2 Anịtẹsaronika 1:3 - IWE ỌNỊNỊ

³ Ẹwụ nịnị ẹyịnyara amị, áa nyị ka yaa kụ́ Ohomorihi avọ pooro agụvị awụ nịnị. Iruvo ọ vị ka waa yị sị ayị tụra Ikirisiti hu avọọ nịnị ẹtẹẹtẹrẹ, dị ụ rẹ nyayịnẹ ee sì ịrẹyị ẹngụụ hu avọọ ẹtẹẹtẹrẹ nị.

2 Anịtẹsaronika 1:3 ပူးပေါင်းရင်းမြစ်များ

Ijoovu 17:9

Ịsa tụra ịsa enee tu ọnizẹyịza, vị́ ọnị aa jẹẹ gere-gere.

Ahẹ Ụgama 84:7

Ẹ́ maà na, avọ ẹ màa nyị ụkataa hu avọọ pooro di e na ngụ ana vị ịda Ohomorihi nị.

Ahẹ Ụgama 92:13

Ẹnịnị vị ana vaa sị mẹẹ anka ọchị ene e chire tụ́ ini eehi Ẹnẹyịmavara, dị ẹ vavọọ hi ini irehi Ohomorihi ayị dị ẹ yaa yara.

Ụhịrẹyị 4:18

Ọnịrẹyịzẹyịza ọọ̄ ma hụrẹ ayịnẹ. Ẹhẹ anị ọ mā nyị ọjịrẹka.

Iruuku 15:32

 vọrọ ka yaa rị eche, dị yaa mẹ inohine, agụvị ka ọyịnyara awụ ọnọnị ô sú, ọ rẹ sị yara; ô vú, ya sị ọọ hèe.’ ”

Iruuku 17:5

Dị odeyi nịnị kà a yị Ananyị yị ka, “Aarịhịnị, mẹ ka ẹdọwụ ayị ọ̀ banyị hu avọọ!”

Ịjọọnụ 15:2

Avaba avọ ọnị màa há, ẹnẹ ẹ̀ yị tụ́ ẹtụtụ, dị ọ dà a ne ta. Ama avọ ana àaa tụ́ ẹtụtụ, di o tenyi ọ, dị ọ̀ọ tụ́ hu avọọ.

Aniroomi 1:8

Ịpaapa da, ini oze Ijeesu oni Ohomorihi nyị ka ọ̀ dọ yị há, mâ kụ́ Ohomorihi avọ agụvị avaba awụ nịnị; aa kà a ngụ avaba ẹhẹẹ zị, ụ mẹmẹ sị ayị tụra Ijeesu oni Ohomorihi nyị ka ọ̀ dọ yị há nịnị.

1 Anịkọrịntị 1:4

Mịị̄ kụ́ Ohomorihi amị avọ pooro agụvị awụ nịnị, agụvị ka ini oze ka ẹwụrị Ijeesu Ikirisiti ọ sị vị ọnya nịnị, ọ raà mẹ ọyịza yị wụ ẹtẹẹtẹrẹ.

2 Anịkọrịntị 10:15

Yẹ yị rị ụvọ wo oto na ngụ ịnị ụkọrọ ọnị ọza ẹnẹsa mẹ. Ama yaa tụra eyi ka ụ màa sị ayịị tụra Ijeesu nịnịị hu avọọ, dị ya zụụ mẹ ụkọrọọ hu avọọ ịnị akakana awụ nịnị pooro na ngụ ẹhwị ẹtẹ ayị.

Anẹhwẹsọsị 5:20

Ịnị avaba ụmẹ ọnịrị tụ́ ịrẹsụ avaba ịsa, waa kụ́ Ohomorihi Ada ayị avọ nịnị ini oze ịrẹha Ijeesu Ikirisiti Ananyị yị.

Anihwiripi 1:7

Áa vọrọ ka ẹngụ ariro ọnọọ ọ̀ vavọọ yà ịnị ayị amị, agụvị ka ịrẹyị awụ nịnị vị anaā yà ịnị ayị amị pooro. Ụkọrọ oni Ohomorihi nyị mi yi sị mị, wé beri emi nyị ụvọ tụ́ ọ nịnị. M Mẹ̀ yà ịnị ẹngwa, ẹmịrị ẹwụ nịnịị yọ nị; m mẹ̀ vaa kà ịrẹyị Ohomorihi dị maa sịị zụ̀ aza ka ịzẹyịza ọ vị nị, ẹmịrị ẹwụ nịnị rẹẹ yọ nị.

