2Ipita 3:7 - IWE ỌNỊNỊ

⁷ Ẹbẹẹba ọnịrị ẹhẹ ana yà booro aanị, ịrẹyị Ohomorihi ó re si tenyi ọ tịtẹ ka ọnị ọ̀ va sị ịra vú ọ ẹtẹ nị. Ô tenyi ọ tịtẹ ne tù ẹkụhị ọnị ọ vaa mẹ̀ ọkarẹyị yị aza edivi, di ò vú wa ẹtẹ.

2Ipita 3:7 ပူးပေါင်းရင်းမြစ်များ

Ahẹ Ụgama 102:26

Ẹhẹ ọnịrị ihinẹba vee bo anka awuru avọọ, dị ọ vara wa dị ẹ ta, ama ọnị Ohomorihi vị ana vaa yà ịzọọ pooro.

Ahẹ Ụgama 50:3

Ohomorihi ayị aa vẹ, o yi kuku kú irenu re ẹtẹ kẹnẹ Ịra vị ana aa za ọvịdị anị, dị ẹtẹ ee henyi jigi-jigii karaa.

Ayịsaya 51:6

Ẹnẹyịmavara kà ẹ kana eyi di e re ihinẹba ọnịrị ẹtẹ. Ihinẹba vaa ta anka areyi mẹẹ̄ ta hi ịnị ahị avọọ. Ẹtẹ ọnọnị vee bo anka ụsẹmụsẹ avọọ. Aza ana ra ịrẹsụ ẹtẹ vị ene vee su va ha anka ịsị avọọ. Ama ụkata ọnị ọnị sị dọ azaa ha o yi mē bo. Ọnị vaa nyị ẹbẹẹba pooro zịna-zịna nị.

Ayịsaya 66:15

Ẹnẹyịmavara vaa sị ịra hụrẹ ẹbẹẹba chi vẹ anka opomi avọọ. Ọ vaa sị ọyịkụ-ọyịkụ si atọ ayodu anị, dị ọ sị ịra rị aza ana aa kụ́ ayị hi.

Ịdanịyẹrị 7:9

Ịdanịyẹrị ka ọnị mee re ẹtẹ, dị ọnị re ka ê to aga ohinọyị nịnị hi ẹtẹ nị. Dị ọnị re ka ọza ana ya ịzọọ hụrị ụmọrụmọ ka ộ va yaatụ ịnị aga ẹnẹẹ ọnya nị. Ịta ọnị ọza ọnọnị kụ hi ẹngụ vị ọvwọọvụ sẹnẹ-sẹnẹ, dị ẹyịrẹsụ anị â vwẹtẹ anka owu oyiche avọọ nị

Ịzẹhwanaya 3:8

Dị Ẹnẹyịmavara kà ee nee zi ẹkụhị ọnị ọnị vaa kwẹẹtẹ tù wa. Ọ kà, ọnị vaa kú avaba ẹkụra ọnịrị ịjọva ẹkụra irenyi-irenyi gụ dị ọnị ọ kụ́ ayị hi wa. Dị avaba ẹtẹ rị ịra agụvị ka ayị anị aa dà ọva.

Ịmarakayị 4:1

Ẹnẹyịmavara Ochẹtẹẹngụ ka, ẹkụhị aa vẹ ọnị aza ana aa sị ẹngụ tụ ẹba ọnịrị enebira odivi va rị ịra anka azịzẹ avọọ. Ịnị ụmẹ ọnọọ, ẹ va rị ịra saka-saka, dị ẹ yị nyị ịzị ẹ da tịtẹ vụrụ-vụrụ.

Imatiwu 10:15

Ịzẹyịza, dị ma kà a wụ nịnị ka ịnị ẹkụhị ọkarẹyị, ọ vaa daahi yị anẹkụra Isodọmị ọnịrị Igomora hu anẹkụra ọnọọ.”

Imatiwu 11:22

Ama dị ma kà a wụ nịnị ka ọ vaa daahi yị Anịtaya ọnịrị Anisidoni nịnịị huna wụ nịnị ịnị ẹkụhị ọkarẹyị.

Imatiwu 11:24

Ama dị ma kà a wụ nịnị ka ọ vaa daahi yị Anisodọmị nịnị huna wụ nịnị ịnị ẹkụhị ọkarẹyị.”

