2Ipita 2:12 - IWE ỌNỊNỊ

¹² Aza ẹnẹnị vị ana ya anka ịsụpa obooro avọọ ana a mẹ ka àa wụ. Ịsị ẹnịnị ẹ yị yẹ ini oze anị, dị ẹyaa kà odivii hi ọ. Vị ẹnịnị vee vú ẹtẹ kẹnẹẹ tụ́ ini ebira odivi ẹnịnị nị.

2Ipita 2:12 ပူးပေါင်းရင်းမြစ်များ

Ahẹ Ụgama 49:10

Nyị ọza ene è yi re ka ọ́yẹrẹyị mèe sú avọọ ọnụra ẹnị mè ree sú nị. Èe wusu, dị ẹ navọ ogu ẹnịnị yị ọza ẹnẹsa.

Ahẹ Ụgama 92:6

Ọnụra nịnị ẹnẹ ẹ̀ yị yẹ ịrẹyị, ẹ yị yẹ ka aza edivi ẹ̀ẹ daka aa yara anka avị avọọ, dị ẹhẹ ẹnịnị ee zoza nị, ẹnịnị vene vee vú ẹtẹ pooro zịna-zịna.

Ahẹ Ụgama 94:8

Ẹwụ nịnị ọnụra ẹnẹ ẹ̀ yị yẹ ịrẹyị ene hi ịnị akakana aza ẹnẹẹ, na sị mẹ hẹẹ nịnị. Ye re ụmẹ ẹnị ẹwụ nịnị vaa sị yẹ ịrẹyị aanị?

Ụhịrẹyị 14:32

Ebira odivi aza ọhịmị e vu wa ẹtẹ nị ama ebira aza ọyịza ọọ̄ dọ wa tụ nị.

Ijeremaya 10:21

Dị Ijeremaya tụ́ ohi ka, ọdọvịdị ẹnịnị vị ọnụra-ọnụra. Ẹnịnị ẹ yị họ̀ Ẹnẹyịmavara kà ọ zụ ẹnị oze, avọọ ẹnịnị sẹ ẹdụ, dị aza ẹnịnị sị gara nị.

Ijeremaya 10:8

Avaba ẹnịnị vị ọnụra. Ịrẹyọyẹ ịsị ẹ zụ kọ hụụnị ụvọ ori ana a sị ọchị bẹ kẹ?

Ijeremaya 12:3

Ọ kà ama, Ẹnẹyịmavara waa yẹ ọnị, wee re ịsị ọnịị̄ mẹ ọnịrị ọnị mẹmẹ sì ịrẹyị awụ. Tura aza edivi ẹnẹnị hi ẹhẹ anka atẹmẹ ana a ka à na wụ avọọ. Sị eyi pe wa nee tu ụmẹ ana a vaa sị wụ̀ wa.

Ijeremaya 4:22

Ẹnẹyịmavara kà, aza anị vị ọnụra; ẹnịnị ẹ yị yẹ ọnị. Ezi ẹnẹ ẹ yị nyị ịrẹyọyẹ ẹ vị nị; ịrẹyị é me ye wa. Ẹnịnị ẹẹ yẹ ọbọ ọyị mẹ̀ ebira odivi, ama ẹnịnị ẹ maa yara mẹ ọyịza.

Ijeremaya 5:4

Ijeremaya ka, dị ọnị ro nị ka, aza ẹnẹnị ẹẹ daa ụya rị, ọnụra ẹ vị nị. Ẹnịnị ẹ yị yẹ ịsị Ohomorihi ẹnịnị ee sì, ọnị Ẹnẹyịmavara ee sị ka ẹnịị ọ̀ mẹ.

Ezikẹẹrị 21:31

Ọnị vaa sị ọyịkụ anịị zụ̀ wụ nịnị, dị ẹngụ awụ nịnị kà ịra anka èe rere ká ịra ku ọza avọọ. Ọnị vaa hụrẹ ụ nịnị ụvọ yị aza edivi, ana yara sị ụya rị aza obooro-obooro.

Ịmaakị 7:22

dị ẹ rẹ yaa mẹ eyọhụrẹ ọnịrị ebira odivi, dị ẹyaa mẹ apẹ, dị ẹ rẹ yaa mẹ̀ ebira kẹnẹ-kẹnẹ, dị ẹyaa mẹ ụra.

Ịjọọnụ 8:21

Dị Ijeesu rẹ kà a yị wa ka, “Maa vaa na nịnị, u vee sì mi nịnị, ama di u sú tụ́ ịnị ịvị awụ nịnị. Ịzị maa nọ, wẹ yị va zụụ vẹ ịzọọ nịnị.”

Anigaratiya 6:8

Ọza ana aa mẹ̀ ịsaa yị ẹngụ anị kẹnẹ, o vee re ka vi oni vee vu ẹtẹ nị. Ama ọza ana àaa mẹ̀ ịsa agụvị Ụhwẹ Ọnịnị, Ụhwẹ Ọnịnị vaa mẹ ka ọ̀ yàra pooro zịna-zịna ị́da Ohomorihi.

Anikorasi 2:22

Avaba ọda ẹnẹẹ ẹnẹ ẹyaa sịị zụ̀ aza vị ọda ịsị ẹ̀ yị mā jẹẹ dị è du, àa sịị mẹ̀ ịsa. Aza kẹnẹ ẹ mẹ̀ ẹ nị.

2Ipita 1:4

Ini oze ẹnẹẹ ọ raà sị ẹyịza ọbanyị ẹnẹẹ yị ọnị ọ vịdị zẹẹ yị ịzẹzẹ anị. Ịsa obooro ẹ vị yị nị. Ộ vavọọ mẹẹ, agụvị dị ya nyẹngụ há hụụnị ịsa edivi ẹhẹ ọnọnị ọnị ọchẹngụ azaā sì, ka ya kụkụ va nyị tụ́ ini ebira Ohomorihi nịnị.

2Ipita 2:19

Ẹyaa kà a yị aza ka ẹ vaa nyị ẹngụ ẹnịnị, ama ẹnị ana aa kà a, yị vị ọrịhị ịvị ana vaa wụ̀ wa. Ịsa tụra ịsa ana àa sị ẹbẹẹba ọza nyị, ọ sị vara ọrịhị ịsa ọnọọ.

Ijudi 1:10

Àa vị aza ẹnẹnị yọ, ịsa ọnị ẹnịnị ẹ̀ yị yẹ ịnị oze anị e yee du avọọ nị. Ịsị ẹ̀ẹ vẹ ịnị ayị ẹnịnị kẹnẹ, ẹẹ̄ mẹ anka ịsụpa avọọ, dị ẹyaa wụ ẹngụ ẹnịnị nị.