2Ipita 1:4 - IWE ỌNỊNỊ

⁴ Ini oze ẹnẹẹ ọ raà sị ẹyịza ọbanyị ẹnẹẹ yị ọnị ọ vịdị zẹẹ yị ịzẹzẹ anị. Ịsa obooro ẹ vị yị nị. Ộ vavọọ mẹẹ, agụvị dị ya nyẹngụ há hụụnị ịsa edivi ẹhẹ ọnọnị ọnị ọchẹngụ azaā sì, ka ya kụkụ va nyị tụ́ ini ebira Ohomorihi nịnị.

2Ipita 1:4 ပူးပေါင်းရင်းမြစ်များ

Aniroomi 9:4

ẹnị ẹ vị Anisirẹrị nị, ẹnị Óhomorihi sị Mẹ ezi anị, dị ọ mẹ ka ẹ̀ nyị tụ́ ịnị ụbanyị anị nị. Ohomorihi ô wo oto irenyi-irenyi yị wa, dị ọ rẹ sị ọda anị yị wa nị. Ohomorihi ọ rẹ sị zụ wa a mẹ̀ vọrọ ka àa hẹkẹ ọnị, dị ẹ̀ rẹ dọ ịsa oni Ohomorihi kà a ka ẹ yị zụ nyị ka ọnị ọ yị vaa mẹẹ yị wa nị.

2 Anịkọrịntị 1:20

Agụvị avọọ avaba ịsa oni Ohomorihi kà a ka ayị zụ nyị ka ọnị ọyị vaa mẹ, Ijeesu ọ vị hịịn tụ́ ịnị ịsa ẹnẹẹ nị. Agụvị avọọ ịị̄ kà a ka “Aamị” ini oze anị nị, dị yaa sị ụbanyịị yị Ohomorihi.

2 Anịkọrịntị 3:18

Ẹyị ana a raà hụ ịsa hụụnị eyi anị, yee re igirima Ananyị yị. I mee re e, dị aa vara yị ka yee véné e hu avọọ nị. Ananyị yị ana vị ụhwẹ Ohomorihi aa mẹ̀ ụkọrọ ọnọọ nị.

2 Anịkọrịntị 6:17

Agụvị avọọ dị Ananyị yị rẹ kà a ka: Jịnẹ hụụ ịdị ẹnịnị, sị ẹngụ awụ nịnị tụ́ irenyi kwooze yị wa. Asị ụ sị ụvọ kanyị ịsa eneē du ọza ẹngụ nịnị. Ịjọnọọ ọnị vaa dọ wụ nịnịị pe ẹngụ.

Anigaratiya 3:16

Avọọ Óhomorihi mẹ̀ kà a ka ayị zụ nyị ka ọnị ọyị vaa mẹ̀ ịsa ọrụrụ-ọrụrụ yị Abụrahamị ọnịrị ozi anị nị. Iwe Ohomorihi ọyị kà a ka: “yị ezi ewu nịnị”, anka aza ọrụrụ, ama ọ ka: “yị ozi ewu,” ọnị ọ vị ka ọza ịnya ọ vị nị, ana vị Ikirisiti.

Anigaratiya 6:8

Ọza ana aa mẹ̀ ịsaa yị ẹngụ anị kẹnẹ, o vee re ka vi oni vee vu ẹtẹ nị. Ama ọza ana àaa mẹ̀ ịsa agụvị Ụhwẹ Ọnịnị, Ụhwẹ Ọnịnị vaa mẹ ka ọ̀ yàra pooro zịna-zịna ị́da Ohomorihi.

Anẹhwẹsọsị 4:13

Avọọ ọ mẹ̀ vaa yịị yà pooro ne tù ụmẹ ọnya, ana ahịka avaba ayị vaa vaabẹ ịnị ọyịsị ayị tụra Ikirisiti, dị ya rẹ yẹ Ozi Ohomorihi. Ịjọnọọ ị vaa vịra, dị i rẹ gụ, anka Íkirisiti ọnị mẹ̀ rẹ yà.

Anikorasi 3:10

ebira ọwọọwa ụ kụkụ nyị nịnị nị. Ohomorihi ọ vara wụ nịnị ọza ọwọọwa nị. Dị ee yii tenyi ebira awụ nịnị ọnọọ, agụvị dị ò zụ véné ebira Ikirisiti, dị waa yẹ Ikirisiti nịnịị huna avọọ nị.

