2Ipita 2:1 - IWE ỌNỊNỊ

¹ Ịnị ịyẹẹyẹ, ọnịsẹ ireche nịnị hi ini Aniju nịnị. Ọnịsẹ ireche nịnị ẹnị rẹ vaa jịnẹ ịnị akakana awụ nịnị. Di e were vẹ, dị ẹyaa sị irechee zụ̀ aza, ana vaa mẹ azaa nyeeyi. Ẹ vaa kà a ka ẹnị ẹ́ yị yẹ Ijeesu Ikirisiti Ananyị yị, ọza ana hị́ wa varẹma. Agụvị avọọ, ẹ́ yị vaa jẹẹ, dị ẹ̀ wụ ẹngụ ẹnịnị và ha.

2Ipita 2:1 ပူးပေါင်းရင်းမြစ်များ

1 Ohinọyị 22:6

Ịzẹyịza dị ohinọyị Anisirẹrị hara ọnịsẹ nịnị gụ nị, Ẹnịnị ê tù akava. Ohinọyị Anisirẹrị mẹ̀ vavọọ raà kụ́ wa gụ, dị ọ họ̀ wa dị ọ ka, “Máá nọ Ịramọtị-Igiriyadi, di me ne pè wa kụ̀ ịrẹkụ, à vị asị mị nọ?” Dị avaba ẹnịnị ka, “Wa na de, ka Ẹnẹyịmavara va sị wa chire wu ụvọ.”

Ọyịkụra 15:16

Angwahi ọnịrị ẹgahị vaa ngụ wa ẹngụ. Ẹnẹyịmavara, ẹnịnị mè re ụkata awụ, ẹngụ ẹnịnị e si hị́ azọnọ. Avọọ ẹnịrị angwahi màa jẹẹ re ẹtẹ pooro dị aza awụ ẹ̀ na para hu nị. Ẹwa dọ aza awụ ẹnẹẹ tịtẹ ka asị ẹ kụkụ vị ọrịhị nị.

Ayịsaya 9:15

Azọkụ ana aza aa sị ụbanyị yị ẹ vị ịrẹsụ ọnọọ nị, dị ọnịsẹ ana aa sị ịrẹyị ireche kọ aza ẹnị vị omuta nị.

Ijeremaya 29:21

Ẹnẹyịmavara Ochẹtẹẹngụ, Ohomorihi Anisirẹrị ọ́ raa kà ịrẹyị ọnọrụ ana aā hị́ Ahabị ozi Ikoraya ọnịrị Ịzẹdẹkaya ozi Imaseya. Ẹnịnị ee cheeche wụ nịnị ka vị ọnị tụ ẹnị ụtụ nị. Ẹnẹyịmavara kà ọnị vaa hụrẹ wa ụvọ yị Inebukadineza ohinọyị Anibabironi dị ọ wụ̀ wa eyi awụ nịnị goro-goro.

Ijeremaya 37:19

Ọnị ộ họ̀ ọ use ka, ịzị ọnịsẹ anị nịnị ana kà a yọ ka ohinọyị Ịbabịrọnị ẹ yị ma vana kụ́ ịrẹkụ ve tu ọnịrị ẹkụra anị hi kẹ?

Ijeremaya 6:13

Ọ kà, hụụnị ozweyi ẹnịnị na ngụ azọkụ ẹnịnị vị anaa sị asuvuu sị ẹkẹhị. Ọnịsẹ ẹnịnị ọnịrị ohirẹsụ irehi Ohomorihi ẹnịnị vị anaa mẹ ọzaa rị.

Arụwẹ 2:14

Ireche kẹnẹ ọnịsẹ Anijuda nịnị ee che yị wa nị. Ẹnịnị ẹ yị kà ịzẹyịza yị wa, ẹnịnị ẹ yị sị zụ wa ka ẹ yaa mẹ̀ ebira odivi. Agụvị avọọ ẹnịnị ẹ yị ro ka a vọrọ ka ẹnị è ro ịnẹ varẹma.

Ihoseya 9:8

Ihoseya kà ọnịsẹ ọnị Ohomorihi tụ ka o sere Anisirẹrị ọnị vị nị. Ama aha tụra aha ọnị ọọ nọ vị ẹnẹ ẹ va ịrẹpa zi ọnị anka inomi avọọ. Ẹnịnị vị ana nyẹngụrẹyị hi ọnị huu na ngụ ịnị irehi Ohomorihi.

Imika 2:11

Mâ yẹ ka onireche ana aa kà ịsẹ ireche zị ka u vee re echee hú ẹtẹẹtẹrẹ u sì nịnị.

