2Ipita 3:10 - IWE ỌNỊNỊ

¹⁰ Ama Ananyị yị vaa vaa vẹ. Ịhị àaa vẹ, vị ọ vaa sị mẹẹ ẹkụhị oni oyi sịị nọ aha ịrahụ avọọ nị. Ịhị ọnọọ a vaa wụ̀ ẹtẹ ịrẹyị, dị ẹbẹẹba wú va ha. Dị avaba ịsa ene hí ẹbẹẹba rịra va ha saka-saka, dị ẹhẹ ọnọnị ọnịrị avaba ịsa ene hi ịnị anị ẹnị rẹ ta saka-saka.

2Ipita 3:10 ပူးပေါင်းရင်းမြစ်များ

Ahẹ Ụgama 102:26

Ẹhẹ ọnịrị ihinẹba vee bo anka awuru avọọ, dị ọ vara wa dị ẹ ta, ama ọnị Ohomorihi vị ana vaa yà ịzọọ pooro.

Ahẹ Ụgama 46:6

Anẹhẹ ee nowu angwa mèe hi wa, ẹkụra nịnị ẹ kụ́ hyẹdụ Ohomorihi mè nowu kú anẹhẹ, ayị ẹnịnị ẹ kụ́ sụ enyi ángwa mè hi wa.

Ahẹ Ụgama 97:5

Ẹnẹyịmavara ana nyị avaba ẹhẹ mẹ̀ jẹẹ, ataba nịnị vị ana maanị nā anka ụsụ avọọ.

Ayịsaya 2:12

Ẹnẹyịmavara ọ nyị avaba ụkata nị. Ọ raà jị ẹkụhị ọnya tịtẹ. Ịhị ọnọọ ọ vaa za avaba aza ene ee wu ịka zị dị ọ kà wa chi, dị ọ mẹ̀ ụhị nyị wa.

Ayịsaya 24:19

Ẹhẹ vaa ha anaha, di o henyi jigi-jigi.

Ayịsaya 34:4

Ọyị, ụhwẹ ọnịrị ụzọmị nịnị vaa sùu vaa hi ẹtẹ, dị a maanị kara ẹbẹẹba anka a mẹ̀ẹ kara ụvẹnẹ avọọ. Ụzọmị vi ana vaa sùu hi ẹtẹ anka avị ọchị ịvayịnị ọnịrị avị ọchị ihwigi ana kụ́ wụ avọọ.

Ayịsaya 51:6

Ẹnẹyịmavara kà ẹ kana eyi di e re ihinẹba ọnịrị ẹtẹ. Ihinẹba vaa ta anka areyi mẹẹ̄ ta hi ịnị ahị avọọ. Ẹtẹ ọnọnị vee bo anka ụsẹmụsẹ avọọ. Aza ana ra ịrẹsụ ẹtẹ vị ene vee su va ha anka ịsị avọọ. Ama ụkata ọnị ọnị sị dọ azaa ha o yi mē bo. Ọnị vaa nyị ẹbẹẹba pooro zịna-zịna nị.

Ijowẹrị 1:15

Ẹkụhị ọnị Ẹnẹyịmavara vee sii du ayị hi wa aa gụrị ẹtẹ. Ịhị ọnị Ohomorihi Ochẹtẹẹngụ vee vu wa ẹtẹ vaa daa divi kẹnẹ.

Ijowẹrị 2:1

Ẹnẹyịmavara kà e hú ọpanyị, di e na owu tụ ẹhẹ ịrẹsụ Ịzayọnị ana vị ataba anị, dị avaba aza ene hi Ijuda e hí angwa! Ẹkụhị ọnị Ẹnẹyịmavara vaa sị mẹ̀ ọkarẹyị aa gụrị ẹtẹ.

Ijowẹrị 2:31

Dị ọyị vene hozi, dị ụhwẹ ee vi anka anya tụ́ ẹbẹẹba. Ịvọpa ẹnẹnị aa sị zụ̀ ka ẹkụhị ọbanyị ọnị Ẹnẹyịmavara vee si du ayị hi aza anị aa gụrị ẹtẹ

Ijowẹrị 3:14

Ọkọnị aza ẹ̀ẹ na sị gụ hi inozi ọkarẹyị ọnọọ Ịzọọ ọnọọ, ụmẹ ọnị Ẹnẹyịmavara vaa mẹ̀ ọkarẹyị aa gụrị ẹtẹ nị.