Imatiwu 12:36

Ama dị ma kà a wụ nịnị, avaba ịrẹyị kẹnẹ-kẹnẹ ọnị ọza ọ̀ọ kà, ọ vaa hụ agụvị avọọ kụ́ irenu anị ịnị ẹkụhị ọkarẹyị.

Imatiwu 24:35

Ihinẹba ọnịrị ẹhẹ vaa ta, ama àa vị ịrẹyị amịị yọ, o yi vee vú.”

Imatiwu 25:41

Dị ọ va vara eyi, dị ọ kà a yị aza ene hi eyi ụvọha anị ka: ‘Hụụ ịda amị nịnị, ẹwụ nịnị aza oyivu! Waa nọ ịnị ịra ene è yi mē mi pooro, ana a kà tịtẹ yị Echu ọnịrị anggẹẹrị anị.

Ịmaakị 6:11

Aha tụra aha ọnị ụ wàa ngụ, dị aza è yi sì wu nịnị ọzọga, dị ẹ̀ yị rẹ wụ́ ịrẹyị awụ nịnị nị, ịjị ụ wàa hụụ ịzọọ nịnị, dị ụ bànyị edudu ịnị ahụ awụ nịnị hi ịzọọ, dị ọ̀ vị ivenu yị wa ka ịsị ẹnẹ ẹ mẹ, ô divi.”

Ịjọọnụ 12:48

Ọza ene èe yi mi tịtẹ, dị ọ̀ yị dọ ịrẹyị amị nị, â nyị ịsị ẹ vaa mẹ̀ ọkarẹyị yọ. Ịrẹyị ọnị mị sị kà, ọnị gẹdẹ-gẹdẹ ọ vaa mẹ̀ ọkarẹyị yọ ịnị ẹkụhị ọdịrẹma nị.

Aniroomi 2:5

Ayị awụ ọ sị katẹngụ, weyi sì ka we ro ịnẹ varẹma. Agụvị avọọ waa dàa tụ́ ịnị ụyaa yị ẹngụ awụ ịnị ẹkụhị oni Ohomorihi vaa sị ọyị kụ anị ọnịrị ọkarẹyị anị ana vọrọọ zụ̀ aza.

1 Anịkọrịntị 3:13

Ẹkụhị ọnya, e vee re, ụ́kọrọ ọzọza mẹmẹ yà. Ịhị ọnọọ oni Ijeesu vaa vaa vẹ, vaa sịị zụ̀. A vaa sị ịraa zama ụkọrọ ọzọza re. Ịra ọnọọ vaa sị zụ̀, ụ́kọrọ ọzọza mẹmẹ yà.

Anihwiripi 1:28

Asị u hí angwa ọnịvị awụ nịnị vụrụ-vụrụ. Ọnọọ vaa sị zụ̀ wa ka ẹnịnị vee vu ẹtẹ, ama ẹwụ nịnị vaa nyị ehuna, ọnịrị ka Ohomorihi ọ yà ịrẹma awụ nịnị nị.

2 Anịtẹsaronika 2:3

Asị ụ zẹẹ ka à nyị ọza ene vene wu nịnị ini oze ọnyọọnyị o. Ẹkụhị ọnọọ ọ́ yị vaa vẹ ne tù ụmẹ ana aza ọrụrụ-ọrụrụ vaa và ịrẹma Ohomorihi, dị ọza ọnọọ anaā jịnẹ avaba ọda ọ̀ sị ẹngụ anị tụ́ ẹhẹ. Ọnị ọ vị ọza ene vee vú ẹtẹẹ tụ́ ini ẹkụra nị.

1 Itimoti 6:9

Ama aza ana aa dụ ụbanyị vaa hụrẹ ngụ ịnị ẹzamare. Ịsa ene eyee sì, vị ịsa ụra ana zụ mẹ wa ọnya; ịrẹpa ịsa ẹnẹẹ ọ sị wa za. Ẹngụ ịsa ẹnẹẹ vị eneē vú ọza saka-saka, dị áanị ta nị.

Anihiburu 12:29

Ohomorihi ayị vị ana sị mẹẹ anka ịra anaā rị avaba ịsa ịra avọọ.

