2Ipita 1:2 - IWE ỌNỊNỊ

² Ohomorihi ọ̀ mẹ ọyịza wụ nịnị, dị ọ̀ sị ẹngwọọrọ yị wụ hu avọọ hu avọọ, ụ màa yẹ Ohomorihi ọnịrị Ijeesu Ikirisiti Ananyị yị hu avọọ nịnị.

2Ipita 1:2 ပူးပေါင်းရင်းမြစ်များ

Ayịsaya 53:11

Ịjị òo re avaba ịsị ẹ mẹ agụvị ụya ọnị ọnị rị, ayị anị vee hine. Agụvị ịsa ene reè tù ọ, ozi ahụ amị ana vị ọnịrẹyịzẹyịza vaa mẹ ka, aza ọrụrụ-ọrụrụ ẹ̀ vara ọnịrẹyịzẹyịza, agụvị ka ọnị ọ rị avaba ụya ịvị ẹnịnị nị.

Ịdanịyẹrị 4:1

Ẹkụhị ọnya, dị Ohinọyị Inebukadineza maanị tụ́ ụtụ ọnọnị hi avaba anẹhẹ nị. Ẹkụra ọzọza ọ sị tụ ụtụ hi wa nị.

Ịdanịyẹrị 6:25

Ohinọyị ộ chẹrẹ iwe tu hi avaba Anịrẹsụ ẹtẹ nị. Dị ọ kụ wa nị.

Iruuku 10:22

Ada amị ọ raà sị avaba ịsa chire mi ụvọ. Ẹ yị nyị ọza ana yẹ Ozi, ẹ̀ yị vị Ada ọnịnya. Ẹ yị rẹ nyị ọza ana yẹ Ada, ẹ̀ yị vị Ozi ọnịnya ọnịrị aza ene èe zé Ozi eyi ka ọnị ọ̀ sị zụ̀.”

Ịjọọnụ 17:3

Ka ẹ̀ yàra pooro zịna-zịna ọ vị ka ẹ̀ yẹ ẹwụ ịnyara chọchọchọ ana vị Ohomorihi ọnịrị ẹmị Ijeesu Ikirisiti ọnị ụ tụ́ vẹ ẹhẹ.

Aniroomi 1:7

Mâ kụ́ avaba awụ nịnị ene hi Iroomi oni Ohomorihi sì ịrẹyị anị, dị ọ hị́ wụ nịnị ka wa vị aza anị. Ohomorihi Ada ayị ọnịrị Ijeesu Ananyị yị ọnị ọ nyị ka ọ̀ dọ yị há ẹ̀ mẹ ọyịza wụ nịnị, dị ẹ̀ rẹ sị ẹngwọọrọ yị wụ nịnị!

2 Anịkọrịntị 4:6

Ohomorihi ộ vịdị kà a ka ẹtohweyi vaa jịnẹ hụụnị ịrahụụ vẹ. Ohomorihi ọnọọ ọ̀ rẹ mẹ ka ẹtohweyi anị ọ̀ọ zẹtẹ ịnị ayị ayị, agụvị dị ya zụ yẹ igirima Ohomorihi ana aa zẹtẹ ini eyirẹsụ Ijeesu oni Ohomorihi nyị mẹ ohinọyị ka ọ̀ dọ yị há.

Anihwiripi 3:8

M mẹ̀ hụrẹ va yẹ Ijeesu Ikirisiti ka ọnị ọ nyị mị nị, avaba ịsa ana vọ vị ọnị mị kụkụ za ịrịka tụ́ ịnị ịsa kẹnẹ-kẹnẹ. Ọnọ o huna avaba ịsa ẹnẹẹ nị. Mé yi re wa anka ịhyẹrẹ, agụvị ma kụkụ va rị ọgụ obooro ana vị Ikirisiti.

1Ipita 1:2

Ohomorihi Ada ayị ô vịdị si o ro tịtẹ, dị ọ va nyị wụ nịnị nị. Ộ sị Ụhwẹ Ọnịnị anị nyị wụ nịnị tịtẹ yị ẹngụ anị, ka wa wụ́ ịrẹyị Ijeesu Ikirisiti nịnị, dị e che anya anị sẹ́ wụ nịnị. Ohomorihi ọ̀ mẹ ọyịza ọnịrị ẹngwọọrọ anị yị wụ nịnị hu avọọ hu avọọ!

2Ipita 1:3

Yáa yẹ Ijeesu ana hị́ yị ka ya nyị tụ́ ịnị ụbanyị anị ọnịrị ebira ozoza anị. Ụkata Ohomorihi ọ raà sị avaba ịsa ana vọrọ ka ya nyị yị, dị ya zụ nyị ebira obooro, dị ya rẹ zụ mẹ̀ ebira ene ze Ohomorihi eyi.

2Ipita 1:5

Agụvị avọọ, sị vụrị dụ wa nyị ebira ozoza tụ́ ịnị ẹdọwụ awụ nịnị. Rẹ nyị ịrẹyọyẹ tụ́ ini ebira ozoza awụ,

2Ipita 1:8

Wàa vavọọ aa mẹ̀ ịsa ẹnẹnịị hu avọọ hu avọọ nịnị, ụ vaa yẹ Ijeesuu hu avọọ nịnị.

2Ipita 2:20

Aza ọ̀ọ sị Ijeesu Ikirisiti Ananyị yị ọnịrị Ọdọzaha ayị yẹ, dị ẹ sị hụụnị ịsa edivi ịnị ẹhẹ ọnọnị eneē du ọzaa ha nị, aza ẹnẹẹ ẹ̀ẹ kụkụ zẹẹ ka ịsa ẹnẹẹ ẹ̀ za ẹnị, dị ịsa ẹnẹẹ ẹ̀ rẹ nyị ẹbẹẹba ẹnịnị, ọdịrẹma ẹhẹ aza ẹnẹẹ o kuku vee divii hu ịyẹẹyẹ ẹnịnị nị.

2Ipita 3:18

Waa vịra nịnị ini oze Ijeesu Ikirisiti Ananyị yị ọnịrị Ọdọzaha ayị, agụvị dị ọ̀ọ mẹ ọyịzaa yị wụ nịnị hu avọọ, dị ụ wa rẹẹ yẹẹ hu avọọ nịnị! Ụbanyị ọ̀ vị áanị booro aanị ọnịrị pooro zịna-zịna, Aamị.

Ijudi 1:2

Ohomorihi ọ̀ vayị awụ nịnị, ọ̀ sị ẹngwọọrọ yị wụ nịnị, di ò sì ịrẹyị awụ nịnị hu avọọ ẹtẹẹtẹrẹ.

Ẹtore 1:4

Ẹmị Ịjọọnụ ọ chẹrẹ iwe ọnọnị nị. Maa chẹrẹ ẹ hi ịragụ Ohomorihi ịhịmba ene hi ẹkụra Esiya. Ohomorihi ọ mẹ ọyịza wụ nịnị, dị ọ̀ rẹ sị ẹngwọọrọ yị wụ nịnị. Ohomorihi vị ana yà ịzọọ hụrẹ ụmọrụmọ dị a va yẹ ka aa mẹ ẹhẹ ọnọnị. Ụhwẹ Ohomorihi ịhịmba ene hi ọvịdị ịzị Ohomorihi Ohinọyịị̄ yà, ọ̀ rẹ vayị awụ nịnị.