2Ipita 3:11 - IWE ỌNỊNỊ

¹¹ Ụmẹ sị yẹ nịnị aanị ka aanị avaba ịsa mẹ̀ vee vú ẹtẹ nị, yẹ ẹngụ ebira ana vọrọ ka waa mẹ nịnị! Àa vọrọ ka ẹhẹ awụ nịnị ọ̀ vị ọnịnị, dị ụ wa sị ẹngụ awụ nịnị yị Ohomorihi saka-saka, dị ụ waa mẹ̀ ebira ene zé Ohomorihi eyi!

2Ipita 3:11 ပူးပေါင်းရင်းမြစ်များ

Ahẹ Ụgama 37:14

Aza edivi ẹ sị ọpa kà e yee sì ka ẹnị ẹ̀ sị wụ onosiye ẹnẹ ẹ̀ yị nyị ụkata ọnịrị aza ana aa mẹ̀ ebira ana vọrọ.

Ahẹ Ụgama 50:23

Ohomorihi rẹ ka Ọza ana aā kụ́ ọnị avọ, ọnị vaa yẹ ka aa mẹ̀ ịsọvọ ana sị ụbanyị yị ọnị nị Ọza ene èe tenyi ebira anị, ọnị mị vaa dọ ọ há nị.

Ahẹ Ụgama 75:3

Ohomorihi, ụ ka ịjị ẹhẹ ọnịrị aza ene hi ịnị anị aa vangga, ẹwa sị ụvọ za ẹhẹ jẹẹ geri-geri nị.

Ayịsaya 14:31

Ẹwụ nịnị Anihwirisiti, tụ́ ụvọ kú ịrẹsụ wee nowu nịnị. Ẹngụ awụ nịnị ọ̀ọ da ẹgahị. Ezirẹkụ ệ kọmị hụrẹ eyi ẹbẹẹba aa vẹ, vị ẹ sị mẹẹ anka areyi avọọ ẹ mẹ̀ rụrụ nị. Ẹ yị nyị ikonya ẹnịnị ana vị anangwahi.

Ayịsaya 24:19

Ẹhẹ vaa ha anaha, di o henyi jigi-jigi.

Ayịsaya 34:4

Ọyị, ụhwẹ ọnịrị ụzọmị nịnị vaa sùu vaa hi ẹtẹ, dị a maanị kara ẹbẹẹba anka a mẹ̀ẹ kara ụvẹnẹ avọọ. Ụzọmị vi ana vaa sùu hi ẹtẹ anka avị ọchị ịvayịnị ọnịrị avị ọchị ihwigi ana kụ́ wụ avọọ.

Imatiwu 8:27

O si hí aza ẹnẹẹ irenu, dị ẹ ka, “Ẹngụ ọza ịsị ẹ vị ọnọnị ana ahị ọnịrị irehu raa wụ́ chiree bẹẹ?”

Aniroomi 13:11

Wa vavọọ mẹ nịnị, agụvị ka wâ yẹ ụmẹ ọnị ị yà nịnị booro aanị! O si tù ka wa ha ara nịnị! Ụmẹ oni Ohomorihi vaa sị dọ yịị há, ọ kụkụ gụrị ẹtẹ hu ụmẹ ọnị ị hụrẹ sị sị ayị tụra Ohomorihi nị.

Aniroomi 13:12

Ụmẹ ịrahụ ọnọnị aa vaa ta, eyi aa vaa nị. Agụvị avọọ à kụkụ vẹ ya và ụkọrọ ịrahụ hi ẹtẹ, dị ya kụ́ ẹnya ịrẹkụ ọọdụ; ọnọọ vị ka

2 Anịkọrịntị 1:12

Yâ yẹ ịnị ayị ịzẹyịza ka ebira ayị ịnị ẹhẹ ọnọnị ọnịrị ịsị yee pe wu nịnịị mẹ, ka ayị ọnya beri ebira Ohomorihi ị yaa sịị mẹ̀ ẹ nị. Ayamva Ohomorihi ọ mẹ ka ya vavọọ mẹ nị. Ẹ yị vị ịrẹyọyẹ ọza kẹnẹ ọ vị. Agụvị avọọ ị yaa sịị jẹ nị.

