1 Ịsamụwẹrị 9:13 - IWE ỌNỊNỊ

¹³ Ama ẹnịnị e yi vee nyima ịsọyịrị di orẹtẹ ọnọọ ọ va na ngụ ịzọọ. Ẹ ka orẹtẹ vaa mẹ̀ aduwa tụ́ ịnị ịsa dị aza ana a hị́ vẹ ẹ̀ va rị ọ. Dị ẹ rẹ ka Ịsọọrụ nịnị ẹ̀ẹ na sị ngụ ịnị ẹkụra kẹnẹ, e vee re e dị ọ va nọ aha ịsọvọ na rị ịsa. Dị ẹ rẹ ka Ịsọọrụ nịnị ọ wụsẹẹ na booro aanị ka e vee re e dị ọ va na aha ịsọvọ nị.

1 Ịsamụwẹrị 9:13 ပူးပေါင်းရင်းမြစ်များ

2 Ịsamụwẹrị 15:11

 nyị aza ẹnị ịrẹka ana Abịsarọmị tụ̀ hị́ hụrẹ Ijerusarẹmị ana saasa a. A mẹ̀ hị́ wa, vị ẹnị kẹnẹ nị, ẹ yị yẹ ịrẹyị ana aa na.

Imatiwu 14:19

Dị ọ ka aza ẹnẹẹ ẹ̀ yaayịtẹ ịnị avị ohwoohu nị. Dị ọ sị Ịbụrẹẹdị ẹẹhị beri ivovo ẹẹva ẹnẹẹ, dị ọ sị eyi tụ́ ẹba, dị ọ kụ́ Ohomorihi avọ tụ́ ọọ nị. Dị ọ dà Ịbụrẹẹdị ẹnẹẹ yị ezirẹma anị, dị ezirẹma anị sị yị aza ẹnẹẹ nị.

Imatiwu 26:26

Ẹ́nịnị màa rị ịsa, dị Ijeesu sị Ịbụrẹẹdị, dị ọ mẹ̀ aduwa tụ́ ọọ nị. Dị ọ dà a, dị ọ sị yị ezirẹma anị nị. Dị ọ ka, “Dọ dị ụ wa rị ọọ nịnị, ọsọnị ọ vị ẹngụ amị nị.”

Ịmaakị 6:41

Ịjị ẹ sị yaayịtẹ, dị Ijeesu sị Ịbụrẹẹdị ẹẹhị ọnịrị ivovo ẹẹva ẹnẹẹ nị. Ộ kụ̀rà eyi tụ́ ẹba re ihinẹba, dị ọ kụ́ Ohomorihi avọ nị. Ộ dà Ịbụrẹẹdị ọnọọ yị ezirẹma anị ka ẹnịnị ẹ̀ gà ẹ yị aza ẹnẹẹ. Dị ọ rẹ gà ivovo ẹẹva ẹnẹẹ yị avaba aza ẹnẹẹ bẹẹ nị.

Iruuku 24:30

Dị Ijeesu yaayịtẹ pe wa ka ẹnị ẹ̀ rị ịsa nị. Dị ọ sị Ịbụrẹẹdị, dị ọ mẹ̀ aduwa tụ́ ọọ, dị ọ dà a, dị ọ sị yị wa nị.

Iruuku 9:16

Ijeesu ộ sị akara ẹẹhị ọnịrị ivovo ẹẹva ẹnẹẹ, dị ọ sị eyi tụ́ ẹba, dị ọ kụ́ Ohomorihi avọ tụ́ ọọ nị. Dị ọ dà akara ẹnẹẹ yị ezirẹma anị ka ẹnịnị ẹ̀ gà ẹ yị ọkọnị aza ẹnẹẹ nị.

Ịjọọnụ 6:11

Dị Ijeesu sị Ịbụrẹẹdị ẹnẹẹ, dị ọ kụ́ Ohomorihi avọ tụ́ ọọ, dị ọ ka à gà ẹ yị aza ana yaayịtẹ ịzọọ nị. Dị ọ ka à rẹ vavọọ gà ivovo ẹnẹ yị wa nị. Ọzọza ộ nyị, o mè sì.

Ịjọọnụ 6:23

Ama â nyị ẹpa ọsa ana hụrẹ Itiberiyasi vẹ, di e hi ọgụrị ịzị nị.

1 Anịkọrịntị 10:30

Màa sị Ohomorihi kụ́ avọ tụ́ ịnị ịsa dị mị vaa rị ọọ nị, sị ẹ vẹ dị a kụkụ aa yịị jị ịvịị mị? Ụvị ka maa rị ịsa ọnị mị raà kụ́ Ohomorihi avọ tụ́ ịnị anịị?”

1 Itimoti 4:4

Avaba ịsa oni Ohomorihi mẹ vị ene zoza, ẹyị nyị ana a vọrọ ka ọza òo nyị ịsị anị. Ama aza ẹ̀ẹ rị ọọ, dị ẹ̀ẹ kụ́ Ohomorihi avọ tụ́ ọọ!

1 Ịsamụwẹrị 2:35

Ohomorihi ka â nyị ọza ẹnẹsa ọnị ọnị vaa nyị ka ọ̀ vi ohirẹsụ irehi anị. Ọza ọnọọ vaa sị ayị ọnyaa mẹ̀ ụkọrọ ọnọọ. Avaba ịsa oni Ohomorihi òo sì ọ vaa mẹ nị. Ọ kà ọnị vaa mẹ ka ọza ọnọọ ọ̀ na ozi, di ezi ẹnẹẹ aa mẹ̀ ụkọrọ pooro ịda ọza ọnị ọnị Ohomorihi vaa nyị ka ọ̀ vị ohinọyị.

1 Ịsamụwẹrị 9:14

Dị Ịsọọrụ nịnị sị hu aa nọ ịnị ẹkụra nị. Ẹ́ màa ngụ ịnị ẹkụra kẹnẹ, di e re ka Ịsamụwẹrị ọnị raa hịrẹẹ vẹ, ọ maà nọ aha ịsọvọ nị.