1 Ịsamụwẹrị 9:6 - IWE ỌNỊNỊ

⁶ Di ozida ọnị ọnịrị Ịsọọrụ zị aanị hị́ Ịsọọrụ dị ọ ka ọ́ọ́ yẹ ka â nyị ọza Ohomorihi ọnya ịnị ẹkụra ọnọnị. Ọ kà aza ệ sị ụbanyị yọ ẹtẹẹtẹrẹ, ka avaba ịrẹyị ọnị ộ kà, avọọ ọ mẹ̀ raa yịị yà nị. Ozida ọnọọ ka Ịsọọrụ ẹ̀ vẹ dị ẹnị ẹ̀ nọ ịzọọ, ka ọ zụ hụ ọ dị ọ kà a yị ẹnị oze ana a vọrọ ka ẹnị ẹ̀ zị.

1 Ịsamụwẹrị 9:6 ပူးပေါင်းရင်းမြစ်များ

Oyinyima 24:42

Di o re ajịnị ọnị mẹ̀ va ngụ ịnị ịkangga ịzọọ, dị ọnị mẹ̀ aduwa dị ọnị ka; Ẹnẹyịmavara Ohomorihi Abụrahamị ọga anị, ọ̀ navọ ọ̀ mẹ ụsẹ anị zoza.

2 Ịsamụwẹrị 15:27

Di ohinọyị rẹ kà a yi Ịzadọkị dị ọ ka, “Ẹwụ vi eneē re ẹtẹ. Ẹwụrị ozi ewu Ahimaazị ọnịrị Ijonatani ozi Abiyata ọ̀ varẹma nọ ịnị ẹkụra ka ẹ yị nyị ịrẹyị. Ẹwụrị Abiyata ọ̀ kụ́ ezi ewu nịnị ẹyịva za.

1 Ohinọyị 13:1

Ẹkụhị ọnya di Ijerobowami hịrẹ nọ aha ịsọvọ ka ọnị ọ̀ na rị eturare ịra mẹ̀ ịsọvọ nị. Ọ mẹ̀ vavọọ yà ịzọọ, di o vene re ka ọza Ohomorihi ọnya aanị ộ hụrẹ Ijuda vẹ nị. Â nyị ịrẹyị ẹnị Ẹnẹyịmavara sị tụ́ ọza ọnọọ ka ọnị ọ̀ kà yị aza ene hi Ịbẹtẹrị.

2 Ohinọyị 5:8

Ama Erisa, ọza Ohomorihi mẹ̀ wụ ka ohinọyị Isirẹrị ộ na awuru hi ẹngụ anị ẹngụ, dị ọ tụ ka à na kà a yọ ka: Sị ẹ vẹ dị ọ na awuru anị? Ọ̀ kà ayị Ịnaamanị ka ò ve tu ọnị. Ọ̀ọ vẹ, ọ vaa yẹ ka áa nyị ọnịsẹ ẹtẹ Isirẹrị.

2 Ohinọyị 6:6

Dị Erisa họ̀ ọ ka, ịzị ọ hụrẹ ne ngụ? Ịjị ọ zụ ọ yọ, Erisa ộ da ọchị, dị o ne e ngụ ịzọọ nị; dị ịrẹsụ ịraga ọnọnị vavẹ ịrẹsụ enyi nị.

Ahẹ Ụgama 25:12

Ọza ana àa si ụbanyị yị Ẹnẹyịmavara, dị Ẹnẹyịmavara ọnị raa sịị zụ̀ ọ oze ana vọrọ ka ọ̀ zị.

Ayịsaya 44:26

Ama ozi ahụ amị ọ̀ọ kà ịrẹyị tịtẹ ka ọ vaa mẹ, ịjị màa tụ ọnụtụ amịị tụ ka ọ̀ na kà a ịsị mị vaa mẹ, Mịị̄ mẹ ka ịrẹyị ẹnẹẹ ẹ̀ mẹ ịzẹyịza. Mâ kà a yị Ijerusarẹmị ka aza vanaa ra ịzọọ, dị mị rẹ kà a yị ẹkụra ene hi Ijuda ka e venee tenyi wa dà nị. Mị ka ẹkụra ẹnẹẹ ana jị eburu aanị vanaa kwẹẹtẹ.

Imatiwu 24:35

Ihinẹba ọnịrị ẹhẹ vaa ta, ama àa vị ịrẹyị amịị yọ, o yi vee vú.”

Iwe Ọhụhị Imosiisi ana aa hị́ Ọyịvatụrọda 33:1

Aanị Imosiisi, ọza Ohomorihi mẹẹ mẹ̀ aduwa yị Anisirẹrị nịnị dị ò ve su nị.

1 Anịtẹsaronika 2:10

Ẹwụ nịnị vị onivenu ayị, Ohomorihi rẹ vị onivenu bẹẹ, ka yáa mẹ̀ ebira ọnịnị ọnịrị ịsa ana vọrọ. Yẹ yị rẹ nyị ohuvọ ịnị akakana awụ nịnị ana vị ọdọwụ.

1 Anịtẹsaronika 5:13

Re ka waa sị ụbanyị yị wa nịnị ẹtẹẹtẹrẹ, di u we sì ịrẹyị ẹnịnị agụvị ụkọrọ ẹnẹ ẹyaa mẹ. Asị ụ zyaazị nịnị.

1 Itimoti 6:11

Ama ẹwụ ana vị ọza Ohomorihi, asị ụ sị ụvọ tụ́ ịnị ịsa ẹnẹẹ! Sị vụrị we re ka waa mẹ̀ ebira ana vọrọ, dị o re zé Ohomorihi eyi! Wa yịị sị ayịị tụra Ohomorihi! Wee sì ịrẹyị ọza, dụ wa nyị isuuru, dụ wa rẹ nyị ebira hẹẹ!

1 Ịsamụwẹrị 2:27

Ẹkụhị ọnya ọza Ohomorihi ọnya aanị ộ va kà ụtụ ọnị Ẹnẹyịmavara tụ́ hi Eri. Ọ kà ụmẹ ọnị óhiku ẹnịnị sị vị ọrịhị tụ́ ịnị ụvọ ohinọyị Anijipiti, ọnị ộ sị ẹngụ anị zụ̀ wa.

1 Ịsamụwẹrị 9:8

Di ozida ọnọọ rẹ tụ Ịsọọrụ ohi ka ọnị ộ nyị ẹkẹhị chee aanị. Ọ kà ọnị aa sị yi ọza Ohomorihi ọnọọ, dị ọ̀ kà a yị ẹnị oze ana a vọrọ ka ẹnị ẹ̀ zị.