2 Anịtẹsaronika 1:4 - IWE ỌNỊNỊ

⁴ Agụvị avọọ ẹyị nyẹmba aa sị wụ nịnịị mẹ ụbanyị ịnị anịragụ Ohomorihi nị. A mẹ̀ daka aa yịị sị ụya irenyi-irenyii rị wụ nịnị, waa yịị sị ẹngụụ dọ ọ nịnị, dị ụ waa yịị sị ayịị tụra Ikirisiti nịnị nị.

2 Anịtẹsaronika 1:4 ပူးပေါင်းရင်းမြစ်များ

Aniroomi 12:12

Agụvị ka wâ nyị ọyịtureyi nịnị, waa jẹ nịnị. Wàa daka aa rị ụya nịnị, re ka wâ nyị ọyịtureyi nịnị, waa jẹ nịnị! Wàa daka aa rị ụya nịnị, re ka wâ nyị isuuru nịnị, dụ wa yịị mẹ̀ aduwa nịnị!

Aniroomi 2:7

Aza ẹnyị aa mẹ̀ ebira ozoza. Eyee sì ka Ohomorihi ọ̀ sị ụbanyị yị ẹnị, dị ọ̀ rẹ mẹ ka ẹnị ẹ̀ yàra pooro zịna-zịna. Ẹngụ aza ẹnẹẹ, Ohomorihi vaa mẹ ka ẹ̀ yàra ị́da anị pooro zịna-zịna.

Aniroomi 8:25

Ama àa vị ịsị yè yi re, ị yaa tụra eyi anị nị, vị ị tangwa aa sị isuuruu jẹẹ zí ọọ nị.

1 Anịkọrịntị 7:17

Ọzọza ọ̀ yà udi ọnị ọ yà, dị Ohomorihi hị́ ọọ, dị ọ̀ rẹ mẹ ọpa ụkata oni Ohomorihi sị yọ! Ọda ọnị maa mẹẹ yị avaba anịragụ Ohomorihi ọ vị ọnọọ nị.

2 Anịkọrịntị 12:10

Agụvị avọọ ahịmị amị, ụhụ ana aa kụ̀ mị, ọnịrị ẹngụkata beri ụya ana aa sịị rị mị, ọnịrị ezigi agụvị Ikirisiti, ee hine mi. Agụvị ka ịjị màa vị ọkụmị, ịjọnọọ mị sẹsẹ vaa nyị ụkata nị.

2 Anịkọrịntị 7:14

Mâ sị wụ nịnị mẹ eyi yọ; wẹ rẹ va mẹ̀ ụhị nyị mị nịnị. Ịzẹyịza ịị̄ kà a wụ nịnị pooro nị. Ị mẹ̀ rẹ sị wụ nịnị mẹ eyi yị Ịtayịtọsị, ịzẹyịza ọ rẹ vị nị.

2 Anịkọrịntị 7:4

Mâ sị ayị tụra wụ nịnị ẹtẹẹtẹrẹ, dị mị raa sị wụ nịnị mẹ eyi nị. Yâ daka aa rị ụya pooro, ma nyị nyị ayọnẹtẹ, ayị amị vị ene ee yii hine ẹtẹẹtẹrẹ.

2 Anịkọrịntị 9:2

Mâ yẹ ka wee sì ka wa mẹ ọgụvọ nịnị. Mâ hyakụ sị ịrẹyị awụ nịnị wo oto yị Animasedoniya. Mâ kà a yị wa ka hụrẹ ayẹnẹ ánda ayị ene hi Akaya hụrẹ ee sì ka ẹnị ẹ̀ mẹ ọgụvọ nị. Ụ mẹmẹ sị ayị sị ọọ nịnị, ọ raà mẹ ka aza ọrụrụ-ọrụrụ ẹnị ẹ̀ rẹ sị ayị sị ọọ.

2 Anịkọrịntị 9:4

È yị vị avọọ, Animasedoniya ẹ̀ẹ na saasa mị vẹ, dị e ve tù ka we yi tenyi ẹngụ nịnị nị, ụhị vaa daa nyị yị kẹnẹ ka yâ vavọọ sị ayị tụra wụ nịnị. Asị a hyakụ kụkụ kà ụhị ana rẹ vaa nyị ẹwụ nịnị.