Imika 3:11

Ohinọyị awụ nịnị vị anaā dọ ochirerenu àaa mẹ̀ ọkarẹyị. Ohirẹsụ irehi Ohomorihi vị ana aa mẹ̀ ụkọrọ ka ọnị ọ̀ dọ ẹkẹhị kẹnẹ. Ọnịsẹ ẹnị raa kà ịsẹ ka ẹnị ẹ̀ sị dọ ẹkẹhị. Ama ẹ yaa kịị kà a kà Ẹnẹyịmavara jẹẹ ẹnị ịrẹma. Ẹ ka Ẹnẹyịmavara jẹẹ ẹnị ịrẹma ẹ yị nyị ịrẹyị ene vee tù ẹnị.

Imika 3:5

Ẹnẹyịmavara kà ọnịsẹ nịnị ẹ sị aza anị vene. Ọza ana sị ịsa yị wa, ẹ́ẹ̄ kà a ka o vee zee yi nị. Ọza ẹnẹ ẹ̀ yị sị ịsa yị na, dị ẹ ka Ohomorihi ọ yị vaa zẹẹ ka ò zee yị wa.

Ịmarakayị 3:5

Ẹnẹyịmavara Ochẹtẹẹngụ ka, ọnị vaa ka pe wa dị ọnị ọ mẹ̀ ọkarẹyị yị wa. Dị ọnị ụsẹ jị ịvị yị aza ana aa mẹ ẹbẹ, ọnịrị ọsẹrẹka nịnị, ne beri aza ana aa hị́ eku iruku, ọnịrị aza ana aa mẹ anụkọrọ rị, aza ana aa mẹ ẹvaya yị osoku nịnị ọnịrị ozi oku nịnị ne beri azọga ọnịrị aza ẹnẹ ẹ yị nyị angwahi anị.

Imatiwu 10:33

Ama ọza ana àa rẹ kà a éyi aza ka ọnị ọ yị yẹ mị, ẹmị rẹ vaa kà a ọ́vịdị Ada amị ẹbẹẹba ka ẹmị ẹ yị rẹ yẹ ẹ.”

Imatiwu 24:11

Ọnịsẹ ireche nịnị vaa vẹ, di e vene aza ọrụrụ-ọrụrụ.

Imatiwu 24:24

Agụvị ka onireche nịnị ana ka ẹnị vị ikirisiti, ọnịrị ọnịsẹ ireche nịnị vaa kwẹẹtẹ, dị ẹyaa mẹ̀ ụkọrọ ohyozirenu ẹbanyị-ẹbanyị, agụvị ẹ̀ nyẹngụ si vene aza oni Ohomorihi sị nyị, ẹ̀ẹ zụ mẹ̀ ẹ.

Imatiwu 24:5

Aza ẹnyị vaa rị ịrẹha amị, dị ẹ vẹ dị ẹ ka ẹnị ẹ vị Ikirisiti nị, dị ẹnịnị vene aza ọrụrụ-ọrụrụ.

Imatiwu 7:15

“Sị eyi pe ẹngụ awụ nịnị agụvị ọnịsẹ ireche nịnị. Ẹẹ̄ sị ịtụmpaha atẹmẹẹ kú ẹngụ, ama ịnịnẹ ẹnịnị, akatapooro odivi ẹ vị nị.

Ịmaakị 13:22

agụvị ka onireche nịnị ana ka ẹnị vị Ikirisiti, ọnịrị ọnịsẹ ireche nịnị vaa kwẹẹtẹ, dị ẹyaa mẹ̀ ụkọrọ ohyozirenu ẹbanyị-ẹbanyị, agụvị di è si vene aza. Ẹ hyakụ vaa sịị vụrị ka eni è vene aza oni Ohomorihi sị nyị bẹẹ.

Iruuku 12:9

Ama ọza ana àa rẹ kà a ẹ́yị aza ka ọnị ọ yị yẹ mị, ẹmị rẹ vaa kà a ọ́vịdị anggẹẹrị Ohomorihi ka ẹmị ẹ yị rẹ yẹ ẹ.

Iruuku 21:8

Dị Ijeesu ka, “Sị eyi pe ẹngụ awụ nịnị, oo! Asị ụ zẹẹ ka è vene wu nịnị! Aza ọrụrụ-ọrụrụ vaa rị ịrẹha amị, dị ẹ vẹ, dị ẹ ka ẹnị ẹ vị Ọdọzaha nị. Dị ẹ rẹ ka ụmẹ aa gụrị ẹtẹ. Asị ụ saasa wa nịnị!

