2 Anịtẹsaronika 1:5 - IWE ỌNỊNỊ

⁵ Wee re ka ịrẹyị awụ nịnị ọnọnị aa sịị zụ̀ ka Ohomorihi vị anaā mẹ̀ ọkarẹyị ịrẹyịzẹyịza? Ọdịrẹma ịsa ẹnẹnị ọ vị ka Ohomorihi aa mẹ wụ nịnị ka wa vọrọ tụra ịzị ọnị yà aa mẹ ịjọva, ọnị ụ maanị hụ ụvọ anị aa rị ụya nịnị aanị nị.

2 Anịtẹsaronika 1:5 ပူးပေါင်းရင်းမြစ်များ

Ijoovu 8:3

Ohomorihi Ochẹtẹẹngụ ọ mā mẹ irikiti.

Ahẹ Ụgama 111:7

Ịzẹyịza ọọ̄ mẹ nị, ọ mā mẹ irikichi. Avaba ọda ọnị ọ mẹ ọ rụra sị ayị tụra.

Ahẹ Ụgama 33:5

Ẹnẹyịmavara, ịzẹyịza o sì nị ee Ẹnẹyịmavara, avaba aza ụ vayị anị nị.

Ahẹ Ụgama 50:6

Anihinẹba aa kà a ka Ohomorihi vị ana aā mẹ̀ ịsa ana vọrọ agụvị ka ọnị ụvọta vị ọmọkarẹyị.

Ahẹ Ụgama 72:2

Navọ kwogwo ọ̀ọ sị ịzẹyịzaa mẹ ohinọyị anị, dị asị o sima ọkarẹyị mẹ yị aza ana aa rị ụya.

Ahẹ Ụgama 99:4

Ohomorihi ohinọyị vị ana nyị ụkata, oō sì ka asị a mẹ apẹ. Ọ raà sị ịzẹyịza hi ẹtẹ ini Isirẹrị, ịsa ana vọrọọ mẹ nị.

Ijeremaya 9:24

Ama àa nyị ọza enee wo oto, oo wo oto ka ọnị ọọ yẹ ọnị Ohomorihi, ka vị ọnịị̄ sì ịrẹyị ọza pooro nị. Ịzẹyịza ọnịrị ana vọrọ ọnịị mẹ nị. Ịsa ẹnẹnị oo hine ọnị nị.

Ịdanịyẹrị 4:37

Dị ọnị kụkụ aa sị ụga ọnịrị ụbanyịị yị ohinọyị ana nyị ẹbẹẹba nị. Agụvị ka ịzẹyịza ọnịrị ịsa ana vọrọ ọọ̄ mẹ̀ nị. Ọza ẹ̀ yịị yaraa sị ẹngụ anịị tụ ẹba Ohomorihi ọ zụ và a nẹtẹ.

Iruuku 20:35

Ama aza oni Ohomorihi re ka ộ vọrọ ka ẹ̀ ha hụụnị isu, dị ẹ̀ rẹ ra ị́dị Ohomorihi, ẹ yị kụkụ vaa nyị ọnẹẹ, dị à hyakụ va sị aza ẹnyị gà ọnọrụ.

Iruuku 21:36

Agụvị avọọ, wee zí nịnị, dị ụ waa mẹ̀ aduwa nịnị ụmẹ tụra ụmẹ, agụvị dị ụ wa nyẹngụ há hụụnị avaba ịsa ana aa vẹ nịnị aanị, dị ụ wa zụ jẹẹ ọ́vịdị ẹmị Ozi ọza onigirima.”

Odeyi 13:46

Dị Ịpọọrụ ọnịrị Ịbanabasị aa sị ọtụtụrụma kà ịrẹyị huna avọọ nị. Dị ẹ ka, “Â nyị ka à vịdị kà ịrẹyị Ohomorihi yị wụ nịnị da. Ama ụ wẹ̀ yị mẹ̀ dọ ọ nịnị, dị ụ ka wẹ yị vị aza ana aa yàra ị́dị Ohomorihi pooro zịna-zịna nịnị aanị, yaa hụụ ịdị awụ nịnị, dị ya nọ ịdị anẹkụra ẹnẹ ẹ̀ yị vị Aniju.

Odeyi 14:22

Ệ tụ́ ezirẹma nịnị ọtụtụrụma, dị ẹ kà a yị wa ka ẹ̀ jẹẹ geri-geri ịnị ẹdọwụ ẹnịnị nị. Dị ẹ ka, “Â nyị ka ya há ụyọrị ọrụrụ-ọrụrụ na jịnẹ, dị ya va na ngụ ịzị Ohomorihi yà aa mẹ ịjọva.”

Aniroomi 2:5

Ayị awụ ọ sị katẹngụ, weyi sì ka we ro ịnẹ varẹma. Agụvị avọọ waa dàa tụ́ ịnị ụyaa yị ẹngụ awụ ịnị ẹkụhị oni Ohomorihi vaa sị ọyị kụ anị ọnịrị ọkarẹyị anị ana vọrọọ zụ̀ aza.

