2Ipita 1:8 - IWE ỌNỊNỊ

⁸ Wàa vavọọ aa mẹ̀ ịsa ẹnẹnịị hu avọọ hu avọọ nịnị, ụ vaa yẹ Ijeesuu hu avọọ nịnị.

2Ipita 1:8 ပူးပေါင်းရင်းမြစ်များ

Ụhịrẹyị 19:15

Onuworo vị ana sụ ara pooro, ọza ẹnẹ nyị ana a mẹ̀ vị ọnị ụngwẹ kụ.

Imatiwu 13:22

Ọza ana rẹ dọ ihu ọnọọ tụ́ ịnị akakana ikeyi, ọ vị ọza ana wụ́ ịrẹyị ọnọọ di ariro ẹhẹ ọnọnị ọnịrị evene ẹkẹhị ọnịrị ụbanyị za ịrẹyị ọnọọ rị nị, agụvị avọọ ẹyị nyị ẹtụtụ.

Imatiwu 20:3

Ịjị ọ rẹ naa mẹ ẹhụụ ụmẹ agogo ịhịna, dị ọ jịnẹ nọ ẹhẹ, di o ne tù ka aza ẹnyị jẹẹ kẹnẹ-kẹnẹ ini ohu nị.

Imatiwu 20:6

Ịnị ẹhụụ ụmẹ agogo ẹẹhị oruva, dị ọ rẹ jịnẹ nọ ẹhẹ, di o re ne tù aza ẹnyị ana jẹẹ kẹnẹ-kẹnẹ nị. Dị ọ rẹ kà a yị wa ka: ‘Sị ẹ vẹ dị ụ jẹẹ kẹnẹ-kẹnẹ hụrẹ ẹnẹnẹ nịnị?’

Imatiwu 25:26

Dị ọga anị ka: ‘Ẹwụ ozi ahụ odivi ana vị onuworo aanị!’ Wâ yẹ ka ịzị mè yi chire ịsa tụ́, mịị̄ há ịsaa hụrẹ nị; dị mị rẹẹ̄ kụ́ ịsa ọnị mẹ̀ yị gara tịtẹ nị.

Ịjọọnụ 15:2

Avaba avọ ọnị màa há, ẹnẹ ẹ̀ yị tụ́ ẹtụtụ, dị ọ dà a ne ta. Ama avọ ana àaa tụ́ ẹtụtụ, di o tenyi ọ, dị ọ̀ọ tụ́ hu avọọ.

Ịjọọnụ 17:3

Ka ẹ̀ yàra pooro zịna-zịna ọ vị ka ẹ̀ yẹ ẹwụ ịnyara chọchọchọ ana vị Ohomorihi ọnịrị ẹmị Ijeesu Ikirisiti ọnị ụ tụ́ vẹ ẹhẹ.

Ịjọọnụ 5:42

Mâ yẹ wụ nịnị, mâ yẹ ka we yi sì ịrẹyị Ohomorihi ịnị ayị awụ nịnị.

Aniroomi 12:11

Waa mẹ̀ ụkọrọ nịnị, asị ụ nyị uworo nịnị. Sị ayị ọnya dụ wa sịị hẹkẹ Ananyị yị nịnị.

1 Anịkọrịntị 15:58

Ẹwụ nịnị ẹyịnyara amị, re ka wa hụ agụvị avọọ jẹẹ geri-geri nịnị, asị ụ zizi! Waa sị avaba ụmẹẹ mẹ ụkọrọọ yị Ananyị yị nịnị pooro, agụvị ka wâ yẹ nịnị ka ẹ yị nyị ịsị ụ mẹ yị Ananyị yị nịnị ana zụ vị ọọhẹ kẹnẹ.

2 Anịkọrịntị 13:5

Zama ẹngụ awụ nịnị re, dị ụ wa yẹ wàa yị sị ayị tụra Ikirisiti nịnị! Aanị ka wẹ yị yẹ ẹngụ awụ nịnị ka Ijeesu Ikirisiti yà ịnị ayị awụ nịnị? À yị vị avọọ, ahịka ụ wẹ̀ yị kụkụ mẹ ẹtẹẹrẹ nịnị nị.

