2Ipita 2:2 - IWE ỌNỊNỊ

² Aza ọrụrụ-ọrụrụ vaa saasa ebira kẹnẹ-kẹnẹ ẹnịnị, dị ẹ mẹ ka aza ẹ̀ẹ kà ịrẹyị odivi oze ịzẹyịza Ohomorihi.

2Ipita 2:2 ပူးပေါင်းရင်းမြစ်များ

Oyinyima 19:5

Dị ẹ yaa ta Ịrọọtị ubo dị ẹ ka: Aza ana vẹ ịdị anị oruva ịsọọnịị yọ, ịzị e hi? Ẹ ka ọ kụ́ wa hi ẹhẹẹ yị ẹnị ka ẹnịrị wa aa sụ.

Ahẹ Ụgama 18:21

Mẹ yị mẹ akamawụ hi Ẹnẹyịmavara Mẹ yị dọ ka me yi Ohomorihi amị tịtẹ agụvị ka ebira odivi yọ nị.

Ayịsaya 35:8

A vaa nyị oze ọbanyị ọnya ịzọọ, ana a hị́ “Oze Ọnịnị”. Aza ana aa mẹ̀ ebira odivi ẹ yị vaa zị oze ọnọọ pàá. Aza edivi ana aa mẹ ụra ẹ yị vaa zị oze ọnọọ.

Ijeremaya 6:16

Ẹnẹyịmavara ộ kà a yị aza anị ka, jẹẹ ịzị oze va gẹ nịnị dị we re. Họ̀ use oze ịyẹẹyẹ nịnị, ka ịzị oze ọyịza ọnọọ ya, dị wa và tụraa nịnị, ka ọ va rọ wụ nịnị ẹngụ. Ama ẹnịnị ka heyiye, ẹnị ẹ yị zị avọọ.

Imatiwu 22:16

Dị ẹ tụ́ ezirẹma ẹnịnị beri aza Ịhẹrọdị nịnị ne tù Ijeesu nị. Dị ẹ ka, “Ọga, yâ yẹ ka ọnịrẹyịzẹyịza ụ vị nị. Ịzẹyịza Ohomorihi kẹnẹ, ụ sịị̄ zụ̀ aza nị. Wẹ yị yẹ ọzọbanyị, agụvị ka we mē re eyi aza.”

Imatiwu 24:24

Agụvị ka onireche nịnị ana ka ẹnị vị ikirisiti, ọnịrị ọnịsẹ ireche nịnị vaa kwẹẹtẹ, dị ẹyaa mẹ̀ ụkọrọ ohyozirenu ẹbanyị-ẹbanyị, agụvị ẹ̀ nyẹngụ si vene aza oni Ohomorihi sị nyị, ẹ̀ẹ zụ mẹ̀ ẹ.

Imatiwu 7:14

Oze ana aa sị ọza naa ngụ ịzị ọza yàā yà ịda Ohomorihi pooro zịna-zịna, ộ hana, oze anị aa dẹẹrẹ aanị. Aza chee aanị e ree nị.”

Ịmaakị 12:14

Dị ẹ vẹ nị, dị ẹ kà a yọ ka, “Nda, yâ yẹ ka ọnịrẹyịzẹyịza ụ vị nị. Wẹ yị yẹ ọzọbanyị, agụvị ka we mē re eyi aza. Ama ịzẹyịza oze Ohomorihi kẹnẹ, ụ sịị̄ zụ̀ aza nị. Ọ́ọ́ vọrọ ka yaa tụ́ ẹkẹhị irehi yị ohinọyị Aniroomi, à vị ọ yị vọrọ?

Ịmaakị 13:22

agụvị ka onireche nịnị ana ka ẹnị vị Ikirisiti, ọnịrị ọnịsẹ ireche nịnị vaa kwẹẹtẹ, dị ẹyaa mẹ̀ ụkọrọ ohyozirenu ẹbanyị-ẹbanyị, agụvị di è si vene aza. Ẹ hyakụ vaa sịị vụrị ka eni è vene aza oni Ohomorihi sị nyị bẹẹ.

Ịjọọnụ 14:6

Dị Ijeesu tụ́ ọọ ohi, dị ọ ka, “Ẹma vị oze ọnọọ nị, ẹma vị ịzẹyịza nị, ẹma rẹẹ̄ mẹ ka ọza ọ̀ yàra nị. Ẹ yị nyị ọza ana nyẹngụ nọ ịdị Ada amị, ẹ̀ yị vị oze amị ọ zị.

Odeyi 13:10

Dị ọ ka, “Ẹwụ ozi Echu, ẹwụ ana sị avaba ẹngụ vị ireche-ireche ọnịrị irikichi, uū sì ka we du avaba ịsa ene zoza. Aanị ka aanị ụ mẹ̀ vaa vara ịzẹyịza Ohomorihii tụ́ ini ireche pooro nị?

