1 Ịtọpa 11:3 - IWE ỌNỊNỊ

³ Ẹ ka agụvị avọọ ẹnị azọkụ-azọkụ Anisirẹrị ve tu ohinọyị Idevidi Ihebirọnị nị. Idevidi ọnịrị wa ệ hị́ eku yị ẹngụ Ihebirọnị ọvịdị Ẹnẹyịmavara, dị ẹnịnị vị angwẹ orivi hi Idevidi ịrẹsụ, dị ẹ sị ọ rị ohinọyị Isirẹrị, anka Ẹnẹyịmavara mẹ vịdị kà a ka Ịsamụwẹrị ọ̀ kà a nị.

1 Ịtọpa 11:3 ပူးပေါင်းရင်းမြစ်များ

2 Ịsamụwẹrị 2:4

É mè hi ịzọọ, ẹkụhị ọnya dị Anijuda vẹ Ihebirọnị dị ẹ yà ịzọọ nyị Idevidi dị ẹ sị ọ rị ohinọyị Anijuda nị. Ẹkụhị ọnya dị a va kà a yi Idevidi ka Anijabesi Anigiriyadi e nē Ịsọọrụ nọ!

2 Ịsamụwẹrị 5:3

Dị ọdọvịdị Anisirẹrị ne tù Idevidi ohinọyị Íhebirọnị ịzọọ, dị ẹnịrị Idevidi hị́ eku yị ẹngụ éyi Ẹnẹyịmavara ịzọọ nị. Dị ẹnịnị sị Idevidi dị ẹ sị ọ rị ohinọyị avaba Anisirẹrị nị.

2 Ịsamụwẹrị 5:5

Ọ mẹ́ yà Ihebirọnị, ộ mẹ̀ ohinọyị Anijuda ịrayị ịhịmba tụra ụhwẹ ịhịnọnyị. Ọ mẹ̀ va na yà Ijerusarẹmị, ọ rẹ mẹ ohinọyị avaba Anisirẹrị ẹnịrị Ijuda ịrayị ohurẹẹwụ tụra ẹẹta.

2 Ohinọyị 11:17

Ijehoyada, ohirẹsụ irehi Ohomorihi ộ kà a yị ohinọyị Ijowasi ọnịrị aza ana vọ ka ẹ̀ wo oto yị Ẹnẹyịmavara kà aza Ẹnẹyịmavara ẹnị vanaa vị pooro nị. Ộ vavọọ rẹ mẹ ka ohinọyị ọnịrị aza anị ẹ̀ vavọọ wo oto yị ẹngụ.

2 Ohinọyị 23:30

O me wusu, di ezi ahụ anị sị ịkẹkẹ ịrẹkụ sị oku anị varẹma vẹ Ijerusarẹmị ịzị e ne e ịzị eē ne ohinọyị nịnị tụ́. Dị Anijuda nịnị sị ozi anị Ijehowahazi, dị ẹ ka angwẹ hi ọ ịrẹsụ, dị ẹ sị ọ rị ohinọyị tụ́ udi ada anị nị.

1 Ịtọpa 11:10

Aza ẹnẹnị ẹ vị ọkọọka ini isoja Idevidi nị. Ẹnịrị Anisirẹrị ana vọ ẹ gụ Idevidi ụvọ ka ọ̀ vara ohinọyị anka Ẹnẹyịmavara mẹ̀ vịdị kà a nị. Ẹnị ẹ mẹ ka ohinọyị Idevidi ọ̀ nyị ụkata ụmẹ anị nị.

2 Ịtọpa 23:3

Avaba ẹnẹnị ệ wara gụ ịnị Irehi Ohomorihi, dị ẹnịrị Ijowasi hị́ eku yị ẹngụ nị. Ijowasi vị ozi Ohinọyị. Ijehoyada ộ kà a yị wa ka: Ozi ohinọyị ene sú yi o! Ọnị ọ kụkụ vaa rị ohinọyị ọyaanị nị anka Ẹnẹyịmavara mẹ̀ vịdị kà a tịtẹ ka, evere ezi ohinọyị Idevidi ẹ vaa rị ohinọyị nị.