Emọsị 9:13

Ẹnẹyịmavara kà ụmẹ aa vẹ ịnị ụmẹ ọnọọ, dị aza ana kụ ịsọyịna gụ aa dọ aza ana jị ịrụkụ oro dị ọza anaa kwọrọ ẹtụtụ igirepi ọnịrị aza anaa ha a aa dọ ẹngụ oro. Ụbazị ịvayịnị ene hi ịrẹsụ ataba ọnịrị ịrẹsụ otutu vaa tụ́ hyọvọ-hyọvọ dị eche gwẹẹtẹ.

Emọsị 9:5

Ẹnẹyịmavara Ochẹtẹẹngụ Ananyị yị, Ọ sị ụvọ kanyị ẹtẹ kẹnẹ dị o su enyi, dị avaba aza aa zị ẹngụ nị. Ẹtẹ va sị mẹẹ́ irehu Ịnayịrị Ijipiti enee hi dị ọ hụ avọọ nị.

Imika 1:4

Ịjọnọọ, dị ataba nā ahẹtẹ anị anka ụsụ ana yà ịnị ịra avọọ; dị ẹ yaa va hi ẹte hi inoze anka enyi ene ee sii chi ataba avọọ nị.

Ịnahụmị 1:5

Ẹnẹyịmavara òọ kana eyi kẹnẹ, dị ataba nịnị ee ziizi; dị otutu nịnị nā anka ụsụ ana gụrị ịra avọọ. Dị ẹtẹ ziizi, dị ivoovo za avaba aza ene hi ịrẹsụ ẹtẹ.

Ịmarakayị 4:5

Dị ọ ka, ree nịnị, mị vaa tụ Erija ọnịsẹ tụ ọvịdị ẹkụhị ọnị Ẹnẹyịmavara vaa sị mẹ̀ ọkarẹyị. Ẹkụhị ọnọọ ee vee tu. Aza vee hí angwa ẹtẹẹtẹrẹ.

Imatiwu 24:35

Ihinẹba ọnịrị ẹhẹ vaa ta, ama àa vị ịrẹyị amịị yọ, o yi vee vú.”

Ịmaakị 13:31

Ihinẹba ọnịrị ẹhẹ vaa ta, ama àa vị ịrẹyị amịị yọ, o yi vee vú.”

Iruuku 12:39

Dị ụ wa yẹ nịnị ka adarehi ọ̀ọ yẹ ụmẹ oni oyi vaa sị vẹ, vị ọ yaanị ee sere ẹtẹ nị, dị ọ yị zẹẹ ka oyi ọ̀ chaka ọnị irehi.

Aniroomi 8:20

Ohomorihi ọ sị ọkarẹyị mẹ ka avaba ịsa ọnị ọnị tụ́, ẹ̀ kụkụ vị kẹnẹ-kẹnẹ. Ẹ yị vị ka ẹnị ẹ vavọọ sì ọ ọ yị ẹngụ ẹnịnị nị, ama avọọ ọza ana tụ́ wa mè sì ọọ nị. Ama â nyị ọyịtureyi ọnya,

1 Anịkọrịntị 1:8

Ikirisiti vaa sị ụvọọ za wụ nịnị pooro ne tù ụmẹ ọdịrẹma, agụvị ịhị Ijeesu Ikirisiti Ananyị yị ọ̀ọ vavẹ, asị ụ na nyị ohuvọ nịnị vụrụ-vụrụ.

1 Anịkọrịntị 5:5

dị ụ sị ẹngụ ọza ọnọọ chire Echuu ụvọ, dị ẹngụ anị ò du ha, ịsavọọ Ohomorihi ọ̀ dọ ụhwẹ anị há ịnị ẹkụhị ana Ananyị yị vaa sị mẹ̀ ọkarẹyị.

2 Anịkọrịntị 1:14

anka ụ mẹ̀ vịdị dọ yị chee nịnị. Ịhị Ijeesu Ananyị yị ọ̀ọ vẹ, dụ wa zụụ jẹ agụvị ayị, anka ẹ́yị mẹ̀ raa jẹ agụvị awụ nịnị.

