1 Ịtọpa 5:2 - IWE ỌNỊNỊ

² Ama ịrẹsụ ezi Ijuda ẹ vana nyị ụkata hu nị. Dị ahịka ẹnị ẹ vanaa mẹ ohinọyị yị avaba ịrẹsụ ana vọ nị).

1 Ịtọpa 5:2 ပူးပေါင်းရင်းမြစ်များ

Oyinyima 25:31

Di Ijekọvụ ka, “Ọ̀ọ ka ọnị ọ̀ ká yọ, ọ sị udi ọzọkụ awụụ yị ọnị kẹ.”

Oyinyima 35:23

Ezi ọnị Ijekọvụ ma vị ẹwụrẹva Ezi Iriya ẹ vị: Irubẹnị (ozi Ijekọvụ ana vị ọzọkụ), Isimiyọnị, Ireevi, Ijuda, Iisaka ọnịrị Izeburuni.

Oyinyima 48:5

Dị ọ ka éē re ezi ẹẹva ọnị ọ ma ịnị ẹtẹ Ijipiti dị ọnị vavẹ aanị, ọnị ọ nyị ẹnẹẹ nị. Ọ kà ọnị ọ nyị Ehwireemi ọnịrị Ịmanasẹ anka ọnị mẹ̀ rẹ nyị Irubẹnị ọnịrị Isimiyọnị nị.

Oyinyima 49:26

Ịsa ozoza ọnị mị ka Ohomorihi ọ mẹ̀ wụ vee huna ịsa ozoza oni ohiku amị kà a ka Ohomorihi ọ̀ mẹ mị. Ẹnịnị vị ana sị mẹẹ anka ataba ọnẹba ọnọọ. Ataba ẹnẹẹ vị ana jẹẹ pooro zịna-zịna. Avaba ọyịza-ọyịza ẹnẹnị ọ vaa vẹ ịrẹsụ ẹwụ Ijosẹẹhụ nị. Ohomorihi ọ raà nyị wụ tụ́ irenyi hụụnị akakana ẹnẹbẹnị awụ nịnị.

2 Ịsamụwẹrị 8:15

Idevidi ộ vị ohinọyị avaba Anisirẹrị dị ọ mẹ ịzẹyịza ọnịrị ịsa ana vọrọ ka aā mẹẹ yị avaba aza anị nị.

1 Ịtọpa 28:4

Ọ kà Ẹnẹyịmavara, Ohomorihi Anisirẹrị nịnị vị ana nyị ọnịrị ezi ka ẹnị ẹ vaa vị ohinọyị Isirẹrị pooro nị. Ohomorihi ộ nyị Anijuda nịnị ka ịda ẹnịnị ohinọyị Anisirẹrị vaa hụrẹẹ vẹ nị. Dị ọ nyị ovwoovu ada anị hụụ ịdị Anijuda nịnị nị. Ô hine Ohomorihi dị ọ nyị ọnị hụụnị ovwoovu ada anị, dị ọ sị ọnị rị ohinọyị Ísirẹrị nị.

Ahẹ Ụgama 108:8

Ohomorihi rẹ ka ọnị ọ nyị Anigiriyadi, dị ọnị rẹ nyị Ịmanasẹ nị. Ọ kà ẹkụra Ehwireemi vị ana jẹẹ yị ọnị anka amu enyusẹ-enyusẹ avọọ, di Ijuda jẹẹ yị ụkata anị nị.

Ahẹ Ụgama 60:7

Ohomorihi rẹ ka ọnị ọ nyị Anigiriyadi, dị ọnị rẹ nyị Ịmanasẹ nị Ọ kà ẹkụra Ehwireemi vị ana jẹẹ yị ọnị anka amu enyusẹ-enyusẹ avọọ, di Ijuda jẹẹ yị ụkata anị nị.

Imika 5:2

Ẹnẹyịmavara kà wéē re Ịbẹtịrẹhẹmị ana yà ini ẹtẹ Ehwirati avọọ Ọza ee re ka oni o weyi ini ovwoovu Anijuda. Ẹnẹyịmavara kà ọnị vaa sị ọza ịnya hụụ ịzọọ mẹ ohinọyị Anisirẹrị. Hụrẹ ụmọrụmọ ovwoovu ọza ọnọọ hụrẹ aa vẹ nị.

Ịrịka 2:3

Ịrẹsụ Ijuda ẹ jị ajẹngụ tụ eyi ịzị ọyị zị hụrẹ. Ọdọvịdị ẹnịnị ọ vaa vị Inasoni ana vị ozi Aminadabi nị.

Ịrịka 7:12

Ọnịpaapa ana vaa sị ịsa ịsọvọ ịnị ẹkụhị Ịpaapa ọ vị Inasoni ana vị ozi Aminadabi hụụnị ịrẹsụ Ijuda.

Imatiwu 2:6

Ẹwụ ẹkụra Ịbẹtịrẹhẹmị ana ya ịnị ẹtẹ Ijuda, ẹ yị vị ẹwụ o weyi hu keekere ini ohirẹsụ ẹkụra Ijuda nịnị, agụvị ka ịdị awụ óhinọyị ọnya vaa hụrẹẹ vẹ ana vaa sị oze zụ̀ aza amị ana vị Anisirẹrị nịnị nị.

