2Ipita 3:9 - IWE ỌNỊNỊ

⁹ Aza ẹnyị ee roo ka Ohomorihi aa za ịrẹyị anịị tura ẹtẹ, ọ yị mẹ̀ ịsa ọ kà a ka ọnị vaa mẹ. Ẹ́ yị vavọọ ọ mẹ vị. Ama vị ọ nyị isuuru wụ nịnị nị, agụvị ka ó yi sì ka ọzọnyị-ọzọnyị ò vú ẹtẹ, ama ee sì ka avaba aza è ro ịnẹ varẹma hụụnị ịvị ẹnịnị.

2Ipita 3:9 ပူးပေါင်းရင်းမြစ်များ

Ahẹ Ụgama 77:8

Ohomorihi vi ene ee vidii sì ịrẹyị ọza pooro dị ọ yị mā tụ́ ọ, vị ọnọọ wáá ta aanị nị? Ịsị ọ vịdị, ka ọnị vaa mẹẹ yị, vị ọ́ọ́ raà sị ayị hụụnị anị pooro aanị nị?

Ahẹ Ụgama 86:15

Ẹnẹyịmavara, Ohomorihi anaā vayị ọza ụ vị nị, vị ụụ ngụ ayị ọza nị, wẹ mā hụra kụ́ ayị, wâ nyị ịzẹyịza, avọọ ụ mẹ̀ rẹẹ̄ vayị ọza nị.

Ọyịkụra 18:23

Wàa maanị mẹẹ anka Ohomorihi mẹ̀ kà a wụ, ọ yị vaa ngụ wụ ẹngụ. Avaba aza ẹnẹnị aa nọ eehi, dị ịnẹ ẹnịnị ee hine.”

Ọyịkụra 32:32

Aarịhịnị kwogwo, navọ wa vagu wa ini ebira odivi ẹnị ẹ maanị mẹ̀ aanị. Wàa ka wẹ yị vagu wa, ẹwa rẹ kụkụ nyee ịrẹha amị hụụnị iwe ọnị ụ chẹrẹ ịrẹha aza awụ hi.”

Ọyịkụra 33:11

Ẹnẹyịmavara vị anaā kà ịrẹyị yị Imosiisi eyi gẹrị eyi anka ọza ọnịrị ọta anị mẹ̀ẹ kà ịrẹyị avọọ. Di Imosiisi rẹ varẹma nọ udi anị. Ama Ijosuwa ozi Inuni ana vị ozweyi ana aa zị Imosiisi ụtụ ọnị ọ mā hụụnị ajẹngụ ọnọọ.

Ọyịkụra 34:6

Ọ mẹ̀ zị ọvịdị Imosiisi aa parahu, dị aa hị́ ẹngụ anị ịrẹha dị ọ ka ọnị Ẹnẹyịmavara ana vị Ohomorihi anaā vayị ọza ẹtẹẹtẹrẹ. Ọ kà ọnị ọ mā hụra kụ́ ayị, ama ọnịị̄ sì ịrẹyị ọza dị ọnị rẹ nyị ịzẹyịza nị.

Ịrẹyị Ọzwọzịsa 8:11

Dị ọnị ka agụvị ka aza anaa mẹ̀ ịsa odivi ẹ ma hụra rị ụya anị ọ mẹ ka aza ẹẹ mẹ̀ ẹ hu avọ nị.

Ayịsaya 30:18

Ama Ẹnẹyịmavara ee sii sì ka ọnị ọ̀ vayị awụ nịnị Ee sì ka ọnị ọ́ vayị awụ nịnị agụvị ka Ẹnẹyịmavara ọnị vị Ohomorihi anaā mẹ̀ ịsa ana vọrọ. Avaba aza ana sị ayị tụra a ẹ̀ nyarị ịrẹsụ ọyịza.

Ayịsaya 46:13

Maa mẹ ka ẹkụhị ọnị vaa sị nyị ẹbẹẹba ọ̀ hụra tu. E yi kuku vee kù dị ma dọ wụ nịnị ha Mị vaa dọ Ịzayọnịị ha, agụvị ka Anisirẹrị vị ọnị maa sị ụbanyị.

Ezikẹẹrị 33:11

Ọ kà, ọnị kà a yị wa ka, àa vị ọnị Ẹnẹyịmavara Ananyị yị ọ vị Ohomorihi ana yara nị, ayị anị é yi hine ka ọnị oo ré ka ọnịvị ee sú. Vị ọnị ee sì ka ẹnịnị ẹ̀ hụụnị ebira odivi ẹnịnị, dị ẹ̀ yàra nị. Ẹwụ nịnị Anisirẹrị, hụụnị ebira odivi ọ̀ yị mẹ nịnị. Sị ẹ vẹ dị wee sì ka we su nịnị?

