1 Ohinọyị 2:3 - IWE ỌNỊNỊ

³ Sị eyi pè ọda ẹnị Ẹnẹyịmavara Ohomorihi awụ ka à sị eyi pè, dị wa va tụra oze anị, dị wa sị eyi pè ọda anị ọnị ọ mẹ ọnịrị ọ mẹmẹẹ mẹ̀ ọkarẹyị ọnịrị avaba ịsa ọnị ọ sị mẹ ivenu anka a mẹ̀ chẹrẹ wa tụ́ ini iwe Imosiisi ana aā si oze zụ̀ ọza. Vavọọ sị ụvọ za a agụvị aha tụra aha ọnị wàa nọ, ịsị waa na mẹ ịzọọ ò zụ zoza; dị Ẹnẹyịmavara ọ̀ zụ sị ịrẹyị anị jẹẹ anka ọ mẹ̀ ka ẹ yị mị.

1 Ohinọyị 2:3 ပူးပေါင်းရင်းမြစ်များ

Iwe Ọhụhị Imosiisi ana aa hị́ Ọyịvatụrọda 29:9

Avọọ ẹnịnị ẹ saasa avaba ịrẹyị oto ọnọọ, dị ò zee yị wa ịnị ịsa tụra ịsa ọnị ẹ yaa mẹ̀.

Ahẹ Ụgama 119:2

Mị ka aza ana vavọọ aa saasa ọda Ẹnẹyịmavara, dị ẹ sị avaba ayị ẹnịnị si eyi pè ọda anị ẹ̀ nyarị ịrẹsụ ọyịza.

1 Ịtọpa 29:19

Ọ kà, Navọ wa mẹ ka ozi emi Isoromọnị ọọ sị avaba ayị anịị sị̀ ka ọnị ọọ saasa avaba ịrẹyị awụ; dị ọ̀ da irehi Ohomorihi ọnị mị hụvị anị tenyi avaba ịsa ẹnẹnị tịtẹ.

Ahẹ Ụgama 119:111

Ọda awụ ẹ vị ogu amị pooro nị, ẹnị aa sị ayị amii hine nị.

Ịmarakayị 4:4

Dị ọ ka ẹnịnị éé tamayị ịsị Imosiisi ozi ahụ anị sị zụ wa? Ọda ẹnẹnị vị ọnị ọnị sị yọ ịrẹsụ ataba Ịhọrẹbị agụvị dị ọ ka yị avaba ezi Anisirẹrị.

Ahẹ Ụgama 119:138

Ọda ọnị ụ ka aza ẹ̀ẹ saasa ệ vọrọ, ẹ yị nyị irikichi ịnị anị vụrụ-vụrụ.

1 Ịsamụwẹrị 18:14

Avaba ịsa ọnị Idevidi ọ̀ọ mẹ vi ene eē zoza ẹtẹẹtẹrẹ agụvị ka Ẹnẹyịmavara vị ana jẹẹ ịrẹma.

Ijosuwa 22:5

Re ka waa mẹ ọda ọnịrị ịrẹyị ọnị Imosiisi ozi ahụ Ẹnẹyịmavara kà yị wụ nịnị ka: Sì ịrẹyị Ẹnẹyịmavara Ohomorihi awụ nịnị, mẹ̀ ịsa oni o sì, saasa ọda anị nịnị, sị ayị tụra a geri-geri nịnị, dị ụ waa sị avaba ayị awụ nịnị ọnịrị ivehu awụ nịnịị hẹkẹ ẹ.”

Ahẹ Ụgama 19:7

Ọda Ẹnẹyịmavara ộ gụ ọ zụ sị ụkata ọza vị ọwọọwa Ọda Ẹnẹyịmavara ộ nị̄, ẹ yị nyị ireche ịnị anị.

2 Ohinọyị 18:7

Avọọ, Ẹnẹyịmavara ộ ya pe e aha tụra aha ọnị ọ nọ; di o zee yọ ịnị avaba ịsa ọnị ọ mẹ nị. Ộ dọ ẹngụ anị hụrẹ ụvọ ohinọyị Ásiriya; ẹ yị vana dọ ka ọnị ọ̀ sị ịrẹsụ yọ.

2 Ịsamụwẹrị 8:14

Idevidi ộ kụ́ isoja anị hi ịnị avaba ẹtẹ Anedomi, dị avaba Anedomi kụkụ vị ọrịhị anị nị. Avaba ịzị Idevidi ọ̀ọ nọ, di Ẹnẹyịmavara aa mẹ ka òo huna ọnịvị anị.

2 Ịsamụwẹrị 8:6

Dị ọ kụ́ isoja anị hi ịzị Anarami nịnị vịdị vị ohinọyị anị ịnị ẹtẹ Ịdamasịkọsị nị. Di Anarami kụkụ vị ọrịhị Idevidi dị ẹ yaa tụ́ ịsa ẹtẹẹ yọ nị. Aha tụra aha oni Idevidi ọ̀ọ nọ, avọọ ọ màa nyị ehuna ọnịvị anị nị.