Odeyi 14:2

Ama Aniju nịnị ẹnẹ ẹ̀ yị zẹẹ ka ẹnị ẹ̀ dọ wụ́, ẹ rẹ tụ́ Anigiriki nịnị ịrẹyị, dị ẹ sị ayị vara tù ọdọwụ nịnị nị.

Odeyi 16:17

Dị aa dụ ẹyịrị Ịpọọrụ zị, di ee nowu ka, “Aza ẹnẹnị vị ezi ahụ Ohomorihi ana nẹba hu kere-kere. Ẹ yaa kà a wụ nịnị, ụ mẹmẹ zụ há nịnị.”

Odeyi 18:26

Di o nyima aa sị ọtụtụrụma kà ịrẹyị ini irehi Ohomorihi Aniju nị. Ípirisira ọnịrị Akwira mẹ̀ wụ́ ịrẹyị anị, dị ẹ sị ọọ nọ ini eehi, dị ẹ sị oze Ohomorihi zụ̀ ọọ ẹtẹẹrẹ huna avọọ nị.

Odeyi 19:9

Aza ẹnyị ịnị aza ẹnẹẹ vị anayọkatẹngụ ọnịrị anakamawụ. Dị ẹyaa kà ịrẹyị odivii hi oze Ohomorihi ini eyi anịragụ nị. Agụvị avọọ, dị Ịpọọrụ hụụ ịzọọ yị wa, dị ọ rẹ kụ́ ezirẹma ene ịhị ịzọọ nị. Dị ọ kụkụ aa nọ ini isukuuru Ịtayịranọsị eyinị-eyinị, di ee pe azaa kà ịrẹyị ịzọọ nị.

Odeyi 22:4

Mâ sị ụya rị aza ana zị oze Ikirisiti ọnọnị ne tù ka mâ hyakụ wụ̀ wa bẹẹ. Mâ za aza, anọrụ ọnịrị anẹẹ, dị maa tụ́ waa orupa, dị maa kụ́ waa hi ịnị ẹngwa nị.

Odeyi 24:14

Mâ dọ ka hịịn, maa hẹkẹ Ohomorihi ada ayị nịnị ini oze Ikirisiti ẹnẹ ẹnị ka ọyị vọrọ. Mâ dọ avaba ịsa anaa chẹrẹ tụ́ ịnị ọda wụ́ beri ịrẹyị ọnị ọnịsẹ nịnị rẹ chẹrẹ tịtẹ.

Aniroomi 2:24

Áa vịdị chẹrẹẹ tụ́ ini Iwe Ohomorihi ka, “Agụvị ebira awụ nịnị Anigiriki aa sịị kà ịrẹyị odivii hi Ohomorihi nị.”

1 Itimoti 5:14

Agụvị avọọ, mị yaanị sì ka ezweyi ana àa vị osoku, ẹ̀ na nyị ọnọrụ ọsa, dị ẹ̀ ma ozi, dị ẹ̀ sị eyi pe irehi ẹnịnị, agụvị asị ẹ sị oze yị ọnịvị ka ọ̀ọ kà ịrẹyị odivi.

Ịtayịtọsị 2:5

Ẹnịnị ẹ̀ẹ mẹ̀ ebira ịrẹyọyẹ, dị ẹ̀ nyị ayị ọnịnị, dị ẹ̀ rẹ vị ọnẹẹ ozoza tụ́ eehi ọva ẹnịnị, dị ẹ̀ẹ ngụ ayị ọza. Ẹnịnị ẹ̀ẹ ka ịrẹsụụ hi yị ọva ẹnịnị, agụvị asị a nyị ọza ana zụ kà ịrẹyị odivi hi ịrẹyị Ohomorihi.

Ịtayịtọsị 2:8

Waa kà ịrẹyị ịzẹyịza, agụvị asị ọza zụ kụ hịrẹ ịrẹyị awụ. Wàa vavọọ aa mẹ, ọza ana àa ka ọnị aa kụ̀ụ hịrẹ ịrẹyị awụ, ụhị vaa nyị ọ, agụvị ka é yi vee re ịrẹyị odivi ayị ana a vọrọ ka ọ̀ọ kà.

1Ipita 2:12

Waa mẹ̀ ebira ọyịza, ụ mẹ yà ịnị akakana anarịmadọwụ nịnị aanị. Aza ẹnẹẹ ẹ̀ẹ daka aa kà ịrẹyị odivi awụ nịnị, áa vọrọ ka è zụ ré ebira ọyịza awụ nịnị, dị ẹ̀ zụ sị ụga yị Ohomorihi ịnị ẹkụhị oni òo ve tù wa.

2Ipita 2:12

Aza ẹnẹnị vị ana ya anka ịsụpa obooro avọọ ana a mẹ ka àa wụ. Ịsị ẹnịnị ẹ yị yẹ ini oze anị, dị ẹyaa kà odivii hi ọ. Vị ẹnịnị vee vú ẹtẹ kẹnẹẹ tụ́ ini ebira odivi ẹnịnị nị.

