ini iwe ọnị ị chẹrẹ!

2 Anịtẹsaronika 3:17

Ẹmị Ịpọọrụ ụvọta ọ sị ụvọ amị chẹrẹ ẹ ka mị kụ́ wụ nịnị nị. Aanị m mẹ̀ yị sị ụvọọ tụ́ ịnị avaba iwe ọnị màa chẹrẹ nị. Wàa maanị ree kẹnẹ, yẹ nịnị ka ẹma chẹrẹ iwe ọnọọ nị!

Ẹtore 19:20

Dị a za uye ịnị avị ọnọọ ọnịrị ọnịsẹ ireche anị ana vịdị aa mẹ̀ ụkọrọ ohyozirenu éyi anị nị. Ụkọrọ ohyozirenu ọnọọ ọ sị vene aza ana nyị apọtẹrẹwa uye ịnị avị ọnọọ, dị ẹ rẹ hẹkẹ ori anị nị. Dị a za uye ịnị avị ọnọọ ọnịrị ọnịsẹ ireche ọnọọ, dị a kụ́ wa va hi ịnị adagu ịra ana a sị ohuru tụ́ ịnị anị nị.