2Ipita 2:9

Ịsa ẹnẹnị ệ sị zụ ka Ohomorihi ọ́ọ yẹ, ọ mẹmẹẹ̄ dọ aza anịị há hụụnị ẹzamare ẹnịnị. Ọ rẹ yẹ, o memeē tenyi aza edivi tịtẹ, pooro nee tù ẹkụhị ọkarẹyị, dị ọ sị ụya rị wa.

2Ipita 3:10

Ama Ananyị yị vaa vaa vẹ. Ịhị àaa vẹ, vị ọ vaa sị mẹẹ ẹkụhị oni oyi sịị nọ aha ịrahụ avọọ nị. Ịhị ọnọọ a vaa wụ̀ ẹtẹ ịrẹyị, dị ẹbẹẹba wú va ha. Dị avaba ịsa ene hí ẹbẹẹba rịra va ha saka-saka, dị ẹhẹ ọnọnị ọnịrị avaba ịsa ene hi ịnị anị ẹnị rẹ ta saka-saka.

2Ipita 3:12

Wee zi ẹkụhị ana Ananyị yị vaa sị vaa vẹ nịnị! Sị vụrị dị u we ré ka ẹkụhị ọnọọ óo jintu vẹ nịnị! Ịhị ọnọọ, ẹbẹẹba vaa rị ịraa vàa ha, avaba ịsa ene hi ẹbẹẹba ọnịrị ẹhẹ vị ana vaa rị ịraa ha bemi-bemi.

1 Ịjọọnụ 4:17

Aanị oyisì Ohomorihi mẹmẹ vaa gụ tụ́ ịnị ayị ayị nị, ọnị ọ vị ka ịnị ẹkụhị ọkarẹyị, ị vaa nyị ayọnẹtẹ agụvị ka ebira ayị ịnị ẹhẹ óo véné Íjeesu Ikirisiti.

Ijudi 1:7

Rẹ tamayị ịrẹyị anẹkụra Isodọmị ọnịrị Igomora ne beri ẹkụra ana kara wa avọọ, ẹ́nị mẹ̀ raa mẹ ụnọ, dị ẹ rẹ yaa sẹ̀ ịrẹka irenyi-irenyi nị. E hi ịnị ịra, ẹyaa rị ụya pooro zịna-zịna, agụvị ọzọza ọ̀ kọ ịrẹyọyẹ hụụnị ịrẹyị ẹnịnị

Ẹtore 17:11

Uye ana vịdị yàra, dị ọ̀yị kụkụ yàra aanị, ọnị ọ vị ohinọyị ọhụhịnta, dị ọ rẹ vị ọnya ịnị ịhịmba ẹnẹẹ nị. Aa nọ ịzị ọ vaa yàa vu ẹtẹ.

Ẹtore 17:8

Uye oni u re avọọ, ọ́ọ vịdị yàra, ama ọyị kụkụ yàra booro aanị. Ọ vaa jịnẹẹ hụụnị ọbọbọọ vẹ, dị ọ nọ ịzị ọ vaa yàa vu ẹtẹ. Aza ene hi ẹhẹ ọnị ọza ọ̀yị chẹrẹ ịrẹha ẹnịnị dị a va yẹ ka aa mẹ ẹhẹẹ tụ́ iwe aza ana yàra pooro zịna-zịna, èeyee re uye ọnọọ, o vee hí wa irenu. Uye ọnọọ ọ́ọ vịdị yàra, ọyị kụkụ yàra booro aanị, ọ rẹ vanaa sị ẹngụụ tụ́ ẹhẹ.

Ẹtore 20:11

Mée re aga ohinọyị ọnya aanị. Ọ́ọ banyị ẹtẹẹtẹrẹ, dị ọ vị ọvwọọvụ nị. Dị ọza ịnya yaayịtẹ ịnị anị nị. Dị ẹtẹ ọnịrị ẹbẹẹba ee zwee hụrẹ ọvịdị anị, dị ọza ò yi kuku re wa nị.

Ẹtore 21:1

Di mi re ẹbẹẹba ọwọọwa ọnịrị ẹhẹ ọwọọwa nị, agụvị ka ẹbẹẹba ịpaapa ọnịrị ẹhẹ ịpaapa ẹ́ẹ ta. Òkū ọnị ọ rẹ sị wụ.