1 Ịtọpa 24:3 - IWE ỌNỊNỊ

³ Ohinọyị Idevidi ộ gà evere Eerọnị ogu-ogu, dị ọ sị ụkọrọ ọzọza yị wa nị. Ịzadọkị ana vị evere Eriyaza, ọnịrị Ahimẹrẹkị ana vị evere Ịtama ẹ gụ Idevidi ụvọ dị ọ zụ ga wa nị.

1 Ịtọpa 24:3 ပူးပေါင်းရင်းမြစ်များ

2 Ịsamụwẹrị 20:25

Isiya ọnị vị ọchẹrịsa ini eehi ohinọyị, di Ịzadọkị ọnịrị Abiyata ẹnị vị ohirẹsụ ẹbanyị irehi Ohomorihi nị.

2 Ịsamụwẹrị 8:17

Ịzadọkị ozi Ahitubi ọnịrị Ahimẹrẹkị ozi Abiyata ẹnị vị ohirẹsụ irehi Ohomorihi. Iseraya ọnị vị ọchẹrịsa,

1 Ohinọyị 2:35

Di ohinọyị si Ịbẹnaya ozi Ijehoyada mẹ ọga isoja dọ Ijowabi ịrẹsụ nị. Di ohinọyị rẹ sị Ịzadọkị mẹ ohirẹsụ irehi Ohomorihi tụ́ udi Abiyata nị.

1 Ịtọpa 15:11

Dị Idevidi va hị́ ẹnị ohirẹsụ Irehi Ohomorihi ana aā hị́ Ịzadọkị ọnịrị Abiyata, ẹnịrị Anireevi nịnị ana aā hị́ Uriyẹrị, Asaya, Ịjowẹrị, Ịsẹmaya, Eriyẹrị, ọnịrị Aminadabi, dị ọ kà a yị wa ka.

1 Ịtọpa 16:39

Ama Ịzadọkị, ohirẹsụ irehi Ohomorihi ọnịrị anda ẹnịnị ohirẹsụ irehi Ohomorihi ana vọ ẹ sị eyi pe ahẹkẹ Ohomorihi ana aa mẹ Igibiyọnị nị.

1 Ịtọpa 18:16

Ịzadọkị ozi Ahitubi ọnịrị Ahimẹrẹkị ozi Abiyata ẹ̀ vị ohirẹsụ irehi Ohomorihi nị. Dị Iseraya ọnị vị ọchẹrịsa ịsa nị.

1 Ịtọpa 24:31

Ohirẹsụ ovwoovu ikonyi-ikonya ọnịrị ọyịnyara anị ana vị ozweyi ọnya ọ naa zama ẹtẹ ụvị ụkọrọ ẹnịnị nị. Avọọ anda ẹnịnị evere Eerọnị, ẹnị ana vị ohirẹsụ irehi Ohomorihi ẹnị mẹ̀ rẹẹ mẹ nị. Eyi ohinọyị Idevidi ọnịrị Ịzadọkị beri Ahimẹrẹkị ọnịrị azọkụ-azọkụ ovwoovu ohirẹsụ irehi Ohomorihi nịnị ọnịrị ovwoovu Anireevi nịnị ọ vị nị.

1 Ịtọpa 24:4

Evere Eriyaza vị ana a gà hi oze ẹwụrịhịnọnyị dị a gà evere Ịtama hi oze ịhịnta nị; agụvị ka ịnị ịpa Eriyaza e re anọrụ rụrụ hụrẹ ana vị ohirẹsụ ịrẹsụ-ịrẹsụ nị.

1 Ịtọpa 24:6

 nyị ọnọrụ ọnya ana aā hị́ isemaya ozi Inetaneri. Ọnị ọ vị ọchẹrịsa Anireevi nịnị nị. Ọnị ọ chẹrẹ ịrẹha ẹnịnị eyi ohinọyị, ọnịrị ọdọvịdị ana vọ anka: Ịzadọkị ohirẹsụ irehi Ohomorihi, Ahimẹrẹkị ozi Aviyata, ọnịrị ẹnị ohirẹsụ ovwoovu ẹnị ohirẹsụ irehi Ohomorihi nịnị, ọnịrị ovwoovu Anireevi nịnị. Àa sị ovwoovu ọnya hụụ ịdị aza Eriyaza, dị a rẹ sị ọnya hụụ ịdị aza Ịtama.

2 Ịtọpa 8:14

Idevidi ada Isoromọnị ộ saasa ọda ọnị ada anị Idevidi vịdị mẹ̀ tịtẹ ka aa sịị mẹ̀ ụkọrọ ịnị irehi Ohomorihi. Ohirẹsụ irehi Ohomorihi vị ọnị ọ́ nyị ka ẹẹ mẹ̀ ụkọrọ ịnị irehi Ohomorihi, dị Anireevi nịnị ẹẹ̄ gụ wa ụvọ dị ẹẹ̄ jị ahẹ. Dị ộ ga ụkọrọ yị oserẹtẹ nịnị eneē sere oze ọnyọọnya eyinị-eyinị. Avọọ Idevidi ọza Ohomorihi mẹ mẹ̀ ọda yị wa nị.

1 Ịsamụwẹrị 21:1

Idevidi ọ na sị ngụ ịzị aā hị́ Inobi, dị ọ nọ ịda ohirẹsụ irehi Ohomorihi ana yà ịzọọ ana aā hị́ Ahimẹrẹkị nị. Ahimẹrẹkị mẹ̀ na gẹrị Idevidi, dị ẹngụ anị aa da ẹgahị nị. Dị ọ họ̀ Idevidi dị ọ ka, “Sị ẹ vẹ dị ahịka ẹwụ ịnyara aa vẹ nị? Sị ẹ vẹ dị ẹ̀ yị nyị ọza ana saasa awụ?”