2Ipita 3:14 - IWE ỌNỊNỊ

¹⁴ Agụvị avọọ, ẹwụ nịnị anda ayị, u mèe zí ẹkụhị ọnọọ eyi nịnị avọọ, sị vụrị di u we re ka wáa nyị ebira ọnịnị, dị asị ụ nyị ohuvọ ini eyi Ohomorihi, dụ wa nyị ẹngwọọrọ tụ́ ịdị anị!

2Ipita 3:14 ပူးပေါင်းရင်းမြစ်များ

Imatiwu 24:26

Agụvị avọọ, ọza ọ̀ọ kà a wụ nịnị ka: ‘Re, Ikirisiti ọ yà ịnị ụnọmị avọọ nị’, asị ụ nọ ịzọọ nịnị! Ẹ̀ẹ rẹ kà a ka: ‘Ọ yà ini aku ịzọsọọ’, asị ụ dọ ọ wụ́ nịnị!

Imatiwu 25:7

Dị avaba ezwoorihi ẹnẹẹ kwẹẹtẹ, di e tenyi ozotupa ẹnịnị nị.

Iruuku 12:43

Ọga anị ọ̀ọ vẹ, di o ve tù ka ọ vavọọ aa mẹ nị, ozi ahụ ọnọọ vaa daa jẹ.

Iruuku 2:29

“Ananyị mị, ẹmị ozi ahụ awụ ọ̀ọ kụkụ aa na booro aanị, ẹngwọọrọ ọ vị nị, agụvị ka ịsị ụ ka waa mẹ, wa sị ọọ mẹ.

1 Anịkọrịntị 1:8

Ikirisiti vaa sị ụvọọ za wụ nịnị pooro ne tù ụmẹ ọdịrẹma, agụvị ịhị Ijeesu Ikirisiti Ananyị yị ọ̀ọ vavẹ, asị ụ na nyị ohuvọ nịnị vụrụ-vụrụ.

1 Anịkọrịntị 15:58

Ẹwụ nịnị ẹyịnyara amị, re ka wa hụ agụvị avọọ jẹẹ geri-geri nịnị, asị ụ zizi! Waa sị avaba ụmẹẹ mẹ ụkọrọọ yị Ananyị yị nịnị pooro, agụvị ka wâ yẹ nịnị ka ẹ yị nyị ịsị ụ mẹ yị Ananyị yị nịnị ana zụ vị ọọhẹ kẹnẹ.

Anihwiripi 1:10

Ịjọnọọ ụ va zụụ sị ụvọọ tụ́ ịnị ịsa ene zoza ẹtẹẹtẹrẹ nịnị. Wàa vavọọ aa mẹ nịnị, ịhị Ijeesu Ikirisiti ọ̀ọ vavẹ, ụ va zụụ yà nịnị anka ọza ana ayị anị nị, dị ọ̀ yị rị ịvị,

Anihwiripi 2:15

Wa vavọọ mẹ agụvị asị ụ na nyị ohuvọ, dị ụ wa zụ nị nịnị. Ọnọọ ọ vaa mẹ ka wa zụ vị ezi Ohomorihi ẹnẹ ẹ̀ yị nyị ịsa odivi nị. Ụ mẹ̀ yà ịnị akakana anẹhẹ edivi ana ayị ẹnịnị ẹ̀ yị vọrọ aanị, áa vọrọ ka wa vị ẹtohweyi yị wa tụ́ ịnị ẹhẹ nịnị.

Anihwiripi 3:20

Àa vị ẹyị yọ, eehi ayị yà ẹbẹẹba. Yee zí ka Ijeesu Ikirisiti Ananyị yị ọ̀ và hụụ ịzọọ vẹ.

1 Anịtẹsaronika 3:13

Ini oze avọọ, dị ụ wa vị ọnịnị nịnị ọ́vịdị Ohomorihi Ada ayị ịnị ụmẹ oni Ijeesu Ananyị yị vaa sị vaa vẹ beri avaba aza anị!

