1 Ohinọyị 10:3 - IWE ỌNỊNỊ

³ Di Isoromọnị rẹ vavọọ tụ́ ohi avaba ịrẹyị anị nị. A yi nyị ịrẹyị ọnya oni ohinọyị ọ̀ yị rẹ vaa zẹẹ ka ọnị ò tụ́ ohi anị.

1 Ohinọyị 10:3 ပူးပေါင်းရင်းမြစ်များ

2 Ịsamụwẹrị 14:17

Dị ọnẹẹ rẹ ka, “Taarụ, mê ro ka ịrẹyị awụ vaa sị ayị amịị nẹtẹ. Mâ yẹ ka vị ụ sị mẹẹ anka anggẹẹrị Ohomorihi avọọ nị. Wâ yẹ ịsa ozoza ọnịrị odivi. Ẹnẹyịmavara ana vị Ohomorihi awụ ọ̀ yà beri ewu.”

2 Ịsamụwẹrị 14:20

Ijowabi ozida awụ ọ kà avaba ịrẹyị ọnịnịị mị ka ma vavọọ va kà a wụ nị. Ijowabi vị ana maanị va kà ka ịsavọọ ịsị aa na aanị ọ̀ zụ vara. Taarụ, mâ yẹ ka wâ yẹ ịrẹyị anka anggẹẹrị Ohomorihi avọọ. Ẹ yị nyị ịsị aa na ịnị ẹtẹ ọnọnị ọnị wẹ̀ yị yẹ.”

1 Ohinọyị 10:1

Ịnị ụmẹ ọnya, â nyị ohinọyị ọnẹẹ ọnya ana vị ohinọyị tụ́ ẹkụra ana aā hị́ Iseva. Ộ (zị oze ịnị ụvọ Ẹnẹyịmavara) wụ́ ụgụụgụ Isoromọnị. Dị ọ vẹ ka ọnị ọ̀ sị ụhịrẹyị zama Isoromọnị re nị.

1 Ohinọyị 10:2

Ọ maà vẹ Ijerusarẹmị, dị ọ hara aza otomiroku saasa ẹngụ vẹ nị. Ọ kụ́ ịnyaakụmị oni o kune eturare ana nyị agụ ozoza tụra ọnịrị otomiroku igooru ne beri ịrẹta ọkatarihi. Ọ mẹ̀ vavọọ vẹ ịda Isoromọnị, dị ọ kà avaba ịrẹyị ana yà ịnị ayị anị yị Isoromọnị nị.

1 Ohinọyị 10:4

Ohinọyị Iseva ọnọọ ô re avaba ịrẹyọyẹ Isoromọnị ọnịrị irehi ọnị ọ dà.

1 Ohinọyị 3:12

Re! Ịsị u họ̀ use aanị, maa mẹ̀ ẹ wụ. Mị vaa sị ịrẹyọyẹ ọnịrị eyohweyi yị wụ. Ụ vaa yẹ ịrẹyị ana ahịka ẹ yị nyị ẹngụ awụ da. Ịrẹma awụ, ẹ yị mā rẹ vana nyị ẹngụ awụ.

2 Ịtọpa 9:2

Isoromọnị ộ sị ohi avaba ịrẹyị ọnị ọ họ̀ use anịị yọ. Ệ yị nyị use ịrẹyị ana tụ́ ọ akanya vụrụ-vụrụ.

Ụhịrẹyị 13:20

Ọza anaā zị ògù ọyẹrẹyị vị ana yẹ ịrẹyị ama ọza ene e pe ọnụra za ọta vị anaā mẹ ẹngụ anị ịrẹyị.

Ayịsaya 42:16

Ọ kà, ọnị vaa sị ụvọọ gẹ aza anị ene gù eyi vaa tụra oze ẹnẹ ẹnịnị ẹ̀ yị vịdị zị da. Ọnị vaa vara etohozi ẹnịnị ẹtohweyi. Ọnị vaa swa ẹtẹ ana yà boga-boga yị wa. Ịsa ẹnẹnị ọnị wo oto anị ka ọnị vaa mẹ̀ nị. Ẹ yị nyị ka ọnị ẹ yị mẹ̀ ẹ.

Imatiwu 13:11

Di o tụ́ wa ohi, dị ọ ka, “Ohomorihi ọ raà mẹ ka wa yẹ nịnị ịrẹyị ịjọva Ada ayị ẹbẹẹba oni iruvo anị nyịnẹ. Ama ọza ẹ yị zẹẹ ka ẹnị ẹ̀ yẹ.

Ịjọọnụ 7:17

Ọza ana àa mẹ̀ ịsa ọnị o sì, vaa yẹ ịsị maa sịị zụ̀ aza aanị, àa vị ịrẹyị Ohomorihii yọ nị, à vị ka ẹ́ẹngụ amị kẹnẹ m maa dàa kà nị.

1 Anịkọrịntị 1:30

Ohomorihi ọ raà sị wụ nịnị ka ẹwụrị Ijeesu Ikirisiti ọ̀ vị ọnya nịnị. Ohomorihi ọ rẹ raà mẹ ka Ikirisiti ọ̀ vị ịrẹyọyẹ ayị. Ikirisiti ọ jị ịhị yị ọ́vịdị Ohomorihi nị, ọ sị yị vara aza ọnịnị Ohomorihi, ọ rẹ sị yị hị́ varẹma hụụnị avaba ịsa edivi.

Anikorasi 2:3

Ijeesu Ikirisiti ịnya kẹnẹ ọ zụ mẹ ka ya nyị ịrẹyọyẹ dị ya zụ yẹ ịzẹyịza nị. Ịrẹyọyẹ ọnọọ ọ́ọ nyị ọgụ ẹtẹẹtẹrẹ.