2Ipita 2:10 - IWE ỌNỊNỊ

¹⁰ Aza oni Ohomorihi vaa sị ụyaa rịị hu yị: Aza ana aa mẹ̀ ịsa edivi ọnị ọchẹngụ ẹnịnịị̄ sì kẹnẹ, dị ẹyaa sị eyii wụ̀ aza ana nyị ọda, dị ẹ rẹ yaa sị ẹngụụ tụ́ ẹba, ẹngụ ẹnịnị kẹnẹ e sì ịrẹyị anị nị, ẹnịnị ẹ́ yị nyị angwahi anggẹẹrị nịnị, dị ẹyaa kà ịrẹyị odivii hi wa.

2Ipita 2:10 ပူးပေါင်းရင်းမြစ်များ

Oyinyima 49:6

Mẹ yị vaa bẹ tụ́ ini eyọgẹ awụ nịnị, mẹ yị rẹ vaa yaayịtẹ pè wu nịnị, ịzị wàa kụ́ gụ tụ́. Wa kụ́ ayị, wa yà ịnị anị sị ọza wụ̀, wa za ụnọ wa jị wa ọzị ahụ o mè zee wu nịnị eyi.

2 Ịsamụwẹrị 20:1

 nyị ọnọrụ odivi ọnya ana yà Igirigari ọnị ịrẹha anị rị Ịsẹba. Ozi Ibikiri ana vị Anịbẹnjamịnị ọ vị nị. Di ọ na sị ọpanyị, di ee hú ọ dị ọ ka, “Ẹ yị nyị ẹyịrị Idevidi rị o! Ọza o yi rò yị tụ́ ini ịrẹyị Idevidi ozi Ijeese. Ẹwụ nịnị Anisirẹrị, ọzọza ọ̀ sị oze udi anị.”

1 Ohinọyị 12:16

Ịjị ọ maanị sị yà, Anisirẹrị nịnị ê re ka ohinọyị ọ yị wụ́ ịrẹyị ọnị ẹnị kà. Dị aza ẹnẹẹ ve tụ́ ohinọyị ohi dị ẹ ka, “Ẹ yi va nyị aayị rị tụ́ ini ozi Ijeese, o! Ẹwụ nịnị Anisirẹrị, ọzọza ọ̀ọ nọ ini eehi o! Idevidi, ẹwa rẹ na sị eyi pè irehi ẹwụ!” Ịzẹyịza di Anisirẹrị si hu aa nọ ini eehi ẹnịnị nị.

Ahẹ Ụgama 12:4

Ẹnịnị ee ro o, ẹ ka ịrarẹ ọ mā yà ọza irenu dị ụvọ ò re kú ọza ọnọọ. Ẹ ka ịsị èe zee ẹnị eyi kẹnẹ ẹnị vaa kà nị Ẹ ka ẹ yị nyị ọza ana zụ za ẹnị irenu kụ oku.

Ọyịkụra 22:28

Wẹ yị nyayịnẹ kụ Ohomorihi ụhụ. Wẹ yị nyayịnẹ kụ ọdọvịdị awụ nịnị ụhụ.

Ịrẹyị Ọzwọzịsa 10:20

Asị ụ ne were kụ ohinọyị ụhụ tụ ịnị ịnẹ, asị ụ yà aha ọyị sụ awụ kụ ọza ọbanyị ụhụ, agụvị ka avị ọọ nyị ụtọ.

Ijeremaya 2:31

Ẹnẹyịmavara kà ẹwụ nịnị Anisirẹrị ọ̀ wụ́ ịrẹyị anị: Vị ọnị wa sị vara ụnọmị yị wụ nịnị nị? Vị ọnị wa sị vara ẹtẹ ọnị ịrahụ ruma-ruma za yị wụ nịnị nị? Sị ẹ vẹ di ụ va ka ịsị e zee wu nịnị eyi kẹnẹ ụ kụkụ aa mẹ nịnị nị? Dị ụ ka wẹ yị ma vana và ka ọnị vẹ nịnị?

