1 Ohinọyị 7:2 - IWE ỌNỊNỊ

² Ọchị ini iriku Ịrẹbanọnị Isoromọnị sị dà irehi ọnọọ nị. Irehi ọnọọ ộ gọdọ tù ahụ ịrẹka tụra ẹvarẹwụ. Ọ rẹ gana tù ahụ ẹtarẹwụ tụra ẹẹhị, dị ọ rẹ nẹba tù ahụ ẹbẹẹva tụra ẹẹhị nị. Ọchị isida ọ sị mẹ ọ̀tụ̀ oni irehi ọnọọ tụra nị. Ọ̀tụ̀ ẹnẹẹ vị ọrọ ẹẹna. Dị ọ rẹ sị ọchị isida mẹ oporipo irehi ọnọọ nị.

1 Ohinọyị 7:2 ပူးပေါင်းရင်းမြစ်များ

1 Ohinọyị 10:17

Ọ rẹ si igooru tụ́ ogonto ọsa. Ẹnẹẹ ẹnị vị ịrẹkẹẹchẹhị Igooru ọnị o si kú ọnya-ọnya ộ gụ ikirogirami ẹẹva. Di ohinọyị kụ́ wa hi ini eehi ọnị ọ sị ọchị ini iriku Ịrẹbanọnị dà nị.

1 Ohinọyị 10:21

Avaba ako Isoromọnị vị ana a si igooru mẹ. Avaba ẹnya ene re hi ini eehi ana a sị ọchị ini iriku Ịrẹbanọnị dà vị ana a rẹ sị igooru ọkụmị-ọkụmị mẹ. Ịnị ụmẹ Isoromọnị ẹ yị nyị ọza ene ro ka enyusẹ ẹkẹhị vị ịsọnyịsọnyị.

1 Ohinọyị 7:3

Dị ọ sị ọchị isida di o si gu itu aku ẹnẹẹ ana nyị ọtụ ẹbẹẹva tụra ẹẹhị nị. Ọrọ ọnya ọnya vị ana nyị ọtụ ẹwụrẹhị.

1 Ohinọyị 9:1

 nyị ẹkụhị ọnya aanị, ụmẹ ọnọọ Isoromọnị ọ sị irehi Ẹnẹyịmavara dà, ọ rẹ sị irehi anị ụvọta dà. Avaba ịsị ọ ka ọnị aa mẹ, ọ sị ọ mẹ.

1 Ohinọyị 9:19

Isoromọnị ọ rẹ dà avaba ẹkụra ịzị ọọ̄ kụ́ ịsa tẹ, ọnịrị ẹkụra ịzị umaata ịrẹkụ anị ọnịrị ẹkụra ịzị aza ana aā tụra umaata anị hị́. Isoromọnị ộ dà avaba ịsị o sì ka ọnị ọ̀ dà hi Ijerusarẹmị ọnịrị Ịrẹbanọnị ne beri avaba ẹtẹ ọnị ọ rị ohinọyị tụ́.

2 Ịtọpa 9:16

Ọ rẹ sị igooru tụ́ ogonto oweyi-oweyi ịrẹkarẹchẹhị ọnị ụrata igooru ene e si tụ́ ọ jịha che ini ikirogirami ẹẹva. Ogonto ẹnẹnị vị ọnị kụ́ hi ini irehi anị ana ya ini uruku Ịrẹbanọnị.

Ahẹ Isoromọnị 7:4

Ọrọkọ awụ vị ana jẹẹ gaa ọyịza-ọyịza anka irehi ọgọdọ avọọ. Eyi awụ aa zá teere anka enyi ini imisi ẹkụra ana aā hị́ Ịhẹsịbọnị ọnị ọyị và ọpa tụra avọọ. Imisi ẹnẹẹ vị ana gụrị oze ọbanyị ẹkụra ọnọọ. Aahị awụ ô zoza pooro anka irehi ọgọdọ ana ya Ịrẹbanọnị ana va ẹkụra ana aā hị́ Ịdamasịkọsị chire.

Ayịsaya 22:8

Ohomorihi ọ̀ raà kụ́ ịsị a vọrọ ka Anijuda ẹ̀ yaanị sị dọ ẹngụ ẹnịnị tụ́. Ịhị ọnọọ, ayị awụ ộ nọ ịzị ụ kụ́ ẹnya ịrẹkụ hi ini eehi ohinọyị ana yà ini īriku.