2 Anịkọrịntị 8:2

Ẹzamare irenyi-irenyi vị ana nyayịnẹ tù wa ẹtẹẹtẹrẹ. Ama ayị ẹnịnị o yi hine pooro, ana ahịka ẹnịnị ẹ yị sị ụvọ kú oku vụrụ-vụrụ, ẹ mẹ̀ daka yị vị onosiye.

2 Anịkọrịntị 8:7

Waa mẹ ẹtẹẹrẹ ịnị avaba ịsa nịnị. Wâ dọ wụ́ nịnị, wa rẹ zụ kà ịrẹyị nịnị, dị ụ rẹ yẹ ịrẹyị nịnị nị. Wa rẹ kụ́ ẹngụ hi ụkọrọ Ohomorihi nịnị, we re sì ịrẹyị ayị nịnị. Re ka ụ raa mẹ̀ ụkọrọ ẹyịza ọyịmẹ̀ nịnị ẹtẹẹtẹrẹ o.

2 Anịkọrịntị 9:14

Eyi awụ aa tụra wa, ẹ rẹ yaa mẹ̀ aduwaa wụ nịnị ẹtẹẹtẹrẹ agụvị ayamva ọbanyị oni Ohomorihi sị wụ nịnị.

Anihwiripi 1:9

Aduwa ọnị maa mẹẹ wụ nịnị yị: Ohomorihi ọ̀ navọ wee sì ịrẹyị ẹngụụ hu avọọ nịnị pooro. Dị ụ wa rẹẹ nyị ịrẹyọyẹẹ hu avọọ nịnị, dị ụ wa zụ yẹ ịsa ozoza ọnịrị ene è yi zoza nịnị.

Anihwiripi 2:5

Ẹngụ ayị oni Ijeesu nyị avọọ, a vọrọ ka ẹwụ nịnị ọ̀ rẹ nyị nị:

Anihwiripi 3:8

M mẹ̀ hụrẹ va yẹ Ijeesu Ikirisiti ka ọnị ọ nyị mị nị, avaba ịsa ana vọ vị ọnị mị kụkụ za ịrịka tụ́ ịnị ịsa kẹnẹ-kẹnẹ. Ọnọ o huna avaba ịsa ẹnẹẹ nị. Mé yi re wa anka ịhyẹrẹ, agụvị ma kụkụ va rị ọgụ obooro ana vị Ikirisiti.

Anikorasi 1:10

Ịrẹyọyẹ ọnọọ vaa mẹ ka wa zụụ zị ụsẹ ana vọrọ ini eyi Ananyị yị nịnị, di o re zé eyi ẹtẹẹtẹrẹ; dị ẹhẹ awụ nịnị ọ̀ zụ nyị ẹtụtụ ịnị avaba ịsị ụ wàaa mẹ nịnị. Dị ụ raa yẹ Ohomorihii hu avọọ nịnị.

Anikorasi 2:7

Che ayị za Ikirisiti ana sị ụhwẹ ọnịrị ụkata yị wụ nịnị! Yị jẹẹ geri-geri ịnị ẹdọwụ awụ nịnị, anka a mẹ̀ sị zụ̀ wụ nịnị; dị ụ wa rẹẹ kụ́ Ohomorihi avọ nịnị ẹtẹẹtẹrẹ!

Anikorasi 3:16

Navọ ịrẹyị Ikirisiti ọ̀ yà ịnị ayị awụ nịnị ẹtẹẹtẹrẹ. Waa jị ahẹ ụga irenyi-irenyi nịnị. Waa jị ahẹ kụ́ Ohomorihi avọ nịnị.

1 Anịtẹsaronika 3:12

Ananyị yị ọ̀ navọ wee sì ịrẹyị ẹngụụ hu avọọ, di u we ree sì ịrẹyị azaa hu avọọ, anka ẹ́yị mè ree sì ịrẹyị ẹwụ nịnị.

1 Anịtẹsaronika 4:1

Ẹwụ nịnị ẹyịnyara amị, jẹẹ maa kà ịsa ọnya, dị ma va za ịrẹyị amị ịrẹsụ: Ya raà sị zụ̀ wụ nịnị ẹngụ ebira ene zé Ohomorihi eyi ana a vọrọ ka waa mẹ nịnị. Avọọ ụ màa mẹ nịnị da nị. Aarịhịnị, yáa sị Ijeesu Ananyị yị dá ịpẹẹ wụ nịnị ka waa sịị vụrịị hu avọọ nịnị.

