1 Ịtọpa 19:2 - IWE ỌNỊNỊ

² Ohinọyị Idevidi ộ kà a ka, â vọrọ ka ọnị ọ̀ mẹ ọyịza hi Ihanuni ozi Inahasi, agụvị ka ada anị ộ vịdị mẹ ọyịza hi ọnị. Dị Idevidi va tụ aza ka ẹ̀ na kụ́ ọ nyarị ọ nị. Ịjị aza Idevidi ve tu Ihanuni, ịnị ẹtẹ Amọnị ka ẹnị ẹ va kụ́ ọ nyarị ọ,

1 Ịtọpa 19:2 ပူးပေါင်းရင်းမြစ်များ

2 Ịsamụwẹrị 9:1

Ẹkụhị ọnya di Idevidi va họ̀ aza use dị ọ ka áá kụkụ yịị nyị ịpa Ịsọọrụ ana vọ ana vọrọ ka ọnị ọ̀ hụ agụvị Ijonatani mẹ ayamva yị?

2 Ịsamụwẹrị 9:7

Di Idevidi ka, “Asị ụ hụrẹ ayị ịnẹ ka mị vaa vayị awụ agụvị Ijonatani ada awụ. Maa sị avaba ẹtẹ Ịsọọrụ ada awụ ọbanyị dị mị và a ịrẹmaa wụ. Ẹmịrị ẹwụ o dudu vaa rị ịsa pooro eyinị-eyinị nị.”

2 Ohinọyị 4:13

Erisa ộ kà a yị Igehazi ka, ọ̀ họ̀ ọnẹẹ ọnọnị ka, ẹnị ệ yẹ avaba ịsị ọ sị ẹngụ dọ, dị ọ́ maanị aa tẹsị ẹnịnị. Sị́ o sì ka ẹnị ẹ̀ mẹ yị ọnị? Vị́ ọ ka ẹnị ẹ̀ hụ agụvị anị na kà ịrẹyị yị ohinọyị nị; à vị ẹnị è ne pe ọdọvịdị isoja ẹnịnị kà ịrẹyị? Dị ọnẹẹ ọnọnị ka, Eyiye! Ẹ yị nyị ịsa ọnị ọnị ee sì, ana aza anị ẹ̀ yị mẹ yị ọnị.

1 Ịtọpa 19:1

 nyị ụmẹ ọnya, ọnị Inahasi ohinọyị Ámoni sị su. Dị a sị ozi anị Ihanuni dọ ọ ịrẹsụ ka ọ̀ vị ohinọyị nị.

1 Ịtọpa 19:3

dị, ẹnị ọdọvịdị Anamọnị nịnị kà a yị Ihanuni, ohinọyị ẹnịnị ka ví ó ro ka vị Idevidi vavọọ sị ụbanyị yị ada anị, ọnị ọ́ sị tụ aza ẹnẹnị ka ẹ̀ va kụ́ ọ nyarị ọ nị? Ẹ ka, heyiye de! Vị Idevidi tụ aza ka è wèrè ve re ẹtẹ tịtẹ dị ọnị ọ va kụ́ ịrẹkụ va rị ọ nị.

Inehemaya 13:1

Ịhị ana a sị ọvọ Ijerusarẹmị chire Ohomorihi ụvọ gẹdẹ-gẹdẹ, â za iwe Imosiisi ịrịka ka aza ana gụ ẹ̀ wụ ọ. A maa ka a na, dị ẹ va yẹ ka â nyị ịzị a chẹrẹ ẹ tụ ka asị a nyị Anamọnị àvị Animowabi ana a zẹẹ ka ọ̀ vahura aza Ohomorihi nị.

Inehemaya 4:3

Dị Itobaya ana vị Anamọnị ana jẹẹ pe Ịsanbaratị tụ ọ ohi, dị ọ ka, ọvọ sị ẹ yaa tụra? Ahaka ọ̀ọ hịrẹ ẹ vi ee wu nị.

Inehemaya 4:7

Ịjị Ịsanbaratị, Itobaya, Anarabi nịnị, ọnịrị Anamọnị nịnị neberi Anasidodi nịnị re ka a raà tụra ọvọ ọnọọ ka hịrẹ tụ achẹva, dị a raà va uhwohwo ene hi ini ọvọ, dị ayị ẹnịnị sị du chuku-chuku nị.

Ẹsịta 6:3

Dị ohinọyị họ̀ use ka, “áá nyị ịsa a mẹ ka à sị sị ụbanyị yị Imodekaya ịnị ebira ọnị ọ mẹ aanị?” Dị ezi ahụ anị tụ́ ohi ka ẹ yị nyị nị.

Ịrẹyị Ọzwọzịsa 9:15

Ama â nyị onosiye ọnya aanị ana ya ịnị ẹkụra ọnọọ, ọyẹrẹyị ọ vị nị. Dị ọ sị ịrẹyọyẹ dọ ẹkụra ọnọọ ha nị. Ama ẹ yị nyị ọza ana tamayị anị.

Ịjọọnụ 11:19

Aniju ọrụrụ-ọrụrụ ệ vẹ ịdị Ịmata ọnịrị Imeri ka ẹnị ẹ̀ na sị ayị ẹnịnị nẹtẹ agụvị ẹnẹbẹnị ẹnịnị ene sú.

1 Ịsamụwẹrị 30:26

Idevidi mẹ̀ va sị ngụ Izikiragi, dị ọ nyị ini ogu ẹnẹẹ dị ọ sị na yị azọkụ Anijuda ana vị ọta anị nị. Dị ọ ka, “ogu ọnị ị dọ hụụ ịda ọnịvị Ẹnẹyịmavara yị, ị ka ya sị ọsọnị va wụ nị.”