2Ipita 2:6 - IWE ỌNỊNỊ

⁶ Ohomorihi ọ rẹ jị ịvị yị anẹkụra Isodọmị ọnịrị Igomora, dị ọ sị ịra wụ̀ wa vá ha nị. Ộ vavọọ mẹẹ, agụvị aza ana ka ẹnị ẹ mā wụ́ ịrẹyị Ohomorihi ẹ̀ kọ ịrẹyọyẹ hụụnị anị.

2Ipita 2:6 ပူးပေါင်းရင်းမြစ်များ

Oyinyima 19:28

Dị ọ kana eyi nọ oze Isodọmị ọnịrị Igomora ne beri avaba ini ozi ọnọọ nị, di o re ka areyi anị ee simaa vaa hịrẹ pọpọrọpọ anka areyi ọrịra avọọ nị.

Ayịsaya 1:9

À yị vị ana ahịka Ẹnẹyịmavara Ochẹtẹẹngụ ộ mẹ̀ ka à nyị aza chee ana vọ, Ijerusarẹmị vị anị a yaanị vú ẹtẹ saka-saka anka e mè vu Isodọmị ọnịrị Igomora ẹtẹ avọọ.

Ayịsaya 13:19

Wâ yẹ ka ẹkụra Ịbabịrọnị o zoza hu keekere nị. Anịzọọ vị ana aā sịị mẹ eyi. Ama Ohomorihi vee vú ọ ẹtẹ anka o mè vu Isodọmị ọnịrị Igomora ẹtẹ avọọ.

Ijeremaya 50:40

Ẹnẹyịmavara kà, Ịbabịrọnị vị ana vaa yà anka Isodọmị ọnịrị Igomora mẹ yà ụmẹ ọnị ọnị sị vu wa ẹtẹ beri ẹkụra-ẹkụra ana kara wa avọọ. Ọza ẹ́ yị ma vana ra ịzọọ.

Ihoseya 11:8

Ọ kà a ọnị mẹmẹ nyẹngụ hụrẹ Isirẹrị ụvọ? Ọnị mẹmẹ nyẹngụ navọ ka wa? Ọnị wáá vaa sị ụya rị wa anka Anadima ọnịrị Izeboyimi nị? Ọ kà ọnị o re sì ịrẹyị ẹnịnị baaba. Ịrẹyị ẹnịnị vị ene sụ ùnè e ayị anka ịtahụ avọọ.

Emọsị 4:11

Dị ọ ka ọnị e vu wa ẹtẹ anka ọnị mẹ mẹ̀ Anisodọmị ọnịrị Anigomora avọọ. Aza anaa ha hụụnị anị vi ana vaa sị mẹẹ anka ẹjịjị ọkụ ịra ana tụ́ tịtẹ avọọ nị. Ama ẹnịnị ẹ yị hụvị avọọ va ka Ẹnẹyịmavara vẹ.

Ịzẹhwanaya 2:9

Dị Ẹnẹyịmavara kà ọnị ana vị Ohomorihi Anisirẹrị ọ̀ọ yà ịzọọ, Animowabi ọnịrị Anamọnị vị ene vee vú ẹtẹ anka Isodọmị ọnịrị Igomora avọọ. Dị ẹtẹ ẹnịnị hí yị avị ikeyi-ikeyi, dị ọ jị ụsị anọ hi ẹtẹ, di o du ha tịtẹ. Dị aza Ẹnẹyịmavara ana vọ dọ ẹtẹ ọnọọ, dị ẹ sị mẹ ẹẹnịnị.

Ịrịka 16:38

Aza ẹnịnị vị ene su agụvị ọnị ẹ mẹ. Ẹnya eturare ẹnịnị vị ọnịnị agụvị ka ẹ̀ kụ wa vẹ ọvịdị Ẹnẹyịmavara. Dị Ẹnẹyịmavara kà Eriyaza ọ kụ wa vabẹ dị a sị ihama tu ọ dị a sị mẹ oku ụta, dị ọ ka aza ana vọ ọnọ.

