2Ipita 1:5 - IWE ỌNỊNỊ

⁵ Agụvị avọọ, sị vụrị dụ wa nyị ebira ozoza tụ́ ịnị ẹdọwụ awụ nịnị. Rẹ nyị ịrẹyọyẹ tụ́ ini ebira ozoza awụ,

2Ipita 1:5 ပူးပေါင်းရင်းမြစ်များ

Ahẹ Ụgama 119:4

Ẹnẹyịmavara, wa raà sị zụ̀ ịsị u sì, ẹngụ ịsa ẹnẹẹ a vọrọ ka àa saasa nị.

Ụhịrẹyị 4:23

Sị eyi pe ẹtẹ ụ mẹmẹ e ro ịrẹyị. Ọza mee ro ịrẹyị ọọ ra ẹhẹ anị nị.

Ayịsaya 55:2

Sị ẹ vẹ di ú wee du ẹkẹhị awụ nịnịị ha tụ ịnị ịsa ẹnẹ ẹ̀ yị vaa ha ọza ịnẹ? Sị ẹ vẹ dị ụ́ waa mẹ̀ ụkọrọ, dị ụ́ wàa kụ̀ ẹkẹhịị ha nịnị, dị ụngwẹ aa yịị kụ̀ wụ nịnị? Sị ụtọ pe mi nịnị, dị ụ waa rị ịsa ene zoza nịnị. Ụ vaa rị ịsa ọyịza-ọyịza nịnị dị ayị awụ nịnị ee hine.

Ịzakaraya 6:15

Aza ana ra aha onooze vaa vẹ va tenyi irehi Ẹnẹyịmavara, ịjị aa sị ọ da a, aza vaa yẹ ka Ẹnẹyịmavara Ochẹtẹẹngụ ọ tụ́ ọnị nị. Ịsa ọnọnị vaa mẹ ẹnịnị ẹ̀ẹ saasa ọda Ẹnẹyịmavara Ohomorihi ẹnịnị.

Iruuku 16:26

À hyakụ kụ́ ẹnẹẹ kwooze, ọbọbọ ọbanyị ọnya yà ịnị akakana ẹyịrị ẹwụ; agụvị ọza ana àa ka ọnị aa hụụ ịzẹnị vẹ ịdị awụ ịzọọ, asị ọ zụ vẹ; dị ọza ana àa rẹ ka ọnị aa hụụ ịzọọ vẹ ịdị ẹyị ịzẹnị, asị ẹnị rẹ zụ vẹ.’

Iruuku 24:21

Ẹya raà sị eyi tụra a ka ọnị ọ vaa hị́ Anisirẹrị varẹma nị. Ajịnị ọ hyakụ vị ẹkụhị ẹẹta ọnị ịrẹyị ọnọnị maanị mẹ avọọ nị.

Ịjọọnụ 6:27

Asị ụ rẹ̀ dụ ịsọyịrị eneē du nịnị! Ama waa dụ ịsọyịrị ene è yi mē du nịnị, dị ọọ̄ mẹ̀ ka ọza ọ̀ yàra ị́dị Ohomorihi pooro zịna-zịna. Ẹngụ ịsọyịrị ọnọọ ẹ́mị Ozi ọza onigirima vaa sịị wụ nịnị nị. Ẹmị Ozi ọza onigirima Óhomorihi sị ụvọ tụ́ ọọ ka ọ̀ vavọọ mẹ nị.”

1 Anịkọrịntị 14:20

Ẹwụ nịnị ẹyịnyara amị, asị u rè ro ịrẹyị anka ezweyi nịnị! Re ka wee ro ịrẹyị anka ọza ana sị vịra! Wâ yẹ ka ezweyi ẹ mā mẹ̀ ịsa odivi; ẹwụ nịnị ọ̀ rẹ vavọọ yà anka ezweyi!

Anẹhwẹsọsị 5:17

Agụvị avọọ asị ụ vị ọnụra nịnị, ama re ka wáa yẹ ịsa oni Ohomorihi sì ka wa mẹ nịnị!

Anihwiripi 1:9

Aduwa ọnị maa mẹẹ wụ nịnị yị: Ohomorihi ọ̀ navọ wee sì ịrẹyị ẹngụụ hu avọọ nịnị pooro. Dị ụ wa rẹẹ nyị ịrẹyọyẹẹ hu avọọ nịnị, dị ụ wa zụ yẹ ịsa ozoza ọnịrị ene è yi zoza nịnị.

Anihwiripi 2:12

Ẹwụ nịnị anda ayị, anka ụ mẹ̀ yịị wụ́ ịrẹyị amị, m mẹ̀ yà ịdị awụ nịnị, wa vavọọ yịị wụ́ ịrẹyị amịị hu avọọ nịnị, m mẹ̀ yị mẹ daka kụkụ yà ịdị awụ nịnị aanị. Sị angwahi Ohomorihi beri ẹgahị, wa sịị mẹ̀ ụkọrọ ana vaa mẹ ka wa há nịnị;

Anihwiripi 4:8

Ẹwụ nịnị ẹyịnyara amị, maa za ịrẹyị amị ịrẹsụ. Ẹngụ ịrẹyị ẹnẹnị a vọrọ ka wee ro nịnị nị: ịrẹyị ana àa vị ịzẹyịza, dị ọ vị ịrẹyị obooro nị, ọnịrị ịrẹyị ana àa vọrọ, dị ọ rẹ nị nị, beri ịrẹyị ana aza èe sì ịrẹyị anị, dị a raa kà ọyịza anị nị; ịsị ẹ̀ẹ vị ebira ozoza, dị aza raa ga a nị, wee ro ẹngụ ịrẹyị ọnọọ nịnị.