Anihwiripi 1:27

Ịsị ẹ vị ịrẹyị obooro ọ vị ka ebira awụ nịnị ọ̀ yà anka ọ mẹ vọrọ tụra ọza ana dọ enube ọyịza wụ́. Me ve hee wu nịnị oo, mẹ yị vẹ oo, mee sì ka ma wụ́ ka wáa sị ayị ọnya jẹẹ geri-geri nịnị, di u we duduu sị ọnyaa dụ ịrẹyị enube ọyịza ọnị ụ dọ wụ́ nịnị.

Anihwiripi 3:20

Àa vị ẹyị yọ, eehi ayị yà ẹbẹẹba. Yee zí ka Ijeesu Ikirisiti Ananyị yị ọ̀ và hụụ ịzọọ vẹ.

1 Anịtẹsaronika 1:5

Ị mẹ̀ vịdị va kà enube ọyịza wụ nịnị, ayị vị ịrẹka kẹnẹ ị za vẹ. Ohomorihi ộ sị ụkata anị zụ̀ ini oze enube ọnọọ. Enube ọnọọ vị ana hụụnị ụvọ Ụhwẹ Ọnịnị vẹ. Ộ sị zụ̀ ka enube ọnọọ vị ịzẹyịza. Wáa yẹ, ị mẹmẹ aa mẹ̀ ebira, ị mẹ̀ yà ịdị awụ nịnị ịzọọ. Agụvị awụ nịnị ị vavọọ aa sịị mẹ nị.

1 Itimoti 3:16

Avaba aza ẹ́ẹ dọ ka ahẹkẹ ayị ọnọnị, ọ ka hịịn, iruvo anị ọ́ọ nyịnẹ ẹtẹẹtẹrẹ: Ikirisiti ọ́ọ sị ẹngụ anị zụ̀ anka ọzarẹyịrẹsụ. Ụhwẹ Ọnịnị ọ́ọ sị zụ̀ ka ọnịzẹyịza ọ vị nị, anggẹẹrị nịnị e re ree. Áa kà ịrẹyị anị yị anẹhẹ, anẹhẹ ẹ́ẹ sị ayị tụra, dị a sị ọọ nọ ẹbẹẹba ini igirima nị.

1 Itimoti 4:12

Asị ụ zẹẹ ka ọza ọnyọọnyị ọ̀ sị eyi wụ wụ, agụvị ka wáa mẹhị vị ozweyi! Ama vị ọza ọnị ọdọwụ ana vọ vee sì ka ẹnị ẹ̀ẹ hama ịnị ịrẹyị irenu ọnịrị ebira ẹtẹẹrẹ awụ, ini oyisì ịrẹyị aza ọnịrị ayị ọyịsị tụra Ohomorihi beri ebira ọnịnị.

1 Itimoti 6:11

Ama ẹwụ ana vị ọza Ohomorihi, asị ụ sị ụvọ tụ́ ịnị ịsa ẹnẹẹ! Sị vụrị we re ka waa mẹ̀ ebira ana vọrọ, dị o re zé Ohomorihi eyi! Wa yịị sị ayịị tụra Ohomorihi! Wee sì ịrẹyị ọza, dụ wa nyị isuuru, dụ wa rẹ nyị ebira hẹẹ!

1 Itimoti 6:3

Ọza ana àa sị ịrẹyị ọsa zụ̀ aza, dị ọ̀yị saasa ịrẹyị obooro ana vị ịrẹyị Ijeesu Ikirisiti Ananyị yị, dị ọ̀yị rẹ saasa ebira ene zé Ohomorihi eyi ọnị yaa sịị zụ̀ aza nị,

1 Itimoti 6:6

Ịzẹyịza yọ, ahẹkẹ ọ zụ sị ọza rị ọgụ, ọ̀ọ zẹẹ ka ịsị ọnị ọ̀ọ nyị, ọ̀ hụ ọnị.

