2Ipita 1:11 - IWE ỌNỊNỊ

¹¹ Ọsọnị ọ vaa mẹ ka we ré oze ngụ ịzị Ijeesu Ikirisiti Ananyị yị ọnịrị Ọdọzaha ayị yà aa mẹ ịjọva, dị ụ yà ịzọọ pooro zịna-zịna nị.

2Ipita 1:11 ပူးပေါင်းရင်းမြစ်များ

Ahẹ Ụgama 145:13

Ẹnẹyịmavara, ẹwa vị ohinọyị pooro zịna-zịna nị. Avọọ ụ mẹ vaa mịị mẹ ohinọyị pooro nị. (Ịsa ẹnị Ẹnẹyịmavara ọ̀ọ ka ọnị vaa mẹ, ẹ yị zụ nyị ka ọ yị mẹ̀ ẹ. Vị ọ nyayịnẹ sì ịrẹyị avaba ịsa ọnị ọ tụ́ nị.)

Ahẹ Ụgama 36:8

Aza ệ vẹ ịda awụ, dị ụụ hara ịsọyịrị yị wa dị ẹ rị dị ịnẹ há wa nị Wâ mẹ̀ ịsa ozoza yị wa ana nọ wa onyi anka aza ene ne hú enyi ini okuha avọọ.

Ahẹ Isoromọnị 5:1

Ma raà ngụ ịnị ụbazị amị, ose mi anaā sịị ayị amịị hine. Maa kụ avị irenyi-irenyi ana a sịị̄ mẹ̀ ịsaa hine ọnịrị ịmaya amị gụ. Maa rị ẹhụ amị ọnịrị ụpaha anị. Mee hú eche ọnịrị ịrẹva ụnọ amị. Ẹwụ nịnị ọnị mị sì ịrẹyị anị, rị ịsa, di wee hú nịnị; waa mẹrị nịnị kẹnẹ.

Ayịsaya 35:2

Mị ka ụnọmị ẹnẹẹ vee hunẹnẹ, dị ẹngụ avaba ọchị ene hi ịnị anị tịtẹ hụtụ-hụtụ. Ịrẹbanọnị rẹ vanaa vàa nọ udi ụbanyị anị. Ataba Ịkamẹrị ọnịrị Ịsarọnị re venee hunẹnẹ di e zoza. Avaba aza vee re ụbanyị ọnịrị ụkata Ẹnẹyịmavara ana vị Ohomorihi ayị.

Ayịsaya 9:7

Ụkata Ịjọva anị vị ana vaa hịrẹ ūna hu avọọ, Ẹngwọọrọ ọnị ọ vaa sị vẹ ọ ma vana ta pàá zịna-zịna. Ọnị ọ vaa vị ohinọyị dọ Idevidi ịrẹsụ nị. Ịzẹyịza ọnịrị ebira ana vọrọ ọ vaa sị sị ịjọva anịị jẹẹ pooro nị. Ẹnẹyịmavara Ochẹtẹẹngụ ọ sị ẹngụ tenyi ka avọọ ọnị maa mẹ̀ ẹ nị.

Ịdanịyẹrị 7:14

Ọ kà, â sị ụkata ọnịrị ụbanyị ohinọyịị yọ, agụvị dị avaba anẹhẹ ẹẹ hẹkẹ ẹ. Ụkata anị ọnịrị ịjọva ọnị ọ vaa mẹ̀ ẹ yị vaa nyị ẹzẹtẹ.

Ịdanịyẹrị 7:27

Ịjọnọọ, Ohomorihi ene hu keekere vaa sị ụkata ọnịrị ụbanyị ọ yị mẹ ịjọvaa chire aza anịị ụvọ. Ẹnịnị vaa mẹ ịjọva pooro zịna-zịna. Avaba ohinọyị ẹkụra nịnị vee ku ẹtẹẹ kụ́ wa, dị ẹ yaa wụ́ụ chire wa.

Imatiwu 25:34

Ịjọnọọ dị Ohinọyị kà a yị aza ene hi eyi ụvọrị anị ka: ‘Wa vẹ nịnị, ẹwụ nịnị ana Ada amị raà mẹ ka ò zé yị! Ngụ ịzị Ohomorihi yà aa mẹ ịjọva, oni o si tenyi tịtẹ wụ nịnị, ẹ́hẹ mè hụrẹ nyima.

Ịjọọnụ 10:10

Oyi vị anaā vẹ kẹnẹ ka oni ò ve yi ịsa, dị ọnị ọ̀ wụ̀ ọza, di oni ò re du ịsa ha. Àa vị ẹmịị yọ, ẹmị vị ana vẹ ẹhẹ ka ma sị ẹhẹ obooro-obooro yị aza, ana ahịka ọza o yi zụ sị irenu juwe anị.

Aniroomi 2:4

Ohomorihi aa ngụ ayị awụ ẹtẹẹtẹrẹ, dị ọ rẹ nyayịnẹ nyị isuuru wụ nị. A vị du wee ree ịrẹyị ịyẹyẹẹ? Aa nị ka wẹ yị yẹ ka vị Ohomorihi aa vayị awụ di ee sì ka ọnị ọ̀ mẹ wụ di u we ro ịnẹ varẹma nị?

1 Anịkọrịntị 15:24

Ịjọnọọ ọgọnị, dị ẹzẹtẹ vẹ. Ịjọnọọ Ijeesu Ohinọyị oni Ohomorihi nyị ka ọ̀ dọ yị ha raà nyị ehuna avaba ịsa ana vị ohirẹsụ nịnị ọnịrị avaba ịsa ana nyị ụkata. Dị ọ kụkụ sị ịjọva chire Ohomorihi Ada anị ụvọ.