Ịrịka 26:10

avọọ ẹtẹ ha irenu, dị ọ mụnẹ wa, dị ịra rị aza ẹnị ịrẹka tụra ẹvarẹwụ (250). Ẹnị aa sị kà aza ana vọ ọnọ nị.

Imatiwu 10:15

Ịzẹyịza, dị ma kà a wụ nịnị ka ịnị ẹkụhị ọkarẹyị, ọ vaa daahi yị anẹkụra Isodọmị ọnịrị Igomora hu anẹkụra ọnọọ.”

Imatiwu 11:23

Ẹwụ nịnị Anikapanawumi, wéé ro ka a vaa kà wụ nịnịị hịrẹ naa ngụ ẹbẹẹba? Vụrụ-vụrụ! Vaa vaa sị wụ nịnị, di e ne wu nịnị ngụ ini ẹkụra nị! Àa yaanị mẹ̀ ụkọrọ ohyozirenu ẹkụra Isodọmị, a mẹ̀ mẹẹ ị́dị awụ nịnị, ọ yaanị yị yà ịzọọ pooro ve tù ajịnị.

Aniroomi 9:29

Ayịsaya ọ rẹ vịdị kà a ka, “Ẹ̀ yị vị oni Ohomorihi Ochẹtẹngụ navọ aza chee yị, ị yaanị kụkụ sị mẹẹ anka anẹkụra Isodọmị avọọ nị, dị ị rẹ yà anka anẹkụra Igomora.”

1 Anịkọrịntị 10:11

Ịsa ẹnẹẹ ana mẹ wa vị ana aa kà aza ọnọ. Â chẹrẹẹ tịtẹ ka ẹyị ene hi ịnị ụmẹ ọdịrẹma aanị, ọ̀ zụ kọ ịrẹyọyẹ hụụnị anị.

Iwe Ọhụhị Imosiisi ana aa hị́ Ọyịvatụrọda 29:23

Ẹnẹyịmavara vaa sị ohuuru ọnịrị anọ du ẹtẹ awụ nịnị ha. Ẹ yị nyị ịsa ana zụ chire, dị ọ hyakụ va chị. Ẹ yị nyị avị ọnị ọza vee re ịzọọ. Ịzọọ vaa tụ́ osusu anka Isodọmị ọnịrị Igomora ne beri Adima ọnịrị Izeboyimi ọnị Ẹnẹyịmavara sị ọyịkụ-ọyịkụ vu ẹtẹ.

Anihiburu 4:11

Agụvị avọọ, à vẹ yaa sịị vụrị, dị ya zụ ngụ ịnị ụhwọtụ ọnọọ. Asị a nyị ọza ana na mẹ akamawụ anka ohiku ayị nịnị.

Ijudi 1:15

dị ọ va mẹ̀ ọkarẹyị yị avaba aza. Ọ vaa jị ịvịị yị aza ẹnẹ ẹ̀ yị yẹ Ohomorihi agụvị ịsa edivi ẹnẹ ẹ́ mẹ̀ hi Ohomorihi, ọnịrị agụvị ịrẹyị edivi-edivi ọnị ọnịvị ẹnẹẹ aa kà a hi Ohomorihi.

Ijudi 1:7

Rẹ tamayị ịrẹyị anẹkụra Isodọmị ọnịrị Igomora ne beri ẹkụra ana kara wa avọọ, ẹ́nị mẹ̀ raa mẹ ụnọ, dị ẹ rẹ yaa sẹ̀ ịrẹka irenyi-irenyi nị. E hi ịnị ịra, ẹyaa rị ụya pooro zịna-zịna, agụvị ọzọza ọ̀ kọ ịrẹyọyẹ hụụnị ịrẹyị ẹnịnị