Anihiburu 12:10

Ada ayị ịnị ẹhẹ ọnọnị vị ana aa sị ụyaa rị yị mẹ ụmẹ chee kẹnẹ, anka e mè ro ka óo zoza. Ama Ohomorihi ọnị vị anaā sịị ụyaa rị yị ka ọ̀ vị ọgụ yị; ọnị ọ vị ka ya zụ vị ọnịnị, anka ọ́nị mẹ̀ rẹ vị ọnịnị.

Anihiburu 9:15

Ịsa ẹnẹnị ẹ́ẹ sị zụ̀ ka Ikirisiti ọ vị ọza ana yà ịnị akakana aza ọnịrị Ohomorihi nị, dị ọ mẹ eto oto ọwọọwa, agụvị aza oni Ohomorihi sị hị́, ẹ̀ zụ vẹ, dị ẹ̀ va dọ ẹyịza oni Ohomorihi sị ọọ kà ka ẹ yị zụ nyị ka ọnị ọyị vaa sịị yị wa. Ẹyịza ọnọọ vị ẹnẹẹ vaa nyị pooro zịna-zịna. Ịsa ẹnẹnị vaa mẹ, agụvị ka áa nyị ọza ịnya ene sú ka ọnị ọ̀ hị́ aza varẹma hụụnị ịsa edivi ẹnẹ ẹ vịdịị mẹ ịnị ụmẹ ẹnẹ ẹ sị yà ịnị ụvọ oto ịyẹẹyẹ.

Ijemiisi 1:27

Ahẹkẹ obooro ana gụ ini eyi Ohomorihi Ada ayị yị: Mẹ ọgụvọ yị ozi oku nịnị ọnịrị osoku nịnị, ẹ̀ẹ yaa rị ụya; asị ụ rẹ zẹẹ ka ịsa edivi ene hi ịnị ẹhẹ ọnọnị è du wu ha.

2Ipita 1:1

Ẹmị a vị Ipita ana vị ozi ahụ ọnịrị odeyi Ijeesu Ikirisiti nị. Maa chẹrẹ iwe ọnọnịị tụ́ụ hi wu avaba aza ana sị vị ọdọwụ. Agụvị ịzẹyịza Ijeesu Ikirisiti ana vị Ohomorihi ayị ọnịrị Ọdọzaha ayị, ọ̀ mẹ ka ẹ̀ nyị ẹdọwụ obooro, anka ẹyị mẹ̀ rẹ nyị nị.

2Ipita 3:13

Ohomorihi ộ kà a ka ẹ́ yị zụ nyị ọnị ọyị vaa mẹ ẹbẹẹba ọwọọwa, dị ọnị rẹ mẹ ẹhẹ ọwọọwa. Ịzọọ, avaba ịsa vị ene vee zoza pooro, ịsị ẹ vọrọ kẹnẹ aza rẹ vaa mẹ nị. Ịsị yee zí eyi ọ vị ọnọọ nị.

2Ipita 3:9

Aza ẹnyị ee roo ka Ohomorihi aa za ịrẹyị anịị tura ẹtẹ, ọ yị mẹ̀ ịsa ọ kà a ka ọnị vaa mẹ. Ẹ́ yị vavọọ ọ mẹ vị. Ama vị ọ nyị isuuru wụ nịnị nị, agụvị ka ó yi sì ka ọzọnyị-ọzọnyị ò vú ẹtẹ, ama ee sì ka avaba aza è ro ịnẹ varẹma hụụnị ịvị ẹnịnị.

1 Ịjọọnụ 2:25

Tamayị ka Ikirisiti ọnị ụvọta ọ raà kà a ka ẹ́ yi zụ nyị ka ọnị ẹ́yị vaa mẹ ka wa yara ịdị Ohomorihi nịnị pooro zịna-zịna.

1 Ịjọọnụ 3:2

Ẹwụ nịnị ẹyịnyara amị oni mi sì, booro aanị ya sị vị ezi Ohomorihi; ama yẹẹ̀ yị yẹ ị mẹ vaa yà. Yáa yẹ ka ịhị Ikirisiti ọ̀ọ vavẹ, ị vaa yà anka ọnị mẹ rẹ yà, agụvị ka i vee re gedebee anka ọ mẹ yà.