2Ipita 1:9 - IWE ỌNỊNỊ

⁹ Ama ọza ẹnẹ ẹ̀yị mẹ̀ ịsa ẹnẹẹ, vị ẹ sị mẹẹ anka ogweyi ene è yi re ẹtẹ avọọ nị, dị ayị hí ọ ka Ohomorihi ọ sị ịvị anị ịyẹẹyẹ nyịna kwooze.

2Ipita 1:9 ပူးပေါင်းရင်းမြစ်များ

Ireevi 13:55

Ohirẹsụ irehi Ohomorihi vaa varẹma zama ịsa ana chị̄ uru aanịị re ịrẹma ana a raa nyịna a. Enyi uru ana chị hi ọ aanị ẹ̀ yị vara, ọ̀ọ daka vị ka uru ọnọọ ẹ́ yị gara hi ọ zịịzị, ịsa ọnọọ ẹ́ yị kụkụ nị, ụ vaa rị ọ ịra nị; ọ̀ọ vị ọvịdị anị uru ọnọọ chị́ hi nị, ọ̀ọ va vị ịrẹma anị.

Ịmaakị 10:21

Ijeesu ô re ọnọrụ ọnọọ pooro, ô sì ịrẹyị anị, dị ọ kà a yọ ka, “Ọ sị vọ ịsa ọnya chọchọchọ ana a vọrọ ka wa mẹ: Na, ná avaba ogu ọnị ụ nyị, dị ụ wa sị ẹkẹhị anị mẹ ọpịsarị nịnị ẹyịza, dị ụ wa nyẹngụ nyị ogu tụ́ ịdị Ohomorihi, dị ụ wa vẹ, dị ụ wa vaa dụ mịị zịịzị!”

Iruuku 18:22

Ịjị Ijeesu maanị wụ́ ọọ, dị ọ kà a yọ ka, “Ọ sị vọ ịsa ọnya chọchọchọ ana a vọrọ ka wa mẹ: Na, ná avaba ogu ọnị ụ nyị, dị ụ wa sị ẹkẹhị anị mẹ ọpịsarị nịnị ẹyịza, dị ụ wa nyẹngụ nyị ogu tụ́ ịdị Ohomorihi; dị ụ wa vẹ, dị ụ wa vaa dụ mịị zịịzị!”

Aniroomi 6:11

Ẹwụ nịnị ọ̀ rẹ vavọọ re ẹngụ awụ nịnị ka ịnị ịrẹyị ịvị ọyịmẹ̀, oku ụ vị nịnị nị! Agụvị ka ẹwụrị Ijeesu Ikirisiti ọ sị vị ọnya nịnị, Ohomorihi ụ kụkụ yàra yị nịnị nị.

Anigaratiya 5:13

Ẹwụ nịnị anda ayị, Ohomorihi vị ana hị́ wụ ka wa nyị ẹngụ awụ nịnị (hụụnị ụvọ ọda Aniju nịnị). Ụ mẹ̀ sị ẹngụ awụ nịnị nyị aanị, asị ụ kụkụ kà a ka ịsị e zé wu nịnị eyi kẹnẹ, ụ waa mẹ nị. Ama sì ịrẹyị ẹngụ nịnị, dị waa zị ẹngụ ụtụ nịnị!

Anigaratiya 5:6

Ọza ọnịrị Ijeesu ọ̀ọ vị ọnya, ọ̀ọ jị ụvẹvẹnẹ oo, ọ̀yị jị ụvẹvẹnẹ oo, ẹ yị nyị ọ mẹ̀ kà; avaba ẹnịnị vị ọnya. Ama ịsị ẹ vị ịrẹyị ẹtẹẹtẹrẹ ọ vị ka ya sị ayị tụra Ijeesu, di ye re sì ịrẹyị ẹngụ, ana sị zụ̀ ka yáa sị ayị tụraa.

Anẹhwẹsọsị 5:26

Ộ sị enyi ọnịrị ịrẹyị Ohomorihi, dị ọ sị vara a ọnịnị, dị ọ sị ọọ tụ́ irenyi yị Ohomorihi nị.

Ịtayịtọsị 2:14

Ijeesu ọnọọ ọ vịdị sị ẹngụ anịị yị, agụvị dị ọ̀ zụ hị́ yị varẹma nị, agụvị dị ya zụ há hụụnị avaba ịsa edivi. Dị ọ́ mẹ ayị ayị ọnịnị, dị ị kụkụ sị vị aza anị ana aa sịị vụrị ka yaa mẹ̀ ịsa ene zoza nị.

Anihiburu 9:14

Anya uye ẹnẹ ẹ̀ẹ zụ mẹ ka aza ẹ̀ nị, ọnọọ ọ́ọ sị zụ̀ ka anya Ikirisiti ọ́ọ nyị ụkata hu avọọ ẹtẹẹtẹrẹ. Ẹngụ anị ụvọta ẹnẹ ẹ̀ yị nyị ịvị ọ sị mẹ ịsọvọọ yị nị ini oze Ụhwẹ Ọnịnị ana yàra pooro zịna-zịna. Agụvị avọọ ộ nyịna ayị ayị nị, ka asị ị kụkụ na mẹ ịvị, anaā sịị ọza nee sú; ama dị ya kụkụụ hẹkẹ Ohomorihi ana yára.

1Ipita 3:21

A zụ sị ịsa ọnọọ juwe ọyịhwenyi, ana dọ yị há ọyaanị, agụvị ka Ijeesu Ikirisiti ộ ha kwẹẹtẹ hụụnị isu. Ọyịhwọzenyi ọ yị vị ọyịhụ ịdọtị ẹngụ ayị và ha. Ama yaa sịị dá ịpẹẹ yị Ohomorihi ka ọ̀ nyịna ayị ayị hụụnị ịvị.

1 Ịjọọnụ 1:7

Ama yàaa zị ụsẹ ini ẹtohweyi anka Ohomorihi ọnị mẹ̀ rẹ yà ini ẹtohweyi, ọnị ọ vị ka yaa mẹ̀ uze vaabẹ beri ẹngụ. Anya Ijeesu Ikirisiti Ozi anị aa nyịna yị; yaa nị hụụnị avaba ịvị.

Ẹtore 3:17

Ụ ka wáa nyị ụbanyị, wáa nyị avaba ịsa, ẹ yị nyị isu u kuku ee sì. Ama wẹ yị yẹ ka onosiye ọnịrị ọnụyọrị ọbanyị ụ vị nị. Ogweyi ụ vị, dị ụ rẹ yà ịnị ahwaahụ nị.