2Ipita 2:21 - IWE ỌNỊNỊ

²¹ Ọ́ọ vana dahi ka asị ẹ́ yẹ oze ịzẹyịza, hu ka ẹ̀ sị ọ yẹ, dị ẹ̀ và ị́rẹma ọda ọnịnị ana kà yị wa.

2Ipita 2:21 ပူးပေါင်းရင်းမြစ်များ

Ahẹ Ụgama 125:5

Ama ịhị wàa kụ́ aza edivii kwooze, ẹnịrị aza ẹnẹ ẹ̀ yị mā và tụra oze awụ, ụ vaa kụ́ụ kwooze nị. Anisirẹrị vị ana vaa nyị ẹngwọọrọ.

Ahẹ Ụgama 85:8

Maa jẹẹ dị ma wụ́ ịsị Ẹnẹyịmavara vị Ohomorihi vaa kà. Ọ raà kà a ka ọnị vaa sị ẹngwọọrọ yị aza anị ana aa hẹkẹ ọnị. Ama asị aza anị ẹnẹẹ kụkụ na mẹ ụra.

Ụhịrẹyị 12:28

Ọza anaa mẹ̀ ụkọrọ ọọ̄ nyị vọ hi ẹtẹ nị, ọza anaa mẹ ịrẹyị ọhịmị ẹ yị mā nọ orubo.

Ụhịrẹyị 16:31

Ẹwa vị ụbanyị yị ọza ene bo tu ọ; aha ọ vị ka ọza ọ ra ẹhẹ ọyịza nị.

Ezikẹẹrị 18:24

Ama ọza ọyịza ọ̀ọ và hụụnị ebira ọyịza anị, dị ọ́ naa mẹ̀ ebira odivi anaa nyị ọnị ịhyẹrẹ ana ọza odivi aa mẹ nị, ọza ọnọọ ọ́ọ́ zụ yara kẹ? Éyiye de. Ẹ́ yị nyị ebira ọyịza ọnị ọ́ vịdị mẹ ana a vaa tamayị anị. Vị́ o vee sú nị, agụvị ka ẹ yị vị ana mẹ ịzẹyịza ọnịrị agụvị ka ọ vanaa mẹ̀ ebira odivi.

Ezikẹẹrị 23:13

Ọnị ô re ka Ohoriba nyẹmba vị ọsẹrẹka hangụ-hangụ. Ọnyọọnya ẹnị ẹyịva vị nị.

Ezikẹẹrị 3:20

Ẹnẹyịmavara kà, ọza ọyịza ọ̀ọ va hụụnị ebira ọyịza anị naa mẹ udivi, dị ọnị kụ́ ẹngụkata tu ọ nị, ọnị Ezikẹẹrị ẹ̀ yị kà a ọnọ, vị ee sù isu ebira odivi anị nị. Ọnị ẹ́ yị vaa tamayị ọyịza ọnị ọ́ vịdị mẹ, ama ọnị Ezikẹẹrị ọnị vaa họ̀ use anị nị.

Ezikẹẹrị 33:13

Ẹnẹyịmavara kà ọnị kà a yị ọza ọyịza ka ọ vaa yara, ama dị ọ kụkụ sị ayị tụra ọyịza ọnị ọ́ vịdị mẹ, dị ọ kụkụ aa mẹ̀ ebira odivi nị, ọnị ẹ́ yị vaa tamayị ọyịza ọnyọọnyị ọnị ọ vịdị mẹ. Ọza ọnọọ vee sú agụvị ebira odivi anị.

Ịzẹhwanaya 1:6

Ẹnẹyịmavara kà aza ana va hụ ịrẹma anị, dị ẹ yị kụkụ họ̀ ọnị use ka ọnị ọ zụ ẹnị oze vee re ẹẹva.

Imatiwu 21:32

Ịjọọnụ ọhwọzenyi ộ vẹ ịdị awụ nịnị, ộ sị oze ana vọrọ zụ̀ wụ nịnị; ama ẹwụ nịnị ẹ yị dọ ọ wụ́. Ama aza edivi ọnịrị ọsẹrẹka nịnị ẹnị ệ dọ ọ wụ́. Ụ mẹ̀ daka yi re ọsọnị nịnị, we yi ro ịnẹ varẹma nịnị dị ụ wa dọ wụ́ nịnị.”

Iruuku 12:47

“Ozi ahụ ana àa yẹ ịsị ọga anị sì, ama di ò yi tenyi ẹngụ ka ọnị ọ̀ mẹ̀ ẹ nị, vaa dọ ịjapa ẹtẹẹtẹrẹ.

Ịjọọnụ 15:22

Mẹ̀ yị yaanị vẹ ẹhẹ va kà ịrẹyị yị wa, ẹ yị yaanị rị ịvị; ama booro aanị, e yi kuku re kụ́.

Ịjọọnụ 9:41

Dị Ijeesu tụ́ wa ohi, dị ọ ka, “Wàa yaanị vị ogweyi nịnị, wẹ yị yaanị rị ịvị nịnị; ama ụ ka wee re ẹtẹ nịnị, agụvị avọọ ịvị awụ nịnị yị yà wụ nịnị ịrẹsụ.”

Aniroomi 7:12

Àa vị ọdaa yọ, ọda ọnị vị ọnịnị, avaba ọda ọnya-ọnya vị ọnịnị, dị ẹ vị ịzẹyịza, di e re zoza nị.

Anigaratiya 6:2

Wee pe ẹngụụ za ẹnya ẹngụ nịnị! Wàa vavọọ aa mẹ nịnị, waa saasa ọda Ijeesu nịnị avọọ nị.

1 Anịtẹsaronika 4:2

Wáa yẹ ọda ọnị ị sị ụkata Ijeesu Ananyị yị mẹ wụ nịnị.

1 Itimoti 6:14

Ọda ọnị mị mẹ wụ aanị, sị eyi pee, oo! Asị u du ọọ pẹrẹ, asị ụ zẹẹ ka wa nyị ohuvọ pooro dị Ijeesu Ikirisiti Ananyị yị ọ̀ vavẹ!

Anihiburu 10:26

Ya sị ịzẹyịza yẹ; yèe kuku ee yii re ịsa odivi googoro dị ị naa mẹẹ nị, ẹ yị kụkụ nyị ịsọvọ ana aa kụ́ ọọ kwooze.

Ijemiisi 4:17

Agụvị avọọ ọza ana àa yẹ ịsa ana vọrọ dị ẹ̀ yị mẹẹ nị, ịvị ọ vị yọ nị.

2Ipita 3:2

Mee sì ka wa tamayị ịrẹyị ọnị ọnịsẹ ọnịnị nịnị kà ịyẹẹyẹ. Dị ụ wa rẹ tamayị ọda Ananyị yị Ọdọzaha, ana odeyi awụ nịnị aa kà a wụ nịnị.

Ijudi 1:3

Ẹwụ nịnị ẹyịnyara amị, mị vịdị ee sì ka ma chẹrẹ iwe tụ́ hi wu nịnị ịnị oze ẹdọha ọnị i dudu nyị. Ama me ve ree ka â vọrọ ka ma chẹrẹ iwe da ịpẹ wụ nịnị ka wa sị ụvọ za ẹdọwụ oni Ohomorihi sị chire aza anị ụvọ ụpẹ ọnya gene-gene, dụ wa sị eyi pe e ngịrị-ngịrị nịnị.