1 Ịtọpa 3:2 - IWE ỌNỊNỊ

² Ozi ụpọhụta anị ọ vị Abusaromi nị. Ọnyị anị ọ rị Imaaka, ozi Itarimayi, ohinọyị ẹtẹ Ịgẹsịhọ̀ nị. Ọgwọhụna ọ rị Adonija nị. Ịrẹha ọnyị anị ọ rị Ihagiti nị.

1 Ịtọpa 3:2 ပူးပေါင်းရင်းမြစ်များ

2 Ịsamụwẹrị 13:1

Ụmẹ ọnya yà ịzọọ â nyị ozi Idevidi ọnọrụ ọnya aanị ana aā hị́ Abịsarọmị. Abịsarọmị ọnọọ ộ nyị ọyịnyara ọnya ana vị ọnẹẹ. Ịrẹha anị ọ rị Ịtama nị. Ô zoza ẹtẹẹtẹrẹ. O si kù ọnị ịrẹyị Idevidi ọnịrị Ịbatịsẹba mẹ dị ịrẹyị ọnị maa vaa kà aanị mẹ. A rẹ nyị ozi Idevidi ọsa ana aā hị́ Amịnọnị. Amịnọnị vị adẹnyara Ịtama, dị ọ nyayịnẹ sì ịrẹyị Ịtama nị.

2 Ịsamụwẹrị 13:38

Abịsarọmị mè zwe nọ Igesuri, ộ yà ịzọọ mẹ ịrayị ẹẹta.

2 Ịsamụwẹrị 14:23

Di Ijowabi kwẹẹtẹ di o si hu aa nọ Igesuri dị ọ na sị Abịsarọmị huu ịzọọ vẹ Ijerusarẹmị nị.

2 Ịsamụwẹrị 14:32

Di Abịsarọmị tụ́ Ijowabi ohi dị ọ ka ọnị ộ tụ́ va hị́ ọ ka ò ve tù ọnị, dị ọnị ọ̀ tụ́ ọ hi ohinọyị. Ọ kà vị ọnị ka ọ̀ na họ̀ ohinọyị ka sị ọ sị ọnị hụrẹ Igesuri va mẹ ịzẹnị? Ọ kà ọnị ọ̀ọ yaanị yị yà ịzọọ ọ vana yaanị dà hi hu nị. Dị Abịsarọmị rẹ kà a yị Ijowabi ka oni ee sì ka ọnịrị ohinọyị ò re ẹngụ. Ọ kà ọnị ọ̀ọ rị ịvị ọ̀ wụ ọnị.

2 Ịsamụwẹrị 15:8

Abịsarọmị ka, Taarụ, m mẹ̀ yà Igesuri ịnị ẹtẹ Aramị, mâ zẹẹ ịzẹzẹ ọnya. Mâ kà a ka àa vị ka Ẹnẹyịmavara ộ sị mị vavẹ Ijerusarẹmị, mị va naa kụ́ ọ avọ.

2 Ịsamụwẹrị 18:14

Di Ijowabi ka ọnị ọ yị vavọọ zụ jẹẹ zi ọ pooro. Dị ọ sị ọha ẹẹta, dị ọ kà wa ngụ Abịsarọmị ịrachị ọ mẹ̀ vavọọ zù ọ gẹ ọchị ireyi-ireyi nị.

2 Ịsamụwẹrị 18:18

Abịsarọmị mẹ vịdị yà ẹhẹ, ộ jị ọhẹ ọnya aanị jẹẹ ịzị aā hị́ ini ozi ohinọyị ka a sịị̄ tamayị anị. Iruvo ọnị ọ vavọọ sị mẹ ọ vị ka ô ro ka ọnị ọ yị ma ozi ana a va sii tamayị anị. Dị ahịka ịrẹha anị ọ sị yị ọhẹ ọnọọ nị. Ọhẹ Abịsarọmị a vana hụrẹ aa hị́ ọ ve tù ajịnị nị.

2 Ịsamụwẹrị 18:33

Ẹngụ ohinọyị ọ sị sụ ẹgahị ọ mẹ̀ vavọọ wụ́, di o zi oze ini ukere oze ịnị ẹkụra hịrẹ nọ ini eehi anị, di o nee sụ́ ùnè nị. Ó mèe sụ́ ùnè dị ọ ka, “Abịsarọmị ozi emi, oo! Abịsarọmị ozi emi, àa yẹ ahịka ẹmị ụvọta ọ yaanị maanị sú nị. Abịsarọmị oo, ozi emi oo!”