Anihwiripi 1:9

Aduwa ọnị maa mẹẹ wụ nịnị yị: Ohomorihi ọ̀ navọ wee sì ịrẹyị ẹngụụ hu avọọ nịnị pooro. Dị ụ wa rẹẹ nyị ịrẹyọyẹẹ hu avọọ nịnị, dị ụ wa zụ yẹ ịsa ozoza ọnịrị ene è yi zoza nịnị.

1 Anịtẹsaronika 3:12

Ananyị yị ọ̀ navọ wee sì ịrẹyị ẹngụụ hu avọọ, di u we ree sì ịrẹyị azaa hu avọọ, anka ẹ́yị mè ree sì ịrẹyị ẹwụ nịnị.

1 Anịtẹsaronika 3:6

Itimoti ọ va zị hụụ ịdị awụ nịnị ve tù yi. Enube ọnị ọ za va kà a yị, óo zoza ka vị ụ yị sị ayị tụra Ikirisiti nịnị, du u ree yii sì ịrẹyị ọza nịnị nị. Ọ kà waa tamayị ayị nịnị pooro, ọnịrị ka eyi ayị aa tụra wụ nịnị ẹtẹẹtẹrẹ, anka éyi ẹwụ nịnị ọnị mẹ̀ raa tụra ẹyị.

1 Anịtẹsaronika 3:9

Yẹ yị nyị ẹngụ kụ́ Ohomorihi avọ booro aanị agụvị awụ nịnị. Yaa kụ́ ọọ avọ agụvị inohine ọnị ị nyị ọ́vịdị Ohomorihi agụvị awụ nịnị.

1 Anịtẹsaronika 4:1

Ẹwụ nịnị ẹyịnyara amị, jẹẹ maa kà ịsa ọnya, dị ma va za ịrẹyị amị ịrẹsụ: Ya raà sị zụ̀ wụ nịnị ẹngụ ebira ene zé Ohomorihi eyi ana a vọrọ ka waa mẹ nịnị. Avọọ ụ màa mẹ nịnị da nị. Aarịhịnị, yáa sị Ijeesu Ananyị yị dá ịpẹẹ wụ nịnị ka waa sịị vụrịị hu avọọ nịnị.

2 Anịtẹsaronika 2:1

Ẹwụ nịnị ẹyịnyara amị, ini oze ka Ijeesu Ikirisiti Ananyị yị vaa vaa vẹ ọnịrị ụmẹ ọnị ọ vaa sị kụ́ yị nee pe ẹngụ anị, aarịhịnị

2 Anịtẹsaronika 2:13

Ẹwụ nịnị ẹyịnyara amị, áa nyị ka yaa kụ́ Ohomorihi avọ pooro agụvị awụ nịnị ana Ananyị yị sì ịrẹyị anị. Ohomorihi ọ nyị ẹwụ nịnị tịtẹ hụrẹ ụmọrụmọ ka ọnị ọ̀ dọ wụ nịnị há nị. Ọ́ vavọọ mẹ ini oze Ụhwẹ Ọnịnị ana vara wụ nịnị ọnịnị ọnịrị ka wâ dọ ịzẹyịza wụ́ nịnị.

1Ipita 1:22

Wa sị ẹngụ awụ nịnị vara aza ọnịnị, agụvị ka waa saasa ịzẹyịza Ohomorihi nịnị; agụvị avọọ di u kuku ee sì ịrẹyị ọdọwụ anda ayị nịnị ẹtẹẹtẹrẹ nị. Agụvị avọọ, wa yịị sị avaba ayị awụ nịnịị sì ịrẹyị ẹngụ nịnị ẹtẹẹtẹrẹ.

2Ipita 1:13

M mẹ yị yà ẹhẹ aanị, mée ro ka aa vọrọ ka ma tama wụ nịnị ayị ịsa ẹnẹnị, du wee zí nịnị.

2Ipita 3:18

Waa vịra nịnị ini oze Ijeesu Ikirisiti Ananyị yị ọnịrị Ọdọzaha ayị, agụvị dị ọ̀ọ mẹ ọyịzaa yị wụ nịnị hu avọọ, dị ụ wa rẹẹ yẹẹ hu avọọ nịnị! Ụbanyị ọ̀ vị áanị booro aanị ọnịrị pooro zịna-zịna, Aamị.