Aniroomi 8:29

Aza oni Ohomorihi sị yẹ tịtẹ, dị ọ rẹ vịdị sị wa nyị tịtẹ ka ẹ̀ yà anka Ozi anị. Ozi anị ọnọọ ọ vaa vị ozi ịpaapa anị ịnị ẹnị ọrụrụ-ọrụrụ ana vọ ana vị ọyịnyara anị nị.

Iwe Ọhụhị Imosiisi ana aa hị́ Ọyịvatụrọda 21:17

 nyị ka ọ̀ sị udi ozi ịpaapa yọ, ẹ̀ yị daka sì ịrẹyị ọnyị anị. Ọnyịrẹva ụvọ ẹẹva ọ vaa sịị yọ ịnị ogu anị nị. Agụvị ka ozi ịpaapa ọnị ọ ma ọ vị ọnọọ nị, ọnị ọ vaa nyị ịsa ozi ịpaapa.

Iwe Ọhụhị Imosiisi ana aa hị́ Ọyịvatụrọda 33:17

Ijosẹẹhụ ọ nyị ụkata anka ụnọ, dị ọ nyị ọpanyị ẹya nị. Otomiroku isoja Ehwireemi ọnịrị Ịmanasẹ vị ana nyị ụkata anka ụnọ nịnị. Ẹya mẹẹ sị ọpanyị anị gara ọnịvị anị ha avọọ, avọọ ezi Ijosẹẹhụ mẹ vaa mẹ ọnịvị ẹnịnị, dị ẹ dụ wa ne hị́ ụta ẹhẹ nị.

Anihiburu 7:14

Yâ yẹ ka Ananyị yị vị ana chị hụụnị ovwoovu Ijuda vẹ. Imosiisi ọ yị hị́ ịrẹha anovwoovu ọnọọ, àaa kà ịrẹyị ini oze ohirẹsụ irehi Ohomorihi.

Ijosuwa 14:6

 nyị ụmẹ ọnya aanị, ịnị ụmẹ ọnọọ Anisirẹrị vị ana yị kụ́ udi tụ́ Igirigari. Dị Ịkarẹbị ana vị ozi Ijehwụnẹ ana hụụnị abara Ikenazi kụ́ aza ọrụrụ hụrẹ ịrẹsụ Ijuda ve tù Ijosuwa nị. Dị ọ ka Ijosuwa óó tamayị ịrẹyị anị ọnị Ẹnẹyịmavara kà yị Imosiisi ana vị ọza Ohomorihi Ịkẹdẹsị Ibaneya.

Ẹtore 5:5

Dị ọnya ịnị azọkụ ẹnẹẹ kà a mị ka asị mị rẹ̀ jị òrèrè nị. Ọ kà, Re, Idu ana hụrẹ ovwoovu Ijuda vẹ, ana vị ozi Idevidi, ọ raà nyị ehuna. Ọ zụ hụ̀ ịsa ịhịmba ana a sị vá iwe ọnọọ, dị ọ hụ̀ iwe ọnọọ.

Ọdọvịdị 1:2

Dị Ẹnẹyịmavara kà ezi Ijuda yọ nị. Dị ọ kà ọnị vaa sị wa nyị ẹbẹẹba Anẹkụra ẹnẹẹ nị.

1 Ịsamụwẹrị 16:1

Ẹkụhị ọnya dị Ẹnẹyịmavara hị́ Ịsamụwẹrị dị ọ ka, “Ịzị ụ vị ana vaa jị òrèrè Ịsọọrụ nee tù? Wâ yẹ ka ma raà sị ọ kwooze ka asị ọ kụkụ vị ohinọyị Anisirẹrị. Sị ọpanyị awụ dị wa ká angwẹ tụ́ ọ, ka maa tụ́ wụ nọ ịda Ijeese ana vị Anịbẹtịrẹhẹmị. Â nyị ozi anị ọnya ọnị mị raà nyị ka ọ̀ vị ohinọyị.”

1 Ịsamụwẹrị 16:10

Di Ijeese vavọọ kụ́ ezi anị ịhịmba zi oze ọvịdị Ịsamụwẹrị para hu nị. Dị Ịsamụwẹrị ka ẹ yị nyị ẹnị Ẹnẹyịmavara nyị ịnị ẹnị ẹnẹẹ nị.

1 Ịsamụwẹrị 16:12

Ịzẹyịza di Ijeese tụ́ dị a na hị́ ozi ọnọọ vẹ nị. Ozi ọnọọ mẹ̀ vẹ ô zoza ẹtẹẹtẹrẹ, dị ahịka ovivi ọ vị nị. Dị Ẹnẹ ẹ̀ yị mā ka Ịsamụwẹrị ọ̀ kwẹẹtẹ dị ọ̀ nyị ọ, ka ọza ọnị ọnị aa ka ọ vị ọnọọ nị.