2Ipita 2:15

Ẹ sị há hụrị oze Ohomorihi, e si nyeeyi. Ẹyaa zị ụsẹ ọnị Ịbaraamị ozi Ịbọsọ zị. Ịbaraamị ô sì ka ọnị ọ̀ mẹ̀ ịsa odivi dị ọnị ọ̀ yị zụ nyị ẹkẹhị kẹnẹ.

2Ipita 2:18

Ẹnịnị vị anaā sịị ẹngụụ tụ́ ẹba, dị ẹyaa kà ịrẹyị ụra kẹnẹ, dị ẹ rẹ yaa sị oyisì odivi ọchẹngụ ẹnịnịị vene aza, ana ahịka oò yi kù ẹnẹ ẹ tụ̀ hụụnị ụvọ aza ene si nyeeyi hụrị oze Ohomorihi.

2Ipita 2:21

Ọ́ọ vana dahi ka asị ẹ́ yẹ oze ịzẹyịza, hu ka ẹ̀ sị ọ yẹ, dị ẹ̀ và ị́rẹma ọda ọnịnị ana kà yị wa.

2Ipita 2:7

Ama ộ dọ Ịrọọtị ana vị ọnịzẹyịza há. Ayị Ịrọọtị vị ana vazi tụ́ ịnị ebira odivi ana aza edivi ẹnẹẹ aa mẹ.

Ijudi 1:10

Àa vị aza ẹnẹnị yọ, ịsa ọnị ẹnịnị ẹ̀ yị yẹ ịnị oze anị e yee du avọọ nị. Ịsị ẹ̀ẹ vẹ ịnị ayị ẹnịnị kẹnẹ, ẹẹ̄ mẹ anka ịsụpa avọọ, dị ẹyaa wụ ẹngụ ẹnịnị nị.

Ijudi 1:15

dị ọ va mẹ̀ ọkarẹyị yị avaba aza. Ọ vaa jị ịvịị yị aza ẹnẹ ẹ̀ yị yẹ Ohomorihi agụvị ịsa edivi ẹnẹ ẹ́ mẹ̀ hi Ohomorihi, ọnịrị agụvị ịrẹyị edivi-edivi ọnị ọnịvị ẹnẹẹ aa kà a hi Ohomorihi.

Ijudi 1:4

Agụvị ka aza ẹnyị ẹnẹ ẹ̀ yị yẹ Ohomorihi ệ tangwa sị ngụ ịnị akakana ịragụ awụ nịnị. Aza ẹnẹnị ẹ́ raà vara ayamva Ohomorihi tụ́ ịnị ịsị e sị eyi ka, dị ẹyaa mẹ ịsị e ze wa eyi nị. Ẹnịnị ê yi Ijeesu Ikirisiti tịtẹ, ana ahịka ọyịnyara ọ vị ọga ayị, dị ọ vị Ananyị yị nị. Á sị ọ chẹrẹ tịtẹ hụrị ụmọrụmọ ka ọza ana àa maanị mẹ, vị́ Ohomorihi vaa jị ịvịị yọ nị.

Ijudi 1:7

Rẹ tamayị ịrẹyị anẹkụra Isodọmị ọnịrị Igomora ne beri ẹkụra ana kara wa avọọ, ẹ́nị mẹ̀ raa mẹ ụnọ, dị ẹ rẹ yaa sẹ̀ ịrẹka irenyi-irenyi nị. E hi ịnị ịra, ẹyaa rị ụya pooro zịna-zịna, agụvị ọzọza ọ̀ kọ ịrẹyọyẹ hụụnị ịrẹyị ẹnịnị

Ẹtore 12:9

Dị a dụ uye odivi ọbanyị ọnọọ jịnẹ tụ́ ẹhẹ nị. Ọnị ọ vị ẹwụ ịyẹẹyẹ ọnọọ ana aā hị́ Echu ọnịrị Isitani nị. Oni o vene avaba anẹhẹ nị. Dị a dụ ọọ jịnẹ va ngụ ẹhẹ, dị a rẹ dụ anggẹẹrị anị jịnẹ saasa a nị.

Ẹtore 13:14

Ụkọrọ ohyozirenu ọnọọ nyị ụkata dị ọ maanị aa mẹ éyi uye ọnọọ aanị, ee sii vene aza ene hi ịnị ẹhẹ nị. Dị ọ kà a yị aza ene hi ẹhẹ ka ẹ̀ mẹ ori yị uye ịnị avị ọnọọ anaa sị ụhwọ tụ̀ ụnava, dị ọ yị yàra nị.

Ẹtore 13:8

Avaba aza ene hi ịnị ẹhẹ vaa hẹkẹ uye ọnọọ; ọnọọ vị ka aza ọnị ọza ọ̀ yị chẹrẹ ịrẹha ẹnịnị dị a va yẹ ka aa mẹ ẹhẹ tụ́ ini iwe aza ana yàra pooro zịna-zịna oni Ozi Atẹmẹ anaa vịdị wụ nyị.