1 Anịtẹsaronika 1:3

Ịị̄ tamayị awụ nịnị pooro ọ́vịdị Ohomorihi Ada ayị, anka ụ mẹmẹ aa sịị zụ̀ ka wáa sị ayị tụraa ini oze ụkọrọ awụ nịnị nị. Ịrẹyị ọza oni u sì raa mẹ ka waa mẹ̀ ụkọrọ nịnị ẹtẹẹtẹrẹ, vị ụ rẹ nyayịnẹ ee zí Ijeesu Ikirisiti Ananyị yị eyi nịnị.

1 Anịtẹsaronika 2:14

Ẹwụ nịnị ẹyịnyara amị, ịrẹyị óo tù wu nịnị, anka o mè tù anịragụ Ohomorihi ọnị ọnịrị Ijeesu Ikirisiti sị vị ọnya, ene hi Ijudiya. Anẹkụra awụ nịnị ệ sị ụya rị wụ nịnị anka anda ẹnịnị Aniju ẹnị mẹ̀ rẹ sị ụya rị ẹnị.

1 Anịtẹsaronika 2:19

Sị ị daba sị eyi tụra? Sị aa mẹ ka yaa jẹ? Sị ẹ vị ọgụ ayị ọnị yaa sịị mẹ ụbanyị ọvịdị Ijeesu Ikirisiti Ananyị yị, ọ̀ọ vẹ? Ẹyị vị ẹwụ nịnịị?

2 Anịtẹsaronika 3:5

Ananyị yị ọ̀ mẹ ayị awụ nịnị ka wa yẹ, Óhomorihi meme sì ịrẹyị ọza, dụ wa rẹẹ sị ẹngụụ dọ ịrẹyị nịnị, anka Íkirisiti mẹ̀ẹ mẹ ka ọza ọ̀ sị ẹngụ dọ ịrẹyị.

Anihiburu 10:36

Áa nyị ka wa nyị isuuru nịnị, agụvị wàa ịsa oni Ohomorihi sì, mẹ nịnị, dụ wa zụ dọ ịsa ọnị ọ zẹẹ wụ nịnị ịzẹzẹ anị.

Anihiburu 6:12

dị asị ọ na ngụ wụ nịnị ẹngụ. Ama waa mẹ̀ ebira, aza ana yịị sị ayịị tụra Ohomorihi, dị ẹ rẹ nyị isuuru. Ẹngụ aza ẹnẹẹ ẹ vaa dọ ẹyịza oni Ohomorihi kà a ka ẹyị zụ nyị ka ọnị ọyị vaa sịị yị wa nị.

Anihiburu 6:15

Abụrahamị ộ nyị isuuru ẹtẹẹtẹrẹ, agụvị avọọ dị ọ dọ ịsa oni Ohomorihi kà a ka ẹ́ yị zụ nyị ka ọnị ẹyị vaa sịị yọ nị.

Ijemiisi 5:11

Yâ yẹ ka ẹnịnị ệ jẹ ịrajẹ, agụvị ka ệ jẹẹ geri-geri ne tù ọdịrẹma. Wa rẹ wụ́ nịnị, Ijoovu mẹmẹ jẹẹ geri-geri ne tù ọdịrẹma. Wê re ịsị Ohomorihi Ananyị yị sì ka ọnị ọ̀ mẹ, ka ộ vayị anị ẹtẹẹtẹrẹ.

2Ipita 1:6

re ka wa nyẹngụ sị ụvọ za ẹngụ awụ beri ịrẹyọyẹ awụ! Ụ mẹ̀ sị ụvọ za ẹngụ awụ, re ka wa nyẹngụ sị ẹngụ dọ ịrẹyị, dụ wa rẹ nyị ebira ene zé Ohomorihi eyi vaka ẹngụ ọyịsị dọ ịrẹyị!

Ẹtore 14:12

Ọsọnị ọ́ọ dọ ka aza Ohomorihi ana sị eyi pe ọda anị, dị ẹ rẹ sị ayị tụra Ijeesu, ẹ̀ẹ sị ẹngụụ dọ ịrẹyị.