1 Ohinọyị 18:3 - IWE ỌNỊNỊ

³ Di Ahabị va tụ́ na hị́ Ọbadaya ana sị eyi pè irehi ohinọyị nị. Ọbadaya ọnọọ ọnị ộ nyị angwahi Ẹnẹyịmavara ẹtẹẹtẹrẹ.

1 Ohinọyị 18:3 ပူးပေါင်းရင်းမြစ်များ

Oyinyima 22:12

Dị anggẹẹrị ọnọ ka, “Asị ọ sị ụvọ kanyị ozi ọnọọ, asị a nyị ịsị ọ sị mẹ̀ ẹ. Ọ kà ọnị ọ sị yẹ aanị ka ô hí angwa Ohomorihi ọ yị kà a ka ọnị aa si ozi anị ana vị ozi anị ikonya gene-gene tẹẹ yị ọnị.”

Oyinyima 24:10

Di ozi ahụ ọnọọ kụ́ ịnyaakụmị ọga anị ẹẹwụ, dị ọ rẹ kụ́ ogu akàaka beri ọ, di o si hu aa nọ akẹbẹẹba Imesopotamiya dị ọ nọ ẹkụra Ịnahọ̀ nị.

Oyinyima 24:2

Ẹhụhị ọnya di Abụrahamị kà a yị ozi ahụ anị ana vị ọzọkụ ana sị eyi pè avaba ịsa ọnị ọ nyị dị ọ ka, “Ọ̀ Sị ụvọ chire ọnị agada,

Oyinyima 39:9

Ọ rẹ ka ẹ yị kụkụ nyị ọza ana nyị ọda hu ọnị ini eehi ọnọnị. Ọ kà ẹ yị rẹ nyị ịsị ọga anị ọ̀ yị sị yị ọnị, à yị hụhụ vị ọnị ịnya kẹnẹ agụvị ka ọnị ọ vị ose anị. Ọ kà o mè ro ka ọnị ọ zụ mẹ̀ ẹngụ ebira odivi ọnọnị, ebira odivi ọbanyị ọ vị ágada Ohomorihi nị.

Oyinyima 41:40

Ọ kà ọnị ọ vaa sị eyi pè ẹkụra anị nị. Ọ kà ịsị ọọ ka aza anị ẹ̀ mẹ kẹnẹ avaba ẹnịnị vaa mẹ nị. Ọ kà ini oze ka ọnị vị ohinọyị nị kẹnẹ oni ve sii huna a nị.”

Oyinyima 42:18

Ịhyẹgwẹta anị di Ijosẹẹhụ va hị́ wa dị ọ ka, “Ọnị ộ nyị angwahi Ohomorihi. Ẹ̀ẹ mẹ ịsị ọnị kà ọza ọ yị vaa wụ̀ wa.

1 Ohinọyị 16:9

 nyị ọga isoja anị ọnya ana aā hị́ Izimiri. Ọnị ọ sị eyi pè achẹva isoja ohinọyị anaā sịị umaata kụ̀ ịrẹkụ nị. Di Izimiri ọnọọ na mẹ eto ka ọnị ọ̀ wụ Ibaasa nị. Ibaasa vị ana yà ini eehi Ariza di ee hú eche, di eche aa mẹrị ọ. Ariza ọnọọ ọ si eyi pè irehi ohinọyị ana yà Itiriza nị.

1 Ohinọyị 18:12

Màa sị huu ịda awụ kẹnẹ, dị ụhwẹ Ẹnẹyịmavara va raà sị wụ nọ ịzị mẹ̀ yị yẹ. Màa na sị ọ kà yị Ahabị, di ò yi rè vee re wu nị, dị ọ za mị dị ọ wụ̀ mị. Wâ yẹ ka hụụnị ozweyi amị mị hụrẹẹ̄ hí angwa Ẹnẹyịmavara nị.

1 Ohinọyị 18:2

Ịzẹyịza di Erija si hu aa sị ẹngụ anị naa zụ̀ Ahabị nị. Ịnị ụmẹ ọnọọ ụngwẹ aa kụ̀ ẹtẹẹtẹrẹ Ísamariya.