Iruuku 6:26

Wa sị dà nịnị, wèe re ka avaba aza ee gono wu nịnị, agụvị ka avọọ gẹdẹ-gẹdẹ óhiku ẹnịnị mè re gono ọnịsẹ ireche nịnị nị.”

Aniroomi 16:18

Ẹngụ aza ana aa mẹ̀ ebira ẹnẹẹ, ẹyị vị Ikirisiti Ananyị yị ẹyaa hẹkẹ. Ịsa ọyịrị kẹnẹ ẹ sị ayị tụ́ ịnị anị nị. Dị ẹyaa sị ịrẹyị ohine ọnịrị ọza oyigonoo vene aza ẹnẹ ẹ̀ yị nyị ịsị ẹ yẹ.

1 Anịkọrịntị 11:19

 nyị ka ẹhahi ọ̀ yà ịnị akakana awụ nịnị. Ọ̀ yị vavọọ yà, ọza ẹ yị va zụụ yẹ ẹngụ aza ana vị ọdọwụ obooro ịnị ẹngụ awụ nịnị.

1 Anịkọrịntị 6:20

Ohomorihi ọ sị wụ nịnịị hị́, ọ sị ụta sí; agụvị avọọ wa kụkụụ sị ẹngụ awụ nịnịị sị ụbanyịị yị Ohomorihi.

1 Anịkọrịntị 7:23

Ohomorihi ọ raà hị́ wụ nịnị, ọ sị ụta awụ nịnị sí; agụvị avọọ asị ụ kụkụ na vị ọrịhị ọza nịnị.

Anigaratiya 2:4

Aa kà ọ̀nọ̀ ini oze ịrẹyị ọnọnị, agụvị ka áa nyị ọdọwụ ireche nini ene were va ngụ ịnị akakana ayị. Ẹ́ẹ tangwa vẹ ka eni è ve were re ị mẹmẹ nyị ẹngụ ayị, ẹ́yịrị Ijeesu Ikirisiti mẹ̀ sị vabẹ. Eyee sì ka ẹnị ẹ̀ za yị na vị ọrịhị (ọda Aniju).

Anigaratiya 3:13

Ama Ikirisiti ọ́ọ dọ yị há hụụnị ịvị ọnị ọda ka yáa rị. Ikirisiti ọ raà dọ ụya ayị rị, ọ mẹ̀ sị ịvị ọnọọ yị ẹngụ anị, anka Íwe Ohomorihi mẹ̀ kà a ka, “Ọza ana àa sị gẹ ọchị, ọ sị ịvị rị ini eyi Ohomorihi.”

Anigaratiya 4:17

Avaba aza ene ee sì ka ẹnị ẹ̀ và wụ nịnị eyi avọọ, ariro ẹnịnị e yi zoza. Eyee sì ka ẹmịrị ẹwụ nịnị ọ̀ há hi, dị ụ wa kụkụụ dụ ẹnịị zị.

Anigaratiya 5:20

dị ẹyaa hẹkẹ ori, dị ẹ rẹ yaa mẹ ẹbẹ, dị ẹyaa kụ́ ayị ọza, dị ẹyaa zyaazị, dị ẹyaa mẹ eyọhụrẹ, dị ẹyaa kụ́ ayị, dị ẹ rẹ yaa há ọhọha, dị ẹ sị ẹngụ ẹnịnị jị ịrịnya, dị ẹyaa há azaa hi,

Anẹhwẹsọsị 1:7

Ozi anị ọnọọ ô che anya anị sẹ́ ẹtẹ, di o sú yị ịvị ayị nị. Agụvị ayamva Ohomorihi ana ahịka ọ́ọ banyị ẹtẹẹtẹrẹ, ọ vavọọ sị yà nị.

Anẹhwẹsọsị 4:14

Ịjọnọọ, yẹ yị kụkụ vaa yà anka ezweyi ẹnẹ ẹ̀ yị mā jẹẹ aha ọnya, dị enevene ana aa zụ̀ aza ịsa aa kụ́ waa vaa chíi vaa hịrẹ anka ahị avọọ. Dị ẹyaa sị irikichi ẹnịnịị be aza enee vee vene.

Iwe Ọhụhị Imosiisi ana aa hị́ Ọyịvatụrọda 32:6

Ẹwụ nịnị ọnụra ẹnẹ ẹ yị yẹ ịrẹyị, Aanị ụ mẹ vee sị Ẹnẹyịmavara ụta nị? Aa vị ọnị ọ vị ada awụ nịnị, dị ọ tụ́ wụ nịnị vẹ ẹhẹ? Ọnị ọ vara awụ nịnị ẹkụra nị.