2 Anịkọrịntị 5:1

Yâ yẹ ka èe wú irehi ọnị ị yà ịnị anị ịnị ẹhẹ ọnọnị aanị, (ọnị ọ vị ka ọchẹngụ ayị ọnọnị) Ohomorihi ộ nyị irehi tụ́ ẹbẹẹba yị. Ọnị ụvọta ọ mẹ irehi ọnọọ nị. O yi vee du pooro zịna-zịna.

Anẹhwẹsọsị 3:20

Ohomorihi ọ zụ mẹẹ yị huna ọpa oni i họ̀ use, à vị ọnị ị hyakụ ee ro, ini oze ụkata ana aa sịị mẹ̀ ụkọrọ ịnị ayị ayị.

1 Itimoti 6:17

Aza ana vị ọzọbanyị ịnị ẹhẹ ọnọnị, hú wa ụvọ ka asị ẹ na mẹ eyi! Kàa ka asị ẹ na sị eyi tụra ụbanyị ana ahịka ọ mā za jẹẹ! Ama kà a ka ẹ̀ sị ayị tụra Ohomorihi anaā mẹ ẹyịza! Ọnị ọọ̄ sị avaba ịsaa yị ka ya sịị mẹ inohine.

2 Itimoti 4:18

Ananyị yị rẹ vaa dọ mịị hụrẹ ụvọ avaba ịsa odivi, dị ọ sị mị hẹẹ na ngụ ịzị ọ yà aa mẹ ịjọva ẹ́bẹẹba. Ọnị ọ nyị ụbanyị pooro zịna-zịna nị. Aamị.

2 Itimoti 4:8

Máa yẹ ka ẹyịza ọbanyị oni Ohomorihiī sịị yị ọza ana mẹ̀ ebira ana vọrọ, ọ raà sị tẹ mị. Ananyị yị anaā sịị ịzẹyịzaa mẹ̀ ọkarẹyị vaa sị ọọ mị ịnị ẹkụhị ọnọọ. Ayị vị ẹmị ịnya kẹnẹ ọ vaa sịị yị; ọ rẹ vaa sịị yị avaba aza ene ee sì ọọ ka ọ̀ vavẹ.

Anihiburu 6:17

Ohomorihi óo sì ka ọnị ọ̀ kà a gedebee yị ọza ọnị ọnị vaa sị ẹyịza ọnọọ yị, ka ọnị ọ yị vaa vara ịrẹyị anị. Agụvị avọọ ọ hị́ eku tụ́ ịnị oto anị nị.

2Ipita 1:1

Ẹmị a vị Ipita ana vị ozi ahụ ọnịrị odeyi Ijeesu Ikirisiti nị. Maa chẹrẹ iwe ọnọnịị tụ́ụ hi wu avaba aza ana sị vị ọdọwụ. Agụvị ịzẹyịza Ijeesu Ikirisiti ana vị Ohomorihi ayị ọnịrị Ọdọzaha ayị, ọ̀ mẹ ka ẹ̀ nyị ẹdọwụ obooro, anka ẹyị mẹ̀ rẹ nyị nị.

2Ipita 1:5

Agụvị avọọ, sị vụrị dụ wa nyị ebira ozoza tụ́ ịnị ẹdọwụ awụ nịnị. Rẹ nyị ịrẹyọyẹ tụ́ ini ebira ozoza awụ,

2Ipita 2:20

Aza ọ̀ọ sị Ijeesu Ikirisiti Ananyị yị ọnịrị Ọdọzaha ayị yẹ, dị ẹ sị hụụnị ịsa edivi ịnị ẹhẹ ọnọnị eneē du ọzaa ha nị, aza ẹnẹẹ ẹ̀ẹ kụkụ zẹẹ ka ịsa ẹnẹẹ ẹ̀ za ẹnị, dị ịsa ẹnẹẹ ẹ̀ rẹ nyị ẹbẹẹba ẹnịnị, ọdịrẹma ẹhẹ aza ẹnẹẹ o kuku vee divii hu ịyẹẹyẹ ẹnịnị nị.

2Ipita 3:18

Waa vịra nịnị ini oze Ijeesu Ikirisiti Ananyị yị ọnịrị Ọdọzaha ayị, agụvị dị ọ̀ọ mẹ ọyịzaa yị wụ nịnị hu avọọ, dị ụ wa rẹẹ yẹẹ hu avọọ nịnị! Ụbanyị ọ̀ vị áanị booro aanị ọnịrị pooro zịna-zịna, Aamị.

Ẹtore 3:21

Ọza ana àa nyị ehuna, mị vaa sị oze yọ ka ọ̀ yaayịtẹ pe mi ịnị aga ohinọyị amị, anka ẹ́mị mẹ̀ rẹ nyị ehuna, dị mị yaayịtẹ pe Ada amị ịnị aga ohinọyị anị.

Ẹtore 5:10

Wa raà nyị wa ka ẹ̀nyị tụ́ ịnị ịjọva Ohomorihi. Dị ẹ̀ rẹ yà anka ohirẹsụ irehi Ohomorihi, dị ẹ̀ẹ hẹkẹ Ohomorihi ayị, ẹnịnị rẹ vaa rị ohinọyị ịnị ẹhẹ.