Anikorasi 1:9

Agụvị avọọ, ị mẹ̀ hụrẹ wụ́ ọ, ị hụrẹ aa mẹ ịpọdaa yị Ohomorihi agụvị awụ nịnị nị. Yaa dá ịpẹ ka ọ̀ sị zụ̀ wụ nịnị gedebee ịsa oni o sì, dị Ụhwẹ Ọnịnị ọ̀ sị ịrẹyọyẹ yị wụ nịnị ịnị avaba ịsa.

Anikorasi 2:3

Ijeesu Ikirisiti ịnya kẹnẹ ọ zụ mẹ ka ya nyị ịrẹyọyẹ dị ya zụ yẹ ịzẹyịza nị. Ịrẹyọyẹ ọnọọ ọ́ọ nyị ọgụ ẹtẹẹtẹrẹ.

Anihiburu 11:6

Ọza ẹnẹ ẹ̀ yị sị ayị tụra Ohomorihi, ọ yị nyẹngụ zé Ohomorihi eyi vụrụ-vụrụ. Iruvo ọ vị ka ọza ana àa vẹ ịdị Ohomorihi, áa nyị ka ọ̀ vịdị dọ wụ́ da ka Ohomorihi yà ịzọọ, ọnịrị ka ọọ̄ sị ọgụụ yị aza ene èe sì ọọ.

Anihiburu 12:15

Sị eyi pe ẹngụ awụ nịnị, agụvị asị a nyị ọza ana ahịka ọ rẹ̀ vaa dọ ayamva Ohomorihi! Asị a rẹ nyị ọza ana na yà anka ẹpa ọchị ọnyịrẹyị ana ha dị ọ̀ọ kụ́ ịrẹyịị hi ẹtẹ! Ẹngụ aza ẹnẹẹ vee du aza ọrụrụ-ọrụrụ ẹngụ.

Anihiburu 6:11

Ịsị yee sìi hu, ọ vị ka, ọzịnya-ọzịnya awụ nịnị ọ̀ yịị sịị vụrị pooro ne tù ọdịrẹma, agụvị dị ụ wa zụ dọ ịsị ụ waa tụra eyi anị nịnị,

Ijosuwa 7:3

Ịjị anọrụ ẹnẹẹ varẹma vẹ tu Ijosuwa dị ẹ ka ẹkụra ẹ yị nyị ọ ya. Ẹ yị nyị ka avaba isoja ẹ na gẹ wa ịrẹkụ. Dị ẹ ka Ijosuwa ọ tụ́ ẹhụ aza ẹnị akawụ avị akawụrakahị na pe wa zyaazị nị. Aza chee kẹnẹ anẹkụra ọnọọ vị nị.

1Ipita 3:7

Ẹwụ nịnị ọva, wa rẹẹ mẹ̀ ebira ẹtẹẹrẹ hi ese wu nịnị bẹẹ, wâ yẹ nịnị ka ọkụmị ẹ vị nị. Sị ụbanyị yị wa, agụvị ka Óhomorihi mẹ̀ sị ụhwẹ ana yára pooro zịna-zịna mẹ wụ ẹyịza, avọọ ọ mẹ̀ rẹ sị yị ese wu nị. Wa vavọọ mẹ nịnị, agụvị asị a nyị ịsị ẹ dọ aduwa awụ nịnị oro.

2Ipita 1:10

Agụvị avọọ, anda ayị nịnị, sị vụrị dụ wa jẹẹ geri-geri ịnị ịsa ẹnẹnị, agụvị ka Ohomorihi ộ hị́ wụ nịnị, dị ọ rẹ nyị wụ nịnị nị. Wàa vavọọ aa mẹ nịnị, wẹ́ yị vaa hyẹdụ hụrị oze Ohomorihi nịnị pooro.

2Ipita 1:11

Ọsọnị ọ vaa mẹ ka we ré oze ngụ ịzị Ijeesu Ikirisiti Ananyị yị ọnịrị Ọdọzaha ayị yà aa mẹ ịjọva, dị ụ yà ịzọọ pooro zịna-zịna nị.

2Ipita 3:14

Agụvị avọọ, ẹwụ nịnị anda ayị, u mèe zí ẹkụhị ọnọọ eyi nịnị avọọ, sị vụrị di u we re ka wáa nyị ebira ọnịnị, dị asị ụ nyị ohuvọ ini eyi Ohomorihi, dụ wa nyị ẹngwọọrọ tụ́ ịdị anị!

2Ipita 3:18

Waa vịra nịnị ini oze Ijeesu Ikirisiti Ananyị yị ọnịrị Ọdọzaha ayị, agụvị dị ọ̀ọ mẹ ọyịzaa yị wụ nịnị hu avọọ, dị ụ wa rẹẹ yẹẹ hu avọọ nịnị! Ụbanyị ọ̀ vị áanị booro aanị ọnịrị pooro zịna-zịna, Aamị.