Ịrịka 15:30

Ama ozi ẹtẹ ọnịrị anikinami ana aa sị ayị ọvị du Ẹnẹyịmavara vị ana a vaa wụ̀ ọ,

Iruuku 11:25

Ịjị ọ vẹ, di o ve tù ka a si oo hì, a sị avaba anị tenyi nị.

Iruuku 19:14

“Anẹkụra anị ệ nyị ịhyẹrẹ anị, dị ẹ tụ́ aza saasa a ka ẹ̀ kà a ka eni e yi sì ka ọ̀ vị ohinọyị ẹnịnị nị.

Odeyi 23:5

Dị Ịpọọrụ ka, “Ẹwụ nịnị ẹyịnyara amị, mẹyị yẹ ka ohirẹsụ ọbanyị irehi Ohomorihii yọ nị. Iwe Ohomorihi ộ kà a ka: Asị ụ kà ịrẹyị odivi hi ọdọvịdị anda awụ nịnị.”

Aniroomi 8:1

Booro aanị, we si oo re nịnị ka ọza ọ yị kụkụ zụ jị ịvị yị ọza ọnị ọnịrị Ijeesu Ikirisiti sị vị ọnya.

1 Anịkọrịntị 6:9

Máa yẹ ka wáa yẹ nịnị kaakara ka ọza ẹnẹ ẹ̀ yị nyị ịzẹyịza, ọ yị vaa ngụ ịzị Ohomorihi yà aa mẹ ịjọva. Asị ụ vene ẹngụ awụ nịnị oo! Ọmụnọ nịnị ọnịrị aza ana aa hẹkẹ ori, beri ọsẹrẹka nịnị ọnịrị ọnọrụ nịnị anaā nọ ịdị ọnọrụ ọsa anka ọnẹẹ avọọ,

2 Anịkọrịntị 10:3

Ịzẹyịza ịnị ẹhẹ ị yà nị, ama yẹ yị vụ̀ ịrẹvụ ịsa ẹhẹ ọnọnị.

Anẹhwẹsọsị 4:19

Ẹnịnị ẹ sị ụhị wara rị. Ẹ kụkụ raà sị avaba ẹngụ ẹnịnị yị ebira kẹnẹ-kẹnẹ. Ẹyaa mẹ avaba ebira ịdọtị pooro, ẹ yị za ụvọ jẹẹ.

Anẹhwẹsọsị 5:5

Wáa yẹ nịnị ka ọsẹrẹka nịnị ọnịrị onebira ịdọtị anaā há ọhọha, ẹyị vaa ngụ ịzị Ikirisiti ọnịrị Ohomorihi yà aa mẹ ịjọva. Ọza àaa há ọhọha, ori ọ raa hẹkẹ avọọ nị.

Anikorasi 3:5

Agụvị avọọ asị ụ sị oze yị ịsa edivi ẹhẹ ọnọnị ọnị ụụ̄ vịdịị mẹ nịnị. Asị ụ rẹ̀ rẹ sẹ̀ ịrẹka, asị ụ rẹ̀ mẹ ụ̀nọ̀ nịnị; asị ụ rẹ̀ mẹ̀ ebira ịdọtị nịnị, asị ụ mẹ̀ ịsa edivi irenyi-irenyi ọnị ọchẹngụ awụ nịnịị̄ sì, dị ụ wa rẹ hụụnị eyọhụrẹ nịnị. Eyọhụrẹ vị ene re divi anka ori ọyịhẹkẹ avọọ.

1 Anịtẹsaronika 4:7

Ohomorihi ọ yị hị́ yị ka ya vaa mẹ̀ ebira kẹnẹ-kẹnẹ; ebira ọnịnị ọ ka yaa mẹ nị.

2 Itimoti 3:2

agụvị ka aza vị ene kuku vee sì ịrẹyị ẹngụ ẹnịnị kẹnẹ, dị ẹyaa họ́họ̀ha, dị ẹ rẹ yaa mẹ eyi, dị ẹyaa sị ẹngụụ tụ́ ẹba. Dị ẹyaa kụ́ aza ụhụ, dị ẹyaa mẹ akamawụụ hi aza ana ma wa, dị ẹyị kụkụ yẹ ẹyịza, dị ẹyị yẹ Ohomorihi.