Anihiburu 13:5

Asị ụ zẹẹ ka wa họ́họ̀ha ẹkẹhị ịnị ẹhẹ awụ nịnị! Ama re ka ịsị ụ wàa nyị, ọ́ọ vavọọ hụ wụ nịnị! Wáa yẹ ka Ohomorihi ọ sị ọọ kà ka ọnị ọ yị vaa navọ wụ nịnị tịtẹ, ọnị ọ yị rẹ vaa sị ayịị hụụnị ịrẹyị awụ nịnị.

Ijemiisi 1:24

o me yi re ẹngụ anị, dị ọ hụụ ịzọọ kẹnẹ, ayị oo hí ọ, ọ́ yị kụkụ tamayị ịsị o véné.

Ijemiisi 3:13

Àa nyị ọza ana ka ọnị ọ́ọ yẹ ịrẹyị, ene eyi anị hweyi ịnị ẹngụ awụ nịnị, ọza ọnọọ ọ̀ mẹ̀ ebira ozoza, dị ọ̀ rẹ ká ịrẹsụ hi. Ịrẹsụ ọkahi ọnọọ ọ vaa sị zụ̀ ka ọ́ọ yẹ ịrẹyị nị.

1Ipita 1:15

Ohomorihi ana hị́ wụ nịnị, vị ọnịnị; agụvị avọọ, ẹwụ nịnị ọ̀ rẹ vị ọnịnị ịnị avaba ebira awụ nịnị!

1Ipita 2:12

Waa mẹ̀ ebira ọyịza, ụ mẹ yà ịnị akakana anarịmadọwụ nịnị aanị. Aza ẹnẹẹ ẹ̀ẹ daka aa kà ịrẹyị odivi awụ nịnị, áa vọrọ ka è zụ ré ebira ọyịza awụ nịnị, dị ẹ̀ zụ sị ụga yị Ohomorihi ịnị ẹkụhị oni òo ve tù wa.

2Ipita 1:3

Yáa yẹ Ijeesu ana hị́ yị ka ya nyị tụ́ ịnị ụbanyị anị ọnịrị ebira ozoza anị. Ụkata Ohomorihi ọ raà sị avaba ịsa ana vọrọ ka ya nyị yị, dị ya zụ nyị ebira obooro, dị ya rẹ zụ mẹ̀ ebira ene ze Ohomorihi eyi.

2Ipita 1:6

re ka wa nyẹngụ sị ụvọ za ẹngụ awụ beri ịrẹyọyẹ awụ! Ụ mẹ̀ sị ụvọ za ẹngụ awụ, re ka wa nyẹngụ sị ẹngụ dọ ịrẹyị, dụ wa rẹ nyị ebira ene zé Ohomorihi eyi vaka ẹngụ ọyịsị dọ ịrẹyị!

2Ipita 3:10

Ama Ananyị yị vaa vaa vẹ. Ịhị àaa vẹ, vị ọ vaa sị mẹẹ ẹkụhị oni oyi sịị nọ aha ịrahụ avọọ nị. Ịhị ọnọọ a vaa wụ̀ ẹtẹ ịrẹyị, dị ẹbẹẹba wú va ha. Dị avaba ịsa ene hí ẹbẹẹba rịra va ha saka-saka, dị ẹhẹ ọnọnị ọnịrị avaba ịsa ene hi ịnị anị ẹnị rẹ ta saka-saka.

2Ipita 3:12

Wee zi ẹkụhị ana Ananyị yị vaa sị vaa vẹ nịnị! Sị vụrị dị u we ré ka ẹkụhị ọnọọ óo jintu vẹ nịnị! Ịhị ọnọọ, ẹbẹẹba vaa rị ịraa vàa ha, avaba ịsa ene hi ẹbẹẹba ọnịrị ẹhẹ vị ana vaa rị ịraa ha bemi-bemi.