1 Ịtọpa 14:3 - IWE ỌNỊNỊ

³ Idevidi ộ yà Ijerusarẹmị ịzọọ nyị ọnẹẹ hu avọọ, dị ọ mà ezi ọnọrụ ọnịrị anẹẹ tụ́ ọ nị.

1 Ịtọpa 14:3 ပူးပေါင်းရင်းမြစ်များ

Imatiwu 19:8

Dị Ijeesu kà a yị wa ka, “Agụvị ayị ọkatẹngụ awụ nịnị Imosiisi sị zẹẹ ka we yi ose ewu nịnị nị. Ama hụrẹ ụmọrụmọ ẹyị vị avọọ ọ mẹ̀ vịdị yà.

Ịmarakayị 2:14

Ama dị ẹ ya họ̀ use ka sị ẹ vẹ nị? Dị ọ ka agụvị ka Ohomorihi ọ vị onivenu amẹrị ọnị ẹ yaa mẹ̀ hi ese ẹnịnị ẹnị ẹ nyị hụụnị ozweyi ẹnịnị. Anẹẹ ẹnẹẹ ẹ vị ọnọhụva ẹnịnị ini eku ọnị ẹ hị́ yi ẹngụ nị. Ama ẹnịnị ẹ yi mẹ̀ ịzẹyịza ka ese ẹnịnị na.

Ịrẹyị Ọzwọzịsa 9:9

Ọpa ụmẹ ọnị Ohomorihi ọ̀ọ sị yị wụ ka wa mẹ ịnị ẹhẹ osusu ọnọnị, ẹwụrị ose wu ọnị u sì ịrẹyị anị ọọ mẹ ẹhẹ dị wa mẹrị ẹngụ nịnị, ka ọnị Ohomorihi gà tu wu ịnị ẹhẹ ọnịrị ịnị ụkọrọ ọnị waa mẹ ọ vị ọnọọ nị.

1 Ohinọyị 11:3

Ẹnị ezi ohinọyị ana vị ese Isoromọnị ịnị anẹẹ ẹnẹẹ vị ẹnị akatarẹchẹhị (700), di onyeehi anị ẹnị vi ịrẹkẹẹchẹhị (300) nị. Di ese Isoromọnị ẹnẹẹ za a di e jesi ọ ayị nị.

2 Ịsamụwẹrị 5:13

Ộ dà kụ di Idevidi hụrẹ Ihebirọnị nị. Ọ́ mẹ̀ sị hụụ ịzọọ, dị ọ rẹ varẹma nyị onyeehi ọnịrị ọnẹẹ hu avọọ ọ́ mẹ̀ yà Ijerusarẹmị nị. Anẹẹ ẹnẹẹ ẹ vana ma ezi anọrụ ọnịrị anẹẹ tụ́ ini ezi anịị yọ.

Iwe Ọhụhị Imosiisi ana aa hị́ Ọyịvatụrọda 17:17

Ohinọyị ẹ yị vaa nyị ọnẹẹ ọrụrụ agụvị asị ẹ mẹ̀ ẹ ka ọ va hụrẹ ịrẹma Ẹnẹyịmavara. Asị ọ rẹ kụ isiriva ọnịrị igooru ahaahara mẹ aanị.

1 Ịtọpa 14:2

Ọsọnị ộ mẹ̀ ka Idevidi ọ̀ yẹ́ ka vị́ Ẹnẹyịmavara ra sị ọnị yaatụ ka ọnị ọ̀ vị ohinọyị Anisirẹrị nịnị aanị nị. Dị ọ rẹ sị yẹ ka Ohomorihi ộ hụ agụvị aza anị Anisirẹrị nịnị sị nyima aa mẹ ka oo zee yị ọnị anka ohinọyị nị.

1 Ịtọpa 14:4

Ịrẹha ezi ọnị ọ vana ma Íjerusarẹmị yị: Ịsamuwa, Isobabi, Ịnatanị, Isoromọnị,

1 Ịtọpa 28:5

Idevidi ka Ohomorihi ộ sị ezi ọnọrụ ọrụrụ-ọrụrụ mẹ̀ ọnị ẹyịza, ini ezi ẹnẹẹ ọ́ nyị Isoromọnị ka ọ̀ vị ohinọyị Isirẹrị ana vị ẹkụra Ẹnẹyịmavara.