Ịtayịtọsị 1:7

Agụvị ka ọdọvịdị ịragụ o si eyi pe ịragụ Ohomorihi, ẹ́ yị vọrọ ka ọ̀ nyị ohuvọ ọnyọọnyị. Asị ọ vị ọza ana ahịka aanị ịnya kẹnẹ ọọ̄ dụ nị, asị ọ rẹ vị ọza anaā hụraa kụ́ ayị, dị asị ọ́ rẹ vị ohweche. Asị ọ vị ọnịrazị, dị asị ọ rẹ vị ọza anaā sịị ayị tụ́ ịnị ẹkẹhị kẹnẹ.

Anihiburu 13:4

Ọzọza ọ̀ sị ụbanyị yị oze ana a zịị nyị ọnẹẹ, àa vị ọnọrụ! Ẹvarose è re ka ẹnị ẹ́ẹ nyị ịzẹyịza hi ẹngụ! Aza ana aa mẹ̀ ebira kẹnẹ-kẹnẹ ọnịrị ọsẹrẹka nịnị, Ohomorihi vaa mẹ̀ ọkarẹyị yị wa.

2Ipita 3:3

Ịsị mee sì ka wa yẹ hu nịnị yị: Ịnị ụmẹ ọdịrẹma, aza vaa kwẹẹtẹ, ana ahịka ịsa edivi ọchẹngụ ẹnịnị kẹnẹ ẹyaa mẹ nị. Dị ẹyaa mẹ wụ nịnị isiya,

Ijudi 1:10

Àa vị aza ẹnẹnị yọ, ịsa ọnị ẹnịnị ẹ̀ yị yẹ ịnị oze anị e yee du avọọ nị. Ịsị ẹ̀ẹ vẹ ịnị ayị ẹnịnị kẹnẹ, ẹẹ̄ mẹ anka ịsụpa avọọ, dị ẹyaa wụ ẹngụ ẹnịnị nị.

Ijudi 1:16

Aza ẹnẹnị vị anaā rị ihuhu, ẹnịnị ẹ́ yị ma rị dọ irenu. Ịsa odivi ọnị ayị ẹnịnị èe sì kẹnẹ ẹẹ̄ mẹ nị, dị ẹyaa nyị irenu, dị e re yee gono ọza agụvị è re oze dọ ọ ịsa.

Ijudi 1:18

Ệ kà a yị wụ nịnị ka: Ịnị ụmẹ ọdịrẹma, a vaa nyị onisiya nịnị, dị ẹyaa mẹ̀ ịsa edivi ene hi ịnị ayị ẹnịnị oni Ohomorihi o yi sì.

Ijudi 1:4

Agụvị ka aza ẹnyị ẹnẹ ẹ̀ yị yẹ Ohomorihi ệ tangwa sị ngụ ịnị akakana ịragụ awụ nịnị. Aza ẹnẹnị ẹ́ raà vara ayamva Ohomorihi tụ́ ịnị ịsị e sị eyi ka, dị ẹyaa mẹ ịsị e ze wa eyi nị. Ẹnịnị ê yi Ijeesu Ikirisiti tịtẹ, ana ahịka ọyịnyara ọ vị ọga ayị, dị ọ vị Ananyị yị nị. Á sị ọ chẹrẹ tịtẹ hụrị ụmọrụmọ ka ọza ana àa maanị mẹ, vị́ Ohomorihi vaa jị ịvịị yọ nị.

1 Ịsamụwẹrị 10:27

Ama a va nyị aza ẹnyị aanị ịzọọ, ana ahịka enebira kẹnẹ-kẹnẹ ẹ vị nị. Dị ẹnịnị ka, “Aanị ka Ịsọọrụ ọnọnị ọnị ọ zụ̀ dọ ẹyị tụ́?” Ẹnịnị ệ sị eyi oweyi re Ịsọọrụ, ẹ yị nyị ịsị ẹ sị va yọ. Dị Ịsọọrụ mẹ anka vị ọ̀ yị sị ayị nọ ịnị ịrẹyị aza ẹnẹẹ nị.