2 Ohinọyị 4:1

Ẹkụhị ọnya, osoku ịnya ịnị ọnịsẹ nịnị ô ve tu Erisa, dị aa jị òrèrè nị. Ọ kà, ọva anị ô wusu, dị Erisa yẹ ka ộ hí angwa Ẹnẹyịmavara ẹtẹẹtẹrẹ. Ama â nyị ọnọrụ ọnya ọnị ọva rị ụta ẹkẹhị. Ọza ọnọọ ộ vẹ ka ọnị aa vaa kụ ezi ọnọrụ anị ẹyịvaa sị́ ụta, dị ẹ̀ kụkụ na vị ọrịhị anị.

Inehemaya 5:15

Avaba Ịgọvọnọ nịnị ana vịdị rị di o ve tu mị vị ana vị ẹnya yị aza. Ẹnịnị vana sị ụkata-ụkata za aza ka è si ụta ịsọyịrị ọnịrị eche ẹnịnị. Dị aza e si akana-akana ẹkụhị-ẹkụhị nị. Avọọ ẹnịrị ọdọvịdị ẹkụra nịnị mẹ vị ẹngụkata yị aza nị. Ama agụvị ka mê hí angwa Ohomorihi, mẹ yị vavọọ mẹ.

Inehemaya 7:2

Mâ sị Ihanani ọyịnyara amị ọnịrị Ịhananịya ana vị ọga aza eneē sere aha ọyịtẹ̀ ka ẹ̀ sị eyi pè Ijerusarẹmị. Ịhananịya ô hí angwa Ohomorihi huu aza na vọ, dị ọ vị ọza ana wụra sị ayị tụra nị.

Ijoovu 28:28

Dị Ohomorihi ka yị ọza ka: ịzẹyịza, ọza ọ̀ nyị angwahi anị ọ vị ịrẹyọyẹ nị. Ọza ana va hụụnị ebira odivi ọ yẹ ịsa aa mẹ nị.

Ahẹ Ụgama 112:1

Waa kụ́ Ẹnẹyịmavara. Aza ene eē hí angwa Ẹnẹyịmavara, dị e sì ịrẹyị ọda anị ẹtẹẹtẹrẹ ẹ̀ nyarị ịrẹsụ ọyịza.

Ụhịrẹyị 14:26

Ọza eneē hí angwa Ẹnẹyịmavara vị ọnị oō sere ọnịrị ovwoovu anị.

Ịmarakayị 3:16

Aza ẹnịnị mẹ maanị a ka ịrẹyị, dị aza ana nyị angwahi Ẹnẹyịmavara ẹnị raà ka ịrẹyị yị ẹngụ nị. Dị Ẹnẹyịmavara batọ dị ộ wụ̀ ịsa ẹ ka nị. Eyi anị ịzọọ aa chẹrẹ ịrẹha aza ana nyị angwahi anị, dị ẹ sị ụbanyị yọ tụ ịnị iwe ana a sị tamayị ẹnịnị nị.

Imatiwu 10:28

Asị u hí angwa aza anaā wụ ọchẹngụ ọza kẹnẹ, ama dị ọ̀ yị zụ wụ ụhwẹ anị. Ama wee hí angwa ọza ana ahịka o zụ du ọchẹngụ ọnịrị ụhwẹ ọza ha ini ẹkụra!

Imatiwu 25:17

Ana dọ achuchu ẹẹva, ọnị ọ rẹ rị ọgụ achuchu ẹẹva tụ́ ọọ.

Odeyi 10:2

Ộ nyị ahẹkẹ ẹtẹẹtẹrẹ, ọnịrị aneehi anị ệ nyị angwahi Ohomorihi. Ọ rẹẹ̄ mẹ aza ẹyịza, dị ọ rẹẹ̄ mẹ̀ aduwaa hi Ohomorihi ụmẹ tụra ụmẹ nị.

Odeyi 10:35

Ọza ene èe hí angwa anị, dị ọ mẹ̀ ịsa ana vọrọ nị, vị Ohomorihi aa dọ ọ nị, anẹkụra tụra anẹkụra ọnị ọ̀ọ vị.