1 Ịsamụwẹrị 18:30

Ọga isoja Anihwirisiti nịnị vị ana aa jịnẹẹ tụ́ ẹhẹ pooro ka ẹnị ẹ̀ na kụ̀ ịrẹkụ, ama dị ahịka Idevidi aa kụ̀ ịrẹkụ ẹtẹẹrẹ huna isoja Ịsọọrụ ana vọ nị. Dị ịrẹha Idevidi aa ngụ ịrẹyị nị.

1 Ịsamụwẹrị 18:5

Avaba ịsị Ịsọọrụ ọ̀ọ ka Idevidi ọ̀ mẹ, avọọ ọ màa yịị mẹ̀ ẹ nị. Idevidi ộ yẹ ịrẹyị ẹtẹẹtẹrẹ agụvị avọọ dị Ịsọọrụ sị ọ mẹ ọga isoja anị nị. Avaba aza ệ dọ ka Idevidi a vọrọ ka ọ̀ vị ọga nị. Isoja Ịsọọrụ nyẹmba ệ dọ ka Idevidi avọrọ ka à sị mẹ ọga nị.

Iwe Ọhụhị Imosiisi ana aa hị́ Ọyịvatụrọda 5:1

Imosiisi ộ hị́ avaba Anisirẹrị dị ọ̀ ka, “Ẹwụ nịnị Anisirẹrị batọ dị wa wụ́ ọda ọnị maa ka yị wụ nị ajịnị, kọsẹ anị dị wa sị ayị ọnya saasa a.

Iwe Ọhụhị Imosiisi ana aa hị́ Ọyịvatụrọda 4:45

Ẹsẹnị ẹ vị ọda Ohomorihi ọnị Imosiisi kà yị Anisirẹrị nịnị ẹ mẹ sị jịnẹ hụụnị ẹtẹ Ijipiti

Iwe Ọhụhị Imosiisi ana aa hị́ Ọyịvatụrọda 4:8

Nyị anẹkụra ẹnyẹnyị ana maanị nyị ọda ana vọrọ anka ọda ọnị ọnị aa sị zụ wa ajịnị.

Iwe Ọhụhị Imosiisi ana aa hị́ Ọyịvatụrọda 4:5

Imosiisi ka, ọnị ọ̀ ra sị avaba ọda zụ wa anka Ẹnẹyịmavara Ohomorihi anị mẹ ka yị ọnị. Ẹnịnị ẹ̀ saasa a ịzị ẹ̀ yaa va dọ dị ọ vị ẹ̀nịnị aanị.

Iwe Ọhụhị Imosiisi ana aa hị́ Ọyịvatụrọda 4:1

Ụmẹ ọnọọ Imosiisi ộ hị́ Anisirẹrị, dị ọ̀ ka, Ẹwụ nịnị Anisirẹrị navọ wa saasa avaba ọda Ẹnẹyịmavara ọnị maa sị zụ wụ nịnị aanị, wàa dọ ọ, eyi awụ Ẹnẹyịmavara ana vị Ohomorihi ohiku awụ nịnị aa sị ẹtẹ ọnọnị yị wụ, dị ọ̀ vị awụ nịnị nị.

Ireevi 8:35

Enoze ajẹngụ Ẹnẹyịmavara ụ́ vaa yà nịnị ọọdụ ọnịrị ịrahụ pooro dị ẹkụhị ịhịmba ọ mẹ nị, dị waa mẹ ịsị ọnị Ẹnẹyịmavara mẹ ọda anị yị wụ nịnị. Wẹ̀ yị vavọọ mẹ̀ ẹ nịnị, u wee sú nịnị nị o. Aanị Ẹnẹyịmavara mẹ mẹ̀ ẹ ọda yị mị nị.

1 Ohinọyị 3:3

Isoromọnị vị ana nyayịnẹ sì ịrẹyị Ẹnẹyịmavara dị ọ saasa ọda anị anka Idevidi ada anị mẹ̀ mẹ. Ama aha ọnẹba ọnị raa mịị mẹ̀ ịsọvọ, dị aa rị eturare ịra ịzọọ nị.

Iwe Ọhụhị Imosiisi ana aa hị́ Ọyịvatụrọda 29:8

dị ẹnị dọ wa ẹtẹ ẹnịnị, dị ẹnị ga yị Evere Iruveni ọnịrị Igadi ne beri Ịmanasẹ nị.

Ijosuwa 23:6

Agụvị avọọ, re ka waa jẹẹ geri-geri, dị ụ wa si saasa avaba ịsa ana a chẹrẹ tụ́ ịnị iwe ọda Imosiisi. Waa mẹ avaba ịsa ana a chẹrẹ tụ́ ọ. Asị ụ há hụụnị anị zị eyi ụvọrị a vị eyi ụvọha.

Ịrẹyị Ọzwọzịsa 12:13

Ya sị avaba ịrẹyị wụ, ịsị aa sị za ịrẹyị ịrẹsụ yị. Hi angwa Ohomorihi, dị waa saasa ọda Anị, agụvị ka avaba ụkọrọ ọnị Ohomorihi sị yị ẹyị ọza ịnị ẹhẹ ọ vị ọnọọ nị.