2 Anịtẹsaronika 1:3

Ẹwụ nịnị ẹyịnyara amị, áa nyị ka yaa kụ́ Ohomorihi avọ pooro agụvị awụ nịnị. Iruvo ọ vị ka waa yị sị ayị tụra Ikirisiti hu avọọ nịnị ẹtẹẹtẹrẹ, dị ụ rẹ nyayịnẹ ee sì ịrẹyị ẹngụụ hu avọọ ẹtẹẹtẹrẹ nị.

1 Itimoti 5:13

Ẹ yị vị avọọ kẹnẹ, dị ẹyaa nyị uworo, dị ẹ rẹ yaa ngụ irehi-irehii zị. Ene divi hu ọ vị ka, dị ẹ kụkụ aa kụ́ ọza ịrẹkaa zị, dị ẹyaa jị eyii ngụ ịnị ịrẹyị ọnịrẹyị, dị ẹ rẹ yaa kà ịsa ẹnẹ ẹ̀ yị vọrọ.

Ịtayịtọsị 3:14

Sị zụ̀ aza ayị nịnị, dị ẹ̀ yẹ ka aa vọrọ ka ẹnị ẹ̀ ẹ mẹ̀ ịsa ozozaa yị aza ẹnẹ ẹ̀ yị nyị ịsa. Ẹnịnị ẹ̀ vavọọ mẹ, agụvị asị ẹhẹ ẹnịnị vị kẹnẹ-kẹnẹ.

Ihwirimọnị 1:6

Maa mẹ̀ aduwa ka ẹdọwụ ọnị ụ nyị tụ ịnị anị, ọ̀ va mẹ ka wa yẹ avaba ịsa ọyịza ọnị nyị hu avọọ, agụvị ka ẹyịrị Ikirisiti ọ sị vị ọnya.

Anihiburu 6:12

dị asị ọ na ngụ wụ nịnị ẹngụ. Ama waa mẹ̀ ebira, aza ana yịị sị ayịị tụra Ohomorihi, dị ẹ rẹ nyị isuuru. Ẹngụ aza ẹnẹẹ ẹ vaa dọ ẹyịza oni Ohomorihi kà a ka ẹyị zụ nyị ka ọnị ọyị vaa sịị yị wa nị.

2Ipita 1:2

Ohomorihi ọ̀ mẹ ọyịza wụ nịnị, dị ọ̀ sị ẹngwọọrọ yị wụ hu avọọ hu avọọ, ụ màa yẹ Ohomorihi ọnịrị Ijeesu Ikirisiti Ananyị yị hu avọọ nịnị.

2Ipita 1:3

Yáa yẹ Ijeesu ana hị́ yị ka ya nyị tụ́ ịnị ụbanyị anị ọnịrị ebira ozoza anị. Ụkata Ohomorihi ọ raà sị avaba ịsa ana vọrọ ka ya nyị yị, dị ya zụ nyị ebira obooro, dị ya rẹ zụ mẹ̀ ebira ene ze Ohomorihi eyi.

2Ipita 2:20

Aza ọ̀ọ sị Ijeesu Ikirisiti Ananyị yị ọnịrị Ọdọzaha ayị yẹ, dị ẹ sị hụụnị ịsa edivi ịnị ẹhẹ ọnọnị eneē du ọzaa ha nị, aza ẹnẹẹ ẹ̀ẹ kụkụ zẹẹ ka ịsa ẹnẹẹ ẹ̀ za ẹnị, dị ịsa ẹnẹẹ ẹ̀ rẹ nyị ẹbẹẹba ẹnịnị, ọdịrẹma ẹhẹ aza ẹnẹẹ o kuku vee divii hu ịyẹẹyẹ ẹnịnị nị.

2Ipita 3:18

Waa vịra nịnị ini oze Ijeesu Ikirisiti Ananyị yị ọnịrị Ọdọzaha ayị, agụvị dị ọ̀ọ mẹ ọyịzaa yị wụ nịnị hu avọọ, dị ụ wa rẹẹ yẹẹ hu avọọ nịnị! Ụbanyị ọ̀ vị áanị booro aanị ọnịrị pooro zịna-zịna, Aamị.