Anihwiripi 3:19

Oyivu ẹtẹ ọ vaa za ịrẹyị ẹnịnị ịrẹsụ nị. Izinẹ ẹnịnị ẹ́ sị mẹ Ohomorihi ẹnịnị nị; ịrẹyị ana a vọrọ ka ụhị ọ̀ sịị nyị wa, dị ẹyaa sịị mẹ ụbanyị. Ịsa ẹhẹ kẹnẹ ẹ sị ayị tụ́ ịnị anị nị.

Anikorasi 2:18

Agụvị avọọ, asị ụ zẹẹ ka aza ẹnyị aanị ẹ̀ẹ mẹ ọdaa wụ nịnị. Aza ẹnẹẹ ka aza ẹ̀ẹ sị ụyaa rị ẹngụ ẹnịnị, dị ẹ̀ rẹẹ hẹkẹ anggẹẹrị nịnị. Aza ẹnẹẹ ka vị eni ee re ẹtẹ nị. Dị ẹyaa sị ẹngụụ tụ́ ẹba kẹnẹ-kẹnẹ. Ịsa ẹhẹ ọnọnị kẹnẹ éyee ro ịrẹyị anị nị.

Anikorasi 2:8

Sị eyi pe ẹngụ awụ nịnị! Asị ụ zẹẹ ka ọzọnyị-ọzọnyị ọ̀ sị ịrẹyọyẹ ẹhẹ ọnịrị ịsa kẹnẹ-kẹnẹ vene wu nịnị! Ẹngụ ịrẹyọyẹ ẹnẹẹ ịnị ụvọ aza ọnịrị ori ana nyị ụkata hi ịnị ẹhẹ ọnọnị ẹ hụrẹ vẹ nị. Ayị vị ịda Ikirisiti ẹ hụrẹ vẹ.

1 Itimoti 5:8

Ọza ẹnẹ ẹ̀yị mā tẹsị aza anị, hu keekere aneehi anị, ọ́ọ sị zụ̀ ka ọyị dọ Ohomorihi wụ́. Ọ́ọ hyakụ kuku divi huna ọza ẹnẹ ẹ̀ yị vị ọdọwụ.

2 Itimoti 4:3

Ụmẹ aa vẹ ana ahịka aza eyi kuku vee sì ka ẹnị ẹ̀ẹ wụ́ ịzẹyịza ana aa sịị zụ̀ wa. Dị ẹ kụkụ aa dụ ẹ́ẹngụ ẹnịnị kẹnẹ. Dị ẹ kụ́ aza gụ ka ẹ̀ẹ zụ̀ ẹnị ịsa eni eè sì ka ẹnị ẹ̀ẹ wụ́ kẹnẹ.

Ịtayịtọsị 1:11

Ẹyaa sị ịsa ẹnẹ ẹ̀ yị vọrọọ zụ̀ aza. Dị ẹyaa kụ́ avaba aza ene hi ini eehi ọnyaa nyeeyi. Ẹkẹhị kẹnẹ ẹ sị eyi tụ́ ịnị anị nị. Re ka ẹngụ aza ẹnẹẹ waa za wa irenu kú oku.

Ịtayịtọsị 3:10

Ọza ana àaa há azaa hi, wàa sị ọ kà ọ̀nọ̀ tù ụpẹ ẹẹva, ụ kụkụ sị ayị hụụnị ịrẹyị anị!

Anihiburu 10:29

Ọ̀ọ vavọọ yà, zama a dị a re ẹngụ ụya ene vee tù aza ana àa sị eyi wụ Ozi Ohomorihi, agụvị ka anya oni Ijeesu sị hị́ eku, dị ọ sị vara ọza anị ọnịnị, ee ree ịsa ịyẹyẹ. Ọ rẹ sị eyi wụ Ụhwẹ Ọnịnị anaā mẹ ọyịzaa yị ọza.

1Ipita 1:8

Wẹẹ̀ yị daka sị eyi awụ nịnị re Ijeesu Ikirisiti da, ama we yi sì ịrẹyị anị nịnị. We yi si eyi ree nịnị booro aanị, ama wáa sị ayị tụra a nịnị, ana ahịka ayị awụ nịnị ee hine ẹtẹẹtẹrẹ oni irenu ọ̀ yị zụ kà.

2Ipita 2:3

Ọnịsẹ ireche ẹnẹẹ vị eneyọhụrẹ, agụvị avọọ dị ẹyaa sị ịtọpa irechee vene wu nịnị, agụvị dị ẹ̀ zụ sị wụ nịnị sẹ ohu. O si kù ọnị ọmọkarẹyị ẹnịnị tenyi ẹngụ tịtẹ. Ụmẹ ana vọ aa chee aanị, dị à wụ̀ wa vá ha.

