2Ipita 3:1 - IWE ỌNỊNỊ

¹ Ẹwụ nịnị ẹyịnyara amị, iwe ọhụva ọnị ma vaa chẹrẹ ẹ tụ́ụ hi wu nịnị yị. Ini iwe ẹyịva, ma raà tama wụ nịnị ayị ịsị ụ vịdị sị yẹ nịnị, agụvị dị ma zụ sị ayị awụ nịnị kwẹẹtẹ, di u we zuu ro ịrẹyị ana vọrọ nịnị.

2Ipita 3:1 ပူးပေါင်းရင်းမြစ်များ

Ahẹ Ụgama 24:4

Ẹngụ aza ana zụ nọ ini irehi Ohomorihi ẹ vị aza ẹnẹ yị ma mẹ̀ ebira odivi, di è yi mē re ro ịrẹyị odivi nị. Ẹnịnị ẹ mā rẹ hẹkẹ ori, ẹ mā rẹ hị́ eku ireche.

Ahẹ Ụgama 73:1

Ịzẹyịza Ohomorihi oo zoza yị Anisirẹrị, ọnịrị aza ana ayị ẹnịnị nị.

Imatiwu 5:8

Aza ana ayị ẹnịnị nị vaa daa jẹ, agụvị ka e vee re Ohomorihi.

2 Anịkọrịntị 13:2

Mee sì ka ma rẹ kà a yị ẹwụ nịnị ana vịdị mẹ vị ọnịrị ẹwụ nịnị ana vọ; ma rẹ vịdị kà a wụ nịnị ịnị ụpẹ ọhụva ọnị mị vẹ ịdị awụ nịnị. Mi ree tenyi ọọ kà, m mẹ̀ sị hụụ ịdị awụ nịnị aanị ka: Màa vana vẹ, ẹ yị nyị ọza ọnị maa navọ.

1 Itimoti 5:22

Asị ụ há eyi sị ụvọ tụra ọza, dị ụ wa mẹ̀ aduwaa yọ. Asị ụ na bẹ tụ́ ịnị ịvị ọza ẹnẹsa! Re ka wáa nyị ayị ọnịnị!

2 Itimoti 1:6

Agụvị avọọ, mee sì ka wa tamayị ụkata oni Ohomorihi sị wụ, m mẹ̀ sị ụvọ tụra wụ, dị mị mẹ̀ aduwaa wụ. Waa sị ụkata ọnọọ mẹ̀ ịsaa hu avọọ.

Anihiburu 6:9

Ẹwụ nịnị ẹyịnyara amị, dị ị daka maanị aà yịị kà a aanị, yâ yẹ kaakara ka ẹwụ nịnị aa mẹ̀ ịsa ene zozaa hu avọọ, dị ụ wa há nịnị.

1Ipita 1:22

Wa sị ẹngụ awụ nịnị vara aza ọnịnị, agụvị ka waa saasa ịzẹyịza Ohomorihi nịnị; agụvị avọọ di u kuku ee sì ịrẹyị ọdọwụ anda ayị nịnị ẹtẹẹtẹrẹ nị. Agụvị avọọ, wa yịị sị avaba ayị awụ nịnịị sì ịrẹyị ẹngụ nịnị ẹtẹẹtẹrẹ.

1Ipita 2:11

Ẹwụ nịnị ọnị mi sì, wâ yẹ nịnị ka ọzọga ụ vị hi ịnị ẹhẹ nịnị nị. Agụvị avọọ, maa dá ịpẹẹ wụ nịnị: Và hụụnị ịsa edivi ọnị ọchẹngụ awụ nịnị sì. Ịsa ẹnẹẹ vị ana và eyi ịrazị kà ayị awụ nịnị.

2Ipita 3:14

Agụvị avọọ, ẹwụ nịnị anda ayị, u mèe zí ẹkụhị ọnọọ eyi nịnị avọọ, sị vụrị di u we re ka wáa nyị ebira ọnịnị, dị asị ụ nyị ohuvọ ini eyi Ohomorihi, dụ wa nyị ẹngwọọrọ tụ́ ịdị anị!

2Ipita 3:17

Àa vị ẹwụ nịnịị yọ, anda ayị, wa sị ịsa ẹnẹnị yẹ nịnị da. Agụvị avọọ sị eyi pe ẹngụ awụ nịnị! Asị ụ zẹẹ ka aza ẹnẹẹ ẹnẹ ẹ̀yị mā wụ́ ịrẹyị Ohomorihi avọọ, è vene wu nịnị na ngụ ini eyi oyinyee ẹnịnị! Asị ụ rẹ zẹẹ ka ẹ̀ tụ́ wụ nịnị ụvọ hụrẹ aha ọyịza ọnị ụ yà nịnị!

2Ipita 3:8

Ẹwụ nịnị ẹyịnyara amị, ama asị ụ hí ayị ịsa ọnya ọnọnị nịnị ka ini eyi Ohomorihi, ẹkụhị ọnya ọnịrị ịrayị akawụ ẹ́ yị jị ẹngụ nyee. Ọnyọọnya ẹnị ẹyịva vị̀ ini eyi Ohomorihi nị.

Ijudi 1:5

Máa yẹ ka â vịdị sị ọ kà yị wụ nịnị, ama mee sì ka ma rẹ tama wụ nịnị ayị ịrẹyị ọnọnị: Ohomorihi ộ dọ aza anị ha hụụnị ẹtẹ Ijipiti. Aza ẹnyị ẹ̀ yị mẹ̀ wụ́ ịrẹyị anị, dị ọ wụ̀ wa nị.