Aniroomi 8:17

Ị mẹ̀ sị vị ezi Ohomorihi aanị, ị rẹ vaa dọ ẹyịza oni Ohomorihi sị tịtẹ yị aza anị. Ẹyịrị Ikirisiti re dudu vaa dọ ẹyịza oni Ohomorihi raà sị tịtẹ yọ. Yàa rị ụya, anka Ikirisiti ọnị mẹ̀ rẹ rị ụya, ẹyị rẹ vaa nyịị tụ́ ịnị ụbanyị ọnị ọ nyị.

Anẹhwẹsọsị 4:1

Ẹmị ana yà ịnị ẹngwa agụvị Ananyị yị maa dá ịpẹẹ wụ nịnị ka waa mẹ̀ ebira ana vọrọ tụra wụ nịnị anka aza oni Ohomorihi sị hị́.

Anihwiripi 1:28

Asị u hí angwa ọnịvị awụ nịnị vụrụ-vụrụ. Ọnọọ vaa sị zụ̀ wa ka ẹnịnị vee vu ẹtẹ, ama ẹwụ nịnị vaa nyị ehuna, ọnịrị ka Ohomorihi ọ yà ịrẹma awụ nịnị nị.

Anikorasi 1:12

dị ụ waa kụ́ Ohomorihi Ada ayị avọ nịnị. Ọnị ọ mẹ wụ nịnị vọrọ ka wa zụ nyị tụ́ ịnị ẹyịza ọnị ọ sị tẹ yị aza anị ịdị anị ịzị ẹtohweyi ya nị.

1 Anịtẹsaronika 2:14

Ẹwụ nịnị ẹyịnyara amị, ịrẹyị óo tù wu nịnị, anka o mè tù anịragụ Ohomorihi ọnị ọnịrị Ijeesu Ikirisiti sị vị ọnya, ene hi Ijudiya. Anẹkụra awụ nịnị ệ sị ụya rị wụ nịnị anka anda ẹnịnị Aniju ẹnị mẹ̀ rẹ sị ụya rị ẹnị.

2 Anịtẹsaronika 1:11

Agụvị avọọ ị sịị̄ mẹ̀ aduwaa wụ nịnị pooro nị. Yaa dá ịpẹ ka Ohomorihi ọ̀ navọ wa vọrọ tụra ịsa ọnị ọ hị́ wụ nịnị ka wa mẹ: ọ̀ navọ ọ̀ sị ụkata anị mẹ ka waa mẹ̀ ebira ọyịza, anka u mè sì ọ nịnị, dị ụ wa zụ mẹ̀ ụkọrọ ẹdọwụ awụ nịnị ne tù ẹtẹ.

2 Itimoti 2:12

Yàa yịị sị ẹngụụ dọ ụya, ẹyịrị ọọ rẹ vaa rị ohinọyị. Yàa kà ka yẹ yị yẹẹ, ọnị rẹ vaa kà a ka ọnị ọ yị rẹ yẹ ẹyị.

Ẹtore 15:4

Ananyị yị, ẹnẹ ka oni o yi vee hí angwa awụ, dị ọnị ọ̀ ga ịrẹha awụ? Ẹwụ ịnya kẹnẹ ẹ̀ yị nyị ẹngụ anị nị. Avaba anẹhẹ vaa vẹ dị ẹ va và ku ẹtẹ ọvịdị awụ, agụvị ka avaba aza ẹ sị ụkọrọ ịzẹyịza awụ re.

Ẹtore 16:7

Dị mị rẹ wụ́ ọngwẹ ọsa hụụnị ụta ọnọọ vẹ, dị ọ tụ́ ohi ka, “Ohomorihi Ananyị yị Ochẹtẹngụ, ịzẹyịza ụ waa sịị mẹ̀ ọkarẹyị nị, ẹ yị nyị ireche ịnị anị.”

Ẹtore 19:2

Ịzẹyịza ọ sịị̄ mẹ̀ ọkarẹyị anị nị, ọ mā nyị ireche. Ọ raà mẹ̀ ọkarẹyị yị ọsẹrẹka ọbanyị ọnọọ ana aa sị ịrẹkọyịsẹ anịị du ẹhẹ. O re reè si ọ atọ agụvị ezi ahụ anị ọnị ọ wụ̀.”

Ẹtore 3:4

 nyị aza chee ịnị awụ nịnị Isaadisi ịzọọ, ana ahịka ẹ yị dà ịdọtị gẹ ịta ẹnịnị. Ẹnịnị vaa kụ́ ẹnya ọvwọọvụụ hi ẹngụ, dị ọnịrị wa aa zịịzị, agụvị ka ẹnịnị ệ ra anka Ohomorihi mè sì ọọ.