1 Ịjọọnụ 2:26

Ịsa ẹnẹnị mị kà wụ nịnị nị agụvị aza ene ee sì ka eni è vene wu nịnị.

1 Ịjọọnụ 4:1

Ẹwụ nịnị anda ayị, asị ụ dọ avaba aza ana kà a ka ẹnị ẹ́ẹ nyị Ụhwẹ Ọnịnị wụ́. Ama zama wa re, dị ụ wa yẹ ịzẹyịza àa vị Ụhwẹ Ọnịnị Ohomorihi ẹ nyị nị, agụvị ka ọnịsẹ onireche ẹ sị gara hi ẹhẹ.

Ijudi 1:18

Ệ kà a yị wụ nịnị ka: Ịnị ụmẹ ọdịrẹma, a vaa nyị onisiya nịnị, dị ẹyaa mẹ̀ ịsa edivi ene hi ịnị ayị ẹnịnị oni Ohomorihi o yi sì.

Ijudi 1:4

Agụvị ka aza ẹnyị ẹnẹ ẹ̀ yị yẹ Ohomorihi ệ tangwa sị ngụ ịnị akakana ịragụ awụ nịnị. Aza ẹnẹnị ẹ́ raà vara ayamva Ohomorihi tụ́ ịnị ịsị e sị eyi ka, dị ẹyaa mẹ ịsị e ze wa eyi nị. Ẹnịnị ê yi Ijeesu Ikirisiti tịtẹ, ana ahịka ọyịnyara ọ vị ọga ayị, dị ọ vị Ananyị yị nị. Á sị ọ chẹrẹ tịtẹ hụrị ụmọrụmọ ka ọza ana àa maanị mẹ, vị́ Ohomorihi vaa jị ịvịị yọ nị.

Ẹtore 13:14

Ụkọrọ ohyozirenu ọnọọ nyị ụkata dị ọ maanị aa mẹ éyi uye ọnọọ aanị, ee sii vene aza ene hi ịnị ẹhẹ nị. Dị ọ kà a yị aza ene hi ẹhẹ ka ẹ̀ mẹ ori yị uye ịnị avị ọnọọ anaa sị ụhwọ tụ̀ ụnava, dị ọ yị yàra nị.

Ẹtore 2:13

Ọnị ộ yẹ ịzị ụ ra nịnị, ịzọọ Échu sị aga ohinọyị anị yàatụ nị. Wâ nyị ịzẹyịza hi ọnị nịnị; wẹ yị kà ka wẹ yị kụkụ sị ayị tụra ọnị nịnị ịnị ụmẹ ana a daka sị wụ ọnọrụ ana aā hị́ Antipasi, ana a wụ agụvị ka ọ́ nyị ịzẹyịza hi ọnị. Ịzị Echu sị mẹ eehi anị ịdị awụ nịnị a yà wụ ọọ nị.

Ẹtore 2:9

Mâ yẹ ụya ọnị waa rị ọnịrị osiye oni u wee re; ama àa ka à na kà, wá nyị ịsa nịnị. Mâ yẹ ịrẹyị odivi ana aza ana ka ẹnị vị Aniju aa kà. Ama ẹnịnị ẹ yị vị Aniju, ezirẹma Echu ẹ̀ vị nị.

Ẹtore 3:8

Máa yẹ ịsụ ụ mẹ. Máa yẹ ka ẹ yị nyị ụkata awụ yà. Wa sị sị ụvọ za ịrẹyị amị, wẹ yị kà a ka wẹ yị yẹ mị. Ma raà na oze hi ẹtẹ wụ, ana ahịka ẹ yị nyị ọza ene zụ gu ọọ.

Ẹtore 5:9

Dị ẹ jị ahẹ ọwọọwa dị ẹ ka: Ẹwa hụ ọọ sị iwe ọnọọ nị, dị ụ wa hụ̀ ịsa ana sị vá a, agụvị ka â vịdị wụ wụ. A mẹ̀ wụ wụ, wa raà sị anya awụ hị́ aza varẹma va yị Ohomorihi, avaba anẹkụra, aza ana aa kà ẹkụra irenyi-irenyi avaba ẹhẹ.

Ẹtore 6:10

Di e yee nowu booboro, dị ẹ ka: Ananyị yị ana vị ọnịrẹyịzẹyịza dị ẹ̀ yị nyị ẹngụ anị, ịhị ọ vaa mẹ̀ ọkarẹyị yị anẹhẹ di ò sí wa atọ ọyịwụ̀ ẹnẹ ẹ wụ̀ ẹnị?