2 Anịtẹsaronika 2:1 - IWE ỌNỊNỊ

¹ Ẹwụ nịnị ẹyịnyara amị, ini oze ka Ijeesu Ikirisiti Ananyị yị vaa vaa vẹ ọnịrị ụmẹ ọnị ọ vaa sị kụ́ yị nee pe ẹngụ anị, aarịhịnị

2 Anịtẹsaronika 2:1 ပူးပေါင်းရင်းမြစ်များ

Oyinyima 49:10

Ijuda, ẹwa vaa vi ohinọyị nị. Ẹ yị nyị ọza ana vaa dọ wụ ohinọyị. Aza vaa kụ̀ ịsa ẹtẹ vaa wụ, anẹhẹ vị ana vaa vẹ vaa kụ̀ wụ, ịsa ẹtẹ ini Ihiburu a ka Isiro. Ọza ọ yị yẹ ịsị ẹ vị iruvo anị booro.

Imatiwu 16:27

Agụvị ka Ozi ọza onigirima vaa vẹ beri anggẹẹrị nịnị ini igirima Ada anị; ịjọnọọ dị ọ sị ọgụ ụkọrọ ọzọza yọ anka ụkọrọ ọzọza.

Imatiwu 16:28

Ịzẹyịza m maa kà a wụ nịnị nị, â nyị aza ẹnyị ana jẹẹ ịzẹnị, ana ahịka e yi vee sú pooro, di è re, Ózi ọza onigirima màa vẹ vaa mẹ ịjọva.”

Imatiwu 24:31

Dị ọpanyị ọbanyị ọnya sụ́ ịrẹyị, dị mị tụ́ anggẹẹrị amị nịnị ka ẹ̀ nọ avaba ẹhẹ, dị ẹ̀ na kụ́ avaba aza amị gụ hụrẹ avaba aha ịzị ẹhẹ ọnịrị ẹbẹẹba na ta hi.

Imatiwu 25:32

Dị avaba anẹhẹ wara gụ ịda anị, dị ọ gà wa hi ẹẹva, anka oseratẹmẹ mẹ̀ẹ̄ tọ̀ọ́ atẹmẹ ọnịrị ẹvụụ hi aha irenyi-irenyi avọọ.

Ịmaakị 13:27

Dị mị tụ́ anggẹẹrị nịnị ka ẹ̀ nọ avaba ẹhẹ, dị ẹ̀ na kụ́ avaba aza amị ọnị mị nyị gụ hụrẹ avaba aha ịzị ẹhẹ ọnịrị ẹbẹẹba na ta hi.

Aniroomi 12:1

Ẹwụ nịnị ẹyịnyara amị, aarịhịnị, maa sị ayamva Ohomorihii dá ịpẹẹ wụ nịnị ẹtẹẹtẹrẹ. Navọ wa sị avaba ẹngụ awụ nịnị yị Ohomorihi anka ịsa ịsọvọ ana yára, dị ọ vị ọnịnịn, di o re zé Ohomorihi eyi! Ọnọọ ọ vị ahẹkẹ Ohomorihi obooro anaa vọrọ ka waa mẹ nịnị nị.

Anẹhwẹsọsị 1:10

Ịsa oni Ohomorihi mẹ eto anị ka ọnị vaa mẹ ịjị ụmẹ òo si tù ọ vị ka, ọnị vaa kụ́ avaba ịsa ene hi ẹbẹẹba ọnịrị ẹhẹẹ gụ tụ́ ịdị Ikirisiti nị. Dị ahịka Ikirisiti ọ vị ka Ikirisiti ọ vị ohirẹsụ avaba ẹnịnị nị.

1 Anịtẹsaronika 2:19

Sị ị daba sị eyi tụra? Sị aa mẹ ka yaa jẹ? Sị ẹ vị ọgụ ayị ọnị yaa sịị mẹ ụbanyị ọvịdị Ijeesu Ikirisiti Ananyị yị, ọ̀ọ vẹ? Ẹyị vị ẹwụ nịnịị?

1 Anịtẹsaronika 3:13

Ini oze avọọ, dị ụ wa vị ọnịnị nịnị ọ́vịdị Ohomorihi Ada ayị ịnị ụmẹ oni Ijeesu Ananyị yị vaa sị vaa vẹ beri avaba aza anị!

1 Anịtẹsaronika 4:1

Ẹwụ nịnị ẹyịnyara amị, jẹẹ maa kà ịsa ọnya, dị ma va za ịrẹyị amị ịrẹsụ: Ya raà sị zụ̀ wụ nịnị ẹngụ ebira ene zé Ohomorihi eyi ana a vọrọ ka waa mẹ nịnị. Avọọ ụ màa mẹ nịnị da nị. Aarịhịnị, yáa sị Ijeesu Ananyị yị dá ịpẹẹ wụ nịnị ka waa sịị vụrịị hu avọọ nịnị.

2 Anịtẹsaronika 1:3

Ẹwụ nịnị ẹyịnyara amị, áa nyị ka yaa kụ́ Ohomorihi avọ pooro agụvị awụ nịnị. Iruvo ọ vị ka waa yị sị ayị tụra Ikirisiti hu avọọ nịnị ẹtẹẹtẹrẹ, dị ụ rẹ nyayịnẹ ee sì ịrẹyị ẹngụụ hu avọọ ẹtẹẹtẹrẹ nị.

2 Itimoti 4:1

Wáa yẹ ka ẹkụhị ọnya Ijeesu Ikirisiti vaa vaa vẹ, dị ọ mẹ ka aza ẹ̀ yẹ ka ọnị aa mẹ ịjọva nị. Ọnị ọ rẹ vaa mẹ̀ ọkarẹyị aza ene sú ọnịrị aza ana yára nị. Máa sị Ijeesu ọnọọ ọnịrị Ohomorihi hú wu ụvọ