1 Anịtẹsaronika 5:2

Ẹwụ ụvọta ọ́ọ yẹ ẹtẹẹtẹrẹ ka ẹkụhị ana Ananyị yị vaa sị vaa vẹ vị ana sị mẹẹ anka ẹkụhị oni oyi sịị nọ aha ịrahụ avọọ.

1 Anịtẹsaronika 5:4

Ama ẹwụ nịnị anda ayị, ẹwụ nịnị ẹ́ yị yà ịnị ịrahụ. Ẹ yị nyị ka ẹkụhị ọnọọ ò ve tù wu nịnị asigiri anka oyi avọọ.

2Ipita 3:11

Ụmẹ sị yẹ nịnị aanị ka aanị avaba ịsa mẹ̀ vee vú ẹtẹ nị, yẹ ẹngụ ebira ana vọrọ ka waa mẹ nịnị! Àa vọrọ ka ẹhẹ awụ nịnị ọ̀ vị ọnịnị, dị ụ wa sị ẹngụ awụ nịnị yị Ohomorihi saka-saka, dị ụ waa mẹ̀ ebira ene zé Ohomorihi eyi!

2Ipita 3:12

Wee zi ẹkụhị ana Ananyị yị vaa sị vaa vẹ nịnị! Sị vụrị dị u we ré ka ẹkụhị ọnọọ óo jintu vẹ nịnị! Ịhị ọnọọ, ẹbẹẹba vaa rị ịraa vàa ha, avaba ịsa ene hi ẹbẹẹba ọnịrị ẹhẹ vị ana vaa rị ịraa ha bemi-bemi.

2Ipita 3:7

Ẹbẹẹba ọnịrị ẹhẹ ana yà booro aanị, ịrẹyị Ohomorihi ó re si tenyi ọ tịtẹ ka ọnị ọ̀ va sị ịra vú ọ ẹtẹ nị. Ô tenyi ọ tịtẹ ne tù ẹkụhị ọnị ọ vaa mẹ̀ ọkarẹyị yị aza edivi, di ò vú wa ẹtẹ.

Ijudi 1:6

Rẹ tamayị anggẹẹrị nịnị ene è yi sị eyi pe udi ana a sị yị wa, ệ hụrẹ ịzị a sị wa tụ́. Ohomorihi ộ sị ẹba tụ́ wa ọnị ọza ọ̀ yị vaa ngwa pooro zịna-zịna, dị ọ sị wa tụ́ ịnị ịrahụ tụ ụvẹtẹ-ụvẹtẹ ka ẹ̀ yà ịzọọ pooro ne tù ẹkụhị ọbanyị ọnọọ oni Ohomorihi vaa mẹ̀ ọkarẹyị ẹhẹ nị.

Ẹtore 16:15

“Re! Mị vanaa vẹ anka oyi avọọ nị. Ọza eme èee zí di o tenyi ịta anị tịtẹ ka asị ọnị na yà ịnị ahwaahụ dị ụhị ọ̀ vaa nyị ọọ nị, vaa daa jẹ.”

Ẹtore 20:11

Mée re aga ohinọyị ọnya aanị. Ọ́ọ banyị ẹtẹẹtẹrẹ, dị ọ vị ọvwọọvụ nị. Dị ọza ịnya yaayịtẹ ịnị anị nị. Dị ẹtẹ ọnịrị ẹbẹẹba ee zwee hụrẹ ọvịdị anị, dị ọza ò yi kuku re wa nị.

Ẹtore 21:1

Di mi re ẹbẹẹba ọwọọwa ọnịrị ẹhẹ ọwọọwa nị, agụvị ka ẹbẹẹba ịpaapa ọnịrị ẹhẹ ịpaapa ẹ́ẹ ta. Òkū ọnị ọ rẹ sị wụ.

Ẹtore 3:3

Tamayị ịsa ana a vịdị sị zụ̀ wụ nịnị, dị ụ rẹ dọ ọ. Sị ụvọ za a nịnị, di u we ro ịnẹ varẹma. Wè yi yee zí nịnị, mị vanaa vẹ kẹnẹ anka oyi avọọ nị, dị ụ wẹ yị yẹ ụmẹ ọnị mee sii vee tù wu nịnị nị.

Ẹtore 6:14

Dị ẹbẹẹba kara kwooze, anka èe rere kara iwe kwooze avọọ nị. Dị ataba nịnị ẹnịrị ẹtẹ ene enyi kara, hụrẹ aha ẹnịnị nị.