2Ipita 3:18 - IWE ỌNỊNỊ

¹⁸ Waa vịra nịnị ini oze Ijeesu Ikirisiti Ananyị yị ọnịrị Ọdọzaha ayị, agụvị dị ọ̀ọ mẹ ọyịzaa yị wụ nịnị hu avọọ, dị ụ wa rẹẹ yẹẹ hu avọọ nịnị! Ụbanyị ọ̀ vị áanị booro aanị ọnịrị pooro zịna-zịna, Aamị.

2Ipita 3:18 ပူးပေါင်းရင်းမြစ်များ

Ahẹ Ụgama 92:12

Aza ana aa mẹ̀ ebira ana vọrọ ịnị eyi Ohomorihi vị ẹnị ẹhẹ ẹnịnị vee zoza anka ọsọchị avọọ, dị ẹ yaa yara anka ọchị ọbanyị ene hi Ịrẹbanọnị.

Ihoseya 14:5

Ọnị vaa ya yị Anisirẹrị nịnị anka orihi ini ẹtẹ ọyịwụ avọọ nị. Ẹnịnị vaa ha anka ododo, di e hi ẹpa anka ọchị ini iruku Ịrẹbanọnị avọọ nị.

Ịmarakayị 4:2

Ama ẹwụ nịnị ana dọ ịrẹyị amị wụ, mị va sị ụkata ọnị mịī sịị dọ ọza ha sị wụ nịnị kwẹẹtẹ, dị mị mẹ ụkụ awụ nịnị anka ọyị mẹ ha dị ọ mẹ ọza ụkụ avọọ. Ụ vaa jẹ ịrajẹ di u ku iriga anka ozi imaaru ana jịnẹ hụụnị ịga avọọ.

Imatiwu 28:20

Sị zụ̀ wa nịnị ka ẹ̀ẹ saasa avaba ịsa ọnị mị mẹ ọda anịị wụ nịnị! Tamayị, mị vaa yàa pe wu nịnị ịnị avaba ụmẹ pooro ne tù ọdịrẹma ẹhẹ.”

Imatiwu 6:13

Asị ụ sị yị tụ ịnị ọyịzamare, ama dọ yị ha hụụnị ụvọ Echu. (Agụvị ka ẹwa vị Ohinọyị, dị ụ nyị avaba ụkata ọnịrị igirima pooro zịna-zịna Aamị!)

Ịjọọnụ 17:3

Ka ẹ̀ yàra pooro zịna-zịna ọ vị ka ẹ̀ yẹ ẹwụ ịnyara chọchọchọ ana vị Ohomorihi ọnịrị ẹmị Ijeesu Ikirisiti ọnị ụ tụ́ vẹ ẹhẹ.

Ịjọọnụ 5:23

agụvị avaba aza ẹ̀ zụ sị ụbanyị yị ẹmị Ozi anị, anka ẹ mẹ̀ẹ̄ sị ụbanyị yị Ada amị. Ọza ẹnẹ ẹ̀ yị sị ụbanyị yị ẹmị Ozi anị, ọ yị rẹ sị ụbanyị yị Ada amị, ana tụ́ mị vẹ ẹhẹ.

Aniroomi 11:36

Ọnị ọ tụ́ avaba ịsa nị. Ọnị ọ za avaba ịsa jẹẹ nị. Ọnị avaba ịsa rẹ yà yị nị. Ohomorihi aza vaa sị ụbanyịị yị pooro zịna-zịna nị. Aamị.

2 Anịkọrịntị 4:6

Ohomorihi ộ vịdị kà a ka ẹtohweyi vaa jịnẹ hụụnị ịrahụụ vẹ. Ohomorihi ọnọọ ọ̀ rẹ mẹ ka ẹtohweyi anị ọ̀ọ zẹtẹ ịnị ayị ayị, agụvị dị ya zụ yẹ igirima Ohomorihi ana aa zẹtẹ ini eyirẹsụ Ijeesu oni Ohomorihi nyị mẹ ohinọyị ka ọ̀ dọ yị há.

Anẹhwẹsọsị 1:17

Maa mẹ̀ aduwa ka Ohomorihi Ijeesu Ikirisiti Ananyị yị ana nyị avaba ụbanyị ọ̀ sị Ụhwẹ Ọnịnị anaā mẹ ka ọza ọ̀ yẹ ịrẹyịị wụ nịnị; dị ọ̀ sị Ohomorihi zụ̀ wụ nịnị, dị ụ wa zụ yẹ ẹ nịnị.

Anẹhwẹsọsị 4:15

Ama à navọ yee sì ịrẹyị ẹngụ, dị yaa kà ịzẹyịzaa yị ẹngụ, agụvị dị yaa vịraa véné Ikirisiti ini oze tụra oze! Ikirisiti vị ana jẹẹ yị ịrẹsụ,

Anihwiripi 3:8

M mẹ̀ hụrẹ va yẹ Ijeesu Ikirisiti ka ọnị ọ nyị mị nị, avaba ịsa ana vọ vị ọnị mị kụkụ za ịrịka tụ́ ịnị ịsa kẹnẹ-kẹnẹ. Ọnọ o huna avaba ịsa ẹnẹẹ nị. Mé yi re wa anka ịhyẹrẹ, agụvị ma kụkụ va rị ọgụ obooro ana vị Ikirisiti.