Ọdọvịdị 11:11

Ịzẹyịza dị Ịjẹhwịta saasa azọkụ Anigiriyadi nịnị na nị. Dị aza ẹnẹ sị Ịjẹhwịta mẹ ọdọvịdị ẹnịnị nị. Dị ẹ rẹ sị ọ mẹ ọga isoja ẹnịnị nị. Ịjị ẹ vavọọ sị ọ mẹ, dị Ịjẹhwịta nọ Imizipa dị ọ ya ọvịdị Ẹnẹyịmavara dị ọ re tenyi avaba ịrẹyị ọnị ọ vịdị ka yị ẹnị azọkụ Anigiriyadi nịnị ka nị.

1 Ịsamụwẹrị 11:15

Ịzẹyịza dị avaba aza ẹnẹẹ nọ Igirigari dị ẹ na yà eyi Ẹnẹyịmavara, dị e tenyi ahụ Ịsọọrụ si hi ẹtẹ ka ọnị ọ vị ohinọyị nị. Dị ẹnịnị yà ịzọọ dị ẹ mẹ̀ ịsọvọ yị Ẹnẹyịmavara kà avaba aza ẹ̀ nyị ẹngwọọrọ nị. Dị Ịsọọrụ ọnịrị Anisirẹrị nịnị nyayịnẹ rị eche ịrẹyị ọnọọ nị.

1 Ịsamụwẹrị 15:28

Dị Ịsamụwẹrị kà a yọ dị ọ ka, “Hụrẹ ẹhụrẹhụ ajịnị, Ẹnẹyịmavara ọ raà hụrẹ wụ kwooze hụnị ohinọyị Anisirẹrị yị ọnọhụva awụ ana dahi huna wụ ka ọ̀ kụkụ vị ohinọyị.

1 Ịsamụwẹrị 16:1

Ẹkụhị ọnya dị Ẹnẹyịmavara hị́ Ịsamụwẹrị dị ọ ka, “Ịzị ụ vị ana vaa jị òrèrè Ịsọọrụ nee tù? Wâ yẹ ka ma raà sị ọ kwooze ka asị ọ kụkụ vị ohinọyị Anisirẹrị. Sị ọpanyị awụ dị wa ká angwẹ tụ́ ọ, ka maa tụ́ wụ nọ ịda Ijeese ana vị Anịbẹtịrẹhẹmị. Â nyị ozi anị ọnya ọnị mị raà nyị ka ọ̀ vị ohinọyị.”

1 Ịsamụwẹrị 16:3

Ọ kà ọ̀ hị́ Ijeese ka ọ̀ vẹ ịnị ịsọvọ ọnọọ ka ọnị va sị zụ̀ ọ ịsị avọrọ ka ọ̀ mẹ. Ọ kà ọza ọnị ọnị ọ̀ọ sị zụ̀ ọ dị ọ̀ nyị ọ rị ohinọyị.

1 Ịsamụwẹrị 23:18

Dị ẹnị ẹyịva rẹ yà ọvịdị Ẹnẹyịmavara, dị ẹ hị́ eku yị ẹngụ ịzọọ nị. Di Ijonatani si hu aa nọ eehi, di Idevidi ọnị yị yà Ihoresi nị.

1 Ịsamụwẹrị 28:17

Ịsị ẹnị Ẹnẹyịmavara kà ma kà wụ ụmẹ ọnọọ ka ọnị vaa mẹ, aa mẹ avọọ nị. Ẹnẹyịmavara ọ raà sị wụ hụụnị ohinọyị Idevidi ana vị anẹkụra awụ ọ kụkụ sị mẹ ohinọyị nị.