2Ipita 2:20 - IWE ỌNỊNỊ

²⁰ Aza ọ̀ọ sị Ijeesu Ikirisiti Ananyị yị ọnịrị Ọdọzaha ayị yẹ, dị ẹ sị hụụnị ịsa edivi ịnị ẹhẹ ọnọnị eneē du ọzaa ha nị, aza ẹnẹẹ ẹ̀ẹ kụkụ zẹẹ ka ịsa ẹnẹẹ ẹ̀ za ẹnị, dị ịsa ẹnẹẹ ẹ̀ rẹ nyị ẹbẹẹba ẹnịnị, ọdịrẹma ẹhẹ aza ẹnẹẹ o kuku vee divii hu ịyẹẹyẹ ẹnịnị nị.

2Ipita 2:20 ပူးပေါင်းရင်းမြစ်များ

Ezikẹẹrị 33:13

Ẹnẹyịmavara kà ọnị kà a yị ọza ọyịza ka ọ vaa yara, ama dị ọ kụkụ sị ayị tụra ọyịza ọnị ọ́ vịdị mẹ, dị ọ kụkụ aa mẹ̀ ebira odivi nị, ọnị ẹ́ yị vaa tamayị ọyịza ọnyọọnyị ọnị ọ vịdị mẹ. Ọza ọnọọ vee sú agụvị ebira odivi anị.

Ireevi 13:20

Ọ vaa zama a re, ịtahụ ọnọọ ọ̀ọ nyịnẹ huni ụpẹngụ anị ana vọ, dị ẹyị ana ya ịzọọ sị vara ọvwọọvụ nị, ohirẹsụ irehi Ohomorihi vaa kà a ka ọza ọnọọ ẹ́ yị kụkụ nị, ụkụ ọbanyị ọ zaa ana da tụ ẹhẹ ịnị ịtahụ ọnọọ avọọ nị.

Ireevi 13:55

Ohirẹsụ irehi Ohomorihi vaa varẹma zama ịsa ana chị̄ uru aanịị re ịrẹma ana a raa nyịna a. Enyi uru ana chị hi ọ aanị ẹ̀ yị vara, ọ̀ọ daka vị ka uru ọnọọ ẹ́ yị gara hi ọ zịịzị, ịsa ọnọọ ẹ́ yị kụkụ nị, ụ vaa rị ọ ịra nị; ọ̀ọ vị ọvịdị anị uru ọnọọ chị́ hi nị, ọ̀ọ va vị ịrẹma anị.

Ireevi 14:43

Ịrẹma ana sị ịrẹta ana chị uru aanị hu kwooze, dị a sị ugene anị hara, dị a varẹma sị ọ sisi, irehi ọnọọ ọ̀ọ varẹma vanaa chi uru,

Ịrịka 24:20

Ịbaraamị o re re ịsị e vee tu Anamarẹkị. Ọ kà, ẹnịnị ẹ́ nyị ụkata hu anẹkụra ana vọ nị, ama ịrẹma anị vị ọnị e vee vú ẹtẹ saka-saka hụrẹ ẹtẹ.

Iwe Ọhụhị Imosiisi ana aa hị́ Ọyịvatụrọda 32:29

Eyi ẹnịnị òo hweyi, ẹ yaanị yẹ ịsa aa gụ wa hyẹdụ. Ẹ yaanị ịsị ẹ vaa vị ọvavẹ ịrẹma.

Anihwiripi 3:19

Oyivu ẹtẹ ọ vaa za ịrẹyị ẹnịnị ịrẹsụ nị. Izinẹ ẹnịnị ẹ́ sị mẹ Ohomorihi ẹnịnị nị; ịrẹyị ana a vọrọ ka ụhị ọ̀ sịị nyị wa, dị ẹyaa sịị mẹ ụbanyị. Ịsa ẹhẹ kẹnẹ ẹ sị ayị tụ́ ịnị anị nị.

2 Itimoti 2:4

Ọza ana aa kụ̀ ịrẹkụ, ọ mā kụkụ nyị eyi yị ụkọrọ ẹngụ anị, agụvị ò zụ zé ọga anị ana dọ ọ eyi.

Ijemiisi 1:27

Ahẹkẹ obooro ana gụ ini eyi Ohomorihi Ada ayị yị: Mẹ ọgụvọ yị ozi oku nịnị ọnịrị osoku nịnị, ẹ̀ẹ yaa rị ụya; asị ụ rẹ zẹẹ ka ịsa edivi ene hi ịnị ẹhẹ ọnọnị è du wu ha.

2Ipita 1:11

Ọsọnị ọ vaa mẹ ka we ré oze ngụ ịzị Ijeesu Ikirisiti Ananyị yị ọnịrị Ọdọzaha ayị yà aa mẹ ịjọva, dị ụ yà ịzọọ pooro zịna-zịna nị.

2Ipita 1:2

Ohomorihi ọ̀ mẹ ọyịza wụ nịnị, dị ọ̀ sị ẹngwọọrọ yị wụ hu avọọ hu avọọ, ụ màa yẹ Ohomorihi ọnịrị Ijeesu Ikirisiti Ananyị yị hu avọọ nịnị.

2Ipita 1:3

Yáa yẹ Ijeesu ana hị́ yị ka ya nyị tụ́ ịnị ụbanyị anị ọnịrị ebira ozoza anị. Ụkata Ohomorihi ọ raà sị avaba ịsa ana vọrọ ka ya nyị yị, dị ya zụ nyị ebira obooro, dị ya rẹ zụ mẹ̀ ebira ene ze Ohomorihi eyi.

2Ipita 1:4

Ini oze ẹnẹẹ ọ raà sị ẹyịza ọbanyị ẹnẹẹ yị ọnị ọ vịdị zẹẹ yị ịzẹzẹ anị. Ịsa obooro ẹ vị yị nị. Ộ vavọọ mẹẹ, agụvị dị ya nyẹngụ há hụụnị ịsa edivi ẹhẹ ọnọnị ọnị ọchẹngụ azaā sì, ka ya kụkụ va nyị tụ́ ini ebira Ohomorihi nịnị.

2Ipita 1:8

Wàa vavọọ aa mẹ̀ ịsa ẹnẹnịị hu avọọ hu avọọ nịnị, ụ vaa yẹ Ijeesuu hu avọọ nịnị.

2Ipita 2:18

Ẹnịnị vị anaā sịị ẹngụụ tụ́ ẹba, dị ẹyaa kà ịrẹyị ụra kẹnẹ, dị ẹ rẹ yaa sị oyisì odivi ọchẹngụ ẹnịnịị vene aza, ana ahịka oò yi kù ẹnẹ ẹ tụ̀ hụụnị ụvọ aza ene si nyeeyi hụrị oze Ohomorihi.

2Ipita 3:18

Waa vịra nịnị ini oze Ijeesu Ikirisiti Ananyị yị ọnịrị Ọdọzaha ayị, agụvị dị ọ̀ọ mẹ ọyịzaa yị wụ nịnị hu avọọ, dị ụ wa rẹẹ yẹẹ hu avọọ nịnị! Ụbanyị ọ̀ vị áanị booro aanị ọnịrị pooro zịna-zịna, Aamị.