1 Ohinọyị 5:9 - IWE ỌNỊNỊ

⁹ Ezi ịda amị vaa kụ́ ọchị ẹnẹẹ chii nọ Ịrẹbanọnị dị ahịka mị kụkụ mẹ wa di enyi ọ̀ zụ kụ́ wa ve hi aha ọnị wàa tụ́ hi mị ka ma kụ́ wa nọ nị. Mị vaa kà a ka à há ọchị ẹnẹẹ hi ịzọọ, dị wa tụ́ na kụ́ wa. Wàa na raà kụ́, dị ụ sị ịsọyịrị yị aneehi amị anka ụ mẹ̀ kà a.”

1 Ohinọyị 5:9 ပူးပေါင်းရင်းမြစ်များ

1 Ohinọyị 3:12

Re! Ịsị u họ̀ use aanị, maa mẹ̀ ẹ wụ. Mị vaa sị ịrẹyọyẹ ọnịrị eyohweyi yị wụ. Ụ vaa yẹ ịrẹyị ana ahịka ẹ yị nyị ẹngụ awụ da. Ịrẹma awụ, ẹ yị mā rẹ vana nyị ẹngụ awụ.

1 Ohinọyị 4:20

Anijuda ọnịrị Anijerusarẹmị ệ rụrụ anka ààrẹ ụtọ ókụ̄. Ẹnịnị vị ana aa rị, di eyee hú, dị ẹ yaa mẹrị.

1 Ohinọyị 5:10

Ịzẹyịza di Ihirami kụ́ ọchị Isida ọnịrị ọchị isipirẹsị na yị Isoromọnị nị. Ọpa ọnị Isoromọnị si kẹnẹ, ọ kụ́ na yọ nị.

1 Ohinọyị 5:8

Di Ihirami tụ́ hi Isoromọnị dị ọ ka, “Mâ wụ́ ụtụ ọnị ụ tụ́ hi mi. Ịnị ịrẹyị ọchị Isida ọnịrị ọchị isipirẹsị ọnị ụ kà, ịsị u wèe sì kẹnẹ mị vaa mẹ nị.

1 Ohinọyị 9:27

 nyị ezi ahụ Ihirami ana yẹ eyi ẹpa dị ẹ rẹ yẹ eyi enyi ẹtẹẹtẹrẹ. Di Ihirami aa sị ẹpa ọnọọ tụ́ ẹnịrị ezi ahụ Isoromọnị ụtụ.

2 Ịtọpa 1:15

Ộ mẹ̀ ka isiriva ọnịrị igooru Ẹ gwẹẹtẹ Ijerusarẹmị anka ata avọọ. Dị ọ rẹ mẹ̀ ka ọchị Isida ọ rụrụ hi ẹtẹ anka ọchị isikamọ ene hi uruvo ataba Ijuda avọọ.

2 Ịtọpa 2:16

Ọ kà ẹnị vaa dà ọchị tụra ọchị ọnị ee si hụrẹ ataba Ịrẹbanọnị dị ẹnị kụ wa vẹ Ịjọpa ịzị enyi vaa kụ́ wa ve tu ọ Ijerusarẹmị.

2 Ịtọpa 9:22

Isoromọnị ọ vị ohinọyị ana nyị ẹkẹhị hu ịnị ẹhẹ ịnị ụmẹ ọnọọ nị. Ọnị ọ rẹ yẹ ịrẹyị hu nị.

Ẹzịra 3:7

Dị ohinọyị Ịsayịrọsị ku ịsọyịrị ọnịrị eche neberi angwẹ na hị́ ọchị Isida hụụnị ụvọ Anịsayịdọnị, Anitaya ọnịrị Ịrẹbanọnị. Dị ọ sị ẹkẹhị yị wa ẹnẹ sị sị wa ọtụrarehi ọnịrị Ikahunta ana kanyị irehi. Ọchị ẹnẹẹ vị ana sị enyi kụ vẹ hi ẹkụra ana hị́ Ịjọpa yị wa.

Ijoovu 32:8

Ama a nyị ụhwẹ ịnị ẹngụ aza, ụhwẹ Ohomorihi Ochẹtẹẹngụ ana mẹ̀ ka ọza ọ nyị ịrẹyọyẹ yọ nị.

Ịrẹyị Ọzwọzịsa 1:16

Dị ọnị va ka ẹ yị ẹngụ anị ka, ọnị ọ sị vịra dị ọnị nyị ịrẹyọyẹ huna avaba ohinọyị ana rị tụ Ijerusarẹmị dị ọnị va rị nị. Ọnị o ree re ịsị aa hị́ ịrẹyọyẹ, dị ọnị rẹ yẹ ịsa ọrụrụ-ọrụrụ nị.

Ezikẹẹrị 27:17

Anijuda ẹnịrị Anisirẹrị nịnị ee pe wu nịnị sẹ ohu. Ịsọyịrị, ẹhụ, angwẹ orivi, ọnịrị ahọ̀nọ ẹ sị vaa hị́ ịsa ịdị awụ nịnị nị.

Odeyi 12:20

Ịhẹrọdị vị ana nyayịnẹ aa kụ́ ayịị hi Anitaya ọnịrị Anisidoni. Ẹnịnị ệ tụ́ aza ka è ve re Ịhẹrọdị, di e vịdị ne tù Ibirasitọsị ana vị ọnụkọrọ ohinọyị ana nyị ụbanyị ẹtẹẹtẹrẹ, dị ọnịrị wa si ze nị. Di e dudu va na dá ịpẹ yị ohinọyị ka ịrẹyị ọ̀ ta nị, agụvị ka ịnị ẹkụra ohinọyị ị́sọyịrị aa hụrẹẹ vẹ ana anẹkụra ẹnẹẹ aa rị nị.

Iwe Ọhụhị Imosiisi ana aa hị́ Ọyịvatụrọda 3:25

Ọ kà Ohomorihi ọ navọ ọnị ọ jịnẹ nọ akẹnẹ irehu Ijodani ne re ẹtẹ ozoza ene hi ịrẹsụ Ịrẹbanọnị ẹnẹnị.