2 Ịsamụwẹrị 3:3

Ọgụ ọhụva Amịnọnị ọ rị Ikireyabi nị. Abigẹrị osoku Ịnabarị ana vị Anikamẹrị ọ ma ọnọọ yọ nị. Ọhụta ọ rị Abịsarọmị nị. Ọnyị Abịsarọmị ọ rị Imaaka nị, ana vị ozi ohinọyị Anigesuri ana aā hị́ Itarimayi.

2 Ịsamụwẹrị 3:4

Dị ọgụ ọhụna ẹnị rị Adonija nị. Ọnyị Adonija ọ rị Ihagiti nị. Ọnị ọhụhị ẹnịnị ọ rị Isehwatiya nị. Ọnyị anị ọ rị Abitari nị.

1 Ohinọyị 1:5

A va nyị ọza ịnya aanị ana aā hị́ Adonija ana vi ozi Ihagiti. Dị ọ kwẹẹtẹ di ee wo otoo zi dị ọ ka ọnị ọ vaa rị ohinọyị nị. Di o tenyi ịkẹkẹ umaata, ọnịrị umaata nịnị, dị aza ẹnị ẹvarẹwụ tụra wa, ene ee zwe dọ ọvịdị anị nị.

1 Ohinọyị 1:6

Ada Adonija ộ yị maanị tụ́ ọ ohuvọ ẹkụhị ọnya da a mẹ̀ hụrẹ ma a, ka sị ẹ vẹ dị ọ maanị mẹ Adonija vị ana nyayịnẹ zoza, dị ahịka ọnị a ma tụra Isoromọnị nị.

1 Ohinọyị 2:22

Di Isoromọnị ohinọyị tụ́ ọnyị anị ohi dị ọ ka, “Ho, si ẹ vẹ dị ahịka Abisagi Anisunami kẹnẹ ụ ka à sị yị Adonija nị? Wẹ rẹ kụkụ kà a ka à sị ohinọyịị yọ dị ọ̀ rị ọ; wáá yẹ ka ọnị ọ vị ọzọkụ mị nị? Ẹ yị vị ọnọọ kẹnẹ, wa rẹ yẹ ka Abiyata ana vi ohirẹsụ irehi Ohomorihi ọnịrị Ijowabi ozi Izeruya vị ana sị ọtụ kà a ịrẹma.”

1 Ịtọpa 2:23

Ama anọrụ ana aā hị́ Ịgẹsịhọ̀ ọnịrị Aramị mẹ vị ohinọyị, ẹnịnị ệ dọ wa ẹkụra ẹbẹẹta ịzọọ; ẹkụra ana aā hị́ Ịjarị ọnịrị Ịkẹnatị, ọnịrị ẹkụra-ẹkụra ana gụrị wa yà ịnị ẹkụra ẹnẹ ẹ vavọọ dọ. Avaba aza ana ra hi ẹkụra ẹnẹẹ vị ezi Imakiri, ada Igiriyadi.

1 Ịtọpa 3:1

Ezi ẹnẹnị a ma yị Idevidi ẹtẹ Ihebirọnị nị: ozi ịpaapa anị ọ vị Amịnọnị ọnị ose anị Ahinowamị maà yọ nị. Anijezirẹrị ose anị ọnọnị vị nị. Ozi ụpọhụva anị ọ vị Ịdanịyẹrị, ọnị ọnyị anị Abigẹrị vị Anikamẹrị nị.

1 Ịtọpa 3:3

Ọgwọhụhị ọ vị Ịsẹhwatịya ọnị Abitari ma nị; ọhụhịnọnyị ọ rị Itireyami oni ose Idevidi ana aā hị́ Egira ma nị.

Ijosuwa 13:13

Ama Anisirẹrị nịnị ẹ yị dụ Anigesuri nịnị ọnịrị Animaaka nịnị hụụnị ẹtẹ ẹnịnị. Ẹnịnị vị ana ra chire Anisirẹrị ịnẹ pooro ve tu ajịnị.