Anikorasi 1:10

Ịrẹyọyẹ ọnọọ vaa mẹ ka wa zụụ zị ụsẹ ana vọrọ ini eyi Ananyị yị nịnị, di o re zé eyi ẹtẹẹtẹrẹ; dị ẹhẹ awụ nịnị ọ̀ zụ nyị ẹtụtụ ịnị avaba ịsị ụ wàaa mẹ nịnị. Dị ụ raa yẹ Ohomorihii hu avọọ nịnị.

Anikorasi 3:10

ebira ọwọọwa ụ kụkụ nyị nịnị nị. Ohomorihi ọ vara wụ nịnị ọza ọwọọwa nị. Dị ee yii tenyi ebira awụ nịnị ọnọọ, agụvị dị ò zụ véné ebira Ikirisiti, dị waa yẹ Ikirisiti nịnịị huna avọọ nị.

2 Anịtẹsaronika 1:3

Ẹwụ nịnị ẹyịnyara amị, áa nyị ka yaa kụ́ Ohomorihi avọ pooro agụvị awụ nịnị. Iruvo ọ vị ka waa yị sị ayị tụra Ikirisiti hu avọọ nịnị ẹtẹẹtẹrẹ, dị ụ rẹ nyayịnẹ ee sì ịrẹyị ẹngụụ hu avọọ ẹtẹẹtẹrẹ nị.

2 Itimoti 4:18

Ananyị yị rẹ vaa dọ mịị hụrẹ ụvọ avaba ịsa odivi, dị ọ sị mị hẹẹ na ngụ ịzị ọ yà aa mẹ ịjọva ẹ́bẹẹba. Ọnị ọ nyị ụbanyị pooro zịna-zịna nị. Aamị.

1Ipita 2:2

Ama waa mẹ nịnị anka ozi ọwọọwa eneē sì ịrẹva oyi hú. Ẹwụ nịnị ọ̀ rẹ vavọọ sì ịrẹyị Ohomorihi ọ̀yị wụ́, agụvị dị ụ waa vịraa tụ́ ịnị ẹdọha nịnị,

2Ipita 1:11

Ọsọnị ọ vaa mẹ ka we ré oze ngụ ịzị Ijeesu Ikirisiti Ananyị yị ọnịrị Ọdọzaha ayị yà aa mẹ ịjọva, dị ụ yà ịzọọ pooro zịna-zịna nị.

2Ipita 1:2

Ohomorihi ọ̀ mẹ ọyịza wụ nịnị, dị ọ̀ sị ẹngwọọrọ yị wụ hu avọọ hu avọọ, ụ màa yẹ Ohomorihi ọnịrị Ijeesu Ikirisiti Ananyị yị hu avọọ nịnị.

2Ipita 1:3

Yáa yẹ Ijeesu ana hị́ yị ka ya nyị tụ́ ịnị ụbanyị anị ọnịrị ebira ozoza anị. Ụkata Ohomorihi ọ raà sị avaba ịsa ana vọrọ ka ya nyị yị, dị ya zụ nyị ebira obooro, dị ya rẹ zụ mẹ̀ ebira ene ze Ohomorihi eyi.

2Ipita 1:8

Wàa vavọọ aa mẹ̀ ịsa ẹnẹnịị hu avọọ hu avọọ nịnị, ụ vaa yẹ Ijeesuu hu avọọ nịnị.

2Ipita 2:20

Aza ọ̀ọ sị Ijeesu Ikirisiti Ananyị yị ọnịrị Ọdọzaha ayị yẹ, dị ẹ sị hụụnị ịsa edivi ịnị ẹhẹ ọnọnị eneē du ọzaa ha nị, aza ẹnẹẹ ẹ̀ẹ kụkụ zẹẹ ka ịsa ẹnẹẹ ẹ̀ za ẹnị, dị ịsa ẹnẹẹ ẹ̀ rẹ nyị ẹbẹẹba ẹnịnị, ọdịrẹma ẹhẹ aza ẹnẹẹ o kuku vee divii hu ịyẹẹyẹ ẹnịnị nị.

Ijudi 1:25

Yáa kụ́ Ohomorihi avọ; ọnya ọ́ vị nị. Ọnị ọ dọ yị há ini oze Ijeesu Ikirisiti Ananyị yị, ọnị ọ nyị igirima nị, dị ọ nyị ụbanyị nị, ọnị ọ rẹ vị ohinọyị nị, dị ọ rẹ nyị ụkata nị. Avọọ ọ mẹ̀ yị yà hụrẹ ụmọrụmọ dị a va mẹ ẹhẹ nị. Avọọ ọ mẹ yị yà nị. Avọọ ọ mẹ̀ rẹ vaa yà pooro zịna-zịna nị. Aamị.

Ẹtore 1:6

Ọ raà nyị yị ka ya nyị tụ́ ịnị ịjọva anị, dị ya rẹ yà anka ohirẹsụ irehi Ohomorihi, dị yaa hẹkẹ Ohomorihi Ada anị. Ọnị ọ vaa nyị igirima ọnịrị ụkata pooro zịna-zịna nị. Aamị.