1 Anịtẹsaronika 5:23

Ohomorihi anaā sịị ẹngwọọrọọ yị, ọ̀ mẹ ka ayị awụ nịnị ọ nị saka-saka. Ohomorihi ọ̀ navọ ivehu awụ nịnị ọnịrị ariro awụ nịnị ne beri ọchẹngụ awụ nịnị ẹ̀ vị ọnịnị; dị asị ụ nyị ohuvọ nịnị vụrụ-vụrụ ịnị ẹkụhị ọnị Ijeesu Ananyị yị vaa sị vaa vẹ.

1 Itimoti 6:14

Ọda ọnị mị mẹ wụ aanị, sị eyi pee, oo! Asị u du ọọ pẹrẹ, asị ụ zẹẹ ka wa nyị ohuvọ pooro dị Ijeesu Ikirisiti Ananyị yị ọ̀ vavẹ!

Anihiburu 9:28

Avọọ Íkirisiti ọnị mẹ̀ rẹ sị ẹngụ anị mẹ̀ ịsọvọ ụpẹ ọnya gene-gene nị, ka ọnị ọ̀ kụ́ ịvị aza ọrụrụ-ọrụrụ kwooze. Ọ rẹ vanaa vaa vẹ ịnị ẹhẹ ọnọnị, ama ayị vị agụvị ịvị. Aza ene ee zí ọọ eyi, aa vaa dọ ọ há nị.

Ijemiisi 1:27

Ahẹkẹ obooro ana gụ ini eyi Ohomorihi Ada ayị yị: Mẹ ọgụvọ yị ozi oku nịnị ọnịrị osoku nịnị, ẹ̀ẹ yaa rị ụya; asị ụ rẹ zẹẹ ka ịsa edivi ene hi ịnị ẹhẹ ọnọnị è du wu ha.

1Ipita 1:7

Iruvo ẹzamare ẹnẹẹ ọ vị ka è zu ré ka ẹdọwụ obooro ụ nyị nịnị nị. Wâ yẹ igooru nịnị, ana ahịka oō du; ịra aā sịị zama a re ka à yẹ, àa vị obooro ọ vị nị. Avọọ ọ mẹ rẹ vị yị ẹdọwụ awụ nịnị nị, ana ahịka óo huna igooru ẹtẹẹtẹrẹ. Àa zama ẹdọwụ awụ nịnị re, dị ọdịrẹma anị vị ụga ọnịrị ụbanyị ne beri igirima, ịhị Ijeesu ọ̀ọ sị ẹngụ zụ̀.

2Ipita 3:1

Ẹwụ nịnị ẹyịnyara amị, iwe ọhụva ọnị ma vaa chẹrẹ ẹ tụ́ụ hi wu nịnị yị. Ini iwe ẹyịva, ma raà tama wụ nịnị ayị ịsị ụ vịdị sị yẹ nịnị, agụvị dị ma zụ sị ayị awụ nịnị kwẹẹtẹ, di u we zuu ro ịrẹyị ana vọrọ nịnị.

2Ipita 3:16

Ịnị avaba iwe ọnị ọ chẹrẹ, ẹngụ ịrẹyị ọnọnị ọ kà nị. Ịsa ẹnyị hi ini iwe anị ana tụ́ akanya ọyị yẹ. Dị aza ẹnẹ ẹ̀yị nyị ịsị ẹ yẹ, dị ẹ̀yị mā jẹẹ aha ọnya aa vara ịrẹyị ẹnẹẹ, anka ẹ mẹ̀ rẹẹ̄ mẹ ịrẹyị Ohomorihi ana vọ. Ẹ mẹ̀ vavọọ aa mẹ, ọkarẹyị Ohomorihi éyee turaa kú ẹngụ ẹnịnị ịrẹsụ nị.

1 Ịjọọnụ 3:3

Avaba aza ana nyị ẹngụ ọyịtureyi ọnọnị, aa mẹ̀ ebira ọnịnị anka Ikirisiti mẹ̀ rẹ nị nị.