Ịdanịyẹrị 4:29

Ịjị ọ naa mẹ ụhwẹ ẹwụrẹva, dị ohinọyị ee chire ẹtẹ ahụ ịnị irehi anị ẹtẹ Ịbabịrọnị nị,

Ihabaku 2:3

Dị ọ ka, ịrẹyị ọnị ọnị aa kà a aanị, ẹ yị vaa mẹ̀ obobooro ọnọọ. Vị ụmẹ ịsa ẹnẹẹ vaa tangwa-tangwa vẹ nị. Agụvị avọọ asị e ha eyi ka ẹ yị vee tụra ẹtẹ. Ee vee re e.

Aniroomi 13:11

Wa vavọọ mẹ nịnị, agụvị ka wâ yẹ ụmẹ ọnị ị yà nịnị booro aanị! O si tù ka wa ha ara nịnị! Ụmẹ oni Ohomorihi vaa sị dọ yịị há, ọ kụkụ gụrị ẹtẹ hu ụmẹ ọnị ị hụrẹ sị sị ayị tụra Ohomorihi nị.

Aniroomi 13:12

Ụmẹ ịrahụ ọnọnị aa vaa ta, eyi aa vaa nị. Agụvị avọọ à kụkụ vẹ ya và ụkọrọ ịrahụ hi ẹtẹ, dị ya kụ́ ẹnya ịrẹkụ ọọdụ; ọnọọ vị ka

Aniroomi 2:4

Ohomorihi aa ngụ ayị awụ ẹtẹẹtẹrẹ, dị ọ rẹ nyayịnẹ nyị isuuru wụ nị. A vị du wee ree ịrẹyị ịyẹyẹẹ? Aa nị ka wẹ yị yẹ ka vị Ohomorihi aa vayị awụ di ee sì ka ọnị ọ̀ mẹ wụ di u we ro ịnẹ varẹma nị?

Aniroomi 9:22

Ohomorihi óo sì ka ọnị ọ̀ sị zụ̀ aza ẹnyị ka ọnịị̄ kụ́ ayị, dị ọnị rẹ nyị ụkata nị. O si tù ka à wụ̀ aza ẹnẹẹ, ama Ohomorihi ọ nyị nyị isuuru ẹtẹẹtẹrẹ, dị aa yịị sị ẹngụụ dọ ịrẹyị ẹnịnị ọnọọ vaa kụ́ ayịị hi.

1 Itimoti 1:16

Agụvị avọọ Ohomorihi va vayị amị nị, agụvị dị Ijeesu Ikirisiti ò re oze sị zụ̀ aza ka ọnị ọ́ọ nyị isuuru ẹtẹẹtẹrẹ, ịnị ka ộ nyị isuuru yị ẹmị ene divi hu avaba aza. Ọnọọ vaa mẹ ka aza anaa vanaa sị ayịị tụra, dị ọ̀ mẹ ka ẹ̀ yàra pooro zịna-zịna, ẹ̀ zụ kọ ịrẹyọyẹ hụụnị anị.

1 Itimoti 2:4

Ohomorihi ee sì ka ọnị ọ̀ dọ avaba aza há, dị ẹ̀ zụ yẹ ịzẹyịza.

Anihiburu 10:37

Anka iwe Ohomorihi mẹ kà, Òo kù chee, ọza ana aa vẹ, vaa vẹ. Ọyị vaa sị ụmẹẹ tura ẹtẹ.

1Ipita 3:20

Ụhwẹ ẹnẹnị vị ụhwẹ aza ana mẹ akamawụ hi Ohomorihi ịyẹẹyẹ. Ụmẹ ọnọọ Ohomorihi ộ nyị isuuru, di Inowa aa mẹ ẹpa ọbanyị ọnọọ nị. Aza chee, ẹnị ịhịnta kẹnẹ ẹ ngụ ịnị ẹpa ọnọọ, dị ẹpa ọnọọ ya ịnị enyi, dị ọ dọ wa ha nị.

2Ipita 1:4

Ini oze ẹnẹẹ ọ raà sị ẹyịza ọbanyị ẹnẹẹ yị ọnị ọ vịdị zẹẹ yị ịzẹzẹ anị. Ịsa obooro ẹ vị yị nị. Ộ vavọọ mẹẹ, agụvị dị ya nyẹngụ há hụụnị ịsa edivi ẹhẹ ọnọnị ọnị ọchẹngụ azaā sì, ka ya kụkụ va nyị tụ́ ini ebira Ohomorihi nịnị.

2Ipita 3:15

Yẹ nịnị ka iruvo ana Ananyị yị sị nyị isuuru ọ vị ka we re oze há nịnị nị! Avọọ gẹdẹ-gẹdẹ Ị́pọọrụ ẹnẹbẹnị ayị oni i sí ịrẹyị anị, mẹ̀ chẹrẹ iwe tụ́ hi wu nịnị nị. Ohomorihi ọ vavọọ sị ịrẹyọyẹ yọ nị.

Ẹtore 2:21

Ọnị ô sị oze yọ ka ò ro ịnẹ varẹma hụụnị ịrẹkọyịsẹ anị, ama ọ yị dọ ka oni ò ro ịnẹ varẹma.